| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. нааг̇асуд̇д̇ам̣
9. Nāgasuttaṃ
231. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇аро наво бхигку ад̇ивзлам̣ гулаани убасан̇гамад̇и. д̇амзнам̣ бхигкуу звамаахам̣су – ‘‘мааяасмаа ад̇ивзлам̣ гулаани убасан̇гамий’’д̇и. со бхигку бхигкуухи вужжамаано звамааха – ‘‘имз хи наама т̇зраа бхигкуу гулаани убасан̇гамид̇аб̣б̣ам̣ ман̃н̃иссанд̇и, гиман̇г̇ам̣ 1 банааха’’нд̇и?
231. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññataro navo bhikkhu ativelaṃ kulāni upasaṅkamati. Tamenaṃ bhikkhū evamāhaṃsu – ‘‘māyasmā ativelaṃ kulāni upasaṅkamī’’ti. So bhikkhu bhikkhūhi vuccamāno evamāha – ‘‘ime hi nāma therā bhikkhū kulāni upasaṅkamitabbaṃ maññissanti, kimaṅgaṃ 2 panāha’’nti?
ат̇а ко самб̣ахулаа бхигкуу язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘ид̇ха, бханд̇з, ан̃н̃ад̇аро наво бхигку ад̇ивзлам̣ гулаани убасан̇гамад̇и. д̇амзнам̣ бхигкуу звамаахам̣су – ‘мааяасмаа ад̇ивзлам̣ гулаани убасан̇гамий’д̇и. со бхигку бхигкуухи вужжамаано звамааха – ‘имз хи наама т̇зраа бхигкуу гулаани убасан̇гамид̇аб̣б̣ам̣ ман̃н̃иссанд̇и, гиман̇г̇ам̣ банааха’’’нд̇и.
Atha kho sambahulā bhikkhū yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘idha, bhante, aññataro navo bhikkhu ativelaṃ kulāni upasaṅkamati. Tamenaṃ bhikkhū evamāhaṃsu – ‘māyasmā ativelaṃ kulāni upasaṅkamī’ti. So bhikkhu bhikkhūhi vuccamāno evamāha – ‘ime hi nāma therā bhikkhū kulāni upasaṅkamitabbaṃ maññissanti, kimaṅgaṃ panāha’’’nti.
‘‘бхууд̇абуб̣б̣ам̣ , бхигкавз, аран̃н̃ааяад̇анз махаасарасий. д̇ам̣ нааг̇аа убаниссааяа вихаранд̇и. д̇з д̇ам̣ сарасим̣ ог̇аахзд̇ваа сон̣д̣ааяа бхисамул̣аалам̣ аб̣б̣ухзд̇ваа 3 сувигкаалид̇ам̣ вигкаалзд̇ваа агад̣̇д̣̇амам̣ сан̇каад̣̇ид̇ваа 4 аж̇жхохаранд̇и. д̇зсам̣ д̇ам̣ ван̣н̣ааяа жзва ход̇и б̣алааяа жа, на жа д̇ад̇онид̣̇аанам̣ маран̣ам̣ ваа ниг̇ажчанд̇и маран̣амад̇д̇ам̣ ваа д̣̇угкам̣. д̇зсам̣язва ко бана, бхигкавз, махаанааг̇аанам̣ анусигкамаанаа д̇арун̣аа бхин̇гажчаабаа д̇ам̣ сарасим̣ ог̇аахзд̇ваа сон̣д̣ааяа бхисамул̣аалам̣ аб̣б̣ухзд̇ваа на сувигкаалид̇ам̣ вигкаалзд̇ваа сагад̣̇д̣̇амам̣ асан̇каад̣̇ид̇ваа аж̇жхохаранд̇и. д̇зсам̣ д̇ам̣ нзва ван̣н̣ааяа ход̇и на б̣алааяа. д̇ад̇онид̣̇аанам̣ маран̣ам̣ ваа ниг̇ажчанд̇и маран̣амад̇д̇ам̣ ваа д̣̇угкам̣.
‘‘Bhūtapubbaṃ , bhikkhave, araññāyatane mahāsarasī. Taṃ nāgā upanissāya viharanti. Te taṃ sarasiṃ ogāhetvā soṇḍāya bhisamuḷālaṃ abbuhetvā 5 suvikkhālitaṃ vikkhāletvā akaddamaṃ saṅkhāditvā 6 ajjhoharanti. Tesaṃ taṃ vaṇṇāya ceva hoti balāya ca, na ca tatonidānaṃ maraṇaṃ vā nigacchanti maraṇamattaṃ vā dukkhaṃ. Tesaṃyeva kho pana, bhikkhave, mahānāgānaṃ anusikkhamānā taruṇā bhiṅkacchāpā taṃ sarasiṃ ogāhetvā soṇḍāya bhisamuḷālaṃ abbuhetvā na suvikkhālitaṃ vikkhāletvā sakaddamaṃ asaṅkhāditvā ajjhoharanti. Tesaṃ taṃ neva vaṇṇāya hoti na balāya. Tatonidānaṃ maraṇaṃ vā nigacchanti maraṇamattaṃ vā dukkhaṃ.
‘‘звамзва ко, бхигкавз, ид̇ха т̇зраа бхигкуу буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа г̇аамам̣ ваа ниг̇амам̣ ваа бин̣д̣ааяа бависанд̇и. д̇з д̇ад̇т̇а д̇хаммам̣ бхаасанд̇и. д̇зсам̣ г̇ихий басаннаагаарам̣ гаронд̇и. д̇з д̇ам̣ лаабхам̣ аг̇ад̇хид̇аа амужчид̇аа анаж̇жхобаннаа 7 аад̣̇ийнавад̣̇ассаавино ниссаран̣абан̃н̃аа барибхун̃ж̇анд̇и. д̇зсам̣ д̇ам̣ ван̣н̣ааяа жзва ход̇и б̣алааяа жа, на жа д̇ад̇онид̣̇аанам̣ маран̣ам̣ ваа ниг̇ажчанд̇и маран̣амад̇д̇ам̣ ваа д̣̇угкам̣. д̇зсам̣язва ко бана, бхигкавз, т̇зраанам̣ бхигкуунам̣ анусигкамаанаа наваа бхигкуу буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа г̇аамам̣ ваа ниг̇амам̣ ваа бин̣д̣ааяа бависанд̇и. д̇з д̇ад̇т̇а д̇хаммам̣ бхаасанд̇и. д̇зсам̣ г̇ихий басаннаагаарам̣ гаронд̇и. д̇з д̇ам̣ лаабхам̣ г̇ад̇хид̇аа мужчид̇аа аж̇жхобаннаа анаад̣̇ийнавад̣̇ассаавино аниссаран̣абан̃н̃аа барибхун̃ж̇анд̇и. д̇зсам̣ д̇ам̣ нзва ван̣н̣ааяа ход̇и на б̣алааяа, д̇з д̇ад̇онид̣̇аанам̣ маран̣ам̣ ваа ниг̇ажчанд̇и маран̣амад̇д̇ам̣ ваа д̣̇угкам̣. д̇асмаад̇иха, бхигкавз, звам̣ сигкид̇аб̣б̣ам̣ – ‘аг̇ад̇хид̇аа амужчид̇аа анаж̇жхобаннаа аад̣̇ийнавад̣̇ассаавино ниссаран̣абан̃н̃аа д̇ам̣ лаабхам̣ барибхун̃ж̇иссаамаа’д̇и. зван̃хи во, бхигкавз, сигкид̇аб̣б̣а’’нд̇и . навамам̣.
‘‘Evameva kho, bhikkhave, idha therā bhikkhū pubbaṇhasamayaṃ nivāsetvā pattacīvaramādāya gāmaṃ vā nigamaṃ vā piṇḍāya pavisanti. Te tattha dhammaṃ bhāsanti. Tesaṃ gihī pasannākāraṃ karonti. Te taṃ lābhaṃ agadhitā amucchitā anajjhopannā 8 ādīnavadassāvino nissaraṇapaññā paribhuñjanti. Tesaṃ taṃ vaṇṇāya ceva hoti balāya ca, na ca tatonidānaṃ maraṇaṃ vā nigacchanti maraṇamattaṃ vā dukkhaṃ. Tesaṃyeva kho pana, bhikkhave, therānaṃ bhikkhūnaṃ anusikkhamānā navā bhikkhū pubbaṇhasamayaṃ nivāsetvā pattacīvaramādāya gāmaṃ vā nigamaṃ vā piṇḍāya pavisanti. Te tattha dhammaṃ bhāsanti. Tesaṃ gihī pasannākāraṃ karonti. Te taṃ lābhaṃ gadhitā mucchitā ajjhopannā anādīnavadassāvino anissaraṇapaññā paribhuñjanti. Tesaṃ taṃ neva vaṇṇāya hoti na balāya, te tatonidānaṃ maraṇaṃ vā nigacchanti maraṇamattaṃ vā dukkhaṃ. Tasmātiha, bhikkhave, evaṃ sikkhitabbaṃ – ‘agadhitā amucchitā anajjhopannā ādīnavadassāvino nissaraṇapaññā taṃ lābhaṃ paribhuñjissāmā’ti. Evañhi vo, bhikkhave, sikkhitabba’’nti . Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. нааг̇асуд̇д̇аван̣н̣анаа • 9. Nāgasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. нааг̇асуд̇д̇аван̣н̣анаа • 9. Nāgasuttavaṇṇanā
