| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
9. நாக³ஸுத்தவண்ணனா
9. Nāgasuttavaṇṇanā
231. நவமே அதிவேலந்தி அதிக்கந்தவேலங் காலங் அதிக்கந்தப்பமாணங் காலங். கிமங்க³ங் பனாஹந்தி அஹங் பன கிங்காரணா ந உபஸங்கமிஸ்ஸாமி? பி⁴ஸமுளாலந்தி பி⁴ஸஞ்சேவ முளாலஞ்ச. அப்³பு³ஹெத்வாதி உத்³த⁴ரித்வா. பி⁴ங்கச்சா²பாதி ஹத்தி²போதகா. தே கிர அபி⁴ண்ஹங் பி⁴ங்காரஸத்³த³ங் கரொந்தி, தஸ்மா பி⁴ங்கச்சா²பாதி வுச்சந்தி. பஸன்னாகாரங் கரொந்தீதி பஸன்னேஹி கத்தப்³பா³காரங் கரொந்தி, சத்தாரோ பச்சயே தெ³ந்தி. த⁴ம்மங் பா⁴ஸந்தீதி ஏகங் த்³வே ஜாதகானி வா ஸுத்தந்தே வா உக்³க³ண்ஹித்வா அஸம்பி⁴ன்னேன ஸரேன த⁴ம்மங் தே³ஸெந்தி. பஸன்னாகாரங் கரொந்தீதி தேஸங் தாய தே³ஸனாய பஸன்னா கி³ஹீ பச்சயே தெ³ந்தி. நேவ வண்ணாய ஹோதி ந ப³லாயாதி நேவ கு³ணவண்ணாய, ந ஞாணப³லாய ஹோதி, கு³ணவண்ணே பன பரிஹாயந்தே ஸரீரவண்ணோபி ஸரீரப³லம்பி பரிஹாயதி, தஸ்மா ஸரீரஸ்ஸ நேவ வண்ணாய ந ப³லாய ஹோதி. நவமங்.
231. Navame ativelanti atikkantavelaṃ kālaṃ atikkantappamāṇaṃ kālaṃ. Kimaṅgaṃ panāhanti ahaṃ pana kiṃkāraṇā na upasaṅkamissāmi? Bhisamuḷālanti bhisañceva muḷālañca. Abbuhetvāti uddharitvā. Bhiṅkacchāpāti hatthipotakā. Te kira abhiṇhaṃ bhiṅkārasaddaṃ karonti, tasmā bhiṅkacchāpāti vuccanti. Pasannākāraṃ karontīti pasannehi kattabbākāraṃ karonti, cattāro paccaye denti. Dhammaṃ bhāsantīti ekaṃ dve jātakāni vā suttante vā uggaṇhitvā asambhinnena sarena dhammaṃ desenti. Pasannākāraṃ karontīti tesaṃ tāya desanāya pasannā gihī paccaye denti. Neva vaṇṇāya hoti na balāyāti neva guṇavaṇṇāya, na ñāṇabalāya hoti, guṇavaṇṇe pana parihāyante sarīravaṇṇopi sarīrabalampi parihāyati, tasmā sarīrassa neva vaṇṇāya na balāya hoti. Navamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 9. நாக³ஸுத்தங் • 9. Nāgasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 9. நாக³ஸுத்தவண்ணனா • 9. Nāgasuttavaṇṇanā
