| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
8. நாக³ஸமாலவக்³கோ³
8. Nāgasamālavaggo
1. நாக³ஸமாலத்தே²ரஅபதா³னவண்ணனா
1. Nāgasamālattheraapadānavaṇṇanā
ஆபாடலிங் அஹங் புப்ப²ந்திஆதி³கங் ஆயஸ்மதோ நாக³ஸமாலத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ ஸிகி²ஸ்ஸ ப⁴க³வதோ காலே ஏகஸ்மிங் குலகே³ஹே நிப்³ப³த்தோ விஞ்ஞுதங் பத்தோ க⁴ராவாஸங் ஸண்ட²பெத்வா ததா²ரூபஸஜ்ஜனஸங்ஸக்³க³ஸ்ஸ அலாபே⁴ன ஸத்த²ரி த⁴ரமானகாலே த³ஸ்ஸனஸவனபூஜாகம்மமகரித்வா பரினிப்³பு³தகாலே தஸ்ஸ ப⁴க³வதோ ஸாரீரிகதா⁴துங் நித³ஹித்வா கதசேதியம்ஹி சித்தங் பஸாதெ³த்வா பாடலிபுப்ப²ங் பூஜெத்வா ஸோமனஸ்ஸங் உப்பாதெ³த்வா யாவதாயுகங் ட²த்வா தேனேவ ஸோமனஸ்ஸேன ததோ காலங் கதோ துஸிதாதீ³ஸு ச²ஸு தே³வலோகேஸு ஸுக²மனுப⁴வித்வா அபரபா⁴கே³ மனுஸ்ஸேஸு மனுஸ்ஸஸம்பத்திங் அனுப⁴வித்வா இமஸ்மிங் பு³த்³து⁴ப்பாதே³ குலகே³ஹே நிப்³ப³த்தோ விஞ்ஞுதங் பத்தோ நாக³ருக்க²பல்லவகோமளஸதி³ஸஸரீரத்தா நாக³ஸமாலோதி மாதாபிதூஹி கதனாமதெ⁴ய்யோ ப⁴க³வதி பஸன்னோ பப்³ப³ஜித்வா நசிரஸ்ஸேவ அரஹா அஹோஸி.
Āpāṭaliṃahaṃ pupphantiādikaṃ āyasmato nāgasamālattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto sikhissa bhagavato kāle ekasmiṃ kulagehe nibbatto viññutaṃ patto gharāvāsaṃ saṇṭhapetvā tathārūpasajjanasaṃsaggassa alābhena satthari dharamānakāle dassanasavanapūjākammamakaritvā parinibbutakāle tassa bhagavato sārīrikadhātuṃ nidahitvā katacetiyamhi cittaṃ pasādetvā pāṭalipupphaṃ pūjetvā somanassaṃ uppādetvā yāvatāyukaṃ ṭhatvā teneva somanassena tato kālaṃ kato tusitādīsu chasu devalokesu sukhamanubhavitvā aparabhāge manussesu manussasampattiṃ anubhavitvā imasmiṃ buddhuppāde kulagehe nibbatto viññutaṃ patto nāgarukkhapallavakomaḷasadisasarīrattā nāgasamāloti mātāpitūhi katanāmadheyyo bhagavati pasanno pabbajitvā nacirasseva arahā ahosi.
1. ஸோ பச்சா² அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ ஆபாடலிங் அஹங் புப்ப²ந்திஆதி³மாஹ. தத்த² ஆபாடலிந்தி ஆ ஸமந்ததோ, ஆத³ரேன வா பாடலிபுப்ப²ங் க³ஹெத்வா அஹங் தூ²பம்ஹி அபி⁴ரோபேஸிங் பூஜேஸிந்தி அத்தோ². உஜ்ஜி²தங் ஸுமஹாபதே²தி ஸப்³ப³னக³ரவாஸீனங் வந்த³னபூஜனத்தா²ய மஹாபதே² நக³ரமஜ்ஜே² வீதி²யங் உஜ்ஜி²தங் உட்டா²பிதங், இட்ட²ககம்மஸுதா⁴கம்மாதீ³ஹி நிப்பா²தி³தந்தி அத்தோ². ஸேஸங் ஹெட்டா² வுத்தனயத்தா உத்தானத்த²த்தா ச ஸுவிஞ்ஞெய்யமேவாதி.
1. So pacchā attano pubbakammaṃ saritvā somanassajāto pubbacaritāpadānaṃ pakāsento āpāṭaliṃ ahaṃ pupphantiādimāha. Tattha āpāṭalinti ā samantato, ādarena vā pāṭalipupphaṃ gahetvā ahaṃ thūpamhi abhiropesiṃ pūjesinti attho. Ujjhitaṃ sumahāpatheti sabbanagaravāsīnaṃ vandanapūjanatthāya mahāpathe nagaramajjhe vīthiyaṃ ujjhitaṃ uṭṭhāpitaṃ, iṭṭhakakammasudhākammādīhi nipphāditanti attho. Sesaṃ heṭṭhā vuttanayattā uttānatthattā ca suviññeyyamevāti.
நாக³ஸமாலத்தே²ரஅபதா³னவண்ணனா ஸமத்தா.
Nāgasamālattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 1. நாக³ஸமாலத்தே²ரஅபதா³னங் • 1. Nāgasamālattheraapadānaṃ
