| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༢. ནཱགསེནཔཉྷོ
2. Nāgasenapañho
༢. ཐེརོ ཨཱཧ ‘‘ལོཎཾ, མཧཱརཱཛ, ཙཀྑུཝིཉྙེཡྻ’’ནྟི། ‘‘ཨཱམ, བྷནྟེ, ཙཀྑུཝིཉྙེཡྻ’’ནྟི། ‘‘སུཊྛུ ཁོ, མཧཱརཱཛ, ཛཱནཱཧཱི’’ཏི། ‘‘ཀིཾ པན, བྷནྟེ, ཛིཝ྄ཧཱཝིཉྙེཡྻ’’ནྟི? ‘‘ཨཱམ, མཧཱརཱཛ, ཛིཝ྄ཧཱཝིཉྙེཡྻ’’ནྟི། ‘‘ཀིཾ པན, བྷནྟེ, སབྦཾ ལོཎཾ ཛིཝ྄ཧཱཡ ཝིཛཱནཱཏཱི’’ཏི? ‘‘ཨཱམ, མཧཱརཱཛ, སབྦཾ ལོཎཾ ཛིཝ྄ཧཱཡ ཝིཛཱནཱཏི’’།
2. Thero āha ‘‘loṇaṃ, mahārāja, cakkhuviññeyya’’nti. ‘‘Āma, bhante, cakkhuviññeyya’’nti. ‘‘Suṭṭhu kho, mahārāja, jānāhī’’ti. ‘‘Kiṃ pana, bhante, jivhāviññeyya’’nti? ‘‘Āma, mahārāja, jivhāviññeyya’’nti. ‘‘Kiṃ pana, bhante, sabbaṃ loṇaṃ jivhāya vijānātī’’ti? ‘‘Āma, mahārāja, sabbaṃ loṇaṃ jivhāya vijānāti’’.
‘‘ཡདི, བྷནྟེ, སབྦཾ ལོཎཾ ཛིཝ྄ཧཱཡ ཝིཛཱནཱཏི, ཀིསྶ པན ཏཾ སཀཊེཧི བལཱིབདྡཱ 1 ཨཱཧརནྟི, ནནུ ལོཎམེཝ ཨཱཧརིཏབྦ’’ནྟི? ‘‘ན སཀྐཱ, མཧཱརཱཛ, ལོཎམེཝ ཨཱཧརིཏུཾ ཨེཀཏོབྷཱཝགཏཱ ཨེཏེ དྷམྨཱ གོཙརནཱནཏྟགཏཱ ལོཎཾ གརུབྷཱཝོ ཙཱཏི། སཀྐཱ པན, མཧཱརཱཛ, ལོཎཾ ཏུལཱཡ ཏུལཡིཏུ’’ནྟི? ‘‘ཨཱམ, བྷནྟེ, སཀྐཱ’’ཏི། ‘‘ན སཀྐཱ, མཧཱརཱཛ, ལོཎཾ ཏུལཱཡ ཏུལཡིཏུཾ, གརུབྷཱཝོ ཏུལཱཡ ཏུལིཡཏཱི’’ཏི།
‘‘Yadi, bhante, sabbaṃ loṇaṃ jivhāya vijānāti, kissa pana taṃ sakaṭehi balībaddā 2 āharanti, nanu loṇameva āharitabba’’nti? ‘‘Na sakkā, mahārāja, loṇameva āharituṃ ekatobhāvagatā ete dhammā gocaranānattagatā loṇaṃ garubhāvo cāti. Sakkā pana, mahārāja, loṇaṃ tulāya tulayitu’’nti? ‘‘Āma, bhante, sakkā’’ti. ‘‘Na sakkā, mahārāja, loṇaṃ tulāya tulayituṃ, garubhāvo tulāya tuliyatī’’ti.
‘‘ཀལློསི, བྷནྟེ ནཱགསེནཱ’’ཏི།
‘‘Kallosi, bhante nāgasenā’’ti.
ནཱགསེནཔཉྷོ དུཏིཡོ།
Nāgasenapañho dutiyo.
Footnotes:
