| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
куд̣̇д̣̇аганигааяз
Khuddakanikāye
т̇зраг̇аат̇аа-адтагат̇аа
Theragāthā-aṭṭhakathā
(д̣̇уд̇ияо бхааг̇о)
(Dutiyo bhāgo)
4. жад̇угганибаад̇о
4. Catukkanipāto
1. нааг̇асамаалад̇т̇зраг̇аат̇ааван̣н̣анаа
1. Nāgasamālattheragāthāvaṇṇanā
алан̇гад̇аад̇иаад̣̇игаа ааяасмад̇о нааг̇асамаалад̇т̇зрасса г̇аат̇аа. гаа уббад̇д̇и? аяамби бад̣̇умуд̇д̇арасса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о г̇имхасамаяз суурияаад̇абасанд̇ад̇д̇ааяа бхуумияаа г̇ажчанд̇ам̣ сад̇т̇аарам̣ д̣̇исваа басаннамаанасо чад̇д̇ам̣ ад̣̇ааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з сагяарааж̇агулз ниб̣б̣ад̇д̇ид̇ваа нааг̇асамаалод̇и лад̣̇д̇ханаамо ваяаббад̇д̇о н̃аад̇исамааг̇амз бадилад̣̇д̇хасад̣̇д̇хо баб̣б̣аж̇ид̇ваа гин̃жи гаалам̣ бхаг̇авад̇о убадтааго ахоси. со згад̣̇ивасам̣ наг̇арам̣ бин̣д̣ааяа бавидто алан̇гад̇абадияад̇д̇ам̣ ан̃н̃ад̇арам̣ нажжагим̣ махаабат̇з д̇ууриязсу важ̇ж̇анд̇зсу нажжанд̇им̣ д̣̇исваа, ‘‘аяам̣ жид̇д̇агирияавааяод̇хаад̇увибпааравасзна гараж̇агааяасса д̇ат̇аа д̇ат̇аа баривад̇д̇и, ахо анижжаа сан̇каараа’’д̇и каяаваяам̣ бадтабзд̇ваа вибассанам̣ уссуггаабзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.46.37-48) –
Alaṅkatātiādikā āyasmato nāgasamālattherassa gāthā. Kā uppatti? Ayampi padumuttarassa bhagavato kāle kulagehe nibbattitvā viññutaṃ patto gimhasamaye sūriyātapasantattāya bhūmiyā gacchantaṃ satthāraṃ disvā pasannamānaso chattaṃ adāsi. So tena puññakammena devamanussesu saṃsaranto imasmiṃ buddhuppāde sakyarājakule nibbattitvā nāgasamāloti laddhanāmo vayappatto ñātisamāgame paṭiladdhasaddho pabbajitvā kiñci kālaṃ bhagavato upaṭṭhāko ahosi. So ekadivasaṃ nagaraṃ piṇḍāya paviṭṭho alaṅkatapaṭiyattaṃ aññataraṃ naccakiṃ mahāpathe tūriyesu vajjantesu naccantiṃ disvā, ‘‘ayaṃ cittakiriyavāyodhātuvipphāravasena karajakāyassa tathā tathā parivatti, aho aniccā saṅkhārā’’ti khayavayaṃ paṭṭhapetvā vipassanaṃ ussukkāpetvā arahattaṃ pāpuṇi. Tena vuttaṃ apadāne (apa. thera 2.46.37-48) –
‘‘ан̇г̇аараж̇аад̇аа бат̇авий, гуггул̣аануг̇ад̇аа махий;
‘‘Aṅgārajātā pathavī, kukkuḷānugatā mahī;
бад̣̇умуд̇д̇аро бхаг̇аваа, аб̣бхогаасамхи жан̇гами.
Padumuttaro bhagavā, abbhokāsamhi caṅkami.
‘‘бан̣д̣арам̣ чад̇д̇амаад̣̇ааяа, ад̣̇д̇хаанам̣ бадибаж̇ж̇ахам̣;
‘‘Paṇḍaraṃ chattamādāya, addhānaṃ paṭipajjahaṃ;
д̇ад̇т̇а д̣̇исваана самб̣уд̣̇д̇хам̣, вид̇д̇и мз убабаж̇ж̇ат̇а.
Tattha disvāna sambuddhaṃ, vitti me upapajjatha.
