Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

    3. нааг̇асуд̇д̇ам̣

    3. Nāgasuttaṃ

    151. ‘‘сзяяат̇ааби , бхигкавз, химаванд̇ам̣ баб̣б̣ад̇арааж̇ам̣ ниссааяа нааг̇аа гааяам̣ вад̣дхзнд̇и, б̣алам̣ г̇аахзнд̇и; д̇з д̇ад̇т̇а гааяам̣ вад̣дхзд̇ваа б̣алам̣ г̇аахзд̇ваа гусоб̣бхз од̇аранд̇и, гусоб̣бхз 1 од̇арид̇ваа махаасоб̣бхз од̇аранд̇и, махаасоб̣бхз од̇арид̇ваа гуннад̣̇ияо од̇аранд̇и, гуннад̣̇ияо од̇арид̇ваа махаанад̣̇ияо од̇аранд̇и, махаанад̣̇ияо од̇арид̇ваа махаасамуд̣̇д̣̇ам̣ 2 од̇аранд̇и, д̇з д̇ад̇т̇а маханд̇ад̇д̇ам̣ взбуллад̇д̇ам̣ аабаж̇ж̇анд̇и гааязна; звамзва ко, бхигкавз, бхигку сийлам̣ ниссааяа сийлз бад̇идтааяа арияам̣ адтан̇г̇игам̣ маг̇г̇ам̣ бхаавзнд̇о арияам̣ адтан̇г̇игам̣ маг̇г̇ам̣ б̣ахулийгаронд̇о маханд̇ад̇д̇ам̣ взбуллад̇д̇ам̣ баабун̣аад̇и д̇хаммзсу. гат̇ан̃жа, бхигкавз, бхигку сийлам̣ ниссааяа сийлз бад̇идтааяа арияам̣ адтан̇г̇игам̣ маг̇г̇ам̣ бхаавзнд̇о арияам̣ адтан̇г̇игам̣ маг̇г̇ам̣ б̣ахулийгаронд̇о маханд̇ад̇д̇ам̣ взбуллад̇д̇ам̣ баабун̣аад̇и д̇хаммзсу? ид̇ха, бхигкавз, бхигку саммаад̣̇идтим̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣…бз… саммаасамаад̇хим̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣…бз… звам̣ ко, бхигкавз, бхигку сийлам̣ ниссааяа сийлз бад̇идтааяа арияам̣ адтан̇г̇игам̣ маг̇г̇ам̣ бхаавзнд̇о арияам̣ адтан̇г̇игам̣ маг̇г̇ам̣ б̣ахулийгаронд̇о маханд̇ад̇д̇ам̣ взбуллад̇д̇ам̣ баабун̣аад̇и д̇хаммзсуу’’д̇и. д̇ад̇ияам̣.

    151. ‘‘Seyyathāpi , bhikkhave, himavantaṃ pabbatarājaṃ nissāya nāgā kāyaṃ vaḍḍhenti, balaṃ gāhenti; te tattha kāyaṃ vaḍḍhetvā balaṃ gāhetvā kusobbhe otaranti, kusobbhe 3 otaritvā mahāsobbhe otaranti, mahāsobbhe otaritvā kunnadiyo otaranti, kunnadiyo otaritvā mahānadiyo otaranti, mahānadiyo otaritvā mahāsamuddaṃ 4 otaranti, te tattha mahantattaṃ vepullattaṃ āpajjanti kāyena; evameva kho, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto mahantattaṃ vepullattaṃ pāpuṇāti dhammesu. Kathañca, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto mahantattaṃ vepullattaṃ pāpuṇāti dhammesu? Idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… evaṃ kho, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto mahantattaṃ vepullattaṃ pāpuṇāti dhammesū’’ti. Tatiyaṃ.




    Next: 4. ругкасуд̇д̇ам̣ • 4. Rukkhasuttaṃ




    Footnotes:
    1. гуссуб̣бхз (сий. сяаа.), гусуб̣бхз (бий. га.)
    2. махаасамуд̣̇д̣̇асааг̇арам̣ (саб̣б̣ад̇т̇а) сам̣. ни. 2.23
    3. kussubbhe (sī. syā.), kusubbhe (pī. ka.)
    4. mahāsamuddasāgaraṃ (sabbattha) saṃ. ni. 2.23



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. нааг̇асуд̇д̇аван̣н̣анаа • 3. Nāgasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. нааг̇асуд̇д̇аван̣н̣анаа • 3. Nāgasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact