| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੯. ਨਾਗਸੁਤ੍ਤવਣ੍ਣਨਾ
9. Nāgasuttavaṇṇanā
੨੩੧. ਨવਮੇ ਅਤਿવੇਲਨ੍ਤਿ ਅਤਿਕ੍ਕਨ੍ਤવੇਲਂ ਕਾਲਂ ਅਤਿਕ੍ਕਨ੍ਤਪ੍ਪਮਾਣਂ ਕਾਲਂ। ਕਿਮਙ੍ਗਂ ਪਨਾਹਨ੍ਤਿ ਅਹਂ ਪਨ ਕਿਂਕਾਰਣਾ ਨ ਉਪਸਙ੍ਕਮਿਸ੍ਸਾਮਿ? ਭਿਸਮੁਲ਼ਾਲਨ੍ਤਿ ਭਿਸਞ੍ਚੇવ ਮੁਲ਼ਾਲਞ੍ਚ। ਅਬ੍ਬੁਹੇਤ੍વਾਤਿ ਉਦ੍ਧਰਿਤ੍વਾ। ਭਿਙ੍ਕਚ੍ਛਾਪਾਤਿ ਹਤ੍ਥਿਪੋਤਕਾ। ਤੇ ਕਿਰ ਅਭਿਣ੍ਹਂ ਭਿਙ੍ਕਾਰਸਦ੍ਦਂ ਕਰੋਨ੍ਤਿ, ਤਸ੍ਮਾ ਭਿਙ੍ਕਚ੍ਛਾਪਾਤਿ વੁਚ੍ਚਨ੍ਤਿ। ਪਸਨ੍ਨਾਕਾਰਂ ਕਰੋਨ੍ਤੀਤਿ ਪਸਨ੍ਨੇਹਿ ਕਤ੍ਤਬ੍ਬਾਕਾਰਂ ਕਰੋਨ੍ਤਿ, ਚਤ੍ਤਾਰੋ ਪਚ੍ਚਯੇ ਦੇਨ੍ਤਿ। ਧਮ੍ਮਂ ਭਾਸਨ੍ਤੀਤਿ ਏਕਂ ਦ੍વੇ ਜਾਤਕਾਨਿ વਾ ਸੁਤ੍ਤਨ੍ਤੇ વਾ ਉਗ੍ਗਣ੍ਹਿਤ੍વਾ ਅਸਮ੍ਭਿਨ੍ਨੇਨ ਸਰੇਨ ਧਮ੍ਮਂ ਦੇਸੇਨ੍ਤਿ। ਪਸਨ੍ਨਾਕਾਰਂ ਕਰੋਨ੍ਤੀਤਿ ਤੇਸਂ ਤਾਯ ਦੇਸਨਾਯ ਪਸਨ੍ਨਾ ਗਿਹੀ ਪਚ੍ਚਯੇ ਦੇਨ੍ਤਿ। ਨੇવ વਣ੍ਣਾਯ ਹੋਤਿ ਨ ਬਲਾਯਾਤਿ ਨੇવ ਗੁਣવਣ੍ਣਾਯ, ਨ ਞਾਣਬਲਾਯ ਹੋਤਿ, ਗੁਣવਣ੍ਣੇ ਪਨ ਪਰਿਹਾਯਨ੍ਤੇ ਸਰੀਰવਣ੍ਣੋਪਿ ਸਰੀਰਬਲਮ੍ਪਿ ਪਰਿਹਾਯਤਿ, ਤਸ੍ਮਾ ਸਰੀਰਸ੍ਸ ਨੇવ વਣ੍ਣਾਯ ਨ ਬਲਾਯ ਹੋਤਿ। ਨવਮਂ।
231. Navame ativelanti atikkantavelaṃ kālaṃ atikkantappamāṇaṃ kālaṃ. Kimaṅgaṃ panāhanti ahaṃ pana kiṃkāraṇā na upasaṅkamissāmi? Bhisamuḷālanti bhisañceva muḷālañca. Abbuhetvāti uddharitvā. Bhiṅkacchāpāti hatthipotakā. Te kira abhiṇhaṃ bhiṅkārasaddaṃ karonti, tasmā bhiṅkacchāpāti vuccanti. Pasannākāraṃ karontīti pasannehi kattabbākāraṃ karonti, cattāro paccaye denti. Dhammaṃ bhāsantīti ekaṃ dve jātakāni vā suttante vā uggaṇhitvā asambhinnena sarena dhammaṃ desenti. Pasannākāraṃ karontīti tesaṃ tāya desanāya pasannā gihī paccaye denti. Neva vaṇṇāya hoti na balāyāti neva guṇavaṇṇāya, na ñāṇabalāya hoti, guṇavaṇṇe pana parihāyante sarīravaṇṇopi sarīrabalampi parihāyati, tasmā sarīrassa neva vaṇṇāya na balāya hoti. Navamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਨਾਗਸੁਤ੍ਤਂ • 9. Nāgasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੯. ਨਾਗਸੁਤ੍ਤવਣ੍ਣਨਾ • 9. Nāgasuttavaṇṇanā