‘‘марийжияод̇т̇адаа бхууми, ан̇г̇аараава махий аяам̣;
‘‘Marīciyotthaṭā bhūmi, aṅgārāva mahī ayaṃ;
убаханд̇и махааваад̇аа, сарийрассаасукзбанаа.
Upahanti mahāvātā, sarīrassāsukhepanā.
‘‘сийд̇ам̣ ун̣хам̣ вихананд̇ам̣, ваад̇аад̇абанивааран̣ам̣;
‘‘Sītaṃ uṇhaṃ vihanantaṃ, vātātapanivāraṇaṃ;
бадиг̇г̇ан̣ха имам̣ чад̇д̇ам̣, пассаяиссаами ниб̣б̣уд̇им̣.
Paṭiggaṇha imaṃ chattaṃ, phassayissāmi nibbutiṃ.
‘‘анугамбаго гаарун̣иго, бад̣̇умуд̇д̇аро махааяасо;
‘‘Anukampako kāruṇiko, padumuttaro mahāyaso;
мама сан̇габбаман̃н̃ааяа, бадиг̇г̇ан̣хи д̇ад̣̇аа ж̇ино.
Mama saṅkappamaññāya, paṭiggaṇhi tadā jino.
‘‘д̇им̣сагаббаани д̣̇звинд̣̇о, д̣̇звараж̇ж̇амагаараяим̣;
‘‘Tiṃsakappāni devindo, devarajjamakārayiṃ;
сад̇аанам̣ бан̃жагкад̇д̇ун̃жа, жаггавад̇д̇ий ахосахам̣.
Satānaṃ pañcakkhattuñca, cakkavattī ahosahaṃ.
‘‘бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣;
‘‘Padesarajjaṃ vipulaṃ, gaṇanāto asaṅkhiyaṃ;
анубхоми сагам̣ гаммам̣, буб̣б̣з сугад̇амад̇д̇ано.
Anubhomi sakaṃ kammaṃ, pubbe sukatamattano.
‘‘аяам̣ мз бажчимаа ж̇аад̇и, жаримо вад̇д̇ад̇з бхаво;
‘‘Ayaṃ me pacchimā jāti, carimo vattate bhavo;
аж̇ж̇ааби сзд̇ажчад̇д̇ам̣ мз, саб̣б̣агаалам̣ д̇харийяад̇и.
Ajjāpi setacchattaṃ me, sabbakālaṃ dharīyati.
‘‘сад̇асахассид̇о габбз, яам̣ чад̇д̇амад̣̇ад̣̇им̣ д̇ад̣̇аа;
‘‘Satasahassito kappe, yaṃ chattamadadiṃ tadā;
д̣̇уг̇г̇ад̇им̣ наабхиж̇аанаами, чад̇д̇ад̣̇аанассид̣̇ам̣ палам̣.
Duggatiṃ nābhijānāmi, chattadānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа –
Arahattaṃ pana patvā –
267.
267.
‘‘алан̇гад̇аа сувасанаа, маалиний жанд̣̇ануссад̣̇аа;
‘‘Alaṅkatā suvasanā, mālinī candanussadā;
маж̇жхз махаабат̇з наарий, д̇уурияз нажжад̇и наддагий.
Majjhe mahāpathe nārī, tūriye naccati naṭṭakī.
268.
268.
‘‘бин̣д̣игааяа бавидтохам̣, г̇ажчанд̇о нам̣ уд̣̇игкисам̣;
‘‘Piṇḍikāya paviṭṭhohaṃ, gacchanto naṃ udikkhisaṃ;
алан̇гад̇ам̣ сувасанам̣, мажжубаасам̣ва од̣д̣ид̇ам̣.
Alaṅkataṃ suvasanaṃ, maccupāsaṃva oḍḍitaṃ.
269.
269.
‘‘д̇ад̇о мз манасийгааро, яонисо уд̣̇абаж̇ж̇ат̇а;
‘‘Tato me manasīkāro, yoniso udapajjatha;
аад̣̇ийнаво баад̇ураху, ниб̣б̣ид̣̇аа самад̇идтат̇а.
Ādīnavo pāturahu, nibbidā samatiṭṭhatha.
270.
270.
