| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3. наг̇аробамасуд̇д̇аван̣н̣анаа
3. Nagaropamasuttavaṇṇanā
67. д̇ад̇ияз бажжанд̇з бхавам̣ бажжанд̇имам̣. ‘‘рат̇о сийлабаригкааро, жхаанагко жаггавийрияо’’д̇иаад̣̇ийсу (сам̣. ни. 5.4) вияа алан̇гаараважано баригкаарасад̣̇д̣̇од̇и ааха ‘‘наг̇араалан̇гаарзхи алан̇гад̇а’’нд̇и. бариваараважаноби ваддад̇иязва ‘‘сад̇д̇а самаад̇хибаригкаараа’’д̇иаад̣̇ийсу (д̣̇ий. ни. 3.330) вияа. нзмам̣ вужжад̇и т̇амбхаад̣̇ийхи анубад̇абхуумиббад̣̇зсод̇и ааха ‘‘г̇амбхийраааваадаа’’д̇и, г̇амбхийрам̣ бхуумим̣ ануббавидтаад̇и ад̇т̇о. судту саннисийд̣̇аабид̇аад̇и бхуумим̣ никанид̇ваа саммад̣̇зва табид̇аа.
67. Tatiye paccante bhavaṃ paccantimaṃ. ‘‘Ratho sīlaparikkhāro, jhānakkho cakkavīriyo’’tiādīsu (saṃ. ni. 5.4) viya alaṅkāravacano parikkhārasaddoti āha ‘‘nagarālaṅkārehi alaṅkata’’nti. Parivāravacanopi vaṭṭatiyeva ‘‘satta samādhiparikkhārā’’tiādīsu (dī. ni. 3.330) viya. Nemaṃ vuccati thambhādīhi anupatabhūmippadesoti āha ‘‘gambhīraāvāṭā’’ti, gambhīraṃ bhūmiṃ anuppaviṭṭhāti attho. Suṭṭhu sannisīdāpitāti bhūmiṃ nikhanitvā sammadeva ṭhapitā.
анубарияааязд̇и зд̇знаад̇и анубарияааяо, соязва бат̇од̇и анубарияааяабат̇о, барид̇о баагаарасса ануяааяамаг̇г̇о.
Anupariyāyeti etenāti anupariyāyo, soyeva pathoti anupariyāyapatho, parito pākārassa anuyāyamaggo.
хад̇т̇им̣ аароханд̇и аарохаабаяанд̇и жаад̇и хад̇т̇аарохаа (д̣̇ий. ни. дий. 1.163). язна хи баяог̇зна бурисо хад̇т̇ино аароханаяог̇г̇о ход̇и, хад̇т̇исса д̇ам̣ баяог̇ам̣ вид̇хааяанд̇аанам̣ саб̣б̣зсамбзд̇зсам̣ г̇ахан̣ам̣. д̇знааха ‘‘саб̣б̣збий’’д̇иаад̣̇и. д̇ад̇т̇а хад̇т̇аажарияаа наама яз хад̇т̇ино хад̇т̇аарохагаанан̃жа сигкаабагаа. хад̇т̇ивзж̇ж̇аа наама хад̇т̇ибхисаггаа. хад̇т̇иб̣анд̇хаа наама хад̇т̇ийнам̣ баад̣̇арагкагаа. аад̣̇и-сад̣̇д̣̇зна хад̇т̇ийнам̣ яавабад̣̇ааяагаад̣̇игз сан̇г̇ан̣хаад̇и. ассаарохаа рат̇игаад̇и зд̇т̇ааби зсзва наяо. рат̇з нияуд̇д̇аа рат̇игаа. рат̇арагкаа наама рат̇асса аан̣ирагкагаа. д̇ханум̣ г̇ан̣ханд̇и г̇ан̣хаабзнд̇и жаад̇и д̇хануг̇г̇ахаа, иссаасаа д̇ханусиббасса сигкаабагаа жа. д̇знааха ‘‘д̇хануаажарияаа иссаасаа’’д̇и. жзлзна жзлабадаагааяа яуд̣̇д̇хз аганд̇и г̇ажчанд̇ийд̇и жзлагаад̇и ааха – ‘‘яз яуд̣̇д̇хз ж̇аяад̣̇д̇хаж̇ам̣ г̇ахзд̇ваа бурад̇о г̇ажчанд̇ий’’д̇и. яат̇аа д̇ат̇аа тид̇з сзнигз б̣руухагаран̣авасзна д̇ад̇о д̇ад̇о жалаяанд̇и ужжаалзнд̇ийд̇и жалагаа. сагун̣аг̇гхиаад̣̇аяо вияа мам̣сабин̣д̣ам̣ барасзнаасамуухам̣ саахасигамахааяод̇хад̇ааяа чзд̇ваа чзд̇ваа д̣̇аяанд̇и уббад̇ид̇ваа г̇ажчанд̇ийд̇и бин̣д̣ад̣̇ааяагаа. д̣̇уд̇ияавигаббз бин̣д̣з д̣̇аяанд̇и ж̇анасаммад̣̇д̣̇з уббад̇анд̇аа вияа г̇ажчанд̇ийд̇и бин̣д̣ад̣̇ааяагаад̇и ад̇т̇о взд̣̇ид̇аб̣б̣о. уг̇г̇ад̇уг̇г̇ад̇аад̇и т̇аамаж̇авабараггамаад̣̇ивасзна ад̇ивияа уг̇г̇ад̇аа, уд̣̇аг̇г̇аад̇и ад̇т̇о. багканд̣̇анд̇ийд̇и ад̇д̇ано вийрасуурабхаавзна асаж̇ж̇амаанаа барасзнам̣ анубависанд̇ийд̇и ад̇т̇о. т̇аамаж̇аваб̣алабараггамаад̣̇исамбад̇д̇ияаа махаанааг̇аа вияа махаанааг̇аа. згасуураад̇и згаагисуураа ад̇д̇ано суурабхаавзнзва згаагино худ̇ваа яуж̇жханагаа. саж̇аалигаад̇и саваммигаа. сарабарид̇д̇аан̣анд̇и жаммабарисиб̣б̣ид̇ам̣ кздагам̣, жаммамаяам̣ ваа палагам̣. гхарад̣̇аасаяод̇хаад̇и ад̇д̇ано д̣̇аасаяод̇хаа.
Hatthiṃ ārohanti ārohāpayanti cāti hatthārohā (dī. ni. ṭī. 1.163). Yena hi payogena puriso hatthino ārohanayoggo hoti, hatthissa taṃ payogaṃ vidhāyantānaṃ sabbesampetesaṃ gahaṇaṃ. Tenāha ‘‘sabbepī’’tiādi. Tattha hatthācariyā nāma ye hatthino hatthārohakānañca sikkhāpakā. Hatthivejjā nāma hatthibhisakkā. Hatthibandhā nāma hatthīnaṃ pādarakkhakā. Ādi-saddena hatthīnaṃ yavapadāyakādike saṅgaṇhāti. Assārohā rathikāti etthāpi eseva nayo. Rathe niyuttā rathikā. Ratharakkhā nāma rathassa āṇirakkhakā. Dhanuṃ gaṇhanti gaṇhāpenti cāti dhanuggahā, issāsā dhanusippassa sikkhāpakā ca. Tenāha ‘‘dhanuācariyā issāsā’’ti. Celena celapaṭākāya yuddhe akanti gacchantīti celakāti āha – ‘‘ye yuddhe jayaddhajaṃ gahetvā purato gacchantī’’ti. Yathā tathā ṭhite senike brūhakaraṇavasena tato tato calayanti uccālentīti calakā. Sakuṇagghiādayo viya maṃsapiṇḍaṃ parasenāsamūhaṃ sāhasikamahāyodhatāya chetvā chetvā dayanti uppatitvā gacchantīti piṇḍadāyakā. Dutiyavikappe piṇḍe dayanti janasammadde uppatantā viya gacchantīti piṇḍadāyakāti attho veditabbo. Uggatuggatāti thāmajavaparakkamādivasena ativiya uggatā, udaggāti attho. Pakkhandantīti attano vīrasūrabhāvena asajjamānā parasenaṃ anupavisantīti attho. Thāmajavabalaparakkamādisampattiyā mahānāgā viya mahānāgā. Ekasūrāti ekākisūrā attano sūrabhāveneva ekākino hutvā yujjhanakā. Sajālikāti savammikā. Saraparittāṇanti cammaparisibbitaṃ kheṭakaṃ, cammamayaṃ vā phalakaṃ. Gharadāsayodhāti attano dāsayodhā.
самбагканд̣̇аналагкан̣аад̇и сад̣̇д̇хзяяавад̇т̇уно звамзд̇анд̇и самбагканд̣̇аналагкан̣аа. самбасаад̣̇аналагкан̣аад̇и басийд̣̇ид̇аб̣б̣з вад̇т̇усмим̣ басийд̣̇аналагкан̣аа. огаббанасад̣̇д̇хаад̇и огганд̇ид̇ваа багканд̣̇ид̇ваа ад̇химужжанам̣. басаад̣̇анийяз вад̇т̇усмим̣ басийд̣̇анам̣ басаад̣̇асад̣̇д̇хаа. аяам̣ ануд̇хаммод̇и аяам̣ наваннам̣ логуд̇д̇арад̇хаммаанам̣ ануломад̇хаммо. ниб̣б̣ид̣̇ааб̣ахулод̇и угган̣танааб̣ахуло. сад̣̇д̇хаа б̣анд̇хад̇и баат̇зяяанд̇и сад̣̇д̇хаа наамааяам̣ сад̇д̇асса маран̣авасзна махаабат̇ам̣ сам̣важ̇ад̇о махааганд̇аарам̣ бадибаж̇ж̇ад̇о махаавид̣̇уг̇г̇ам̣ багканд̣̇ад̇о баат̇зяяабудам̣ б̣анд̇хад̇и, самб̣алам̣ виссаж̇ж̇зд̇ийд̇и ад̇т̇о. сад̣̇д̇хан̃хи уббаад̣̇зд̇ваа д̣̇аанам̣ д̣̇зд̇и, сийлам̣ рагкад̇и, убосат̇агаммам̣ гарод̇и. д̇знзд̇ам̣ вуд̇д̇ам̣ ‘‘сад̣̇д̇хаа б̣анд̇хад̇и баат̇зяяа’’нд̇и. сирийд̇и иссарияам̣. иссарияз хи абхимукийбхууд̇з т̇алад̇оби ж̇алад̇оби бхог̇аа ааг̇ажчанд̇иязва. д̇знзд̇ам̣ вуд̇д̇ам̣ ‘‘сирий бхог̇аанамаасаяо’’д̇и. сад̣̇д̇хаа д̣̇уд̇ияаа бурисасса ход̇ийд̇и бурисасса д̣̇звалогз, мануссалогз жзва ниб̣б̣аанан̃жа г̇ажчанд̇асса сад̣̇д̇хаа д̣̇уд̇ияаа ход̇и, сахааяагижжам̣ саад̇хзд̇и. бхад̇д̇абудаад̣̇ийд̇и аад̣̇и-сад̣̇д̣̇зна д̣̇уд̇ияигаад̣̇ийнам̣ сан̇г̇ахо д̣̇адтаб̣б̣о. анзгасарасад̇аад̇и анзгасабхаавад̇аа, анзгагижжад̇аа ваа. сзсам̣ сувин̃н̃зяяамзва.
Sampakkhandanalakkhaṇāti saddheyyavatthuno evametanti sampakkhandanalakkhaṇā. Sampasādanalakkhaṇāti pasīditabbe vatthusmiṃ pasīdanalakkhaṇā. Okappanasaddhāti okkantitvā pakkhanditvā adhimuccanaṃ. Pasādanīye vatthusmiṃ pasīdanaṃ pasādasaddhā. Ayaṃ anudhammoti ayaṃ navannaṃ lokuttaradhammānaṃ anulomadhammo. Nibbidābahuloti ukkaṇṭhanābahulo. Saddhā bandhati pātheyyanti saddhā nāmāyaṃ sattassa maraṇavasena mahāpathaṃ saṃvajato mahākantāraṃ paṭipajjato mahāviduggaṃ pakkhandato pātheyyapuṭaṃ bandhati, sambalaṃ vissajjetīti attho. Saddhañhi uppādetvā dānaṃ deti, sīlaṃ rakkhati, uposathakammaṃ karoti. Tenetaṃ vuttaṃ ‘‘saddhā bandhati pātheyya’’nti. Sirīti issariyaṃ. Issariye hi abhimukhībhūte thalatopi jalatopi bhogā āgacchantiyeva. Tenetaṃ vuttaṃ ‘‘sirī bhogānamāsayo’’ti. Saddhā dutiyā purisassa hotīti purisassa devaloke, manussaloke ceva nibbānañca gacchantassa saddhā dutiyā hoti, sahāyakiccaṃ sādheti. Bhattapuṭādīti ādi-saddena dutiyikādīnaṃ saṅgaho daṭṭhabbo. Anekasarasatāti anekasabhāvatā, anekakiccatā vā. Sesaṃ suviññeyyameva.
наг̇аробамасуд̇д̇аван̣н̣анаа нидтид̇аа.
Nagaropamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. наг̇аробамасуд̇д̇ам̣ • 3. Nagaropamasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. наг̇аробамасуд̇д̇аван̣н̣анаа • 3. Nagaropamasuttavaṇṇanā
