| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৮. নাগসমালৰগ্গো
8. Nāgasamālavaggo
১. নাগসমালত্থেরঅপদানং
1. Nāgasamālattheraapadānaṃ
১.
1.
‘‘অপাটলিং অহং পুপ্ফং, উজ্ঝিতং সুমহাপথে।
‘‘Apāṭaliṃ ahaṃ pupphaṃ, ujjhitaṃ sumahāpathe;
থূপম্হি অভিরোপেসিং, সিখিনো লোকবন্ধুনো॥
Thūpamhi abhiropesiṃ, sikhino lokabandhuno.
২.
2.
‘‘একত্তিংসে ইতো কপ্পে, যং কম্মমকরিং তদা।
‘‘Ekattiṃse ito kappe, yaṃ kammamakariṃ tadā;
দুগ্গতিং নাভিজানামি, থূপপূজাযিদং ফলং॥
Duggatiṃ nābhijānāmi, thūpapūjāyidaṃ phalaṃ.
৩.
3.
সত্তরতনসম্পন্নো, চক্কৰত্তী মহব্বলো॥
Sattaratanasampanno, cakkavattī mahabbalo.
৪.
4.
‘‘পটিসম্ভিদা চতস্সো, ৰিমোক্খাপি চ অট্ঠিমে।
‘‘Paṭisambhidā catasso, vimokkhāpi ca aṭṭhime;
ছল়ভিঞ্ঞা সচ্ছিকতা, কতং বুদ্ধস্স সাসনং’’॥
Chaḷabhiññā sacchikatā, kataṃ buddhassa sāsanaṃ’’.
ইত্থং সুদং আযস্মা নাগসমালো থেরো ইমা গাথাযো অভাসিত্থাতি।
Itthaṃ sudaṃ āyasmā nāgasamālo thero imā gāthāyo abhāsitthāti.
নাগসমালত্থেরস্সাপদানং পঠমং।
Nāgasamālattherassāpadānaṃ paṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ১. নাগসমালত্থেরঅপদানৰণ্ণনা • 1. Nāgasamālattheraapadānavaṇṇanā
