| Library / Tipiṭaka / д̇ибидага • Tipiṭaka / д̇хаммабад̣̇а-адтагат̇аа • Dhammapada-aṭṭhakathā |
23. нааг̇аваг̇г̇о
23. Nāgavaggo
1. ад̇д̇ад̣̇анд̇авад̇т̇у
1. Attadantavatthu
ахам̣ нааг̇о ваад̇и имам̣ д̇хаммад̣̇зсанам̣ сад̇т̇аа госамб̣ияам̣ вихаранд̇о ад̇д̇аанам̣ аараб̣бха гат̇зси. вад̇т̇у аббамаад̣̇аваг̇г̇асса аад̣̇иг̇аат̇ааван̣н̣анааяа вид̇т̇аарид̇амзва. вуд̇д̇ан̃хзд̇ам̣ д̇ад̇т̇а (д̇ха. ба. адта. 1.саамаавад̇ивад̇т̇у) –
Ahaṃnāgo vāti imaṃ dhammadesanaṃ satthā kosambiyaṃ viharanto attānaṃ ārabbha kathesi. Vatthu appamādavaggassa ādigāthāvaṇṇanāya vitthāritameva. Vuttañhetaṃ tattha (dha. pa. aṭṭha. 1.sāmāvativatthu) –
мааг̇ан̣д̣ияаа д̇аасам̣ гин̃жи гаад̇ум̣ асаггун̣ид̇ваа ‘‘саман̣асса г̇од̇амассзва гад̇д̇аб̣б̣ам̣ гариссаамий’’д̇и нааг̇араанам̣ лан̃ж̇ам̣ д̣̇ад̇ваа ‘‘саман̣ам̣ г̇од̇амам̣ анд̇онаг̇арам̣ бависид̇ваа жаранд̇ам̣ д̣̇аасагаммагараборисзхи сад̣̇д̇хим̣ аггосзд̇ваа барибхаасзд̇ваа балаабзт̇аа’’д̇и аан̣аабзси. мижчаад̣̇идтигаа д̇ийсу рад̇анзсу аббасаннаа анд̇онаг̇арам̣ бавидтам̣ сад̇т̇аарам̣ ануб̣анд̇хид̇ваа ‘‘жороси б̣аалоси муул̣хоси т̇зноси одтоси г̇он̣оси г̇ад̣̇рабхоси нзраяигоси д̇иражчаанаг̇ад̇оси, над̇т̇и д̇уяхам̣ суг̇ад̇и, д̣̇уг̇г̇ад̇иязва д̇уяхам̣ баадиган̇каа’’д̇и д̣̇асахи аггосавад̇т̇уухи аггосанд̇и барибхаасанд̇и. д̇ам̣ суд̇ваа ааяасмаа аананд̣̇о сад̇т̇аарам̣ зд̇ад̣̇авожа – ‘‘бханд̇з, имз нааг̇араа амхз аггосанд̇и барибхаасанд̇и, ид̇о ан̃н̃ад̇т̇а г̇ажчаамаа’’д̇и. ‘‘гухим̣, аананд̣̇аа’’д̇и? ‘‘ан̃н̃ам̣ наг̇арам̣, бханд̇з’’д̇и. ‘‘д̇ад̇т̇а мануссзсу аггосанд̇зсу барибхаасанд̇зсу буна гад̇т̇а г̇амиссаамаананд̣̇аа’’д̇и. ‘‘д̇ад̇оби ан̃н̃ам̣ наг̇арам̣, бханд̇з’’д̇и. ‘‘д̇ад̇т̇а мануссзсу аггосанд̇зсу барибхаасанд̇зсу гухим̣ г̇амиссаамаананд̣̇аа’’д̇и. ‘‘д̇ад̇оби ан̃н̃ам̣ наг̇арам̣, бханд̇з’’д̇и. ‘‘аананд̣̇а, на звам̣ гаад̇ум̣ ваддад̇и, яад̇т̇а ад̇хигаран̣ам̣ уббаннам̣, д̇ад̇т̇зва д̇асмим̣ вуубасанд̇з ан̃н̃ад̇т̇а г̇анд̇ум̣ ваддад̇и, гз бана д̇з, аананд̣̇а, аггосанд̇ий’’д̇и. ‘‘бханд̇з, д̣̇аасагаммагарз убаад̣̇ааяа саб̣б̣з аггосанд̇ий’’д̇и. ‘‘ахам̣, аананд̣̇а, сан̇г̇аамам̣ од̇ин̣н̣ахад̇т̇исад̣̇исо. сан̇г̇аамам̣ од̇ин̣н̣ахад̇т̇ино хи жад̇уухи д̣̇исаахи ааг̇ад̇з сарз сахид̇ум̣ бхааро, д̇ат̇зва б̣ахуухи д̣̇уссийлзхи гат̇ид̇агат̇аанам̣ саханам̣ наама маяхам̣ бхааро’’д̇и вад̇ваа ад̇д̇аанам̣ аараб̣бха д̇хаммам̣ д̣̇зсзнд̇о имаа г̇аат̇аа абхааси –
Māgaṇḍiyā tāsaṃ kiñci kātuṃ asakkuṇitvā ‘‘samaṇassa gotamasseva kattabbaṃ karissāmī’’ti nāgarānaṃ lañjaṃ datvā ‘‘samaṇaṃ gotamaṃ antonagaraṃ pavisitvā carantaṃ dāsakammakaraporisehi saddhiṃ akkosetvā paribhāsetvā palāpethā’’ti āṇāpesi. Micchādiṭṭhikā tīsu ratanesu appasannā antonagaraṃ paviṭṭhaṃ satthāraṃ anubandhitvā ‘‘corosi bālosi mūḷhosi thenosi oṭṭhosi goṇosi gadrabhosi nerayikosi tiracchānagatosi, natthi tuyhaṃ sugati, duggatiyeva tuyhaṃ pāṭikaṅkhā’’ti dasahi akkosavatthūhi akkosanti paribhāsanti. Taṃ sutvā āyasmā ānando satthāraṃ etadavoca – ‘‘bhante, ime nāgarā amhe akkosanti paribhāsanti, ito aññattha gacchāmā’’ti. ‘‘Kuhiṃ, ānandā’’ti? ‘‘Aññaṃ nagaraṃ, bhante’’ti. ‘‘Tattha manussesu akkosantesu paribhāsantesu puna kattha gamissāmānandā’’ti. ‘‘Tatopi aññaṃ nagaraṃ, bhante’’ti. ‘‘Tattha manussesu akkosantesu paribhāsantesu kuhiṃ gamissāmānandā’’ti. ‘‘Tatopi aññaṃ nagaraṃ, bhante’’ti. ‘‘Ānanda, na evaṃ kātuṃ vaṭṭati, yattha adhikaraṇaṃ uppannaṃ, tattheva tasmiṃ vūpasante aññattha gantuṃ vaṭṭati, ke pana te, ānanda, akkosantī’’ti. ‘‘Bhante, dāsakammakare upādāya sabbe akkosantī’’ti. ‘‘Ahaṃ, ānanda, saṅgāmaṃ otiṇṇahatthisadiso. Saṅgāmaṃ otiṇṇahatthino hi catūhi disāhi āgate sare sahituṃ bhāro, tatheva bahūhi dussīlehi kathitakathānaṃ sahanaṃ nāma mayhaṃ bhāro’’ti vatvā attānaṃ ārabbha dhammaṃ desento imā gāthā abhāsi –
320.
320.
‘‘ахам̣ нааг̇ова сан̇г̇аамз, жаабад̇о бад̇ид̇ам̣ сарам̣;
‘‘Ahaṃ nāgova saṅgāme, cāpato patitaṃ saraṃ;
ад̇иваагяам̣ д̇ид̇игкиссам̣, д̣̇уссийло хи б̣ахуж̇ж̇ано.
Ativākyaṃ titikkhissaṃ, dussīlo hi bahujjano.
321.
321.
‘‘д̣̇анд̇ам̣ наяанд̇и самид̇им̣, д̣̇анд̇ам̣ рааж̇аабхируухад̇и;
‘‘Dantaṃ nayanti samitiṃ, dantaṃ rājābhirūhati;
д̣̇анд̇о сздто мануссзсу, яод̇иваагяам̣ д̇ид̇игкад̇и.
Danto seṭṭho manussesu, yotivākyaṃ titikkhati.
322.
322.
‘‘варамассад̇араа д̣̇анд̇аа, ааж̇аанийяаа жа синд̇хаваа;
‘‘Varamassatarā dantā, ājānīyā ca sindhavā;
гун̃ж̇араа жа махаанааг̇аа, ад̇д̇ад̣̇анд̇о д̇ад̇о вара’’нд̇и.
Kuñjarā ca mahānāgā, attadanto tato vara’’nti.
д̇ад̇т̇а нааг̇оваад̇и хад̇т̇ий вияа. жаабад̇о бад̇ид̇анд̇и д̇хануд̇о муд̇д̇ам̣. ад̇иваагяанд̇и адтаанарияавохааравасзна бавад̇д̇ам̣ вийд̇иггамаважанам̣. д̇ид̇игкиссанд̇и яат̇аа сан̇г̇аамааважаро суд̣̇анд̇о махаанааг̇о камо сад̇д̇ибахаараад̣̇ийни жаабад̇о мужжид̇ваа ад̇д̇ани бад̇ид̇з сарз авихан̃н̃амаано д̇ид̇игкад̇и, звамзва зваруубам̣ ад̇иваагяам̣ д̇ид̇игкиссам̣, сахиссаамийд̇и ад̇т̇о. д̣̇уссийло хийд̇и аяан̃хи логияамахааж̇ано б̣ахуд̣̇уссийло ад̇д̇ано ад̇д̇ано руживасзна ваажам̣ нижчаарзд̇ваа гхаддзнд̇о жарад̇и, д̇ад̇т̇а ад̇хиваасанам̣ аж̇жхубзгканамзва мама бхааро. самид̇инд̇и уяяаанагийл̣аман̣д̣алаад̣̇ийсу махааж̇анамаж̇жхам̣ г̇ажчанд̇аа д̣̇анд̇амзва г̇он̣аж̇аад̇им̣ ваа ассаж̇аад̇им̣ ваа яаанз яож̇зд̇ваа наяанд̇и. рааж̇аад̇и д̇ат̇ааруубзхзва вааханзхи г̇ажчанд̇о рааж̇ааби д̣̇анд̇амзва абхируухад̇и. мануссзсууд̇и мануссзсуби жад̇уухи арияамаг̇г̇зхи д̣̇анд̇о ниб̣б̣исзванова сздто. яод̇иваагяанд̇и яо зваруубам̣ ад̇иггамаважанам̣ бунаббунам̣ вужжамаанамби д̇ид̇игкад̇и на бадибпарад̇и на вихан̃н̃ад̇и, зваруубо д̣̇анд̇о сздтод̇и ад̇т̇о.
Tattha nāgovāti hatthī viya. Cāpato patitanti dhanuto muttaṃ. Ativākyanti aṭṭhaanariyavohāravasena pavattaṃ vītikkamavacanaṃ. Titikkhissanti yathā saṅgāmāvacaro sudanto mahānāgo khamo sattipahārādīni cāpato muccitvā attani patite sare avihaññamāno titikkhati, evameva evarūpaṃ ativākyaṃ titikkhissaṃ, sahissāmīti attho. Dussīlo hīti ayañhi lokiyamahājano bahudussīlo attano attano rucivasena vācaṃ nicchāretvā ghaṭṭento carati, tattha adhivāsanaṃ ajjhupekkhanameva mama bhāro. Samitinti uyyānakīḷamaṇḍalādīsu mahājanamajjhaṃ gacchantā dantameva goṇajātiṃ vā assajātiṃ vā yāne yojetvā nayanti. Rājāti tathārūpeheva vāhanehi gacchanto rājāpi dantameva abhirūhati. Manussesūti manussesupi catūhi ariyamaggehi danto nibbisevanova seṭṭho. Yotivākyanti yo evarūpaṃ atikkamavacanaṃ punappunaṃ vuccamānampi titikkhati na paṭippharati na vihaññati, evarūpo danto seṭṭhoti attho.
ассад̇араад̇и вал̣авааяа г̇ад̣̇рабхзна ж̇аад̇аа. ааж̇аанийяаад̇и яам̣ ассад̣̇амасаарат̇и гааран̣ам̣ гаарзд̇и, д̇асса киббам̣ ж̇аананасамад̇т̇аа. синд̇хаваад̇и синд̇хаварадтз ж̇аад̇аа ассаа. махаанааг̇аад̇и гун̃ж̇арасан̇каад̇аа махаахад̇т̇ино. ад̇д̇ад̣̇анд̇од̇и зд̇з ассад̇араа жа синд̇хаваа жа гун̃ж̇араа жа д̣̇анд̇аава варам̣, на ад̣̇анд̇аа. яо бана жад̇уухи арияамаг̇г̇зхи ад̇д̇ано д̣̇анд̇ад̇ааяа ад̇д̇ад̣̇анд̇о ниб̣б̣исзвано, аяам̣ д̇ад̇оби варам̣, саб̣б̣зхиби зд̇зхи уд̇д̇арид̇арод̇и ад̇т̇о.
Assatarāti vaḷavāya gadrabhena jātā. Ājānīyāti yaṃ assadamasārathi kāraṇaṃ kāreti, tassa khippaṃ jānanasamatthā. Sindhavāti sindhavaraṭṭhe jātā assā. Mahānāgāti kuñjarasaṅkhātā mahāhatthino. Attadantoti ete assatarā ca sindhavā ca kuñjarā ca dantāva varaṃ, na adantā. Yo pana catūhi ariyamaggehi attano dantatāya attadanto nibbisevano, ayaṃ tatopi varaṃ, sabbehipi etehi uttaritaroti attho.
д̣̇зсанаавасаанз лан̃ж̇ам̣ г̇ахзд̇ваа вийт̇исин̇гхаадагаад̣̇ийсу тад̇ваа аггосанд̇о барибхаасанд̇о саб̣б̣оби со махааж̇ано сод̇аабад̇д̇ипалаад̣̇ийни баабун̣ийд̇и.
Desanāvasāne lañjaṃ gahetvā vīthisiṅghāṭakādīsu ṭhatvā akkosanto paribhāsanto sabbopi so mahājano sotāpattiphalādīni pāpuṇīti.
ад̇д̇ад̣̇анд̇авад̇т̇у батамам̣.
Attadantavatthu paṭhamaṃ.
2. хад̇т̇аажарияабуб̣б̣агабхигкувад̇т̇у
2. Hatthācariyapubbakabhikkhuvatthu
на хи зд̇зхийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о згам̣ хад̇т̇аажарияабуб̣б̣агам̣ бхигкум̣ аараб̣бха гат̇зси.
Nahi etehīti imaṃ dhammadesanaṃ satthā jetavane viharanto ekaṃ hatthācariyapubbakaṃ bhikkhuṃ ārabbha kathesi.
со гира згад̣̇ивасам̣ ажиравад̇ийнад̣̇ийд̇ийрз хад̇т̇ид̣̇амагам̣ ‘‘згам̣ хад̇т̇им̣ д̣̇амзссаамий’’д̇и ад̇д̇анаа ижчид̇ам̣ гааран̣ам̣ сигкаабзд̇ум̣ асаггонд̇ам̣ д̣̇исваа самийбз тид̇з бхигкуу ааманд̇зд̇ваа ааха – ‘‘аавусо, сажз аяам̣ хад̇т̇аажарияо имам̣ хад̇т̇им̣ асугадтаанз наама виж̇жхзяяа, киббамзва имам̣ гааран̣ам̣ сигкаабзяяаа’’д̇и. со д̇асса гат̇ам̣ суд̇ваа д̇ат̇аа гад̇ваа д̇ам̣ хад̇т̇им̣ суд̣̇анд̇ам̣ д̣̇амзси. д̇з бхигкуу д̇ам̣ бавад̇д̇им̣ сад̇т̇у аарожзсум̣. сад̇т̇аа д̇ам̣ бхигкум̣ баггосаабзд̇ваа ‘‘сажжам̣ гира д̇аяаа звам̣ вуд̇д̇а’’нд̇и бужчид̇ваа ‘‘сажжам̣, бханд̇з’’д̇и вуд̇д̇з виг̇арахид̇ваа ‘‘гим̣ д̇з, могхабуриса, хад̇т̇ияаанзна ваа ан̃н̃зна ваа д̣̇анд̇зна. на хи зд̇зхи яаанзхи аг̇ад̇абуб̣б̣ам̣ таанам̣ г̇анд̇ум̣ самад̇т̇аа наама ад̇т̇и, ад̇д̇анаа бана суд̣̇анд̇зна саггаа аг̇ад̇абуб̣б̣ам̣ таанам̣ г̇анд̇ум̣, д̇асмаа ад̇д̇аанамзва д̣̇амзхи, гим̣ д̇з зд̇зсам̣ д̣̇аманзнаа’’д̇и вад̇ваа имам̣ г̇аат̇амааха –
So kira ekadivasaṃ aciravatīnadītīre hatthidamakaṃ ‘‘ekaṃ hatthiṃ damessāmī’’ti attanā icchitaṃ kāraṇaṃ sikkhāpetuṃ asakkontaṃ disvā samīpe ṭhite bhikkhū āmantetvā āha – ‘‘āvuso, sace ayaṃ hatthācariyo imaṃ hatthiṃ asukaṭṭhāne nāma vijjheyya, khippameva imaṃ kāraṇaṃ sikkhāpeyyā’’ti. So tassa kathaṃ sutvā tathā katvā taṃ hatthiṃ sudantaṃ damesi. Te bhikkhū taṃ pavattiṃ satthu ārocesuṃ. Satthā taṃ bhikkhuṃ pakkosāpetvā ‘‘saccaṃ kira tayā evaṃ vutta’’nti pucchitvā ‘‘saccaṃ, bhante’’ti vutte vigarahitvā ‘‘kiṃ te, moghapurisa, hatthiyānena vā aññena vā dantena. Na hi etehi yānehi agatapubbaṃ ṭhānaṃ gantuṃ samatthā nāma atthi, attanā pana sudantena sakkā agatapubbaṃ ṭhānaṃ gantuṃ, tasmā attānameva damehi, kiṃ te etesaṃ damanenā’’ti vatvā imaṃ gāthamāha –
323.
323.
‘‘на хи зд̇зхи яаанзхи, г̇ажчзяяа аг̇ад̇ам̣ д̣̇исам̣;
‘‘Na hi etehi yānehi, gaccheyya agataṃ disaṃ;
яат̇аад̇д̇анаа суд̣̇анд̇зна, д̣̇анд̇о д̣̇анд̇зна г̇ажчад̇ий’’д̇и.
Yathāttanā sudantena, danto dantena gacchatī’’ti.
д̇ассад̇т̇о – яаани д̇аани хад̇т̇ияаанаад̣̇ийни яаанаани, на хи зд̇зхи яаанзхи гожи буг̇г̇ало субинанд̇знаби аг̇ад̇абуб̣б̣ад̇д̇аа ‘‘аг̇ад̇а’’нд̇и сан̇каад̇ам̣ ниб̣б̣аанад̣̇исам̣ д̇ат̇аа г̇ажчзяяа, яат̇аа буб̣б̣абхааг̇з инд̣̇рияад̣̇амзна абарабхааг̇з арияамаг̇г̇абхааванааяа суд̣̇анд̇зна д̣̇анд̇о ниб̣б̣исзвано саббан̃н̃о буг̇г̇ало д̇ам̣ аг̇ад̇абуб̣б̣ам̣ д̣̇исам̣ г̇ажчад̇и, д̣̇анд̇абхуумим̣ баабун̣аад̇и. д̇асмаа ад̇д̇ад̣̇аманамзва д̇ад̇о варанд̇и ад̇т̇о.
Tassattho – yāni tāni hatthiyānādīni yānāni, na hi etehi yānehi koci puggalo supinantenapi agatapubbattā ‘‘agata’’nti saṅkhātaṃ nibbānadisaṃ tathā gaccheyya, yathā pubbabhāge indriyadamena aparabhāge ariyamaggabhāvanāya sudantena danto nibbisevano sappañño puggalo taṃ agatapubbaṃ disaṃ gacchati, dantabhūmiṃ pāpuṇāti. Tasmā attadamanameva tato varanti attho.
д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.
Desanāvasāne bahū sotāpattiphalādīni pāpuṇiṃsūti.
хад̇т̇аажарияабуб̣б̣агабхигкувад̇т̇у д̣̇уд̇ияам̣.
Hatthācariyapubbakabhikkhuvatthu dutiyaṃ.
3. бариж̇ин̣н̣аб̣раахман̣абуд̇д̇авад̇т̇у
3. Parijiṇṇabrāhmaṇaputtavatthu
д̇ханабаалод̇и имам̣ д̇хаммад̣̇зсанам̣ сад̇т̇аа саавад̇т̇ияам̣ вихаранд̇о ан̃н̃ад̇арасса бариж̇ин̣н̣аб̣раахман̣асса буд̇д̇з аараб̣бха гат̇зси.
Dhanapāloti imaṃ dhammadesanaṃ satthā sāvatthiyaṃ viharanto aññatarassa parijiṇṇabrāhmaṇassa putte ārabbha kathesi.
саавад̇т̇ияам̣ гирзго б̣раахман̣о адтасад̇асахассавибхаво ваяаббад̇д̇аанам̣ жад̇уннам̣ буд̇д̇аанам̣ ааваахам̣ гад̇ваа жад̇д̇аари сад̇асахассаани ад̣̇ааси. ат̇асса б̣раахман̣ияаа гаалагад̇ааяа буд̇д̇аа самманд̇аяим̣су – ‘‘сажз аяам̣ ан̃н̃ам̣ б̣раахман̣им̣ аанзссад̇и, д̇ассаа гужчияам̣ ниб̣б̣ад̇д̇аанам̣ васзна гуласанд̇агам̣ бхиж̇ж̇иссад̇и, ханд̣̇а нам̣ маяам̣ сан̇г̇ан̣хиссаамаа’’д̇и д̇з д̇ам̣ бан̣ийд̇зхи гхаасажчаад̣̇анаад̣̇ийхи убадтаханд̇аа хад̇т̇абаад̣̇асамб̣ааханаад̣̇ийни гаронд̇аа убадтахид̇ваа згад̣̇ивасамасса д̣̇иваа нид̣̇д̣̇ааяид̇ваа вудтид̇асса хад̇т̇абаад̣̇з самб̣ааханд̇аа баадиязггам̣ гхарааваасз аад̣̇ийнавам̣ вад̇ваа ‘‘маяам̣ д̇умхз иминаа нийхаарзна яааваж̇ийвам̣ убадтахиссаама, сзсад̇ханамби но д̣̇зт̇аа’’д̇и яаажим̣су. б̣раахман̣о буна згзгасса сад̇асахассам̣ д̣̇ад̇ваа ад̇д̇ано нивад̇т̇абаарубанамад̇д̇ам̣ табзд̇ваа саб̣б̣ам̣ убабхог̇абарибхог̇ам̣ жад̇д̇ааро годтаасз гад̇ваа нияяаад̣̇зси. д̇ам̣ ж̇здтабуд̇д̇о гад̇ибаахам̣ убадтахи. ат̇а нам̣ згад̣̇ивасам̣ нхад̇ваа ааг̇ажчанд̇ам̣ д̣̇ваарагодтагз тад̇ваа сун̣хаа звамааха – ‘‘гим̣ д̇аяаа ж̇здтабуд̇д̇асса сад̇ам̣ ваа сахассам̣ ваа ад̇ирзгам̣ д̣̇иннам̣ ад̇т̇и, нану саб̣б̣зсам̣ д̣̇вз д̣̇вз сад̇асахассаани д̣̇иннаани, гим̣ сзсабуд̇д̇аанам̣ гхарасса маг̇г̇ам̣ на ж̇аанаасий’’д̇и. соби ‘‘насса васалий’’д̇и гуж̇жхид̇ваа ан̃н̃асса гхарам̣ аг̇амааси. д̇ад̇оби гад̇ибаахажжаязна иминаава убааязна балаабид̇о ан̃н̃ассаад̇и звам̣ згагхарамби бавзсанам̣ алабхамаано бан̣д̣аран̇г̇абаб̣б̣аж̇ж̇ам̣ баб̣б̣аж̇ид̇ваа бхигкааяа жаранд̇о гаалаанамажжаязна ж̇арааж̇ин̣н̣о д̣̇уб̣бхож̇анад̣̇угкасзяяаахи милаад̇асарийро бхигкааяа жаранд̇о ааг̇амма бийтигааяа нибанно нид̣̇д̣̇ам̣ оггамид̇ваа удтааяа нисинно ад̇д̇аанам̣ ологзд̇ваа буд̇д̇зсу ад̇д̇ано бад̇идтам̣ абассанд̇о жинд̇зси – ‘‘саман̣о гира г̇од̇амо аб̣бхаагудиго уд̇д̇аанамуко сукасамбхаасо бадисант̇аарагусало, саггаа саман̣ам̣ г̇од̇амам̣ убасан̇гамид̇ваа бадисант̇аарам̣ лабхид̇у’’нд̇и. со ниваасанабаарубанам̣ сан̣таабзд̇ваа бхигкабхааж̇анам̣ г̇ахзд̇ваа д̣̇ан̣д̣амаад̣̇ааяа бхаг̇авад̇о санд̇игам̣ аг̇амааси. вуд̇д̇амби жзд̇ам̣ (сам̣. ни. 1.200) –
Sāvatthiyaṃ kireko brāhmaṇo aṭṭhasatasahassavibhavo vayappattānaṃ catunnaṃ puttānaṃ āvāhaṃ katvā cattāri satasahassāni adāsi. Athassa brāhmaṇiyā kālakatāya puttā sammantayiṃsu – ‘‘sace ayaṃ aññaṃ brāhmaṇiṃ ānessati, tassā kucchiyaṃ nibbattānaṃ vasena kulasantakaṃ bhijjissati, handa naṃ mayaṃ saṅgaṇhissāmā’’ti te taṃ paṇītehi ghāsacchādanādīhi upaṭṭhahantā hatthapādasambāhanādīni karontā upaṭṭhahitvā ekadivasamassa divā niddāyitvā vuṭṭhitassa hatthapāde sambāhantā pāṭiyekkaṃ gharāvāse ādīnavaṃ vatvā ‘‘mayaṃ tumhe iminā nīhārena yāvajīvaṃ upaṭṭhahissāma, sesadhanampi no dethā’’ti yāciṃsu. Brāhmaṇo puna ekekassa satasahassaṃ datvā attano nivatthapārupanamattaṃ ṭhapetvā sabbaṃ upabhogaparibhogaṃ cattāro koṭṭhāse katvā niyyādesi. Taṃ jeṭṭhaputto katipāhaṃ upaṭṭhahi. Atha naṃ ekadivasaṃ nhatvā āgacchantaṃ dvārakoṭṭhake ṭhatvā suṇhā evamāha – ‘‘kiṃ tayā jeṭṭhaputtassa sataṃ vā sahassaṃ vā atirekaṃ dinnaṃ atthi, nanu sabbesaṃ dve dve satasahassāni dinnāni, kiṃ sesaputtānaṃ gharassa maggaṃ na jānāsī’’ti. Sopi ‘‘nassa vasalī’’ti kujjhitvā aññassa gharaṃ agamāsi. Tatopi katipāhaccayena imināva upāyena palāpito aññassāti evaṃ ekagharampi pavesanaṃ alabhamāno paṇḍaraṅgapabbajjaṃ pabbajitvā bhikkhāya caranto kālānamaccayena jarājiṇṇo dubbhojanadukkhaseyyāhi milātasarīro bhikkhāya caranto āgamma pīṭhikāya nipanno niddaṃ okkamitvā uṭṭhāya nisinno attānaṃ oloketvā puttesu attano patiṭṭhaṃ apassanto cintesi – ‘‘samaṇo kira gotamo abbhākuṭiko uttānamukho sukhasambhāso paṭisanthārakusalo, sakkā samaṇaṃ gotamaṃ upasaṅkamitvā paṭisanthāraṃ labhitu’’nti. So nivāsanapārupanaṃ saṇṭhāpetvā bhikkhabhājanaṃ gahetvā daṇḍamādāya bhagavato santikaṃ agamāsi. Vuttampi cetaṃ (saṃ. ni. 1.200) –
ат̇а ко ан̃н̃ад̇аро б̣раахман̣амахаасаало лууко луукабаавуран̣о язна бхаг̇аваа д̇знубасан̇гами, убасан̇гамид̇ваа згаманд̇ам̣ нисийд̣̇и. сад̇т̇аа згаманд̇ам̣ нисиннзна д̇зна сад̣̇д̇хим̣ бадисант̇аарам̣ гад̇ваа зд̇ад̣̇авожа – ‘‘гинну д̇вам̣ , б̣раахман̣а, лууко луукабаавуран̣о’’д̇и. ид̇ха мз, бхо г̇од̇ама, жад̇д̇ааро буд̇д̇аа , д̇з мам̣ д̣̇аарзхи сам̣бужча гхараа нигкаамзнд̇ийд̇и. д̇зна хи д̇вам̣, б̣раахман̣а, имаа г̇аат̇ааяо барияаабун̣ид̇ваа сабхааяам̣ махааж̇анагааяз саннибад̇ид̇з буд̇д̇зсу жа саннисиннзсу бхаасассу –
Atha kho aññataro brāhmaṇamahāsālo lūkho lūkhapāvuraṇo yena bhagavā tenupasaṅkami, upasaṅkamitvā ekamantaṃ nisīdi. Satthā ekamantaṃ nisinnena tena saddhiṃ paṭisanthāraṃ katvā etadavoca – ‘‘kinnu tvaṃ , brāhmaṇa, lūkho lūkhapāvuraṇo’’ti. Idha me, bho gotama, cattāro puttā , te maṃ dārehi saṃpuccha gharā nikkhāmentīti. Tena hi tvaṃ, brāhmaṇa, imā gāthāyo pariyāpuṇitvā sabhāyaṃ mahājanakāye sannipatite puttesu ca sannisinnesu bhāsassu –
‘‘язхи ж̇аад̇зхи нанд̣̇иссам̣, язсан̃жа бхавамижчисам̣;
‘‘Yehi jātehi nandissaṃ, yesañca bhavamicchisaṃ;
д̇з мам̣ д̣̇аарзхи сам̣бужча, саава ваарзнд̇и суугарам̣.
Te maṃ dārehi saṃpuccha, sāva vārenti sūkaraṃ.
‘‘асанд̇аа гира мам̣ ж̇аммаа, д̇аад̇а д̇аад̇аад̇и бхаасарз;
‘‘Asantā kira maṃ jammā, tāta tātāti bhāsare;
рагкасаа буд̇д̇аруубзна, д̇з ж̇аханд̇и ваяог̇ад̇ам̣.
Rakkhasā puttarūpena, te jahanti vayogataṃ.
‘‘ассова ж̇ин̣н̣о ниб̣бхог̇о, каад̣̇анаа абанийяад̇и;
‘‘Assova jiṇṇo nibbhogo, khādanā apanīyati;
б̣аалагаанам̣ бид̇аа т̇зро, барааг̇аарзсу бхигкад̇и.
Bālakānaṃ pitā thero, parāgāresu bhikkhati.
‘‘д̣̇ан̣д̣ова гира мз сзяяо, яан̃жз буд̇д̇аа анассаваа;
‘‘Daṇḍova kira me seyyo, yañce puttā anassavā;
жан̣д̣амби г̇он̣ам̣ ваарзд̇и, ат̇о жан̣д̣амби гуггурам̣.
Caṇḍampi goṇaṃ vāreti, atho caṇḍampi kukkuraṃ.
‘‘анд̇хагаарз бурз ход̇и, г̇амбхийрз г̇аад̇хамзд̇хад̇и;
‘‘Andhakāre pure hoti, gambhīre gādhamedhati;
д̣̇ан̣д̣асса аанубхаавзна, калид̇ваа бад̇ид̇идтад̇ий’’д̇и. (сам̣. ни. 1.200);
Daṇḍassa ānubhāvena, khalitvā patitiṭṭhatī’’ti. (saṃ. ni. 1.200);
со бхаг̇авад̇о санд̇игз д̇аа г̇аат̇ааяо уг̇г̇ан̣хид̇ваа д̇ат̇ааруубз б̣раахман̣аанам̣ самааг̇амад̣̇ивасз саб̣б̣аалан̇гаарабадиман̣д̣ид̇зсу буд̇д̇зсу д̇ам̣ сабхам̣ ог̇аахид̇ваа б̣раахман̣аанам̣ маж̇жхз махаарахзсу аасанзсу нисиннзсу ‘‘аяам̣ мз гаало’’д̇и сабхааяа маж̇жхз бависид̇ваа хад̇т̇ам̣ угкибид̇ваа ‘‘ахам̣, бхо, д̇умхаагам̣ г̇аат̇ааяо бхаасид̇угаамо, сун̣иссат̇аа’’д̇и вад̇ваа ‘‘бхаасассу, б̣раахман̣а, сун̣омаа’’д̇и вуд̇д̇з тид̇агова абхааси. д̇зна жа самаязна мануссаанам̣ вад̇д̇ам̣ ход̇и ‘‘яо маад̇аабид̇уунам̣ санд̇агам̣ каад̣̇анд̇о маад̇аабид̇аро на босзд̇и, со маарзд̇аб̣б̣о’’д̇и. д̇асмаа д̇з б̣раахман̣абуд̇д̇аа бид̇у баад̣̇зсу бад̇ид̇ваа ‘‘ж̇ийвид̇ам̣ но, д̇аад̇а, д̣̇зт̇аа’’д̇и яаажим̣су. со бид̇у хад̣̇аяамуд̣̇уд̇ааяа ‘‘маа мз, бхо, буд̇д̇агз винаасаяид̇т̇а, босзссанд̇и ма’’нд̇и ааха. ат̇асса буд̇д̇з мануссаа аахам̣су – ‘‘сажз, бхо , аж̇ж̇а бадтааяа бид̇арам̣ на саммаа бадиж̇аг̇г̇иссат̇а, гхаад̇зссаама во’’д̇и. д̇з бхийд̇аа бид̇арам̣ бийтз нисийд̣̇аабзд̇ваа саяам̣ угкибид̇ваа г̇зхам̣ нзд̇ваа сарийрам̣ д̇злзна аб̣бхан̃ж̇ид̇ваа уб̣б̣аддзд̇ваа г̇анд̇хажун̣н̣аад̣̇ийхи нхаабзд̇ваа б̣раахман̣ияо баггосаабзд̇ваа ‘‘аж̇ж̇а бадтааяа амхаагам̣ бид̇арам̣ саммаа бадиж̇аг̇г̇ат̇а, сажз д̇умхз бамаад̣̇ам̣ аабаж̇ж̇иссат̇а, ниг̇г̇ан̣хиссаама во’’д̇и вад̇ваа бан̣ийд̇абхож̇анам̣ бхож̇зсум̣.
So bhagavato santike tā gāthāyo uggaṇhitvā tathārūpe brāhmaṇānaṃ samāgamadivase sabbālaṅkārapaṭimaṇḍitesu puttesu taṃ sabhaṃ ogāhitvā brāhmaṇānaṃ majjhe mahārahesu āsanesu nisinnesu ‘‘ayaṃ me kālo’’ti sabhāya majjhe pavisitvā hatthaṃ ukkhipitvā ‘‘ahaṃ, bho, tumhākaṃ gāthāyo bhāsitukāmo, suṇissathā’’ti vatvā ‘‘bhāsassu, brāhmaṇa, suṇomā’’ti vutte ṭhitakova abhāsi. Tena ca samayena manussānaṃ vattaṃ hoti ‘‘yo mātāpitūnaṃ santakaṃ khādanto mātāpitaro na poseti, so māretabbo’’ti. Tasmā te brāhmaṇaputtā pitu pādesu patitvā ‘‘jīvitaṃ no, tāta, dethā’’ti yāciṃsu. So pitu hadayamudutāya ‘‘mā me, bho, puttake vināsayittha, posessanti ma’’nti āha. Athassa putte manussā āhaṃsu – ‘‘sace, bho , ajja paṭṭhāya pitaraṃ na sammā paṭijaggissatha, ghātessāma vo’’ti. Te bhītā pitaraṃ pīṭhe nisīdāpetvā sayaṃ ukkhipitvā gehaṃ netvā sarīraṃ telena abbhañjitvā ubbaṭṭetvā gandhacuṇṇādīhi nhāpetvā brāhmaṇiyo pakkosāpetvā ‘‘ajja paṭṭhāya amhākaṃ pitaraṃ sammā paṭijaggatha, sace tumhe pamādaṃ āpajjissatha, niggaṇhissāma vo’’ti vatvā paṇītabhojanaṃ bhojesuṃ.
б̣раахман̣о субхож̇анан̃жа сукасзяяан̃жа ааг̇амма гад̇ибаахажжаязна сан̃ж̇аад̇аб̣ало бийн̣инд̣̇рияо ад̇д̇абхаавам̣ ологзд̇ваа ‘‘аяам̣ мз самбад̇д̇и саман̣ам̣ г̇од̇амам̣ ниссааяа лад̣̇д̇хаа’’д̇и бан̣н̣аагаарад̇т̇ааяа згам̣ д̣̇уссаяуг̇ам̣ аад̣̇ааяа бхаг̇авад̇о санд̇игам̣ г̇анд̇ваа гад̇абадисант̇ааро згаманд̇ам̣ нисинно д̇ам̣ д̣̇уссаяуг̇ам̣ бхаг̇авад̇о баад̣̇амуулз табзд̇ваа ‘‘маяам̣, бхо г̇од̇ама, б̣раахман̣аа наама аажарияасса аажарияад̇ханам̣ бариязсаама, бадиг̇г̇ан̣хаад̇у мз бхавам̣ г̇од̇амо аажарияо аажарияад̇хана’’нд̇и ааха. бхаг̇аваа д̇асса анугамбааяа д̇ам̣ бадиг̇г̇ахзд̇ваа д̇хаммам̣ д̣̇зсзси. д̣̇зсанаавасаанз б̣раахман̣о саран̣зсу бад̇идтааяа звамааха – ‘‘бхо г̇од̇ама, маяхам̣ буд̇д̇зхи жад̇д̇аари д̇хувабхад̇д̇аани д̣̇иннаани, д̇ад̇о ахам̣ д̣̇вз д̇умхаагам̣ д̣̇аммий’’д̇и. ат̇а нам̣ сад̇т̇аа ‘‘галяаан̣ам̣, б̣раахман̣а, маяам̣ бана ружжанадтаанамзва г̇амиссаамаа’’д̇и вад̇ваа уяяож̇зси. б̣раахман̣о гхарам̣ г̇анд̇ваа буд̇д̇з ааха – ‘‘д̇аад̇аа, саман̣о г̇од̇амо маяхам̣ сахааяо, д̇асса мз д̣̇вз д̇хувабхад̇д̇аани д̣̇иннаани, д̇умхз д̇асмим̣ самбад̇д̇з маа бамаж̇ж̇ид̇т̇аа’’д̇и. д̇з ‘‘саад̇хуу’’д̇и самбадижчим̣су.
Brāhmaṇo subhojanañca sukhaseyyañca āgamma katipāhaccayena sañjātabalo pīṇindriyo attabhāvaṃ oloketvā ‘‘ayaṃ me sampatti samaṇaṃ gotamaṃ nissāya laddhā’’ti paṇṇākāratthāya ekaṃ dussayugaṃ ādāya bhagavato santikaṃ gantvā katapaṭisanthāro ekamantaṃ nisinno taṃ dussayugaṃ bhagavato pādamūle ṭhapetvā ‘‘mayaṃ, bho gotama, brāhmaṇā nāma ācariyassa ācariyadhanaṃ pariyesāma, paṭiggaṇhātu me bhavaṃ gotamo ācariyo ācariyadhana’’nti āha. Bhagavā tassa anukampāya taṃ paṭiggahetvā dhammaṃ desesi. Desanāvasāne brāhmaṇo saraṇesu patiṭṭhāya evamāha – ‘‘bho gotama, mayhaṃ puttehi cattāri dhuvabhattāni dinnāni, tato ahaṃ dve tumhākaṃ dammī’’ti. Atha naṃ satthā ‘‘kalyāṇaṃ, brāhmaṇa, mayaṃ pana ruccanaṭṭhānameva gamissāmā’’ti vatvā uyyojesi. Brāhmaṇo gharaṃ gantvā putte āha – ‘‘tātā, samaṇo gotamo mayhaṃ sahāyo, tassa me dve dhuvabhattāni dinnāni, tumhe tasmiṃ sampatte mā pamajjitthā’’ti. Te ‘‘sādhū’’ti sampaṭicchiṃsu.
сад̇т̇аа бунад̣̇ивасз бин̣д̣ааяа жаранд̇о ж̇здтабуд̇д̇асса гхарад̣̇ваарам̣ аг̇амааси. со сад̇т̇аарам̣ д̣̇исваа бад̇д̇амаад̣̇ааяа гхарам̣ бавзсзд̇ваа махаарахз баллан̇гз нисийд̣̇аабзд̇ваа бан̣ийд̇абхож̇анамад̣̇ааси. сад̇т̇аа бунад̣̇ивасз ид̇арасса ид̇арассаад̇и бадибаадияаа саб̣б̣зсам̣ гхараани аг̇амааси. саб̣б̣з д̇з д̇ат̇зва саггаарам̣ агам̣су. згад̣̇ивасам̣ ж̇здтабуд̇д̇о ман̇г̇алз бажжубадтид̇з бид̇арам̣ ааха – ‘‘д̇аад̇а, гасса ман̇г̇алам̣ д̣̇змаа’’д̇и? ‘‘наахам̣ ан̃н̃з ж̇аанаами, саман̣о г̇од̇амо маяхам̣ сахааяо’’д̇и. ‘‘д̇зна хи д̇ам̣ сваад̇анааяа бан̃жахи бхигкусад̇зхи сад̣̇д̇хим̣ ниманд̇зт̇аа’’д̇и. б̣раахман̣о д̇ат̇аа агааси. сад̇т̇аа бунад̣̇ивасз сабаривааро д̇асса г̇зхам̣ аг̇амааси. со харид̇убалид̇д̇з саб̣б̣аалан̇гаарабадиман̣д̣ид̇з г̇зхз б̣уд̣̇д̇хаббамукам̣ бхигкусан̇гхам̣ нисийд̣̇аабзд̇ваа аббод̣̇агамад̇хубааяасзна жзва бан̣ийд̇зна каад̣̇анийязна жа баривиси. анд̇араабхад̇д̇асмим̣язва б̣раахман̣асса жад̇д̇ааро буд̇д̇аа сад̇т̇у санд̇игз нисийд̣̇ид̇ваа аахам̣су – ‘‘бхо г̇од̇ама, маяам̣ амхаагам̣ бид̇арам̣ бадиж̇аг̇г̇аама на бамаж̇ж̇аама , бассат̇имасса ад̇д̇абхаава’’нд̇и.
Satthā punadivase piṇḍāya caranto jeṭṭhaputtassa gharadvāraṃ agamāsi. So satthāraṃ disvā pattamādāya gharaṃ pavesetvā mahārahe pallaṅke nisīdāpetvā paṇītabhojanamadāsi. Satthā punadivase itarassa itarassāti paṭipāṭiyā sabbesaṃ gharāni agamāsi. Sabbe te tatheva sakkāraṃ akaṃsu. Ekadivasaṃ jeṭṭhaputto maṅgale paccupaṭṭhite pitaraṃ āha – ‘‘tāta, kassa maṅgalaṃ demā’’ti? ‘‘Nāhaṃ aññe jānāmi, samaṇo gotamo mayhaṃ sahāyo’’ti. ‘‘Tena hi taṃ svātanāya pañcahi bhikkhusatehi saddhiṃ nimantethā’’ti. Brāhmaṇo tathā akāsi. Satthā punadivase saparivāro tassa gehaṃ agamāsi. So haritupalitte sabbālaṅkārapaṭimaṇḍite gehe buddhappamukhaṃ bhikkhusaṅghaṃ nisīdāpetvā appodakamadhupāyasena ceva paṇītena khādanīyena ca parivisi. Antarābhattasmiṃyeva brāhmaṇassa cattāro puttā satthu santike nisīditvā āhaṃsu – ‘‘bho gotama, mayaṃ amhākaṃ pitaraṃ paṭijaggāma na pamajjāma , passathimassa attabhāva’’nti.
сад̇т̇аа ‘‘галяаан̣ам̣ во гад̇ам̣, маад̇аабид̇убосанам̣ наама бораан̣агабан̣д̣ид̇аанам̣ аажин̣н̣амзваа’’д̇и вад̇ваа ‘‘д̇асса нааг̇асса виббаваасзна, вируул̣хаа саллагий жа гудаж̇аа жаа’’д̇и имам̣ згаад̣̇асанибаад̇з маад̇убосаганааг̇арааж̇аж̇аад̇агам̣ (жарияаа. 2.1 аад̣̇аяо; ж̇аа. 1.11.1 аад̣̇аяо) вид̇т̇аарзна гат̇зд̇ваа имам̣ г̇аат̇ам̣ абхааси –
Satthā ‘‘kalyāṇaṃ vo kataṃ, mātāpituposanaṃ nāma porāṇakapaṇḍitānaṃ āciṇṇamevā’’ti vatvā ‘‘tassa nāgassa vippavāsena, virūḷhā sallakī ca kuṭajā cā’’ti imaṃ ekādasanipāte mātuposakanāgarājajātakaṃ (cariyā. 2.1 ādayo; jā. 1.11.1 ādayo) vitthārena kathetvā imaṃ gāthaṃ abhāsi –
324.
324.
‘‘д̇ханабаало наама гун̃ж̇аро,
‘‘Dhanapālo nāma kuñjaro,
гадугабхзд̣̇ано д̣̇унниваараяо;
Kaṭukabhedano dunnivārayo;
б̣ад̣̇д̇хо габ̣ал̣ам̣ на бхун̃ж̇ад̇и,
Baddho kabaḷaṃ na bhuñjati,
сумарад̇и нааг̇аванасса гун̃ж̇аро’’д̇и.
Sumarati nāgavanassa kuñjaro’’ti.
д̇ад̇т̇а д̇ханабаало наамаад̇и д̇ад̣̇аа гаасигаран̃н̃аа хад̇т̇аажарияам̣ бзсзд̇ваа раман̣ийяз нааг̇аванз г̇аахаабид̇асса хад̇т̇ино зд̇ам̣ наамам̣. гадугабхзд̣̇анод̇и д̇икин̣амад̣̇о. хад̇т̇ийнан̃хи мад̣̇агаалз ган̣н̣ажуул̣игаа бабхиж̇ж̇анд̇и, багад̇ияааби хад̇т̇ино д̇асмим̣ гаалз ан̇гусз ваа гунд̇ад̇омарз ваа на г̇ан̣знд̇и, жан̣д̣аа бхаванд̇и. со бана ад̇ижан̣д̣оязва. д̇зна вуд̇д̇ам̣ – гадугабхзд̣̇ано д̣̇унниваараяод̇и. б̣ад̣̇д̇хо габ̣ал̣ам̣ на бхун̃ж̇ад̇ийд̇и со б̣ад̣̇д̇хо хад̇т̇исаалам̣ бана нзд̇ваа вижид̇расаан̣ияаа баригкибаабзд̇ваа гад̇аг̇анд̇хабарибхан̣д̣ааяа убари б̣ад̣̇д̇хавижид̇равид̇аанааяа бхуумияаа табид̇о ран̃н̃аа рааж̇аарахзна наанаг̇г̇арасзна бхож̇анзна убадтаабид̇оби гин̃жи бхун̃ж̇ид̇ум̣ на ижчи, д̇амад̇т̇ам̣ санд̇хааяа ‘‘б̣ад̣̇д̇хо габ̣ал̣ам̣ на бхун̃ж̇ад̇ий’’д̇и вуд̇д̇ам̣. сумарад̇и нааг̇аванассаад̇и со раман̣ийяам̣ мз васанадтаананд̇и нааг̇аванам̣ сарад̇и. ‘‘маад̇аа бана мз аран̃н̃з буд̇д̇авияог̇зна д̣̇угкаббад̇д̇аа ахоси, маад̇аабид̇уубадтаанад̇хаммо на мз буурад̇и, гим̣ мз иминаа бхож̇анзнаа’’д̇и д̇хаммигам̣ маад̇аабид̇уубадтаанад̇хаммамзва сари. д̇ам̣ бана яасмаа д̇асмим̣ нааг̇аванзязва тид̇о саггаа буурзд̇ум̣, д̇зна вуд̇д̇ам̣ – сумарад̇и нааг̇аванасса гун̃ж̇арод̇и. сад̇т̇ари имам̣ ад̇д̇ано буб̣б̣ажарияам̣ аанзд̇ваа гат̇знд̇з гат̇знд̇зязва саб̣б̣зби д̇з ассуд̇хаараа бавад̇д̇зд̇ваа муд̣̇ухад̣̇аяаа охид̇асод̇аа бхавим̣су. ат̇а нзсам̣ бхаг̇аваа саббааяам̣ вид̣̇ид̇ваа сажжаани багаасзд̇ваа д̇хаммам̣ д̣̇зсзси.
Tattha dhanapālo nāmāti tadā kāsikaraññā hatthācariyaṃ pesetvā ramaṇīye nāgavane gāhāpitassa hatthino etaṃ nāmaṃ. Kaṭukabhedanoti tikhiṇamado. Hatthīnañhi madakāle kaṇṇacūḷikā pabhijjanti, pakatiyāpi hatthino tasmiṃ kāle aṅkuse vā kuntatomare vā na gaṇenti, caṇḍā bhavanti. So pana aticaṇḍoyeva. Tena vuttaṃ – kaṭukabhedano dunnivārayoti. Baddho kabaḷaṃ na bhuñjatīti so baddho hatthisālaṃ pana netvā vicitrasāṇiyā parikkhipāpetvā katagandhaparibhaṇḍāya upari baddhavicitravitānāya bhūmiyā ṭhapito raññā rājārahena nānaggarasena bhojanena upaṭṭhāpitopi kiñci bhuñjituṃ na icchi, tamatthaṃ sandhāya ‘‘baddho kabaḷaṃ na bhuñjatī’’ti vuttaṃ. Sumarati nāgavanassāti so ramaṇīyaṃ me vasanaṭṭhānanti nāgavanaṃ sarati. ‘‘Mātā pana me araññe puttaviyogena dukkhappattā ahosi, mātāpituupaṭṭhānadhammo na me pūrati, kiṃ me iminā bhojanenā’’ti dhammikaṃ mātāpituupaṭṭhānadhammameva sari. Taṃ pana yasmā tasmiṃ nāgavaneyeva ṭhito sakkā pūretuṃ, tena vuttaṃ – sumarati nāgavanassa kuñjaroti. Satthari imaṃ attano pubbacariyaṃ ānetvā kathente kathenteyeva sabbepi te assudhārā pavattetvā muduhadayā ohitasotā bhaviṃsu. Atha nesaṃ bhagavā sappāyaṃ viditvā saccāni pakāsetvā dhammaṃ desesi.
д̣̇зсанаавасаанз сад̣̇д̇хим̣ буд̇д̇зхи жзва сун̣исаахи жа б̣раахман̣о сод̇аабад̇д̇ипалз бад̇идтахийд̇и.
Desanāvasāne saddhiṃ puttehi ceva suṇisāhi ca brāhmaṇo sotāpattiphale patiṭṭhahīti.
бариж̇ин̣н̣аб̣раахман̣абуд̇д̇авад̇т̇у д̇ад̇ияам̣.
Parijiṇṇabrāhmaṇaputtavatthu tatiyaṃ.
4. басзнад̣̇игосалавад̇т̇у
4. Pasenadikosalavatthu
мид̣̇д̇хий яад̣̇аа ход̇ийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о рааж̇аанам̣ басзнад̣̇игосалам̣ аараб̣бха гат̇зси.
Middhī yadā hotīti imaṃ dhammadesanaṃ satthā jetavane viharanto rājānaṃ pasenadikosalaṃ ārabbha kathesi.
згасмин̃хи самаяз рааж̇аа д̇ан̣д̣улад̣̇он̣асса од̣̇анам̣ д̇ад̣̇убиязна суубаб̣яан̃ж̇анзна бхун̃ж̇ад̇и. со згад̣̇ивасам̣ бхуд̇д̇абаад̇араасо бхад̇д̇асаммад̣̇ам̣ авинод̣̇зд̇ваава сад̇т̇у санд̇игам̣ г̇анд̇ваа гиланд̇аруубо ид̇о жид̇о жа самбаривад̇д̇ад̇и, нид̣̇д̣̇ааяа абхибхуяяамааноби уж̇угам̣ нибаж̇ж̇ид̇ум̣ асаггонд̇о згаманд̇ам̣ нисийд̣̇и. ат̇а нам̣ сад̇т̇аа ааха – ‘‘гим̣, махаарааж̇а, ависсамид̇ваава ааг̇ад̇осий’’д̇и? ‘‘аама, бханд̇з, бхуд̇д̇агаалад̇о бадтааяа мз махаад̣̇угкам̣ ход̇ий’’д̇и. ат̇а нам̣ сад̇т̇аа, ‘‘махаарааж̇а, ад̇иб̣ахубхож̇анам̣ звам̣ д̣̇угкам̣ ход̇ий’’д̇и вад̇ваа имам̣ г̇аат̇амааха –
Ekasmiñhi samaye rājā taṇḍuladoṇassa odanaṃ tadupiyena sūpabyañjanena bhuñjati. So ekadivasaṃ bhuttapātarāso bhattasammadaṃ avinodetvāva satthu santikaṃ gantvā kilantarūpo ito cito ca samparivattati, niddāya abhibhuyyamānopi ujukaṃ nipajjituṃ asakkonto ekamantaṃ nisīdi. Atha naṃ satthā āha – ‘‘kiṃ, mahārāja, avissamitvāva āgatosī’’ti? ‘‘Āma, bhante, bhuttakālato paṭṭhāya me mahādukkhaṃ hotī’’ti. Atha naṃ satthā, ‘‘mahārāja, atibahubhojanaṃ evaṃ dukkhaṃ hotī’’ti vatvā imaṃ gāthamāha –
325.
325.
‘‘мид̣̇д̇хий яад̣̇аа ход̇и махаг̇гхасо жа,
‘‘Middhī yadā hoti mahagghaso ca,
нид̣̇д̣̇ааяид̇аа самбаривад̇д̇асааяий;
Niddāyitā samparivattasāyī;
махаавараахова ниваабабудто,
Mahāvarāhova nivāpapuṭṭho,
бунаббунам̣ г̇аб̣бхамубзд̇и манд̣̇о’’д̇и.
Punappunaṃ gabbhamupeti mando’’ti.
д̇ад̇т̇а мид̣̇д̇хийд̇и т̇инамид̣̇д̇хаабхибхууд̇о. махаг̇гхасо жаад̇и махаабхож̇ано аахарахад̇т̇агаалам̣саадагад̇ад̇раваддагагаагамаасагабхуд̇д̇авамид̇агаанам̣ ан̃н̃ад̇аро вияа. ниваабабудтод̇и гун̣д̣агаад̣̇инаа суугарабхад̇д̇зна будто. гхарасуугаро хи д̣̇ахарагаалад̇о бадтааяа босияамаано т̇ууласарийрагаалз г̇зхаа б̣ахи нигкамид̇ум̣ алабханд̇о хздтааман̃жаад̣̇ийсу самбаривад̇д̇ид̇ваа ассасанд̇о бассасанд̇о саяад̇зва. ид̣̇ам̣ вуд̇д̇ам̣ ход̇и – яад̣̇аа бурисо мид̣̇д̇хий жа ход̇и махаг̇гхасо жа, ниваабабудто махаавараахо вияа жа ан̃н̃зна ирияаабат̇зна яаабзд̇ум̣ асаггонд̇о нид̣̇д̣̇ааяанасийло самбаривад̇д̇асааяий, д̇ад̣̇аа со ‘‘анижжам̣ д̣̇угкам̣ анад̇д̇аа’’д̇и д̇ийн̣и лагкан̣аани манасигаад̇ум̣ на саггод̇и. д̇зсам̣ аманасигаараа манд̣̇абан̃н̃о бунаббунам̣ г̇аб̣бхамубзд̇и, г̇аб̣бхаваасад̇о на баримужжад̇ийд̇и. д̣̇зсанаавасаанз сад̇т̇аа ран̃н̃о убагааравасзна –
Tattha middhīti thinamiddhābhibhūto. Mahagghaso cāti mahābhojano āharahatthakaalaṃsāṭakatatravaṭṭakakākamāsakabhuttavamitakānaṃ aññataro viya. Nivāpapuṭṭhoti kuṇḍakādinā sūkarabhattena puṭṭho. Gharasūkaro hi daharakālato paṭṭhāya posiyamāno thūlasarīrakāle gehā bahi nikkhamituṃ alabhanto heṭṭhāmañcādīsu samparivattitvā assasanto passasanto sayateva. Idaṃ vuttaṃ hoti – yadā puriso middhī ca hoti mahagghaso ca, nivāpapuṭṭho mahāvarāho viya ca aññena iriyāpathena yāpetuṃ asakkonto niddāyanasīlo samparivattasāyī, tadā so ‘‘aniccaṃ dukkhaṃ anattā’’ti tīṇi lakkhaṇāni manasikātuṃ na sakkoti. Tesaṃ amanasikārā mandapañño punappunaṃ gabbhamupeti, gabbhavāsato na parimuccatīti. Desanāvasāne satthā rañño upakāravasena –
‘‘мануж̇асса сад̣̇аа сад̇иймад̇о, мад̇д̇ам̣ ж̇аанад̇о лад̣̇д̇хабхож̇анз;
‘‘Manujassa sadā satīmato, mattaṃ jānato laddhabhojane;
д̇анугасса бхаванд̇и взд̣̇анаа, сан̣игам̣ ж̇ийрад̇и ааяу баалаяа’’нд̇и. (сам̣. ни. 1.124);
Tanukassa bhavanti vedanā, saṇikaṃ jīrati āyu pālaya’’nti. (saṃ. ni. 1.124);
имам̣ г̇аат̇ам̣ вад̇ваа уд̇д̇арамаан̣авам̣ уг̇г̇ан̣хаабзд̇ваа ‘‘имам̣ г̇аат̇ам̣ ран̃н̃о бхож̇анавзлааяа бавзд̣̇зяяааси, иминаа убааязна бхож̇анам̣ барихаабзяяаасий’’д̇и убааяам̣ аажигки, со д̇ат̇аа агааси. рааж̇аа абарзна самаязна наал̣игод̣̇анабарамад̇ааяа сан̣тид̇о сусаллахугасарийро сукаббад̇д̇о сад̇т̇ари уббаннависсаасо сад̇д̇аахам̣ асад̣̇исад̣̇аанам̣ бавад̇д̇зси. д̣̇аанаанумод̣̇анааяа махааж̇ано маханд̇ам̣ висзсам̣ баабун̣ийд̇и.
Imaṃ gāthaṃ vatvā uttaramāṇavaṃ uggaṇhāpetvā ‘‘imaṃ gāthaṃ rañño bhojanavelāya pavedeyyāsi, iminā upāyena bhojanaṃ parihāpeyyāsī’’ti upāyaṃ ācikkhi, so tathā akāsi. Rājā aparena samayena nāḷikodanaparamatāya saṇṭhito susallahukasarīro sukhappatto satthari uppannavissāso sattāhaṃ asadisadānaṃ pavattesi. Dānānumodanāya mahājano mahantaṃ visesaṃ pāpuṇīti.
басзнад̣̇игосалавад̇т̇у жад̇уд̇т̇ам̣.
Pasenadikosalavatthu catutthaṃ.
5. саанусааман̣зравад̇т̇у
5. Sānusāmaṇeravatthu
ид̣̇ам̣ бурзд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о саанум̣ наама сааман̣зрам̣ аараб̣бха гат̇зси.
Idaṃpureti imaṃ dhammadesanaṃ satthā jetavane viharanto sānuṃ nāma sāmaṇeraṃ ārabbha kathesi.
со гира згиссаа убаасигааяа згабуд̇д̇аго ахоси. ат̇а нам̣ саа д̣̇ахарагаалзязва баб̣б̣ааж̇зси. со баб̣б̣аж̇ид̇агаалад̇о бадтааяа сийлаваа ахоси вад̇д̇асамбанно, аажарияубаж̇жхааяаааг̇анд̇угаанам̣ вад̇д̇ам̣ гад̇амзва ход̇и. маасасса адтамз д̣̇ивасз баад̇ова удтааяа уд̣̇агамаал̣агз уд̣̇агам̣ убадтаабзд̇ваа д̇хаммассаванаг̇г̇ам̣ саммаж̇ж̇ид̇ваа аасанам̣ бан̃н̃аабзд̇ваа д̣̇ийбам̣ ж̇аалзд̇ваа мад̇хурассарзна д̇хаммассаванам̣ гхосзд̇и. бхигкуу д̇асса т̇аамам̣ н̃ад̇ваа ‘‘сарабхан̃н̃ам̣ бхан̣а сааман̣зраа’’д̇и аж̇жхзсанд̇и. со ‘‘маяхам̣ хад̣̇аяаваад̇о руж̇ад̇и, гааяо ваа б̣аад̇хад̇ий’’д̇и гин̃жи бажжаахаарам̣ агад̇ваа д̇хаммаасанам̣ абхируухид̇ваа аагаасаг̇ан̇г̇ам̣ од̇аарзнд̇о вияа сарабхан̃н̃ам̣ вад̇ваа од̇аранд̇о ‘‘маяхам̣ маад̇аабид̇уунам̣ имасмим̣ сарабхан̃н̃з бад̇д̇им̣ д̣̇аммий’’д̇и вад̣̇ад̇и. д̇асса мануссаа маад̇аабид̇аро бад̇д̇ияаа д̣̇иннабхаавам̣ на ж̇аананд̇и. ананд̇арад̇д̇абхаавз банасса маад̇аа яагкиний худ̇ваа ниб̣б̣ад̇д̇аа, саа д̣̇звад̇аахи сад̣̇д̇хим̣ ааг̇анд̇ваа д̇хаммам̣ суд̇ваа ‘‘сааман̣зрзна д̣̇иннабад̇д̇им̣ анумод̣̇аами, д̇аад̇аа’’д̇и вад̣̇ад̇и. ‘‘сийласамбанно жа наама бхигку сад̣̇звагасса логасса бияо ход̇ий’’д̇и д̇асмим̣ сааман̣зрз д̣̇звад̇аа салаж̇ж̇аа саг̇аараваа махааб̣рахмаанам̣ вияа аг̇г̇игканд̇хам̣ вияа жа нам̣ ман̃н̃анд̇и. сааман̣зрз г̇ааравзна д̇ан̃жа яагкиним̣ г̇аругам̣ гад̇ваа бассанд̇и. д̇аа д̇хаммассаванаяагкасамааг̇амаад̣̇ийсу ‘‘саанумаад̇аа саанумаад̇аа’’д̇и яагкинияаа аг̇г̇аасанам̣ аг̇г̇од̣̇агам̣ аг̇г̇абин̣д̣ам̣ д̣̇знд̇и. махзсагкааби яагкаа д̇ам̣ д̣̇исваа маг̇г̇аа оггаманд̇и, аасанаа вудтаханд̇и.
So kira ekissā upāsikāya ekaputtako ahosi. Atha naṃ sā daharakāleyeva pabbājesi. So pabbajitakālato paṭṭhāya sīlavā ahosi vattasampanno, ācariyupajjhāyaāgantukānaṃ vattaṃ katameva hoti. Māsassa aṭṭhame divase pātova uṭṭhāya udakamāḷake udakaṃ upaṭṭhāpetvā dhammassavanaggaṃ sammajjitvā āsanaṃ paññāpetvā dīpaṃ jāletvā madhurassarena dhammassavanaṃ ghoseti. Bhikkhū tassa thāmaṃ ñatvā ‘‘sarabhaññaṃ bhaṇa sāmaṇerā’’ti ajjhesanti. So ‘‘mayhaṃ hadayavāto rujati, kāyo vā bādhatī’’ti kiñci paccāhāraṃ akatvā dhammāsanaṃ abhirūhitvā ākāsagaṅgaṃ otārento viya sarabhaññaṃ vatvā otaranto ‘‘mayhaṃ mātāpitūnaṃ imasmiṃ sarabhaññe pattiṃ dammī’’ti vadati. Tassa manussā mātāpitaro pattiyā dinnabhāvaṃ na jānanti. Anantarattabhāve panassa mātā yakkhinī hutvā nibbattā, sā devatāhi saddhiṃ āgantvā dhammaṃ sutvā ‘‘sāmaṇerena dinnapattiṃ anumodāmi, tātā’’ti vadati. ‘‘Sīlasampanno ca nāma bhikkhu sadevakassa lokassa piyo hotī’’ti tasmiṃ sāmaṇere devatā salajjā sagāravā mahābrahmānaṃ viya aggikkhandhaṃ viya ca naṃ maññanti. Sāmaṇere gāravena tañca yakkhiniṃ garukaṃ katvā passanti. Tā dhammassavanayakkhasamāgamādīsu ‘‘sānumātā sānumātā’’ti yakkhiniyā aggāsanaṃ aggodakaṃ aggapiṇḍaṃ denti. Mahesakkhāpi yakkhā taṃ disvā maggā okkamanti, āsanā vuṭṭhahanti.
ат̇а ко сааман̣зро вуд̣дхиманвааяа барибаггинд̣̇рияо анабхирад̇ияаа бийл̣ид̇о анабхирад̇им̣ винод̣̇зд̇ум̣ асаггонд̇о барул̣хагзсанако гилидтаниваасанабаарубано гассажи анаарожзд̇ваа бад̇д̇ажийварамаад̣̇ааяа згагова маад̇угхарам̣ аг̇амааси. убаасигаа буд̇д̇ам̣ д̣̇исваа ванд̣̇ид̇ваа ааха – ‘‘гим̣, д̇аад̇а, д̇вам̣ буб̣б̣з аажарияубаж̇жхааязхи ваа д̣̇ахарасааман̣зрзхи ваа сад̣̇д̇хим̣ ид̇хааг̇ажчаси, гасмаа згагова аж̇ж̇а ааг̇ад̇осий’’д̇и? со угган̣тид̇абхаавам̣ аарожзси. саа убаасигаа наанаббагаарзна гхарааваасз аад̣̇ийнавам̣ д̣̇ассзд̇ваа буд̇д̇ам̣ овад̣̇амаанааби сан̃н̃аабзд̇ум̣ асаггонд̇ий ‘‘аббзва наама ад̇д̇ано д̇хаммад̇ааяаби саллагкзяяаа’’д̇и ануяяож̇зд̇ваа ‘‘д̇идта, д̇аад̇а, яаава д̇з яааг̇убхад̇д̇ам̣ самбаад̣̇зми, яааг̇ум̣ бивид̇ваа гад̇абхад̇д̇агижжасса д̇з манаабаани вад̇т̇аани нийхарид̇ваа д̣̇ассаамий’’д̇и вад̇ваа аасанам̣ бан̃н̃аабзд̇ваа ад̣̇ааси. нисийд̣̇и сааман̣зро. убаасигаа мухуд̇д̇знзва яааг̇укаж̇ж̇агам̣ самбаад̣̇зд̇ваа ад̣̇ааси. ат̇а ‘‘бхад̇д̇ам̣ самбаад̣̇зссаамий’’д̇и авид̣̇уурз нисиннаа д̇ан̣д̣улз д̇ховад̇и. д̇асмим̣ самаяз саа яагкиний ‘‘гахам̣ ну ко сааман̣зро, гажжи бхигкаахаарам̣ лабхад̇и, но’’д̇и ааваж̇ж̇амаанаа д̇асса виб̣бхамид̇угаамад̇ааяа нисиннабхаавам̣ н̃ад̇ваа ‘‘сааман̣зро мз махзсагкаанам̣ д̣̇звад̇аанам̣ анд̇арз лаж̇ж̇ам̣ уббаад̣̇зяяа, г̇ажчаамисса виб̣бхаманз анд̇арааяам̣ гариссаамий’’д̇и ааг̇анд̇ваа д̇асса сарийрз ад̇химужжид̇ваа г̇ийвам̣ баривад̇д̇зд̇ваа кзл̣зна баг̇гхаранд̇зна бхуумияам̣ нибад̇и. убаасигаа буд̇д̇асса д̇ам̣ виббагаарам̣ д̣̇исваа взг̇зна г̇анд̇ваа буд̇д̇ам̣ аалин̇г̇зд̇ваа ууруусу нибаж̇ж̇аабзси. сагалаг̇аамаваасино ааг̇анд̇ваа б̣алигаммаад̣̇ийни гарим̣су. убаасигаа бана барид̣̇звамаанаа имаа г̇аат̇аа абхааси –
Atha kho sāmaṇero vuḍḍhimanvāya paripakkindriyo anabhiratiyā pīḷito anabhiratiṃ vinodetuṃ asakkonto paruḷhakesanakho kiliṭṭhanivāsanapārupano kassaci anārocetvā pattacīvaramādāya ekakova mātugharaṃ agamāsi. Upāsikā puttaṃ disvā vanditvā āha – ‘‘kiṃ, tāta, tvaṃ pubbe ācariyupajjhāyehi vā daharasāmaṇerehi vā saddhiṃ idhāgacchasi, kasmā ekakova ajja āgatosī’’ti? So ukkaṇṭhitabhāvaṃ ārocesi. Sā upāsikā nānappakārena gharāvāse ādīnavaṃ dassetvā puttaṃ ovadamānāpi saññāpetuṃ asakkontī ‘‘appeva nāma attano dhammatāyapi sallakkheyyā’’ti anuyyojetvā ‘‘tiṭṭha, tāta, yāva te yāgubhattaṃ sampādemi, yāguṃ pivitvā katabhattakiccassa te manāpāni vatthāni nīharitvā dassāmī’’ti vatvā āsanaṃ paññāpetvā adāsi. Nisīdi sāmaṇero. Upāsikā muhutteneva yāgukhajjakaṃ sampādetvā adāsi. Atha ‘‘bhattaṃ sampādessāmī’’ti avidūre nisinnā taṇḍule dhovati. Tasmiṃ samaye sā yakkhinī ‘‘kahaṃ nu kho sāmaṇero, kacci bhikkhāhāraṃ labhati, no’’ti āvajjamānā tassa vibbhamitukāmatāya nisinnabhāvaṃ ñatvā ‘‘sāmaṇero me mahesakkhānaṃ devatānaṃ antare lajjaṃ uppādeyya, gacchāmissa vibbhamane antarāyaṃ karissāmī’’ti āgantvā tassa sarīre adhimuccitvā gīvaṃ parivattetvā kheḷena paggharantena bhūmiyaṃ nipati. Upāsikā puttassa taṃ vippakāraṃ disvā vegena gantvā puttaṃ āliṅgetvā ūrūsu nipajjāpesi. Sakalagāmavāsino āgantvā balikammādīni kariṃsu. Upāsikā pana paridevamānā imā gāthā abhāsi –
‘‘жаад̇уд̣̇д̣̇асим̣ бан̃жад̣̇асим̣, яаа жа багкасса адтамий;
‘‘Cātuddasiṃ pañcadasiṃ, yā ca pakkhassa aṭṭhamī;
баадихаарияабагкан̃жа, адтан̇г̇асусамааг̇ад̇ам̣.
Pāṭihāriyapakkhañca, aṭṭhaṅgasusamāgataṃ.
‘‘убосат̇ам̣ убавасанд̇и, б̣рахмажарияам̣ жаранд̇и яз;
‘‘Uposathaṃ upavasanti, brahmacariyaṃ caranti ye;
на д̇зхи яагкаа гийл̣анд̇и, ид̇и мз арахад̇ам̣ суд̇ам̣;
Na tehi yakkhā kīḷanti, iti me arahataṃ sutaṃ;
саа д̣̇аани аж̇ж̇а бассаами, яагкаа гийл̣анд̇и саанунаа’’д̇и. (сам̣. ни. 1.239);
Sā dāni ajja passāmi, yakkhā kīḷanti sānunā’’ti. (saṃ. ni. 1.239);
убаасигааяа важанам̣ суд̇ваа –
Upāsikāya vacanaṃ sutvā –
‘‘жаад̇уд̣̇д̣̇асим̣ бан̃жад̣̇асим̣, яаа жа багкасса адтамий;
‘‘Cātuddasiṃ pañcadasiṃ, yā ca pakkhassa aṭṭhamī;
баадихаарияабагкан̃жа, адтан̇г̇асусамааг̇ад̇ам̣.
Pāṭihāriyapakkhañca, aṭṭhaṅgasusamāgataṃ.
‘‘убосат̇ам̣ убавасанд̇и, б̣рахмажарияам̣ жаранд̇и яз;
‘‘Uposathaṃ upavasanti, brahmacariyaṃ caranti ye;
на д̇зхи яагкаа гийл̣анд̇и, сааху д̇з арахад̇ам̣ суд̇а’’нд̇и. (сам̣. ни. 1.239) –
Na tehi yakkhā kīḷanti, sāhu te arahataṃ suta’’nti. (saṃ. ni. 1.239) –
вад̇ваа ааха –
Vatvā āha –
‘‘саанум̣ баб̣уд̣̇д̇хам̣ важ̇ж̇ааси, яагкаанам̣ важанам̣ ид̣̇ам̣;
‘‘Sānuṃ pabuddhaṃ vajjāsi, yakkhānaṃ vacanaṃ idaṃ;
маагааси баабагам̣ гаммам̣, аави ваа яад̣̇и ваа рахо.
Mākāsi pāpakaṃ kammaṃ, āvi vā yadi vā raho.
‘‘сажз жа баабагам̣ гаммам̣, гариссаси гароси ваа;
‘‘Sace ca pāpakaṃ kammaṃ, karissasi karosi vā;
на д̇з д̣̇угкаа бамуд̇яад̇т̇и, уббажжааби балааяад̇о’’д̇и. (сам̣. ни. 1.239);
Na te dukkhā pamutyatthi, uppaccāpi palāyato’’ti. (saṃ. ni. 1.239);
звам̣ баабагам̣ гаммам̣ гад̇ваа сагун̣асса вияа уббад̇ид̇ваа балааяад̇оби д̇з могко над̇т̇ийд̇и вад̇ваа саа яагкиний сааман̣зрам̣ мун̃жи. со агкийни уммийлзд̇ваа маад̇арам̣ гзсз вигирияа ассасанд̇им̣ бассасанд̇им̣ род̣̇амаанам̣ сагалаг̇аамаваасино жа саннибад̇ид̇з д̣̇исваа ад̇д̇ано яагкзна г̇ахид̇абхаавам̣ аж̇аананд̇о ‘‘ахам̣ буб̣б̣з бийтз нисинно, маад̇аа мз авид̣̇уурз нисийд̣̇ид̇ваа д̇ан̣д̣улз д̇хови, ид̣̇аани банамхи бхуумияам̣ нибанно, гим̣ ну ко зд̇а’’нд̇и нибаннагова маад̇арам̣ ааха –
Evaṃ pāpakaṃ kammaṃ katvā sakuṇassa viya uppatitvā palāyatopi te mokkho natthīti vatvā sā yakkhinī sāmaṇeraṃ muñci. So akkhīni ummīletvā mātaraṃ kese vikiriya assasantiṃ passasantiṃ rodamānaṃ sakalagāmavāsino ca sannipatite disvā attano yakkhena gahitabhāvaṃ ajānanto ‘‘ahaṃ pubbe pīṭhe nisinno, mātā me avidūre nisīditvā taṇḍule dhovi, idāni panamhi bhūmiyaṃ nipanno, kiṃ nu kho eta’’nti nipannakova mātaraṃ āha –
‘‘мад̇ам̣ ваа амма род̣̇анд̇и, яо ваа ж̇ийвам̣ на д̣̇иссад̇и;
‘‘Mataṃ vā amma rodanti, yo vā jīvaṃ na dissati;
ж̇ийванд̇ам̣ амма бассанд̇ий, гасмаа мам̣ амма род̣̇асий’’д̇и. (т̇зраг̇аа. 44; сам̣. ни. 1.239);
Jīvantaṃ amma passantī, kasmā maṃ amma rodasī’’ti. (theragā. 44; saṃ. ni. 1.239);
ат̇асса маад̇аа вад̇т̇угаамагилзсагаамз бахааяа баб̣б̣аж̇ид̇асса буна виб̣бхаманад̇т̇ам̣ ааг̇аманз аад̣̇ийнавам̣ д̣̇ассзнд̇ий ааха –
Athassa mātā vatthukāmakilesakāme pahāya pabbajitassa puna vibbhamanatthaṃ āgamane ādīnavaṃ dassentī āha –
‘‘мад̇ам̣ ваа буд̇д̇а род̣̇анд̇и, яо ваа ж̇ийвам̣ на д̣̇иссад̇и;
‘‘Mataṃ vā putta rodanti, yo vā jīvaṃ na dissati;
яо жа гаамз жаж̇ид̇ваана, бунарааг̇ажчад̇з ид̇ха;
Yo ca kāme cajitvāna, punarāgacchate idha;
д̇ам̣ вааби буд̇д̇а род̣̇анд̇и, буна ж̇ийвам̣ мад̇о хи со’’д̇и. (сам̣. ни. 1.239);
Taṃ vāpi putta rodanti, puna jīvaṃ mato hi so’’ti. (saṃ. ni. 1.239);
зван̃жа бана вад̇ваа гхарааваасам̣ гуггул̣асад̣̇исан̃жзва нарагасад̣̇исан̃жа гад̇ваа гхарааваасз аад̣̇ийнавам̣ д̣̇ассзнд̇ий буна ааха –
Evañca pana vatvā gharāvāsaṃ kukkuḷasadisañceva narakasadisañca katvā gharāvāse ādīnavaṃ dassentī puna āha –
‘‘гуггул̣аа уб̣бхад̇о д̇аад̇а, гуггул̣ам̣ бад̇ид̇умижчаси;
‘‘Kukkuḷā ubbhato tāta, kukkuḷaṃ patitumicchasi;
нарагаа уб̣бхад̇о д̇аад̇а, нарагам̣ бад̇ид̇умижчасий’’д̇и. (сам̣. ни. 1.239);
Narakā ubbhato tāta, narakaṃ patitumicchasī’’ti. (saṃ. ni. 1.239);
ат̇а нам̣, ‘‘буд̇д̇а, бхад̣̇д̣̇ам̣ д̇ава ход̇у, маяаа бана ‘аяам̣ но буд̇д̇аго д̣аяхамаано’д̇и г̇зхаа бхан̣д̣ам̣ вияа нийхарид̇ваа б̣уд̣̇д̇хасаасанз баб̣б̣ааж̇ид̇о, гхарааваасз буна д̣аяхид̇ум̣ ижчаси. абхид̇хаават̇а барид̇д̇ааяат̇а нод̇и имамад̇т̇ам̣ гасса уж̇жхаабаяаама гам̣ ниж̇жхаабаяаамаа’’д̇и д̣̇ийбзд̇ум̣ имам̣ г̇аат̇амааха –
Atha naṃ, ‘‘putta, bhaddaṃ tava hotu, mayā pana ‘ayaṃ no puttako ḍayhamāno’ti gehā bhaṇḍaṃ viya nīharitvā buddhasāsane pabbājito, gharāvāse puna ḍayhituṃ icchasi. Abhidhāvatha parittāyatha noti imamatthaṃ kassa ujjhāpayāma kaṃ nijjhāpayāmā’’ti dīpetuṃ imaṃ gāthamāha –
‘‘абхид̇хаават̇а бхад̣̇д̣̇анд̇з, гасса уж̇жхаабаяаамасз;
‘‘Abhidhāvatha bhaddante, kassa ujjhāpayāmase;
аад̣̇ид̇д̇аа нийхад̇ам̣ бхан̣д̣ам̣, буна д̣аяхид̇умижчасий’’д̇и. (сам̣. ни. 1.239);
Ādittā nīhataṃ bhaṇḍaṃ, puna ḍayhitumicchasī’’ti. (saṃ. ni. 1.239);
со маад̇ари гат̇знд̇ияаа гат̇знд̇ияаа саллагкзд̇ваа ‘‘над̇т̇и маяхам̣ г̇ихибхаавзна ад̇т̇о’’д̇и ааха. ат̇асса маад̇аа ‘‘саад̇ху, д̇аад̇аа’’д̇и д̇удтаа бан̣ийд̇абхож̇анам̣ бхож̇зд̇ваа ‘‘гад̇ивассоси, д̇аад̇аа’’д̇и бужчид̇ваа барибун̣н̣авассабхаавам̣ н̃ад̇ваа д̇ижийварам̣ бадияаад̣̇зси. со барибун̣н̣абад̇д̇ажийваро убасамбад̣̇ам̣ лабхи. ат̇асса ажируубасамбаннасса сад̇т̇аа жид̇д̇аниг̇г̇ахз уссаахам̣ ж̇анзнд̇о ‘‘жид̇д̇ам̣ наамзд̇ам̣ наанаарамман̣зсу д̣̇ийгхарад̇д̇ам̣ жааригам̣ жаранд̇ам̣ аниг̇г̇ан̣ханд̇асса сод̇т̇ибхааво наама над̇т̇и, д̇асмаа ан̇гусзна мад̇д̇ахад̇т̇ино вияа жид̇д̇асса ниг̇г̇ан̣ханз яог̇о гаран̣ийяо’’д̇и вад̇ваа имам̣ г̇аат̇амааха –
So mātari kathentiyā kathentiyā sallakkhetvā ‘‘natthi mayhaṃ gihibhāvena attho’’ti āha. Athassa mātā ‘‘sādhu, tātā’’ti tuṭṭhā paṇītabhojanaṃ bhojetvā ‘‘kativassosi, tātā’’ti pucchitvā paripuṇṇavassabhāvaṃ ñatvā ticīvaraṃ paṭiyādesi. So paripuṇṇapattacīvaro upasampadaṃ labhi. Athassa acirūpasampannassa satthā cittaniggahe ussāhaṃ janento ‘‘cittaṃ nāmetaṃ nānārammaṇesu dīgharattaṃ cārikaṃ carantaṃ aniggaṇhantassa sotthibhāvo nāma natthi, tasmā aṅkusena mattahatthino viya cittassa niggaṇhane yogo karaṇīyo’’ti vatvā imaṃ gāthamāha –
326.
