| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੨. ਨਾਗਸੇਨਪਞ੍ਹੋ
2. Nāgasenapañho
੨. ਥੇਰੋ ਆਹ ‘‘ਲੋਣਂ, ਮਹਾਰਾਜ, ਚਕ੍ਖੁવਿਞ੍ਞੇਯ੍ਯ’’ਨ੍ਤਿ। ‘‘ਆਮ, ਭਨ੍ਤੇ, ਚਕ੍ਖੁવਿਞ੍ਞੇਯ੍ਯ’’ਨ੍ਤਿ। ‘‘ਸੁਟ੍ਠੁ ਖੋ, ਮਹਾਰਾਜ, ਜਾਨਾਹੀ’’ਤਿ। ‘‘ਕਿਂ ਪਨ, ਭਨ੍ਤੇ, ਜਿવ੍ਹਾવਿਞ੍ਞੇਯ੍ਯ’’ਨ੍ਤਿ? ‘‘ਆਮ, ਮਹਾਰਾਜ, ਜਿવ੍ਹਾવਿਞ੍ਞੇਯ੍ਯ’’ਨ੍ਤਿ। ‘‘ਕਿਂ ਪਨ, ਭਨ੍ਤੇ, ਸਬ੍ਬਂ ਲੋਣਂ ਜਿવ੍ਹਾਯ વਿਜਾਨਾਤੀ’’ਤਿ? ‘‘ਆਮ, ਮਹਾਰਾਜ, ਸਬ੍ਬਂ ਲੋਣਂ ਜਿવ੍ਹਾਯ વਿਜਾਨਾਤਿ’’।
2. Thero āha ‘‘loṇaṃ, mahārāja, cakkhuviññeyya’’nti. ‘‘Āma, bhante, cakkhuviññeyya’’nti. ‘‘Suṭṭhu kho, mahārāja, jānāhī’’ti. ‘‘Kiṃ pana, bhante, jivhāviññeyya’’nti? ‘‘Āma, mahārāja, jivhāviññeyya’’nti. ‘‘Kiṃ pana, bhante, sabbaṃ loṇaṃ jivhāya vijānātī’’ti? ‘‘Āma, mahārāja, sabbaṃ loṇaṃ jivhāya vijānāti’’.
‘‘ਯਦਿ, ਭਨ੍ਤੇ, ਸਬ੍ਬਂ ਲੋਣਂ ਜਿવ੍ਹਾਯ વਿਜਾਨਾਤਿ, ਕਿਸ੍ਸ ਪਨ ਤਂ ਸਕਟੇਹਿ ਬਲੀਬਦ੍ਦਾ 1 ਆਹਰਨ੍ਤਿ, ਨਨੁ ਲੋਣਮੇવ ਆਹਰਿਤਬ੍ਬ’’ਨ੍ਤਿ? ‘‘ਨ ਸਕ੍ਕਾ, ਮਹਾਰਾਜ, ਲੋਣਮੇવ ਆਹਰਿਤੁਂ ਏਕਤੋਭਾવਗਤਾ ਏਤੇ ਧਮ੍ਮਾ ਗੋਚਰਨਾਨਤ੍ਤਗਤਾ ਲੋਣਂ ਗਰੁਭਾવੋ ਚਾਤਿ। ਸਕ੍ਕਾ ਪਨ, ਮਹਾਰਾਜ, ਲੋਣਂ ਤੁਲਾਯ ਤੁਲਯਿਤੁ’’ਨ੍ਤਿ? ‘‘ਆਮ, ਭਨ੍ਤੇ, ਸਕ੍ਕਾ’’ਤਿ। ‘‘ਨ ਸਕ੍ਕਾ, ਮਹਾਰਾਜ, ਲੋਣਂ ਤੁਲਾਯ ਤੁਲਯਿਤੁਂ, ਗਰੁਭਾવੋ ਤੁਲਾਯ ਤੁਲਿਯਤੀ’’ਤਿ।
‘‘Yadi, bhante, sabbaṃ loṇaṃ jivhāya vijānāti, kissa pana taṃ sakaṭehi balībaddā 2 āharanti, nanu loṇameva āharitabba’’nti? ‘‘Na sakkā, mahārāja, loṇameva āharituṃ ekatobhāvagatā ete dhammā gocaranānattagatā loṇaṃ garubhāvo cāti. Sakkā pana, mahārāja, loṇaṃ tulāya tulayitu’’nti? ‘‘Āma, bhante, sakkā’’ti. ‘‘Na sakkā, mahārāja, loṇaṃ tulāya tulayituṃ, garubhāvo tulāya tuliyatī’’ti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਨਾਗਸੇਨਪਞ੍ਹੋ ਦੁਤਿਯੋ।
Nāgasenapañho dutiyo.
Footnotes:
