| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
5. нааг̇асуд̇д̇аван̣н̣анаа
5. Nāgasuttavaṇṇanā
35. бан̃жамз госамб̣ияанд̇и гусумб̣зна наама исинаа васид̇адтаанз маабид̇ад̇д̇аа ‘‘госамб̣ий’’д̇и звам̣лад̣̇д̇ханаамагз наг̇арз. гхосид̇аараамзд̇и гхосид̇асздтинаа гаарид̇з аараамз. бхаг̇аваа аагин̣н̣о вихарад̇ийд̇и бхаг̇аваа самб̣аад̇хаббад̇д̇о вихарад̇и. гим̣ бана бхаг̇авад̇о самб̣аад̇хо ад̇т̇и, сам̣саг̇г̇о ваад̇и? над̇т̇и. на хи гожи бхаг̇аванд̇ам̣ анижчааяа убасан̇гамид̇ум̣ саггод̇и. д̣̇ураасад̣̇аа хи б̣уд̣̇д̇хаа бхаг̇аванд̇о саб̣б̣ад̇т̇а жа анубалид̇д̇ад̇д̇аа. хид̇зсид̇ааяа бана сад̇д̇зсу анугамбам̣ убаад̣̇ааяа ‘‘муд̇д̇о можзссаамий’’д̇и бадин̃н̃аануруубам̣ жад̇урогханид̇т̇аран̣ад̇т̇ам̣ адтаннам̣ барисаанам̣ ад̇д̇ано санд̇игам̣ гаалзна гаалам̣ убасан̇гаманам̣ ад̇хиваасзд̇и, саяан̃жа махаагарун̣аасамуссаахид̇о гаалан̃н̃уу худ̇ваа д̇ад̇т̇а убасан̇гамад̇и, ид̣̇ам̣ саб̣б̣аб̣уд̣̇д̇хаанам̣ аажин̣н̣ам̣, аяамид̇ха аагин̣н̣авихаарод̇и ад̇хиббзд̇о.
35. Pañcame kosambiyanti kusumbena nāma isinā vasitaṭṭhāne māpitattā ‘‘kosambī’’ti evaṃladdhanāmake nagare. Ghositārāmeti ghositaseṭṭhinā kārite ārāme. Bhagavā ākiṇṇo viharatīti bhagavā sambādhappatto viharati. Kiṃ pana bhagavato sambādho atthi, saṃsaggo vāti? Natthi. Na hi koci bhagavantaṃ anicchāya upasaṅkamituṃ sakkoti. Durāsadā hi buddhā bhagavanto sabbattha ca anupalittattā. Hitesitāya pana sattesu anukampaṃ upādāya ‘‘mutto mocessāmī’’ti paṭiññānurūpaṃ caturoghanittharaṇatthaṃ aṭṭhannaṃ parisānaṃ attano santikaṃ kālena kālaṃ upasaṅkamanaṃ adhivāseti, sayañca mahākaruṇāsamussāhito kālaññū hutvā tattha upasaṅkamati, idaṃ sabbabuddhānaṃ āciṇṇaṃ, ayamidha ākiṇṇavihāroti adhippeto.
ид̇ха бана госамб̣игаанам̣ бхигкуунам̣ галахаж̇аад̇аанам̣ сад̇т̇аа д̣̇ийгхийд̇исса госаларан̃н̃о вад̇т̇ум̣ аахарид̇ваа, ‘‘на хи взрзна взраани, самманд̇ийд̇ха гуд̣̇аажана’’нд̇иаад̣̇инаа (д̇ха. ба. 5; ма. ни. 3.237; махаава. 464) оваад̣̇ам̣ ад̣̇ааси, д̇ам̣ д̣̇ивасам̣ д̇зсам̣ галахам̣ гаронд̇аанам̣язва рад̇д̇и вибхаад̇аа. д̣̇уд̇ияад̣̇ивасзби бхаг̇аваа д̇амзва вад̇т̇ум̣ гат̇зси, д̇ам̣ д̣̇ивасамби д̇зсам̣ галахам̣ гаронд̇аанам̣язва рад̇д̇и вибхаад̇аа. д̇ад̇ияад̣̇ивасзби бхаг̇аваа д̇амзва вад̇т̇ум̣ гат̇зси, ат̇ан̃н̃ад̇аро бхигку бхаг̇аванд̇ам̣ звамааха – ‘‘аббоссугго, бханд̇з бхаг̇аваа, д̣̇идтад̇хаммасукавихаарамануяуд̇д̇о вихарад̇у, маяамзд̇зна бхан̣д̣анзна галахзна виг̇г̇ахзна виваад̣̇зна бан̃н̃ааяиссаамаа’’д̇и. сад̇т̇аа ‘‘барияаад̣̇иннажид̇д̇аа ко имз могхабурисаа на д̣̇аанимз саггаа сан̃н̃аабзд̇ум̣, над̇т̇и жзд̇т̇а сан̃н̃аабзд̇аб̣б̣аа, яам̣нуунаахам̣ згажааригаваасам̣ васзяяам̣, звам̣ имз бхигкуу галахад̇о орамиссанд̇ий’’д̇и жинд̇зси. звам̣ д̇зхи галахагаарагзхи бхигкуухи сад̣̇д̇хим̣ згавихаарз ваасам̣ винзд̇аб̣б̣аабхаавад̇о убаасагаад̣̇ийхи убасан̇гаманан̃жа аагин̣н̣авихаарам̣ гад̇ваа вуд̇д̇ам̣ – ‘‘д̇зна ко бана самаязна бхаг̇аваа аагин̣н̣о вихарад̇ий’’д̇иаад̣̇и.
Idha pana kosambikānaṃ bhikkhūnaṃ kalahajātānaṃ satthā dīghītissa kosalarañño vatthuṃ āharitvā, ‘‘na hi verena verāni, sammantīdha kudācana’’ntiādinā (dha. pa. 5; ma. ni. 3.237; mahāva. 464) ovādaṃ adāsi, taṃ divasaṃ tesaṃ kalahaṃ karontānaṃyeva ratti vibhātā. Dutiyadivasepi bhagavā tameva vatthuṃ kathesi, taṃ divasampi tesaṃ kalahaṃ karontānaṃyeva ratti vibhātā. Tatiyadivasepi bhagavā tameva vatthuṃ kathesi, athaññataro bhikkhu bhagavantaṃ evamāha – ‘‘appossukko, bhante bhagavā, diṭṭhadhammasukhavihāramanuyutto viharatu, mayametena bhaṇḍanena kalahena viggahena vivādena paññāyissāmā’’ti. Satthā ‘‘pariyādinnacittā kho ime moghapurisā na dānime sakkā saññāpetuṃ, natthi cettha saññāpetabbā, yaṃnūnāhaṃ ekacārikavāsaṃ vaseyyaṃ, evaṃ ime bhikkhū kalahato oramissantī’’ti cintesi. Evaṃ tehi kalahakārakehi bhikkhūhi saddhiṃ ekavihāre vāsaṃ vinetabbābhāvato upāsakādīhi upasaṅkamanañca ākiṇṇavihāraṃ katvā vuttaṃ – ‘‘tena kho pana samayena bhagavā ākiṇṇo viharatī’’tiādi.
