| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੮. ਨਾਗਸਮਾਲવਗ੍ਗੋ
8. Nāgasamālavaggo
੧. ਨਾਗਸਮਾਲਤ੍ਥੇਰਅਪਦਾਨવਣ੍ਣਨਾ
1. Nāgasamālattheraapadānavaṇṇanā
ਆਪਾਟਲਿਂ ਅਹਂ ਪੁਪ੍ਫਨ੍ਤਿਆਦਿਕਂ ਆਯਸ੍ਮਤੋ ਨਾਗਸਮਾਲਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਿਖਿਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਘਰਾવਾਸਂ ਸਣ੍ਠਪੇਤ੍વਾ ਤਥਾਰੂਪਸਜ੍ਜਨਸਂਸਗ੍ਗਸ੍ਸ ਅਲਾਭੇਨ ਸਤ੍ਥਰਿ ਧਰਮਾਨਕਾਲੇ ਦਸ੍ਸਨਸવਨਪੂਜਾਕਮ੍ਮਮਕਰਿਤ੍વਾ ਪਰਿਨਿਬ੍ਬੁਤਕਾਲੇ ਤਸ੍ਸ ਭਗવਤੋ ਸਾਰੀਰਿਕਧਾਤੁਂ ਨਿਦਹਿਤ੍વਾ ਕਤਚੇਤਿਯਮ੍ਹਿ ਚਿਤ੍ਤਂ ਪਸਾਦੇਤ੍વਾ ਪਾਟਲਿਪੁਪ੍ਫਂ ਪੂਜੇਤ੍વਾ ਸੋਮਨਸ੍ਸਂ ਉਪ੍ਪਾਦੇਤ੍વਾ ਯਾવਤਾਯੁਕਂ ਠਤ੍વਾ ਤੇਨੇવ ਸੋਮਨਸ੍ਸੇਨ ਤਤੋ ਕਾਲਂ ਕਤੋ ਤੁਸਿਤਾਦੀਸੁ ਛਸੁ ਦੇવਲੋਕੇਸੁ ਸੁਖਮਨੁਭવਿਤ੍વਾ ਅਪਰਭਾਗੇ ਮਨੁਸ੍ਸੇਸੁ ਮਨੁਸ੍ਸਸਮ੍ਪਤ੍ਤਿਂ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਨਾਗਰੁਕ੍ਖਪਲ੍ਲવਕੋਮਲ਼ਸਦਿਸਸਰੀਰਤ੍ਤਾ ਨਾਗਸਮਾਲੋਤਿ ਮਾਤਾਪਿਤੂਹਿ ਕਤਨਾਮਧੇਯ੍ਯੋ ਭਗવਤਿ ਪਸਨ੍ਨੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Āpāṭaliṃahaṃ pupphantiādikaṃ āyasmato nāgasamālattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto sikhissa bhagavato kāle ekasmiṃ kulagehe nibbatto viññutaṃ patto gharāvāsaṃ saṇṭhapetvā tathārūpasajjanasaṃsaggassa alābhena satthari dharamānakāle dassanasavanapūjākammamakaritvā parinibbutakāle tassa bhagavato sārīrikadhātuṃ nidahitvā katacetiyamhi cittaṃ pasādetvā pāṭalipupphaṃ pūjetvā somanassaṃ uppādetvā yāvatāyukaṃ ṭhatvā teneva somanassena tato kālaṃ kato tusitādīsu chasu devalokesu sukhamanubhavitvā aparabhāge manussesu manussasampattiṃ anubhavitvā imasmiṃ buddhuppāde kulagehe nibbatto viññutaṃ patto nāgarukkhapallavakomaḷasadisasarīrattā nāgasamāloti mātāpitūhi katanāmadheyyo bhagavati pasanno pabbajitvā nacirasseva arahā ahosi.
੧. ਸੋ ਪਚ੍ਛਾ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਆਪਾਟਲਿਂ ਅਹਂ ਪੁਪ੍ਫਨ੍ਤਿਆਦਿਮਾਹ। ਤਤ੍ਥ ਆਪਾਟਲਿਨ੍ਤਿ ਆ ਸਮਨ੍ਤਤੋ, ਆਦਰੇਨ વਾ ਪਾਟਲਿਪੁਪ੍ਫਂ ਗਹੇਤ੍વਾ ਅਹਂ ਥੂਪਮ੍ਹਿ ਅਭਿਰੋਪੇਸਿਂ ਪੂਜੇਸਿਨ੍ਤਿ ਅਤ੍ਥੋ। ਉਜ੍ਝਿਤਂ ਸੁਮਹਾਪਥੇਤਿ ਸਬ੍ਬਨਗਰવਾਸੀਨਂ વਨ੍ਦਨਪੂਜਨਤ੍ਥਾਯ ਮਹਾਪਥੇ ਨਗਰਮਜ੍ਝੇ વੀਥਿਯਂ ਉਜ੍ਝਿਤਂ ਉਟ੍ਠਾਪਿਤਂ, ਇਟ੍ਠਕਕਮ੍ਮਸੁਧਾਕਮ੍ਮਾਦੀਹਿ ਨਿਪ੍ਫਾਦਿਤਨ੍ਤਿ ਅਤ੍ਥੋ। ਸੇਸਂ ਹੇਟ੍ਠਾ વੁਤ੍ਤਨਯਤ੍ਤਾ ਉਤ੍ਤਾਨਤ੍ਥਤ੍ਤਾ ਚ ਸੁવਿਞ੍ਞੇਯ੍ਯਮੇવਾਤਿ।
1. So pacchā attano pubbakammaṃ saritvā somanassajāto pubbacaritāpadānaṃ pakāsento āpāṭaliṃ ahaṃ pupphantiādimāha. Tattha āpāṭalinti ā samantato, ādarena vā pāṭalipupphaṃ gahetvā ahaṃ thūpamhi abhiropesiṃ pūjesinti attho. Ujjhitaṃ sumahāpatheti sabbanagaravāsīnaṃ vandanapūjanatthāya mahāpathe nagaramajjhe vīthiyaṃ ujjhitaṃ uṭṭhāpitaṃ, iṭṭhakakammasudhākammādīhi nipphāditanti attho. Sesaṃ heṭṭhā vuttanayattā uttānatthattā ca suviññeyyamevāti.
ਨਾਗਸਮਾਲਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Nāgasamālattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੧. ਨਾਗਸਮਾਲਤ੍ਥੇਰਅਪਦਾਨਂ • 1. Nāgasamālattheraapadānaṃ
