| Library / Tipiṭaka / තිපිටක • Tipiṭaka / මිලින්‌දපඤ්‌හපාළි • Milindapañhapāḷi |
2. නාගසෙනපඤ්‌හො
2. Nāgasenapañho
2. ථෙරො ආහ ‘‘ලොණං, මහාරාජ, චක්‌ඛුවිඤ්‌ඤෙය්‍ය’’න්‌ති. ‘‘ආම, භන්‌තෙ, චක්‌ඛුවිඤ්‌ඤෙය්‍ය’’න්‌ති. ‘‘සුට්‌ඨු ඛො, මහාරාජ, ජානාහී’’ති. ‘‘කිං පන, භන්‌තෙ, ජිව්‌හාවිඤ්‌ඤෙය්‍ය’’න්‌ති? ‘‘ආම, මහාරාජ, ජිව්‌හාවිඤ්‌ඤෙය්‍ය’’න්‌ති. ‘‘කිං පන, භන්‌තෙ, සබ්‌බං ලොණං ජිව්‌හාය විජානාතී’’ති? ‘‘ආම, මහාරාජ, සබ්‌බං ලොණං ජිව්‌හාය විජානාති’’.
2. Thero āha ‘‘loṇaṃ, mahārāja, cakkhuviññeyya’’nti. ‘‘Āma, bhante, cakkhuviññeyya’’nti. ‘‘Suṭṭhu kho, mahārāja, jānāhī’’ti. ‘‘Kiṃ pana, bhante, jivhāviññeyya’’nti? ‘‘Āma, mahārāja, jivhāviññeyya’’nti. ‘‘Kiṃ pana, bhante, sabbaṃ loṇaṃ jivhāya vijānātī’’ti? ‘‘Āma, mahārāja, sabbaṃ loṇaṃ jivhāya vijānāti’’.
‘‘යදි, භන්‌තෙ, සබ්‌බං ලොණං ජිව්‌හාය විජානාති, කිස්‌ස පන තං සකටෙහි බලීබද්‌දා 1 ආහරන්‌ති, නනු ලොණමෙව ආහරිතබ්‌බ’’න්‌ති? ‘‘න සක්‌කා, මහාරාජ, ලොණමෙව ආහරිතුං එකතොභාවගතා එතෙ ධම්‌මා ගොචරනානත්‌තගතා ලොණං ගරුභාවො චාති. සක්‌කා පන, මහාරාජ, ලොණං තුලාය තුලයිතු’’න්‌ති? ‘‘ආම, භන්‌තෙ, සක්‌කා’’ති. ‘‘න සක්‌කා, මහාරාජ, ලොණං තුලාය තුලයිතුං, ගරුභාවො තුලාය තුලියතී’’ති.
‘‘Yadi, bhante, sabbaṃ loṇaṃ jivhāya vijānāti, kissa pana taṃ sakaṭehi balībaddā 2 āharanti, nanu loṇameva āharitabba’’nti? ‘‘Na sakkā, mahārāja, loṇameva āharituṃ ekatobhāvagatā ete dhammā gocaranānattagatā loṇaṃ garubhāvo cāti. Sakkā pana, mahārāja, loṇaṃ tulāya tulayitu’’nti? ‘‘Āma, bhante, sakkā’’ti. ‘‘Na sakkā, mahārāja, loṇaṃ tulāya tulayituṃ, garubhāvo tulāya tuliyatī’’ti.
‘‘කල්‌ලොසි, භන්‌තෙ නාගසෙනා’’ති.
‘‘Kallosi, bhante nāgasenā’’ti.
නාගසෙනපඤ්‌හො දුතියො.
Nāgasenapañho dutiyo.
Footnotes:
