| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. наг̇аробамасуд̇д̇аван̣н̣анаа
3. Nagaropamasuttavaṇṇanā
67. д̇ад̇ияз яад̇од̇и яад̣̇аа. бажжанд̇иманд̇и радтабарияанд̇з радтаавасаанз нивидтам̣. маж̇жхимад̣̇зсанаг̇арасса бана рагкаагижжам̣ над̇т̇и, д̇зна д̇ам̣ на г̇ахид̇ам̣. наг̇арабаригкаарзхи субаригкад̇анд̇и наг̇араалан̇гаарзхи алан̇гад̇ам̣. агаран̣ийяанд̇и агад̇д̇аб̣б̣ам̣ аж̇инияам̣. г̇амбхийранзмаад̇и г̇амбхийраааваадаа. суникаад̇аад̇и судту саннисийд̣̇аабид̇аа. д̇ам̣ банзд̇ам̣ зсигаат̇амбхам̣ идтагаахи ваа гаронд̇и силаахи ваа кад̣̇ираад̣̇ийхи ваа саараругкзхи. д̇ам̣ наг̇араг̇уд̇д̇ад̇т̇ааяа гаронд̇аа б̣ахинаг̇арз гаронд̇и, алан̇гаарад̇т̇ааяа гаронд̇аа анд̇онаг̇арз. д̇ам̣ идтагаамаяам̣ гаронд̇аа маханд̇ам̣ ааваадам̣ гад̇ваа жаяам̣ жинид̇ваа убари адтам̣сам̣ гад̇ваа суд̇хааяа лимбанд̇и. яад̣̇аа хад̇т̇инаа д̣̇анд̇зхи абхихад̇о на жалад̇и, д̇ад̣̇аа сулид̇д̇о наама ход̇и. силаат̇амбхаад̣̇аяоби адтам̣саа зва хонд̇и. д̇з сажз адта рад̇анаа хонд̇и, жад̇урад̇анамад̇д̇ам̣ ааваадз бависад̇и, жад̇урад̇анамад̇д̇ам̣ убари ход̇и. сол̣асарад̇анавийсад̇ирад̇анзсуби зсзва наяо. саб̣б̣зсан̃хи убад̣дхам̣ хздтаа ход̇и, убад̣дхам̣ убари. д̇з г̇омуд̇д̇аван̇гаа хонд̇и, д̇зна д̇зсам̣ анд̇арз бад̣̇арамаяам̣ гад̇ваа гаммам̣ гаад̇ум̣ саггаа ход̇и, д̇з бана гад̇ажид̇д̇агаммаа баг̇г̇ахид̇ад̣̇д̇хаж̇аава хонд̇и.
67. Tatiye yatoti yadā. Paccantimanti raṭṭhapariyante raṭṭhāvasāne niviṭṭhaṃ. Majjhimadesanagarassa pana rakkhākiccaṃ natthi, tena taṃ na gahitaṃ. Nagaraparikkhārehi suparikkhatanti nagarālaṅkārehi alaṅkataṃ. Akaraṇīyanti akattabbaṃ ajiniyaṃ. Gambhīranemāti gambhīraāvāṭā. Sunikhātāti suṭṭhu sannisīdāpitā. Taṃ panetaṃ esikāthambhaṃ iṭṭhakāhi vā karonti silāhi vā khadirādīhi vā sārarukkhehi. Taṃ nagaraguttatthāya karontā bahinagare karonti, alaṅkāratthāya karontā antonagare. Taṃ iṭṭhakāmayaṃ karontā mahantaṃ āvāṭaṃ katvā cayaṃ cinitvā upari aṭṭhaṃsaṃ katvā sudhāya limpanti. Yadā hatthinā dantehi abhihato na calati, tadā sulitto nāma hoti. Silāthambhādayopi aṭṭhaṃsā eva honti. Te sace aṭṭha ratanā honti, caturatanamattaṃ āvāṭe pavisati, caturatanamattaṃ upari hoti. Soḷasaratanavīsatiratanesupi eseva nayo. Sabbesañhi upaḍḍhaṃ heṭṭhā hoti, upaḍḍhaṃ upari. Te gomuttavaṅkā honti, tena tesaṃ antare padaramayaṃ katvā kammaṃ kātuṃ sakkā hoti, te pana katacittakammā paggahitaddhajāva honti.
барикаад̇и баригкибид̇ваа тид̇амаад̇игаа. анубарияааяабат̇од̇и анд̇о баагаарасса баагаарзна сад̣̇д̇хим̣ г̇ад̇о махаабат̇о, яад̇т̇а тид̇аа б̣ахибаагаарз тид̇зхи сад̣̇д̇хим̣ яуж̇жханд̇и. салааганд̇и сарад̇омараад̣̇иниссаг̇г̇ияаавуд̇хам̣. ж̇званиганд̇и згад̇од̇хаараад̣̇исзсаавуд̇хам̣.
Parikhāti parikkhipitvā ṭhitamātikā. Anupariyāyapathoti anto pākārassa pākārena saddhiṃ gato mahāpatho, yattha ṭhitā bahipākāre ṭhitehi saddhiṃ yujjhanti. Salākanti saratomarādinissaggiyāvudhaṃ. Jevanikanti ekatodhārādisesāvudhaṃ.
хад̇т̇аарохаад̇и саб̣б̣зби хад̇т̇иаажарияахад̇т̇ивзж̇ж̇ахад̇т̇иб̣анд̇хаад̣̇аяо. ассаарохаад̇и саб̣б̣зби ассаажарияаассавзж̇ж̇аассаб̣анд̇хаад̣̇аяо. рат̇игаад̇и саб̣б̣зби рат̇аажарияарат̇аяод̇харат̇арагкаад̣̇аяо. д̇хануг̇г̇ахаад̇и иссаасаа. жзлагаад̇и яз яуд̣̇д̇хз ж̇аяад̣̇д̇хаж̇ам̣ г̇ахзд̇ваа бурад̇о г̇ажчанд̇и. жалагаад̇и ‘‘ид̇ха ран̃н̃о таанам̣ ход̇у, ид̇ха асугамахаамад̇д̇ассаа’’д̇и звам̣ сзнааб̣яуухагаарагаа. бин̣д̣ад̣̇ааяигаад̇и саахасигамахааяод̇хаа. д̇з гира барасзнам̣ бависид̇ваа бин̣д̣абин̣д̣амива чзд̇ваа чзд̇ваа д̣̇аяанд̇и, уббад̇ид̇ваа ниг̇г̇ажчанд̇ийд̇и ад̇т̇о. яз ваа сан̇г̇аамамаж̇жхз яод̇хаанам̣ бхад̇д̇абаанийяам̣ г̇ахзд̇ваа бависанд̇и, д̇зсамбзд̇ам̣ наамам̣. уг̇г̇аа рааж̇абуд̇д̇аад̇и уг̇г̇ад̇уг̇г̇ад̇аа сан̇г̇аамааважараа рааж̇абуд̇д̇аа. багканд̣̇инод̇и яз ‘‘гасса сийсам̣ ваа аавуд̇хам̣ ваа аахараамаа’’д̇и вад̇ваа ‘‘асугассаа’’д̇и вуд̇д̇аа сан̇г̇аамам̣ багканд̣̇ид̇ваа д̇ад̣̇зва аахаранд̇и, имз багканд̣̇анд̇ийд̇и багканд̣̇ино. махаанааг̇аа вияа махаанааг̇аа, хад̇т̇иаад̣̇ийсуби абхимукам̣ ааг̇ажчанд̇зсу анивад̇д̇ияаяод̇хаанам̣ зд̇ам̣ ад̇хиважанам̣. суураад̇и згасуураа, яз саж̇аалигааби саваммигааби самуд̣̇д̣̇ам̣ д̇арид̇ум̣ саггонд̇и. жаммаяод̇хинод̇и яз жаммаган̃жугам̣ ваа бависид̇ваа сарабарид̇д̇аан̣ажаммам̣ ваа г̇ахзд̇ваа яуж̇жханд̇и. д̣̇аасагабуд̇д̇аад̇и б̣алавасинзхаа гхарад̣̇аасаяод̇хаа . д̣̇овааригод̇и д̣̇ваарабаалаго. ваасаналзбанасамбаннод̇и ваасанзна саб̣б̣авиварабадижчаад̣̇анзна суд̇хаалзбзна самбанно. б̣ахи ваа каан̣убаагаарасан̇каад̇зна ваасанзна гханамадтзна жа суд̇хаалзбзна самбанно бун̣н̣агхадабанд̇им̣ д̣̇ассзд̇ваа гад̇ажид̇д̇агаммабаг̇г̇ахид̇ад̣̇д̇хаж̇о. д̇ин̣агадтод̣̇аганд̇и хад̇т̇иассаад̣̇ийнам̣ гхаасад̇т̇ааяа г̇зхаанан̃жа чаад̣̇анад̇т̇ааяа аахарид̇ваа б̣ахуусу таанзсу табид̇ад̇ин̣ан̃жа, г̇зхагаран̣абажанаад̣̇ийнам̣ ад̇т̇ааяа аахарид̇ваа табид̇агадтан̃жа, яанд̇зхи бавзсзд̇ваа богкаран̣ийсу табид̇ауд̣̇аган̃жа. саннижид̇ам̣ ход̇ийд̇и бадигажжзва анзгзсу таанзсу судту нижид̇ам̣ ход̇и. аб̣бханд̇араанам̣ рад̇ияаад̇и анд̇онаг̇араваасийнам̣ рад̇иад̇т̇ааяа. абарид̇ассааяаад̇и д̇аасам̣ анаабаж̇ж̇анад̇т̇ааяа. саалияаваганд̇и наанаббагаараа саалияо жзва яаваа жа. д̇иламуг̇г̇амаасаабаран̣н̣анд̇и д̇иламуг̇г̇амаасаа жа сзсаабаран̣н̣ан̃жа.
Hatthārohāti sabbepi hatthiācariyahatthivejjahatthibandhādayo. Assārohāti sabbepi assācariyaassavejjaassabandhādayo. Rathikāti sabbepi rathācariyarathayodharatharakkhādayo. Dhanuggahāti issāsā. Celakāti ye yuddhe jayaddhajaṃ gahetvā purato gacchanti. Calakāti ‘‘idha rañño ṭhānaṃ hotu, idha asukamahāmattassā’’ti evaṃ senābyūhakārakā. Piṇḍadāyikāti sāhasikamahāyodhā. Te kira parasenaṃ pavisitvā piṇḍapiṇḍamiva chetvā chetvā dayanti, uppatitvā niggacchantīti attho. Ye vā saṅgāmamajjhe yodhānaṃ bhattapānīyaṃ gahetvā pavisanti, tesampetaṃ nāmaṃ. Uggā rājaputtāti uggatuggatā saṅgāmāvacarā rājaputtā. Pakkhandinoti ye ‘‘kassa sīsaṃ vā āvudhaṃ vā āharāmā’’ti vatvā ‘‘asukassā’’ti vuttā saṅgāmaṃ pakkhanditvā tadeva āharanti, ime pakkhandantīti pakkhandino. Mahānāgā viya mahānāgā, hatthiādīsupi abhimukhaṃ āgacchantesu anivattiyayodhānaṃ etaṃ adhivacanaṃ. Sūrāti ekasūrā, ye sajālikāpi savammikāpi samuddaṃ tarituṃ sakkonti. Cammayodhinoti ye cammakañcukaṃ vā pavisitvā saraparittāṇacammaṃ vā gahetvā yujjhanti. Dāsakaputtāti balavasinehā gharadāsayodhā . Dovārikoti dvārapālako. Vāsanalepanasampannoti vāsanena sabbavivarapaṭicchādanena sudhālepena sampanno. Bahi vā khāṇupākārasaṅkhātena vāsanena ghanamaṭṭhena ca sudhālepena sampanno puṇṇaghaṭapantiṃ dassetvā katacittakammapaggahitaddhajo. Tiṇakaṭṭhodakanti hatthiassādīnaṃ ghāsatthāya gehānañca chādanatthāya āharitvā bahūsu ṭhānesu ṭhapitatiṇañca, gehakaraṇapacanādīnaṃ atthāya āharitvā ṭhapitakaṭṭhañca, yantehi pavesetvā pokkharaṇīsu ṭhapitaudakañca. Sannicitaṃ hotīti paṭikacceva anekesu ṭhānesu suṭṭhu nicitaṃ hoti. Abbhantarānaṃ ratiyāti antonagaravāsīnaṃ ratiatthāya. Aparitassāyāti tāsaṃ anāpajjanatthāya. Sāliyavakanti nānappakārā sāliyo ceva yavā ca. Tilamuggamāsāparaṇṇanti tilamuggamāsā ca sesāparaṇṇañca.
ид̣̇аани яасмаа д̇ат̇ааг̇ад̇асса наг̇арз гаммам̣ наама над̇т̇и , наг̇арасад̣̇исам̣ бана арияасаавагам̣, наг̇арабаригкаарасад̣̇исз жа сад̇д̇а д̇хаммз, жад̇уаахаарасад̣̇исаани жа жад̇д̇аари жхаанаани д̣̇ассзд̇ваа згаад̣̇асасу таанзсу арахад̇д̇ам̣ багкибид̇ваа д̣̇зсанам̣ виниваддзссаамийд̇и аяам̣ убамаа аабхад̇аа. д̇асмаа д̇ам̣ д̣̇зсанам̣ багаасзд̇ум̣ ид̣̇ам̣ звамзва код̇иаад̣̇и аарад̣̇д̇хам̣. д̇ад̇т̇а сад̣̇д̇хаммзхийд̇и суд̇хаммзхи. сад̣̇д̇ход̇и огаббанасад̣̇д̇хааяа жзва бажжагкасад̣̇д̇хааяа жа саманнааг̇ад̇о. д̇ад̇т̇а д̣̇аанасийлаад̣̇ийнам̣ палам̣ сад̣̇д̣̇ахид̇ваа д̣̇аанаад̣̇ибун̃н̃агаран̣з сад̣̇д̇хаа огаббанасад̣̇д̇хаа наама. маг̇г̇зна ааг̇ад̇асад̣̇д̇хаа бажжагкасад̣̇д̇хаа наама. басаад̣̇асад̣̇д̇хаад̇иби зсаа зва. д̇ассаа лагкан̣аад̣̇ийхи вибхааг̇о взд̣̇ид̇аб̣б̣о.
Idāni yasmā tathāgatassa nagare kammaṃ nāma natthi , nagarasadisaṃ pana ariyasāvakaṃ, nagaraparikkhārasadise ca satta dhamme, catuāhārasadisāni ca cattāri jhānāni dassetvā ekādasasu ṭhānesu arahattaṃ pakkhipitvā desanaṃ vinivaṭṭessāmīti ayaṃ upamā ābhatā. Tasmā taṃ desanaṃ pakāsetuṃ idaṃ evameva khotiādi āraddhaṃ. Tattha saddhammehīti sudhammehi. Saddhoti okappanasaddhāya ceva paccakkhasaddhāya ca samannāgato. Tattha dānasīlādīnaṃ phalaṃ saddahitvā dānādipuññakaraṇe saddhā okappanasaddhā nāma. Maggena āgatasaddhā paccakkhasaddhā nāma. Pasādasaddhātipi esā eva. Tassā lakkhaṇādīhi vibhāgo veditabbo.
‘‘самбагканд̣̇аналагкан̣аа жа, махаарааж̇а, сад̣̇д̇хаа самбасаад̣̇аналагкан̣аа жаа’’д̇и (ми. ба. 2.1.10) хи важанад̇о ид̣̇ам̣ сад̣̇д̇хааяа лагкан̣ам̣ наама. ‘‘д̇ийхи, бхигкавз, таанзхи сад̣̇д̇хо басанно взд̣̇ид̇аб̣б̣о. гад̇амзхи д̇ийхи? сийлаванд̇аанам̣ д̣̇ассанагаамо ход̇ий’’д̇иаад̣̇инаа (а. ни. 3.42) наязна вуд̇д̇ам̣ бана сад̣̇д̇хааяа нимид̇д̇ам̣ наама. ‘‘го жаахааро сад̣̇д̇хааяа, сад̣̇д̇хаммассавананд̇исса важанийяа’’нд̇и (а. ни. 10.61) аяам̣ банассаа аахааро наама. ‘‘сад̣̇д̇хаабаб̣б̣аж̇ид̇асса, бхигкавз, бхигкуно аяам̣ ануд̇хаммо ход̇и, яам̣ руубз ниб̣б̣ид̣̇ааб̣ахуло вихариссад̇ий’’д̇и аяамасса ануд̇хаммо наама. ‘‘сад̣̇д̇хаа б̣анд̇хад̇и баат̇зяяам̣, сирий бхог̇аанамаасаяо’’ (сам̣. ни. 1.79). ‘‘сад̣̇д̇хаа д̣̇уд̇ияаа бурисасса ход̇и’’ (сам̣. ни. 1.36). ‘‘сад̣̇д̇хааяа д̇арад̇и огхам̣’’ (сам̣. ни. 1.246). ‘‘сад̣̇д̇хаа б̣ийж̇ам̣ д̇або вудти’’ (су. ни. 77; сам̣. ни. 1.197). ‘‘сад̣̇д̇хаахад̇т̇о махаанааг̇о. убзкаасзд̇ад̣̇анд̇аваа’’д̇иаад̣̇ийсу бана суд̇д̇зсу зд̇иссаа б̣ад̣̇д̇хабхад̇д̇абудаад̣̇исаригкад̇ааяа анзгасарасад̇аа бхаг̇авад̇аа багаасид̇аа. имасмим̣ бана наг̇аробамасуд̇д̇анд̇з зсаа ажаласуббад̇идтид̇ад̇ааяа зсигаат̇амбхасад̣̇исаа гад̇ваа д̣̇ассид̇аа.
