| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. нааг̇асуд̇д̇аван̣н̣анаа
3. Nāgasuttavaṇṇanā
151. б̣алам̣ г̇аахзнд̇ийд̇и б̣алам̣ г̇ан̣ханд̇и, г̇ахид̇аб̣алаа т̇ирасарийраа хонд̇и. гусоб̣бхз од̇аранд̇ийд̇иаад̣̇ийсу аяаманубуб̣б̣игат̇аа – нааг̇инияо гира уд̇усамаяз бад̇идтид̇аг̇аб̣бхаа жинд̇знд̇и – ‘‘сажз маяам̣ ид̇ха виж̇ааяиссаама, звам̣ но д̣̇аарагаа уумивзг̇ан̃жа субан̣н̣асса жа багканд̣̇ид̇ваа ааг̇ад̇асса взг̇ам̣ сахид̇ум̣ на сагкиссанд̇ий’’д̇и д̇аа махаасамуд̣̇д̣̇з нимуж̇ж̇ид̇ваа самбхаж̇ж̇амукад̣̇ваарам̣ бад̇ваа бан̃жа махаанад̣̇ияо бависид̇ваа химаванд̇ам̣ г̇ажчанд̇и. д̇ад̇т̇а субан̣н̣зхи абагканд̣̇анийяаасу суван̣н̣араж̇ад̇аман̣иг̇ухаасу васамаанаа виж̇ааяид̇ваа нааг̇абод̇агз г̇обпагаад̣̇ибамаан̣зсу уд̣̇агзсу од̇аарзд̇ваа уд̣̇агад̇аран̣ам̣ сигкаабзнд̇и.
151.Balaṃgāhentīti balaṃ gaṇhanti, gahitabalā thirasarīrā honti. Kusobbhe otarantītiādīsu ayamanupubbikathā – nāginiyo kira utusamaye patiṭṭhitagabbhā cintenti – ‘‘sace mayaṃ idha vijāyissāma, evaṃ no dārakā ūmivegañca supaṇṇassa ca pakkhanditvā āgatassa vegaṃ sahituṃ na sakkhissantī’’ti tā mahāsamudde nimujjitvā sambhajjamukhadvāraṃ patvā pañca mahānadiyo pavisitvā himavantaṃ gacchanti. Tattha supaṇṇehi apakkhandanīyāsu suvaṇṇarajatamaṇiguhāsu vasamānā vijāyitvā nāgapotake gopphakādipamāṇesu udakesu otāretvā udakataraṇaṃ sikkhāpenti.
ат̇а яад̣̇аа ануггамзна д̇з нааг̇аа г̇ан̇г̇аад̣̇ийнам̣ над̣̇ийнам̣ оримад̇ийрад̇о барад̇ийрам̣, барад̇ийрад̇о оримад̇ийранд̇и д̇аран̣абадид̇аран̣ам̣ гаад̇ум̣ саггонд̇и, д̇ад̣̇аа ‘‘ид̣̇аани но д̣̇аарагаа уумивзг̇ан̃жа г̇арул̣авзг̇ан̃жа сахид̇ум̣ сагкиссанд̇ий’’д̇и н̃ад̇ваа ад̇д̇ано аанубхаавзна махаамзгхам̣ самудтаабзд̇ваа сагалахимаванд̇ам̣ згод̣̇агам̣ вияа гурумаанаа д̣̇звам̣ вассаабзд̇ваа суван̣н̣араж̇ад̇аад̣̇имаяаа нааваа маабзд̇ваа убари суван̣н̣ад̇аарагавижид̇д̇ам̣ самосарид̇аг̇анд̇хабубпад̣̇аамам̣ жзлавид̇аанам̣ б̣анд̇хид̇ваа сурабхижанд̣̇анаг̇анд̇хабубпаад̣̇ийни аад̣̇ааяа д̇аахи нааваахи бан̃жа махаанад̣̇ияо ог̇аахид̇ваа ануггамзна махаасамуд̣̇д̣̇ам̣ баабун̣анд̇и. д̇ад̇т̇а жа васанд̇аа д̣̇асаб̣яаама-сад̇аб̣яаама-сахассаб̣яаама-сад̇асахассаб̣яаама-бамаан̣ад̇ам̣ аабаж̇ж̇анд̇аа маханд̇ад̇д̇ам̣ взбуллад̇д̇ам̣ аабаж̇ж̇анд̇и наама.
Atha yadā anukkamena te nāgā gaṅgādīnaṃ nadīnaṃ orimatīrato paratīraṃ, paratīrato orimatīranti taraṇapaṭitaraṇaṃ kātuṃ sakkonti, tadā ‘‘idāni no dārakā ūmivegañca garuḷavegañca sahituṃ sakkhissantī’’ti ñatvā attano ānubhāvena mahāmeghaṃ samuṭṭhāpetvā sakalahimavantaṃ ekodakaṃ viya kurumānā devaṃ vassāpetvā suvaṇṇarajatādimayā nāvā māpetvā upari suvaṇṇatārakavicittaṃ samosaritagandhapupphadāmaṃ celavitānaṃ bandhitvā surabhicandanagandhapupphādīni ādāya tāhi nāvāhi pañca mahānadiyo ogāhitvā anukkamena mahāsamuddaṃ pāpuṇanti. Tattha ca vasantā dasabyāma-satabyāma-sahassabyāma-satasahassabyāma-pamāṇataṃ āpajjantā mahantattaṃ vepullattaṃ āpajjanti nāma.
звамзва код̇и зд̇т̇а химаванд̇абаб̣б̣ад̇о вияа жад̇убаарисуд̣̇д̇хисийлам̣ д̣̇адтаб̣б̣ам̣, нааг̇абод̇агаа вияа яог̇ааважараа, гусоб̣бхаад̣̇аяо вияа арияамаг̇г̇о, махаасамуд̣̇д̣̇о вияа ниб̣б̣аанам̣. яат̇аа нааг̇абод̇агаа химаванд̇з бад̇идтааяа гусоб̣бхаад̣̇ийхи махаасамуд̣̇д̣̇ам̣ бад̇ваа гааяамаханд̇ад̇д̇ам̣ аабаж̇ж̇анд̇и, звам̣ яог̇ино сийлам̣ ниссааяа сийлз бад̇идтааяа арияамаг̇г̇зна ниб̣б̣аанам̣ бад̇ваа арахад̇д̇амаг̇г̇знзва ааг̇ад̇зсу часу абхин̃н̃аад̇хаммзсу г̇ун̣асарийрамаханд̇ад̇д̇ам̣ баабун̣анд̇ийд̇и.
Evameva khoti ettha himavantapabbato viya catupārisuddhisīlaṃ daṭṭhabbaṃ, nāgapotakā viya yogāvacarā, kusobbhādayo viya ariyamaggo, mahāsamuddo viya nibbānaṃ. Yathā nāgapotakā himavante patiṭṭhāya kusobbhādīhi mahāsamuddaṃ patvā kāyamahantattaṃ āpajjanti, evaṃ yogino sīlaṃ nissāya sīle patiṭṭhāya ariyamaggena nibbānaṃ patvā arahattamaggeneva āgatesu chasu abhiññādhammesu guṇasarīramahantattaṃ pāpuṇantīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. нааг̇асуд̇д̇ам̣ • 3. Nāgasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. нааг̇асуд̇д̇аван̣н̣анаа • 3. Nāgasuttavaṇṇanā