д̇ад̇т̇а д̣̇угканд̇и на сукам̣, анаараад̇хид̇ажид̇д̇ад̇ааяа на идтанд̇и ад̇т̇о. д̇знзвааха ‘‘на паасу вихараамий’’д̇и. вуубагадтод̇и бавивзгадто д̣̇уурийбхууд̇о. д̇ат̇аа жинд̇зд̇ваава бхаг̇аваа баад̇ова сарийраббадиж̇аг̇г̇анам̣ гад̇ваа госамб̣ияам̣ бин̣д̣ааяа жарид̇ваа ган̃жи анааманд̇зд̇ваа зго ад̣̇уд̇ияо г̇анд̇ваа госаларадтз баалилзяяагз ванасан̣д̣з бхад̣̇д̣̇асааламуулз вихааси. д̇зна вуд̇д̇ам̣ – ‘‘ат̇а ко бхаг̇аваа буб̣б̣ан̣хасамаяам̣…бз… бхад̣̇д̣̇асааламуулз’’д̇и. д̇ад̇т̇а сааманд̇и саяам̣. сам̣саамзд̇ваад̇и бадисаамзд̇ваа. бад̇д̇ажийварамаад̣̇ааяаад̇и зд̇т̇ааби сааманд̇и бад̣̇ам̣ аанзд̇ваа яож̇зд̇аб̣б̣ам̣. убадтаагзд̇и госамб̣инаг̇араваасино гхосид̇асздтиаад̣̇игз убадтаагз, вихаарз жа аг̇г̇убадтаагам̣ ааяасманд̇ам̣ аананд̣̇ам̣ анааманд̇зд̇ваа.
Tattha dukkhanti na sukhaṃ, anārādhitacittatāya na iṭṭhanti attho. Tenevāha ‘‘na phāsu viharāmī’’ti. Vūpakaṭṭhoti pavivekaṭṭho dūrībhūto. Tathā cintetvāva bhagavā pātova sarīrappaṭijagganaṃ katvā kosambiyaṃ piṇḍāya caritvā kañci anāmantetvā eko adutiyo gantvā kosalaraṭṭhe pālileyyake vanasaṇḍe bhaddasālamūle vihāsi. Tena vuttaṃ – ‘‘atha kho bhagavā pubbaṇhasamayaṃ…pe… bhaddasālamūle’’ti. Tattha sāmanti sayaṃ. Saṃsāmetvāti paṭisāmetvā. Pattacīvaramādāyāti etthāpi sāmanti padaṃ ānetvā yojetabbaṃ. Upaṭṭhāketi kosambinagaravāsino ghositaseṭṭhiādike upaṭṭhāke, vihāre ca aggupaṭṭhākaṃ āyasmantaṃ ānandaṃ anāmantetvā.
звам̣ г̇ад̇з сад̇т̇ари бан̃жасад̇аа бхигкуу ааяасманд̇ам̣ аананд̣̇ам̣ аахам̣су – ‘‘аавусо аананд̣̇а, сад̇т̇аа згагова г̇ад̇о, маяам̣ ануб̣анд̇хиссаамаа’’д̇и. ‘‘аавусо, яад̣̇аа бхаг̇аваа саамам̣ сзнаасанам̣ сам̣саамзд̇ваа бад̇д̇ажийварамаад̣̇ааяа анааманд̇зд̇ваа убадтаагз жа анабалогзд̇ваа бхигкусан̇гхам̣ ад̣̇уд̇ияо г̇ажчад̇и, д̇ад̣̇аа згажаарам̣ жарид̇ум̣ бхаг̇авад̇о аж̇жхаасаяо, саавагзна наама сад̇т̇у аж̇жхаасаяаануруубам̣ бадибаж̇ж̇ид̇аб̣б̣ам̣, д̇асмаа на имзсу д̣̇ивасзсу бхаг̇аваа ануг̇анд̇аб̣б̣о’’д̇и ниваарзси, саяамби наануг̇ажчи.
Evaṃ gate satthari pañcasatā bhikkhū āyasmantaṃ ānandaṃ āhaṃsu – ‘‘āvuso ānanda, satthā ekakova gato, mayaṃ anubandhissāmā’’ti. ‘‘Āvuso, yadā bhagavā sāmaṃ senāsanaṃ saṃsāmetvā pattacīvaramādāya anāmantetvā upaṭṭhāke ca anapaloketvā bhikkhusaṅghaṃ adutiyo gacchati, tadā ekacāraṃ carituṃ bhagavato ajjhāsayo, sāvakena nāma satthu ajjhāsayānurūpaṃ paṭipajjitabbaṃ, tasmā na imesu divasesu bhagavā anugantabbo’’ti nivāresi, sayampi nānugacchi.