‘‘д̇ад̇о жид̇д̇ам̣ вимужжи мз, басса д̇хаммасуд̇хаммад̇ам̣;
‘‘Tato cittaṃ vimucci me, passa dhammasudhammataṃ;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасана’’нд̇и. –
Tisso vijjā anuppattā, kataṃ buddhassa sāsana’’nti. –
жад̇уухи г̇аат̇аахи ад̇д̇ано бадибад̇д̇игид̇д̇анамукзна ан̃н̃ам̣ б̣яаагааси.
Catūhi gāthāhi attano paṭipattikittanamukhena aññaṃ byākāsi.
д̇ад̇т̇а алан̇гад̇аад̇и хад̇т̇уубаг̇аад̣̇иаабхаран̣зхи алан̇гад̇аг̇ад̇д̇аа. сувасанаад̇и сунд̣̇аравасанаа собханавад̇т̇анивад̇т̇аа. маалинийд̇и маалаад̇хаариний бил̣анд̇хид̇абубпамаалаа. жанд̣̇ануссад̣̇аад̇и жанд̣̇анаанулзбалид̇д̇асарийраа. маж̇жхз махаабат̇з наарий, д̇уурияз нажжад̇и наддагийд̇и яат̇аавуд̇д̇адтаанз згаа наарий наддагий наадагид̇т̇ий наг̇аравийт̇ияаа маж̇жхз бан̃жан̇г̇игз д̇уурияз важ̇ж̇анд̇з нажжад̇и, яат̇аабадтабид̇ам̣ нажжам̣ гарод̇и.
Tattha alaṅkatāti hatthūpagādiābharaṇehi alaṅkatagattā. Suvasanāti sundaravasanā sobhanavatthanivatthā. Mālinīti mālādhārinī piḷandhitapupphamālā. Candanussadāti candanānulepalittasarīrā. Majjhe mahāpathe nārī, tūriye naccati naṭṭakīti yathāvuttaṭṭhāne ekā nārī naṭṭakī nāṭakitthī nagaravīthiyā majjhe pañcaṅgike tūriye vajjante naccati, yathāpaṭṭhapitaṃ naccaṃ karoti.
бин̣д̣игааяаад̇и бхигкааяа. бавидтоханд̇и наг̇арам̣ бавидто ахам̣. г̇ажчанд̇о нам̣ уд̣̇игкисанд̇и наг̇аравийт̇ияам̣ г̇ажчанд̇о бариссаяабарихаран̣ад̇т̇ам̣ вийт̇им̣ ологзнд̇о д̇ам̣ наддагим̣ ологзсим̣. гим̣ вияа? мажжубаасам̣ва од̣д̣ид̇анд̇и яат̇аа мажжусса мажжурааж̇асса баасабхууд̇о руубаад̣̇иго од̣д̣ид̇о логз анувижарид̇ваа тид̇о згам̣сзна сад̇д̇аанам̣ анад̇т̇аавахо, звам̣ сааби аббадисан̇каанз тид̇аанам̣ анд̇хабут̇уж̇ж̇анаанам̣ згам̣сад̇о анад̇т̇аавахаад̇и мажжубаасасад̣̇исий вуд̇д̇аа.
Piṇḍikāyāti bhikkhāya. Paviṭṭhohanti nagaraṃ paviṭṭho ahaṃ. Gacchanto naṃ udikkhisanti nagaravīthiyaṃ gacchanto parissayapariharaṇatthaṃ vīthiṃ olokento taṃ naṭṭakiṃ olokesiṃ. Kiṃ viya? Maccupāsaṃva oḍḍitanti yathā maccussa maccurājassa pāsabhūto rūpādiko oḍḍito loke anuvicaritvā ṭhito ekaṃsena sattānaṃ anatthāvaho, evaṃ sāpi appaṭisaṅkhāne ṭhitānaṃ andhaputhujjanānaṃ ekaṃsato anatthāvahāti maccupāsasadisī vuttā.
д̇ад̇од̇и д̇асмаа мажжубаасасад̣̇исад̇д̇аа. мзд̇и маяхам̣. манасийгааро яонисо уд̣̇абаж̇ж̇ат̇аад̇и ‘‘аяам̣ адтисан̇гхаад̇о нхаарусамб̣анд̇хо мам̣сзна анубалид̇д̇о чавияаа бадижчанно асужид̣̇уг̇г̇анд̇хаж̇зг̇ужчабадиггууло анижжужчаад̣̇анабаримад̣̇д̣̇анабхзд̣̇анавид̣̇д̇хам̣санад̇хаммо ийд̣̇исз вигаарз д̣̇ассзд̇ий’’д̇и звам̣ яонисо манасигааро уббаж̇ж̇и. аад̣̇ийнаво баад̇урахууд̇и звам̣ гааяасса сабхаавуубад̇хааран̣амукзна д̇асса жа д̇ам̣ниссид̇аанан̃жа жид̇д̇ажзд̇асигаанам̣ уд̣̇аяаб̣б̣аяам̣ сарасабабхан̇г̇уд̇ан̃жа манаси гарод̇о д̇зсу жа яагкарагкасаад̣̇ийсу вияа бхаяад̇о убадтаханд̇зсу д̇ад̇т̇а мз анзгаагаарааад̣̇ийнаво д̣̇осо баад̇урахоси. д̇аббадибагкад̇о жа ниб̣б̣аанз аанисам̣со. ниб̣б̣ид̣̇аа самад̇идтат̇аад̇и ниб̣б̣инд̣̇анам̣ аад̣̇ийнаваанубассанаанубхаавасид̣̇д̇хам̣ ниб̣б̣ид̣̇аан̃аан̣ам̣ мама хад̣̇аяз сан̣тааси, мухуд̇д̇амби д̇зсам̣ руубааруубад̇хаммаанам̣ г̇ахан̣з жид̇д̇ам̣ наахоси, ан̃н̃ад̣̇ад̇т̇у мун̃жид̇угаамад̇аад̣̇ивасзна д̇ад̇т̇а уд̣̇аасийнамзва ж̇аад̇анд̇и ад̇т̇о.
Tatoti tasmā maccupāsasadisattā. Meti mayhaṃ. Manasīkāro yoniso udapajjathāti ‘‘ayaṃ aṭṭhisaṅghāto nhārusambandho maṃsena anupalitto chaviyā paṭicchanno asuciduggandhajegucchapaṭikkūlo aniccucchādanaparimaddanabhedanaviddhaṃsanadhammo īdise vikāre dassetī’’ti evaṃ yoniso manasikāro uppajji. Ādīnavo pāturahūti evaṃ kāyassa sabhāvūpadhāraṇamukhena tassa ca taṃnissitānañca cittacetasikānaṃ udayabbayaṃ sarasapabhaṅgutañca manasi karoto tesu ca yakkharakkhasādīsu viya bhayato upaṭṭhahantesu tattha me anekākāraādīnavo doso pāturahosi. Tappaṭipakkhato ca nibbāne ānisaṃso. Nibbidā samatiṭṭhathāti nibbindanaṃ ādīnavānupassanānubhāvasiddhaṃ nibbidāñāṇaṃ mama hadaye saṇṭhāsi, muhuttampi tesaṃ rūpārūpadhammānaṃ gahaṇe cittaṃ nāhosi, aññadatthu muñcitukāmatādivasena tattha udāsīnameva jātanti attho.
д̇ад̇од̇и вибассанаан̃аан̣ад̇о барам̣. жид̇д̇ам̣ вимужжи мзд̇и логуд̇д̇арабхааванааяа вад̇д̇амаанааяа маг̇г̇абадибаадияаа саб̣б̣агилзсзхи мама жид̇д̇ам̣ вимуд̇д̇ам̣ ахоси. зд̇зна палуббад̇д̇им̣ д̣̇ассзд̇и. маг̇г̇агкан̣з хи гилзсаа вимужжанд̇и наама, палагкан̣з вимуд̇д̇аад̇и. сзсам̣ вуд̇д̇анаяамзва.
Tatoti vipassanāñāṇato paraṃ. Cittaṃ vimucci meti lokuttarabhāvanāya vattamānāya maggapaṭipāṭiyā sabbakilesehi mama cittaṃ vimuttaṃ ahosi. Etena phaluppattiṃ dasseti. Maggakkhaṇe hi kilesā vimuccanti nāma, phalakkhaṇe vimuttāti. Sesaṃ vuttanayameva.
нааг̇асамаалад̇т̇зраг̇аат̇ааван̣н̣анаа нидтид̇аа.
Nāgasamālattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. нааг̇асамаалад̇т̇зраг̇аат̇аа • 1. Nāgasamālattheragāthā