‘‘Sampakkhandanalakkhaṇā ca, mahārāja, saddhā sampasādanalakkhaṇā cā’’ti (mi. pa. 2.1.10) hi vacanato idaṃ saddhāya lakkhaṇaṃ nāma. ‘‘Tīhi, bhikkhave, ṭhānehi saddho pasanno veditabbo. Katamehi tīhi? Sīlavantānaṃ dassanakāmo hotī’’tiādinā (a. ni. 3.42) nayena vuttaṃ pana saddhāya nimittaṃ nāma. ‘‘Ko cāhāro saddhāya, saddhammassavanantissa vacanīya’’nti (a. ni. 10.61) ayaṃ panassā āhāro nāma. ‘‘Saddhāpabbajitassa, bhikkhave, bhikkhuno ayaṃ anudhammo hoti, yaṃ rūpe nibbidābahulo viharissatī’’ti ayamassa anudhammo nāma. ‘‘Saddhā bandhati pātheyyaṃ, sirī bhogānamāsayo’’ (saṃ. ni. 1.79). ‘‘Saddhā dutiyā purisassa hoti’’ (saṃ. ni. 1.36). ‘‘Saddhāya tarati oghaṃ’’ (saṃ. ni. 1.246). ‘‘Saddhā bījaṃ tapo vuṭṭhi’’ (su. ni. 77; saṃ. ni. 1.197). ‘‘Saddhāhattho mahānāgo. Upekhāsetadantavā’’tiādīsu pana suttesu etissā baddhabhattapuṭādisarikkhatāya anekasarasatā bhagavatā pakāsitā. Imasmiṃ pana nagaropamasuttante esā acalasuppatiṭṭhitatāya esikāthambhasadisā katvā dassitā.
сад̣̇д̇хзсигод̇и сад̣̇д̇хам̣ зсигаат̇амбхам̣ гад̇ваа арияасааваго агусалам̣ баж̇ахад̇ийд̇и иминаа наязна саб̣б̣абад̣̇зсу яож̇анаа гаад̇аб̣б̣аа. абижзд̇т̇а хирод̇д̇аббзхи д̇ийсу д̣̇ваарзсу сам̣варо самбаж̇ж̇ад̇и, со жад̇убаарисуд̣̇д̇хисийлам̣ ход̇и . ид̇и имасмим̣ суд̇д̇з згаад̣̇асасу таанзсу арахад̇д̇ам̣ багкибид̇ваа д̣̇зсанааяа гуудам̣ г̇ахид̇анд̇и взд̣̇ид̇аб̣б̣ам̣.
Saddhesikoti saddhaṃ esikāthambhaṃ katvā ariyasāvako akusalaṃ pajahatīti iminā nayena sabbapadesu yojanā kātabbā. Apicettha hirottappehi tīsu dvāresu saṃvaro sampajjati, so catupārisuddhisīlaṃ hoti . Iti imasmiṃ sutte ekādasasu ṭhānesu arahattaṃ pakkhipitvā desanāya kūṭaṃ gahitanti veditabbaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. наг̇аробамасуд̇д̇ам̣ • 3. Nagaropamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. наг̇аробамасуд̇д̇аван̣н̣анаа • 3. Nagaropamasuttavaṇṇanā