анубуб̣б̣знаад̇и ануггамзна, г̇ааманиг̇амабадибаадияаа жааригам̣ жарамаано ‘‘згажаараваасам̣ д̇аава васамаанам̣ бхигкум̣ бассиссаамий’’д̇и б̣аалагалон̣агаараг̇аамам̣ г̇анд̇ваа д̇ад̇т̇а бхаг̇уд̇т̇зрасса сагалам̣ бажчаабхад̇д̇ан̃жзва д̇ияааман̃жа рад̇д̇им̣ згажаараваасз аанисам̣сам̣ гат̇зд̇ваа бунад̣̇ивасз д̇зна бажчаасаман̣зна бин̣д̣ааяа жарид̇ваа д̇ам̣ д̇ад̇т̇зва нивад̇д̇зд̇ваа ‘‘самаг̇г̇аваасам̣ васамаанз д̇аяо гулабуд̇д̇з бассиссаамий’’д̇и баажийнавам̣самиг̇ад̣̇ааяам̣ г̇анд̇ваа д̇зсамби сагаларад̇д̇им̣ самаг̇г̇аваасз аанисам̣сам̣ гат̇зд̇ваа д̇зби д̇ад̇т̇зва нивад̇д̇зд̇ваа згагова баалилзяяаг̇аамам̣ самбад̇д̇о. баалилзяяаг̇аамаваасино бажжуг̇г̇анд̇ваа бхаг̇авад̇о д̣̇аанам̣ д̣̇ад̇ваа баалилзяяаг̇аамасса авид̣̇уурз рагкид̇аванасан̣д̣о наама ад̇т̇и, д̇ад̇т̇а бхаг̇авад̇о бан̣н̣асаалам̣ гад̇ваа ‘‘зд̇т̇а бхаг̇аваа васад̇уу’’д̇и яаажид̇ваа ваасаяим̣су. бхад̣̇д̣̇асаалод̇и бана д̇ад̇т̇зго манаабо бхад̣̇д̣̇аго сааларугко, бхаг̇аваа д̇ам̣ г̇аамам̣ убаниссааяа ванасан̣д̣з бан̣н̣асааласамийбз д̇асмим̣ ругкамуулз вихааси. д̇зна вуд̇д̇ам̣ – ‘‘баалилзяяагз вихарад̇и рагкид̇аванасан̣д̣з бхад̣̇д̣̇асааламуулз’’д̇и.
Anupubbenāti anukkamena, gāmanigamapaṭipāṭiyā cārikaṃ caramāno ‘‘ekacāravāsaṃ tāva vasamānaṃ bhikkhuṃ passissāmī’’ti bālakaloṇakāragāmaṃ gantvā tattha bhaguttherassa sakalaṃ pacchābhattañceva tiyāmañca rattiṃ ekacāravāse ānisaṃsaṃ kathetvā punadivase tena pacchāsamaṇena piṇḍāya caritvā taṃ tattheva nivattetvā ‘‘samaggavāsaṃ vasamāne tayo kulaputte passissāmī’’ti pācīnavaṃsamigadāyaṃ gantvā tesampi sakalarattiṃ samaggavāse ānisaṃsaṃ kathetvā tepi tattheva nivattetvā ekakova pālileyyagāmaṃ sampatto. Pālileyyagāmavāsino paccuggantvā bhagavato dānaṃ datvā pālileyyagāmassa avidūre rakkhitavanasaṇḍo nāma atthi, tattha bhagavato paṇṇasālaṃ katvā ‘‘ettha bhagavā vasatū’’ti yācitvā vāsayiṃsu. Bhaddasāloti pana tattheko manāpo bhaddako sālarukkho, bhagavā taṃ gāmaṃ upanissāya vanasaṇḍe paṇṇasālasamīpe tasmiṃ rukkhamūle vihāsi. Tena vuttaṃ – ‘‘pālileyyake viharati rakkhitavanasaṇḍe bhaddasālamūle’’ti.
хад̇т̇инааг̇од̇и махаахад̇т̇ий яуут̇абад̇и. хад̇т̇игалабхзхийд̇и хад̇т̇ибод̇агзхи. хад̇т̇ижчаабзхийд̇и кийруубаг̇зхи д̣̇ахарахад̇т̇ибод̇агзхи, яз ‘‘бхин̇гаа’’д̇иби вужжанд̇и. чиннаг̇г̇аанийд̇и бурад̇о бурад̇о г̇ажчанд̇зхи д̇зхи хад̇т̇иаад̣̇ийхи чиннаг̇г̇аани каад̣̇ид̇аавасзсаани каан̣усад̣̇исаани каад̣̇ад̇и. обхаг̇г̇обхаг̇г̇анд̇и д̇зна хад̇т̇инааг̇зна ужжадтаанад̇о бхан̃ж̇ид̇ваа бхан̃ж̇ид̇ваа баад̇ид̇ам̣. асса саакаабхан̇г̇анд̇и зд̇асса санд̇агам̣ саакаабхан̇г̇ам̣ д̇з каад̣̇анд̇и. аавилаанийд̇и д̇зхи батамад̇арам̣ од̇арид̇ваа биванд̇зхи аалул̣ид̇ад̇д̇аа аавилаани гад̣̇д̣̇амамиссаани баанийяаани бивад̇и. ог̇аахаад̇и д̇ид̇т̇ад̇о. ‘‘ог̇ааха’’нд̇иби баал̣и. ассаад̇и хад̇т̇инааг̇асса. убанигхам̣санд̇ияод̇и гхаддзнд̇ияо, убанигхам̣сияамааноби ад̇д̇ано ул̣аарабхаавзна на гуж̇жхад̇и, д̇зна д̇аа д̇ам̣ гхам̣санд̇иязва. яуут̇аад̇и хад̇т̇игхадаа.
Hatthināgoti mahāhatthī yūthapati. Hatthikalabhehīti hatthipotakehi. Hatthicchāpehīti khīrūpagehi daharahatthipotakehi, ye ‘‘bhiṅkā’’tipi vuccanti. Chinnaggānīti purato purato gacchantehi tehi hatthiādīhi chinnaggāni khāditāvasesāni khāṇusadisāni khādati. Obhaggobhagganti tena hatthināgena uccaṭṭhānato bhañjitvā bhañjitvā pātitaṃ. Assa sākhābhaṅganti etassa santakaṃ sākhābhaṅgaṃ te khādanti. Āvilānīti tehi paṭhamataraṃ otaritvā pivantehi āluḷitattā āvilāni kaddamamissāni pānīyāni pivati. Ogāhāti titthato. ‘‘Ogāha’’ntipi pāḷi. Assāti hatthināgassa. Upanighaṃsantiyoti ghaṭṭentiyo, upanighaṃsiyamānopi attano uḷārabhāvena na kujjhati, tena tā taṃ ghaṃsantiyeva. Yūthāti hatthighaṭā.
