| Library / Tipiṭaka / တိပိဋက • Tipiṭaka / မိလိန္ဒပဉ္ဟပာဠိ • Milindapañhapāḷi |
၂. နာဂသေနပဉ္ဟော
2. Nāgasenapañho
၂. ထေရော အာဟ ‘‘လောဏံ, မဟာရာဇ, စက္ခုဝိညေယ္ယ’’န္တိ။ ‘‘အာမ, ဘန္တေ, စက္ခုဝိညေယ္ယ’’န္တိ။ ‘‘သုဋ္ဌု ခော, မဟာရာဇ, ဇာနာဟီ’’တိ။ ‘‘ကိံ ပန, ဘန္တေ, ဇိဝ္ဟာဝိညေယ္ယ’’န္တိ? ‘‘အာမ, မဟာရာဇ, ဇိဝ္ဟာဝိညေယ္ယ’’န္တိ။ ‘‘ကိံ ပန, ဘန္တေ, သဗ္ဗံ လောဏံ ဇိဝ္ဟာယ ဝိဇာနာတီ’’တိ? ‘‘အာမ, မဟာရာဇ, သဗ္ဗံ လောဏံ ဇိဝ္ဟာယ ဝိဇာနာတိ’’။
2. Thero āha ‘‘loṇaṃ, mahārāja, cakkhuviññeyya’’nti. ‘‘Āma, bhante, cakkhuviññeyya’’nti. ‘‘Suṭṭhu kho, mahārāja, jānāhī’’ti. ‘‘Kiṃ pana, bhante, jivhāviññeyya’’nti? ‘‘Āma, mahārāja, jivhāviññeyya’’nti. ‘‘Kiṃ pana, bhante, sabbaṃ loṇaṃ jivhāya vijānātī’’ti? ‘‘Āma, mahārāja, sabbaṃ loṇaṃ jivhāya vijānāti’’.
‘‘ယဒိ, ဘန္တေ, သဗ္ဗံ လောဏံ ဇိဝ္ဟာယ ဝိဇာနာတိ, ကိသ္သ ပန တံ သကဋေဟိ ဗလီဗဒ္ဒာ 1 အာဟရန္တိ, နနု လောဏမေဝ အာဟရိတဗ္ဗ’’န္တိ? ‘‘န သက္ကာ, မဟာရာဇ, လောဏမေဝ အာဟရိတုံ ဧကတောဘာဝဂတာ ဧတေ ဓမ္မာ ဂောစရနာနတ္တဂတာ လောဏံ ဂရုဘာဝော စာတိ။ သက္ကာ ပန, မဟာရာဇ, လောဏံ တုလာယ တုလယိတု’’န္တိ? ‘‘အာမ, ဘန္တေ, သက္ကာ’’တိ။ ‘‘န သက္ကာ, မဟာရာဇ, လောဏံ တုလာယ တုလယိတုံ, ဂရုဘာဝော တုလာယ တုလိယတီ’’တိ။
‘‘Yadi, bhante, sabbaṃ loṇaṃ jivhāya vijānāti, kissa pana taṃ sakaṭehi balībaddā 2 āharanti, nanu loṇameva āharitabba’’nti? ‘‘Na sakkā, mahārāja, loṇameva āharituṃ ekatobhāvagatā ete dhammā gocaranānattagatā loṇaṃ garubhāvo cāti. Sakkā pana, mahārāja, loṇaṃ tulāya tulayitu’’nti? ‘‘Āma, bhante, sakkā’’ti. ‘‘Na sakkā, mahārāja, loṇaṃ tulāya tulayituṃ, garubhāvo tulāya tuliyatī’’ti.
‘‘ကလ္လောသိ, ဘန္တေ နာဂသေနာ’’တိ။
‘‘Kallosi, bhante nāgasenā’’ti.
နာဂသေနပဉ္ဟော ဒုတိယော။
Nāgasenapañho dutiyo.
Footnotes:
