| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
8. нааг̇асамаалаваг̇г̇о
8. Nāgasamālavaggo
1. нааг̇асамаалад̇т̇зраабад̣̇аанаван̣н̣анаа
1. Nāgasamālattheraapadānavaṇṇanā
аабаадалим̣ ахам̣ бубпанд̇иаад̣̇игам̣ ааяасмад̇о нааг̇асамаалад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сикисса бхаг̇авад̇о гаалз згасмим̣ гулаг̇зхз ниб̣б̣ад̇д̇о вин̃н̃уд̇ам̣ бад̇д̇о гхарааваасам̣ сан̣табзд̇ваа д̇ат̇ааруубасаж̇ж̇анасам̣саг̇г̇асса алаабхзна сад̇т̇ари д̇харамаанагаалз д̣̇ассанасаванабууж̇аагаммамагарид̇ваа бариниб̣б̣уд̇агаалз д̇асса бхаг̇авад̇о саарийригад̇хаад̇ум̣ нид̣̇ахид̇ваа гад̇ажзд̇ияамхи жид̇д̇ам̣ басаад̣̇зд̇ваа баадалибубпам̣ бууж̇зд̇ваа соманассам̣ уббаад̣̇зд̇ваа яаавад̇ааяугам̣ тад̇ваа д̇знзва соманассзна д̇ад̇о гаалам̣ гад̇о д̇усид̇аад̣̇ийсу часу д̣̇звалогзсу сукаманубхавид̇ваа абарабхааг̇з мануссзсу мануссасамбад̇д̇им̣ анубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вин̃н̃уд̇ам̣ бад̇д̇о нааг̇аругкабаллавагомал̣асад̣̇исасарийрад̇д̇аа нааг̇асамаалод̇и маад̇аабид̇уухи гад̇анаамад̇хзяяо бхаг̇авад̇и басанно баб̣б̣аж̇ид̇ваа нажирассзва арахаа ахоси.
Āpāṭaliṃahaṃ pupphantiādikaṃ āyasmato nāgasamālattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto sikhissa bhagavato kāle ekasmiṃ kulagehe nibbatto viññutaṃ patto gharāvāsaṃ saṇṭhapetvā tathārūpasajjanasaṃsaggassa alābhena satthari dharamānakāle dassanasavanapūjākammamakaritvā parinibbutakāle tassa bhagavato sārīrikadhātuṃ nidahitvā katacetiyamhi cittaṃ pasādetvā pāṭalipupphaṃ pūjetvā somanassaṃ uppādetvā yāvatāyukaṃ ṭhatvā teneva somanassena tato kālaṃ kato tusitādīsu chasu devalokesu sukhamanubhavitvā aparabhāge manussesu manussasampattiṃ anubhavitvā imasmiṃ buddhuppāde kulagehe nibbatto viññutaṃ patto nāgarukkhapallavakomaḷasadisasarīrattā nāgasamāloti mātāpitūhi katanāmadheyyo bhagavati pasanno pabbajitvā nacirasseva arahā ahosi.
1. со бажчаа ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о аабаадалим̣ ахам̣ бубпанд̇иаад̣̇имааха. д̇ад̇т̇а аабаадалинд̇и аа саманд̇ад̇о, аад̣̇арзна ваа баадалибубпам̣ г̇ахзд̇ваа ахам̣ т̇уубамхи абхиробзсим̣ бууж̇зсинд̇и ад̇т̇о. уж̇жхид̇ам̣ сумахаабат̇зд̇и саб̣б̣анаг̇араваасийнам̣ ванд̣̇анабууж̇анад̇т̇ааяа махаабат̇з наг̇арамаж̇жхз вийт̇ияам̣ уж̇жхид̇ам̣ удтаабид̇ам̣, идтагагаммасуд̇хаагаммаад̣̇ийхи нибпаад̣̇ид̇анд̇и ад̇т̇о. сзсам̣ хздтаа вуд̇д̇анаяад̇д̇аа уд̇д̇аанад̇т̇ад̇д̇аа жа сувин̃н̃зяяамзваад̇и.
1. So pacchā attano pubbakammaṃ saritvā somanassajāto pubbacaritāpadānaṃ pakāsento āpāṭaliṃ ahaṃ pupphantiādimāha. Tattha āpāṭalinti ā samantato, ādarena vā pāṭalipupphaṃ gahetvā ahaṃ thūpamhi abhiropesiṃ pūjesinti attho. Ujjhitaṃ sumahāpatheti sabbanagaravāsīnaṃ vandanapūjanatthāya mahāpathe nagaramajjhe vīthiyaṃ ujjhitaṃ uṭṭhāpitaṃ, iṭṭhakakammasudhākammādīhi nipphāditanti attho. Sesaṃ heṭṭhā vuttanayattā uttānatthattā ca suviññeyyamevāti.
нааг̇асамаалад̇т̇зраабад̣̇аанаван̣н̣анаа самад̇д̇аа.
Nāgasamālattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 1. нааг̇асамаалад̇т̇зраабад̣̇аанам̣ • 1. Nāgasamālattheraapadānaṃ
