| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၉. နာဂသုတ္တဝဏ္ဏနာ
9. Nāgasuttavaṇṇanā
၄၀. နဝမေ အာရညကသ္သာတိ အရညဝာသိနော။ ဂောစရပသုတသ္သာတိ ဂောစရဂ္ဂဟဏတ္ထာယ ဂစ္ဆန္တသ္သ။ ဟတ္ထိကလဘာတိ မဟန္တာ မဟန္တာ နာဂာ။ ဟတ္ထိစ္ဆာပာတိ တရုဏပောတကာ။ ဩဘဂ္ဂောဘဂ္ဂန္တိ နာမေတ္ဝာ နာမေတ္ဝာ ဌပိတံ။ ဩဂာဟံ ဩတိဏ္ဏသ္သာတိ ဩဂာဟိတဗ္ဗတ္တာ ဩဂာဟန္တိ လဒ္ဓနာမံ ဥဒကတိတ္ထံ ဩတိဏ္ဏသ္သ။ ဩဂာဟာ ဥတ္တိဏ္ဏသ္သာတိ ဥဒကတိတ္ထတော ဥတ္တိဏ္ဏသ္သ။ ဝူပကဋ္ဌောတိ ဝူပကဋ္ဌော ဟုတ္ဝာ။ ဣဒာနိ ယသ္မာ ဒသဗလသ္သ ဟတ္ထိနာဂေန ကိစ္စံ နတ္ထိ, သာသနေ ပန တံသရိက္ခကံ ပုဂ္ဂလံ ဒသ္သေတုံ ဣဒမာဟဋံ, တသ္မာ တံ ပုဂ္ဂလံ ဒသ္သေန္တော ဧဝမေဝ ခောတိအာဒိမာဟ။
40. Navame āraññakassāti araññavāsino. Gocarapasutassāti gocaraggahaṇatthāya gacchantassa. Hatthikalabhāti mahantā mahantā nāgā. Hatthicchāpāti taruṇapotakā. Obhaggobhagganti nāmetvā nāmetvā ṭhapitaṃ. Ogāhaṃ otiṇṇassāti ogāhitabbattā ogāhanti laddhanāmaṃ udakatitthaṃ otiṇṇassa. Ogāhā uttiṇṇassāti udakatitthato uttiṇṇassa. Vūpakaṭṭhoti vūpakaṭṭho hutvā. Idāni yasmā dasabalassa hatthināgena kiccaṃ natthi, sāsane pana taṃsarikkhakaṃ puggalaṃ dassetuṃ idamāhaṭaṃ, tasmā taṃ puggalaṃ dassento evameva khotiādimāha.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၉. နာဂသုတ္တံ • 9. Nāgasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၈-၉. ဒေဝာသုရသင္ဂာမသုတ္တာဒိဝဏ္ဏနာ • 8-9. Devāsurasaṅgāmasuttādivaṇṇanā
