| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๘. นาคสมาลวโคฺค
8. Nāgasamālavaggo
๑. นาคสมาลเตฺถรอปทานํ
1. Nāgasamālattheraapadānaṃ
๑.
1.
‘‘อปาฎลิํ อหํ ปุปฺผํ, อุชฺฌิตํ สุมหาปเถ;
‘‘Apāṭaliṃ ahaṃ pupphaṃ, ujjhitaṃ sumahāpathe;
ถูปมฺหิ อภิโรเปสิํ, สิขิโน โลกพนฺธุโนฯ
Thūpamhi abhiropesiṃ, sikhino lokabandhuno.
๒.
2.
‘‘เอกตฺติํเส อิโต กเปฺป, ยํ กมฺมมกริํ ตทา;
‘‘Ekattiṃse ito kappe, yaṃ kammamakariṃ tadā;
ทุคฺคติํ นาภิชานามิ, ถูปปูชายิทํ ผลํฯ
Duggatiṃ nābhijānāmi, thūpapūjāyidaṃ phalaṃ.
๓.
3.
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๔.
4.
‘‘ปฎิสมฺภิทา จตโสฺส, วิโมกฺขาปิ จ อฎฺฐิเม;
‘‘Paṭisambhidā catasso, vimokkhāpi ca aṭṭhime;
ฉฬภิญฺญา สจฺฉิกตา, กตํ พุทฺธสฺส สาสนํ’’ฯ
Chaḷabhiññā sacchikatā, kataṃ buddhassa sāsanaṃ’’.
อิตฺถํ สุทํ อายสฺมา นาคสมาโล เถโร อิมา คาถาโย อภาสิตฺถาติฯ
Itthaṃ sudaṃ āyasmā nāgasamālo thero imā gāthāyo abhāsitthāti.
นาคสมาลเตฺถรสฺสาปทานํ ปฐมํฯ
Nāgasamālattherassāpadānaṃ paṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑. นาคสมาลเตฺถรอปทานวณฺณนา • 1. Nāgasamālattheraapadānavaṇṇanā