язна бхаг̇аваа д̇знубасан̇гамийд̇и со гира хад̇т̇инааг̇о яуут̇аваасз угган̣тид̇о д̇ам̣ ванасан̣д̣ам̣ бавидто д̇ад̇т̇а бхаг̇аванд̇ам̣ д̣̇исваа гхадасахассзна ниб̣б̣аабид̇асанд̇аабо вияа ниб̣б̣уд̇о худ̇ваа басаннажид̇д̇о бхаг̇авад̇о санд̇игз адтааси, д̇ад̇о бадтааяа вад̇д̇асийсз тад̇ваа бхад̣̇д̣̇асааласса бан̣н̣асаалааяа жа саманд̇ад̇о аббахарид̇агам̣ гад̇ваа саакаабхан̇г̇зхи саммаж̇ж̇ад̇и, бхаг̇авад̇о мукад̇хованам̣ д̣̇зд̇и, нхаанод̣̇агам̣ аахарад̇и, д̣̇анд̇агадтам̣ д̣̇зд̇и, аран̃н̃ад̇о мад̇хураани палаани аахарид̇ваа сад̇т̇у убанзд̇и, сад̇т̇аа д̇аани барибхун̃ж̇ад̇и . д̇зна вуд̇д̇ам̣ – ‘‘д̇ад̇ра суд̣̇ам̣ со хад̇т̇инааг̇о яасмим̣ бад̣̇зсз бхаг̇аваа вихарад̇и, д̇ам̣ бад̣̇зсам̣ аббахарид̇ан̃жа гарод̇и, сон̣д̣ааяа бхаг̇авад̇о баанийяам̣ барибхож̇анийяам̣ убадтаабзд̇ий’’д̇и. сон̣д̣ааяа д̣̇аарууни аахарид̇ваа ан̃н̃аман̃н̃ам̣ гхам̣сид̇ваа аг̇г̇им̣ удтаабзд̇ваа д̣̇аарууни ж̇аалаабзд̇ваа д̇ад̇т̇а баасаан̣акан̣д̣аани д̇аабзд̇ваа д̇аани д̣̇ан̣д̣агзхи баваддзд̇ваа сон̣д̣ияам̣ кибид̇ваа уд̣̇агасса д̇ад̇д̇абхаавам̣ н̃ад̇ваа бхаг̇авад̇о санд̇игам̣ убаг̇анд̇ваа д̇идтад̇и, бхаг̇аваа ‘‘хад̇т̇инааг̇о мама нхаанам̣ ижчад̇ий’’д̇и д̇ад̇т̇а г̇анд̇ваа нхаанагижжам̣ гарод̇и, баанийязби зсзва наяо. д̇асмим̣ бана сийд̇алз сан̃ж̇аад̇з убасан̇гамад̇и, д̇ам̣ санд̇хааяа вуд̇д̇ам̣ – ‘‘сон̣д̣ааяа бхаг̇авад̇о баанийяам̣ барибхож̇анийяам̣ убадтаабзд̇ий’’д̇и.
Yena bhagavā tenupasaṅkamīti so kira hatthināgo yūthavāse ukkaṇṭhito taṃ vanasaṇḍaṃ paviṭṭho tattha bhagavantaṃ disvā ghaṭasahassena nibbāpitasantāpo viya nibbuto hutvā pasannacitto bhagavato santike aṭṭhāsi, tato paṭṭhāya vattasīse ṭhatvā bhaddasālassa paṇṇasālāya ca samantato appaharitakaṃ katvā sākhābhaṅgehi sammajjati, bhagavato mukhadhovanaṃ deti, nhānodakaṃ āharati, dantakaṭṭhaṃ deti, araññato madhurāni phalāni āharitvā satthu upaneti, satthā tāni paribhuñjati . Tena vuttaṃ – ‘‘tatra sudaṃ so hatthināgo yasmiṃ padese bhagavā viharati, taṃ padesaṃ appaharitañca karoti, soṇḍāya bhagavato pānīyaṃ paribhojanīyaṃ upaṭṭhāpetī’’ti. Soṇḍāya dārūni āharitvā aññamaññaṃ ghaṃsitvā aggiṃ uṭṭhāpetvā dārūni jālāpetvā tattha pāsāṇakhaṇḍāni tāpetvā tāni daṇḍakehi pavaṭṭetvā soṇḍiyaṃ khipitvā udakassa tattabhāvaṃ ñatvā bhagavato santikaṃ upagantvā tiṭṭhati, bhagavā ‘‘hatthināgo mama nhānaṃ icchatī’’ti tattha gantvā nhānakiccaṃ karoti, pānīyepi eseva nayo. Tasmiṃ pana sītale sañjāte upasaṅkamati, taṃ sandhāya vuttaṃ – ‘‘soṇḍāya bhagavato pānīyaṃ paribhojanīyaṃ upaṭṭhāpetī’’ti.
ат̇а ко бхаг̇авад̇о рахог̇ад̇ассаад̇иаад̣̇и убхиннам̣ махаанааг̇аанам̣ вивзгасукабажжавзгкан̣ад̣̇ассанам̣, д̇ам̣ вуд̇д̇ад̇т̇амзва. ад̇д̇ано жа бавивзгам̣ вид̣̇ид̇ваад̇и гзхижи анаагин̣н̣абхаавалад̣̇д̇хам̣ гааяавивзгам̣ ж̇аанид̇ваа, ид̇арз бана вивзгаа бхаг̇авад̇о саб̣б̣агаалам̣ виж̇ж̇анд̇иязва.
Atha kho bhagavato rahogatassātiādi ubhinnaṃ mahānāgānaṃ vivekasukhapaccavekkhaṇadassanaṃ, taṃ vuttatthameva. Attano ca pavivekaṃ viditvāti kehici anākiṇṇabhāvaladdhaṃ kāyavivekaṃ jānitvā, itare pana vivekā bhagavato sabbakālaṃ vijjantiyeva.
имам̣ уд̣̇аананд̇и имам̣ ад̇д̇ано хад̇т̇инааг̇асса жа бавивзгаабхирад̇ияаа самаанаж̇жхаасаяабхаавад̣̇ийбанам̣ уд̣̇аанам̣ уд̣̇аанзси.
Imaṃudānanti imaṃ attano hatthināgassa ca pavivekābhiratiyā samānajjhāsayabhāvadīpanaṃ udānaṃ udānesi.
д̇ад̇т̇ааяам̣ сан̇кзбад̇т̇о – зд̇ам̣ ийсаад̣̇анд̇асса рат̇аийсаасад̣̇исад̣̇анд̇асса хад̇т̇инааг̇асса жид̇д̇ам̣ нааг̇зна б̣уд̣̇д̇ханааг̇асса жид̇д̇зна самзд̇и сам̣санд̣̇ад̇и. гат̇ам̣ самзд̇и жз? яад̣̇зго рамад̇ий ванз яасмаа б̣уд̣̇д̇ханааг̇о ‘‘ахам̣ ко буб̣б̣з аагин̣н̣о вихааси’’нд̇и буримам̣ аагин̣н̣авихаарам̣ ж̇иг̇ужчид̇ваа вивзгам̣ убаб̣руухаяамаано ид̣̇аани яат̇аа зго ад̣̇уд̇ияо ванз аран̃н̃з рамад̇и абхирамад̇и, звам̣ аяамби хад̇т̇инааг̇о буб̣б̣з ад̇д̇ано хад̇т̇иаад̣̇ийхи аагин̣н̣авихаарам̣ ж̇иг̇ужчид̇ваа вивзгам̣ убаб̣руухаяамаано ид̣̇аани зго асахааяо ванз аран̃н̃з рамад̇и абхирамад̇и. д̇асмаасса жид̇д̇ам̣ нааг̇зна самзд̇и д̇асса жид̇д̇зна самзд̇ийд̇и гад̇ваа згийбхааварад̇ияаа згасад̣̇исам̣ ход̇ийд̇и ад̇т̇о.
Tatthāyaṃ saṅkhepattho – etaṃ īsādantassa rathaīsāsadisadantassa hatthināgassa cittaṃ nāgena buddhanāgassa cittena sameti saṃsandati. Kathaṃ sameti ce? Yadeko ramatī vane yasmā buddhanāgo ‘‘ahaṃ kho pubbe ākiṇṇo vihāsi’’nti purimaṃ ākiṇṇavihāraṃ jigucchitvā vivekaṃ upabrūhayamāno idāni yathā eko adutiyo vane araññe ramati abhiramati, evaṃ ayampi hatthināgo pubbe attano hatthiādīhi ākiṇṇavihāraṃ jigucchitvā vivekaṃ upabrūhayamāno idāni eko asahāyo vane araññe ramati abhiramati. Tasmāssa cittaṃ nāgena sameti tassa cittena sametīti katvā ekībhāvaratiyā ekasadisaṃ hotīti attho.
бан̃жамасуд̇д̇аван̣н̣анаа нидтид̇аа.
Pañcamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 5. нааг̇асуд̇д̇ам̣ • 5. Nāgasuttaṃ
