| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
3. நாக³ஸுத்தங்
3. Nāgasuttaṃ
151. ‘‘ஸெய்யதா²பி , பி⁴க்க²வே, ஹிமவந்தங் பப்³ப³தராஜங் நிஸ்ஸாய நாகா³ காயங் வட்³டெ⁴ந்தி, ப³லங் கா³ஹெந்தி; தே தத்த² காயங் வட்³டெ⁴த்வா ப³லங் கா³ஹெத்வா குஸொப்³பே⁴ ஓதரந்தி, குஸொப்³பே⁴ 1 ஓதரித்வா மஹாஸொப்³பே⁴ ஓதரந்தி, மஹாஸொப்³பே⁴ ஓதரித்வா குன்னதி³யோ ஓதரந்தி, குன்னதி³யோ ஓதரித்வா மஹானதி³யோ ஓதரந்தி, மஹானதி³யோ ஓதரித்வா மஹாஸமுத்³த³ங் 2 ஓதரந்தி, தே தத்த² மஹந்தத்தங் வேபுல்லத்தங் ஆபஜ்ஜந்தி காயேன; ஏவமேவ கோ², பி⁴க்க²வே, பி⁴க்கு² ஸீலங் நிஸ்ஸாய ஸீலே பதிட்டா²ய அரியங் அட்ட²ங்கி³கங் மக்³க³ங் பா⁴வெந்தோ அரியங் அட்ட²ங்கி³கங் மக்³க³ங் ப³ஹுலீகரொந்தோ மஹந்தத்தங் வேபுல்லத்தங் பாபுணாதி த⁴ம்மேஸு. கத²ஞ்ச, பி⁴க்க²வே, பி⁴க்கு² ஸீலங் நிஸ்ஸாய ஸீலே பதிட்டா²ய அரியங் அட்ட²ங்கி³கங் மக்³க³ங் பா⁴வெந்தோ அரியங் அட்ட²ங்கி³கங் மக்³க³ங் ப³ஹுலீகரொந்தோ மஹந்தத்தங் வேபுல்லத்தங் பாபுணாதி த⁴ம்மேஸு? இத⁴, பி⁴க்க²வே, பி⁴க்கு² ஸம்மாதி³ட்டி²ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்…பே॰… ஸம்மாஸமாதி⁴ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்…பே॰… ஏவங் கோ², பி⁴க்க²வே, பி⁴க்கு² ஸீலங் நிஸ்ஸாய ஸீலே பதிட்டா²ய அரியங் அட்ட²ங்கி³கங் மக்³க³ங் பா⁴வெந்தோ அரியங் அட்ட²ங்கி³கங் மக்³க³ங் ப³ஹுலீகரொந்தோ மஹந்தத்தங் வேபுல்லத்தங் பாபுணாதி த⁴ம்மேஸூ’’தி. ததியங்.
151. ‘‘Seyyathāpi , bhikkhave, himavantaṃ pabbatarājaṃ nissāya nāgā kāyaṃ vaḍḍhenti, balaṃ gāhenti; te tattha kāyaṃ vaḍḍhetvā balaṃ gāhetvā kusobbhe otaranti, kusobbhe 3 otaritvā mahāsobbhe otaranti, mahāsobbhe otaritvā kunnadiyo otaranti, kunnadiyo otaritvā mahānadiyo otaranti, mahānadiyo otaritvā mahāsamuddaṃ 4 otaranti, te tattha mahantattaṃ vepullattaṃ āpajjanti kāyena; evameva kho, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto mahantattaṃ vepullattaṃ pāpuṇāti dhammesu. Kathañca, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto mahantattaṃ vepullattaṃ pāpuṇāti dhammesu? Idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… evaṃ kho, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto mahantattaṃ vepullattaṃ pāpuṇāti dhammesū’’ti. Tatiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. நாக³ஸுத்தவண்ணனா • 3. Nāgasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3. நாக³ஸுத்தவண்ணனா • 3. Nāgasuttavaṇṇanā