326.
‘‘ид̣̇ам̣ бурз жид̇д̇амажаари жааригам̣,
‘‘Idaṃ pure cittamacāri cārikaṃ,
язнижчагам̣ яад̇т̇агаамам̣ яат̇аасукам̣;
Yenicchakaṃ yatthakāmaṃ yathāsukhaṃ;
д̇ад̣̇аж̇ж̇ахам̣ ниг̇г̇ахзссаами яонисо,
Tadajjahaṃ niggahessāmi yoniso,
хад̇т̇иббабхиннам̣ вияа ан̇гусаг̇г̇ахо’’д̇и.
Hatthippabhinnaṃ viya aṅkusaggaho’’ti.
д̇ассад̇т̇о – ид̣̇ам̣ жид̇д̇ам̣ наама ид̇о буб̣б̣з руубаад̣̇ийсу жа аарамман̣зсу рааг̇аад̣̇ийнам̣ язна гааран̣зна ижчад̇и, яад̇т̇звасса гаамо уббаж̇ж̇ад̇и, д̇асса васзна яад̇т̇а гаамам̣ яат̇ааружи жаранд̇асса сукам̣ ход̇и, д̇ат̇зва вижаран̣ад̇о яат̇аасукам̣ д̣̇ийгхарад̇д̇ам̣ жааригам̣ жари, д̇ам̣ аж̇ж̇а ахам̣ бабхиннам̣ мад̇д̇ахад̇т̇им̣ хад̇т̇аажарияасан̇каад̇о чзго ан̇гусаг̇г̇ахо ан̇гусзна вияа яонисоманасигаарзна ниг̇г̇ахзссаами, наасса вийд̇иггамид̇ум̣ д̣̇ассаамийд̇и.
Tassattho – idaṃ cittaṃ nāma ito pubbe rūpādīsu ca ārammaṇesu rāgādīnaṃ yena kāraṇena icchati, yatthevassa kāmo uppajjati, tassa vasena yattha kāmaṃ yathāruci carantassa sukhaṃ hoti, tatheva vicaraṇato yathāsukhaṃ dīgharattaṃ cārikaṃ cari, taṃ ajja ahaṃ pabhinnaṃ mattahatthiṃ hatthācariyasaṅkhāto cheko aṅkusaggaho aṅkusena viya yonisomanasikārena niggahessāmi, nāssa vītikkamituṃ dassāmīti.
д̣̇зсанаавасаанз саанунаа сад̣̇д̇хим̣ д̇хаммассаванааяа убасан̇гаманд̇аанам̣ б̣ахуунам̣ д̣̇звад̇аанам̣ д̇хаммаабхисамаяо ахоси. собааяасмаа д̇збидагам̣ б̣уд̣̇д̇хаважанам̣ уг̇г̇ан̣хид̇ваа махаад̇хаммагат̇иго худ̇ваа вийсавассасад̇ам̣ тад̇ваа сагалаж̇амб̣уд̣̇ийбам̣ сан̇кобхзд̇ваа бариниб̣б̣ааяийд̇и.
Desanāvasāne sānunā saddhiṃ dhammassavanāya upasaṅkamantānaṃ bahūnaṃ devatānaṃ dhammābhisamayo ahosi. Sopāyasmā tepiṭakaṃ buddhavacanaṃ uggaṇhitvā mahādhammakathiko hutvā vīsavassasataṃ ṭhatvā sakalajambudīpaṃ saṅkhobhetvā parinibbāyīti.
саанусааман̣зравад̇т̇у бан̃жамам̣.
Sānusāmaṇeravatthu pañcamaṃ.
6. баавзяяагахад̇т̇ивад̇т̇у
6. Pāveyyakahatthivatthu
аббамаад̣̇арад̇аад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о госаларан̃н̃о баавзяяагам̣ наама хад̇т̇им̣ аараб̣бха гат̇зси.
Appamādaratāti imaṃ dhammadesanaṃ satthā jetavane viharanto kosalarañño pāveyyakaṃ nāma hatthiṃ ārabbha kathesi.
со гира хад̇т̇ий д̇арун̣агаалз махааб̣ало худ̇ваа абарзна самаязна ж̇арааваад̇авзг̇аб̣бхаахад̇о худ̇ваа згам̣ маханд̇ам̣ сарам̣ оруяха галалз лаг̇г̇ид̇ваа уд̇д̇арид̇ум̣ наасагки. махааж̇ано д̇ам̣ д̣̇исваа ‘‘зваруубоби наама хад̇т̇ий имам̣ д̣̇уб̣б̣алабхаавам̣ бад̇д̇о’’д̇и гат̇ам̣ самудтаабзси. рааж̇аа д̇ам̣ бавад̇д̇им̣ суд̇ваа хад̇т̇аажарияам̣ аан̣аабзси – ‘‘г̇ажча, аажарияа, д̇ам̣ хад̇т̇им̣ галалад̇о уд̣̇д̇хараахий’’д̇и. со г̇анд̇ваа д̇асмим̣ таанз сан̇г̇аамасийсам̣ д̣̇ассзд̇ваа сан̇г̇аамабхзрим̣ аагодаабзси. маанаж̇аад̇иго хад̇т̇ий взг̇знудтааяа т̇алз бад̇идтахи. бхигкуу д̇ам̣ гааран̣ам̣ д̣̇исваа сад̇т̇у аарожзсум̣. сад̇т̇аа ‘‘д̇зна, бхигкавз , хад̇т̇инаа багад̇ибан̇гад̣̇уг̇г̇ад̇о ад̇д̇аа уд̣̇д̇хадо, д̇умхз бана гилзсад̣̇уг̇г̇з багканд̣̇аа. д̇асмаа яонисо бад̣̇ахид̇ваа д̇умхзби д̇ад̇о ад̇д̇аанам̣ уд̣̇д̇харат̇аа’’д̇и вад̇ваа имам̣ г̇аат̇амааха –
So kira hatthī taruṇakāle mahābalo hutvā aparena samayena jarāvātavegabbhāhato hutvā ekaṃ mahantaṃ saraṃ oruyha kalale laggitvā uttarituṃ nāsakkhi. Mahājano taṃ disvā ‘‘evarūpopi nāma hatthī imaṃ dubbalabhāvaṃ patto’’ti kathaṃ samuṭṭhāpesi. Rājā taṃ pavattiṃ sutvā hatthācariyaṃ āṇāpesi – ‘‘gaccha, ācariya, taṃ hatthiṃ kalalato uddharāhī’’ti. So gantvā tasmiṃ ṭhāne saṅgāmasīsaṃ dassetvā saṅgāmabheriṃ ākoṭāpesi. Mānajātiko hatthī vegenuṭṭhāya thale patiṭṭhahi. Bhikkhū taṃ kāraṇaṃ disvā satthu ārocesuṃ. Satthā ‘‘tena, bhikkhave , hatthinā pakatipaṅkaduggato attā uddhaṭo, tumhe pana kilesadugge pakkhandā. Tasmā yoniso padahitvā tumhepi tato attānaṃ uddharathā’’ti vatvā imaṃ gāthamāha –
327.
327.
‘‘аббамаад̣̇арад̇аа хот̇а, сажид̇д̇аманурагкат̇а;
‘‘Appamādaratā hotha, sacittamanurakkhatha;
д̣̇уг̇г̇аа уд̣̇д̇харат̇ад̇д̇аанам̣, бан̇гз саннова гун̃ж̇аро’’д̇и.
Duggā uddharathattānaṃ, paṅke sannova kuñjaro’’ti.
д̇ад̇т̇а аббамаад̣̇арад̇аад̇и сад̇ияаа авиббаваасз абхирад̇аа хот̇а. сажид̇д̇анд̇и руубаад̣̇ийсу аарамман̣зсу ад̇д̇ано жид̇д̇ам̣ яат̇аа вийд̇иггамам̣ на гарод̇и, звам̣ рагкат̇а. д̣̇уг̇г̇аад̇и яат̇аа со бан̇гз санно гун̃ж̇аро хад̇т̇зхи жа баад̣̇зхи жа вааяаамам̣ гад̇ваа бан̇гад̣̇уг̇г̇ад̇о ад̇д̇аанам̣ уд̣̇д̇харид̇ваа т̇алз бад̇идтид̇о, звам̣ д̇умхзби гилзсад̣̇уг̇г̇ад̇о ад̇д̇аанам̣ уд̣̇д̇харат̇а, ниб̣б̣аанат̇алз бад̇идтаабзт̇аад̇и ад̇т̇о.
Tattha appamādaratāti satiyā avippavāse abhiratā hotha. Sacittanti rūpādīsu ārammaṇesu attano cittaṃ yathā vītikkamaṃ na karoti, evaṃ rakkhatha. Duggāti yathā so paṅke sanno kuñjaro hatthehi ca pādehi ca vāyāmaṃ katvā paṅkaduggato attānaṃ uddharitvā thale patiṭṭhito, evaṃ tumhepi kilesaduggato attānaṃ uddharatha, nibbānathale patiṭṭhāpethāti attho.
д̣̇зсанаавасаанз д̇з бхигкуу арахад̇д̇з бад̇идтахим̣сууд̇и.
Desanāvasāne te bhikkhū arahatte patiṭṭhahiṃsūti.
баавзяяагахад̇т̇ивад̇т̇у чадтам̣.
Pāveyyakahatthivatthu chaṭṭhaṃ.
7. самб̣ахулабхигкувад̇т̇у
7. Sambahulabhikkhuvatthu
сажз лабхзт̇аад̇и имам̣ д̇хаммад̣̇зсанам̣ сад̇т̇аа баалилзяяагам̣ ниссааяа рагкид̇аванасан̣д̣з вихаранд̇о самб̣ахулз бхигкуу аараб̣бха гат̇зси. вад̇т̇у яамагаваг̇г̇з ‘‘барз жа на виж̇аананд̇ий’’д̇и г̇аат̇ааван̣н̣анааяа ааг̇ад̇амзва. вуд̇д̇ан̃хзд̇ам̣ (д̇ха. ба. адта. 1.5 госамб̣агавад̇т̇у) –
Sace labhethāti imaṃ dhammadesanaṃ satthā pālileyyakaṃ nissāya rakkhitavanasaṇḍe viharanto sambahule bhikkhū ārabbha kathesi. Vatthu yamakavagge ‘‘pare ca na vijānantī’’ti gāthāvaṇṇanāya āgatameva. Vuttañhetaṃ (dha. pa. aṭṭha. 1.5 kosambakavatthu) –
д̇ат̇ааг̇ад̇асса д̇ад̇т̇а хад̇т̇инааг̇зна убадтияамаанасса васанабхааво сагалаж̇амб̣уд̣̇ийбз баагадо ахоси. саавад̇т̇инаг̇арад̇о ‘‘анаат̇абин̣д̣иго висаакаа махааубаасигаа’’д̇и звамаад̣̇ийни махаагулаани аананд̣̇ад̇т̇зрасса саасанам̣ бахин̣им̣су ‘‘сад̇т̇аарам̣ но, бханд̇з, д̣̇ассзт̇аа’’д̇и. д̣̇исааваасиноби бан̃жасад̇аа бхигкуу вудтавассаа аананд̣̇ад̇т̇зрам̣ убасан̇гамид̇ваа ‘‘жирассуд̇аа но, аавусо аананд̣̇а, бхаг̇авад̇о саммукаа д̇хаммий гат̇аа, саад̇ху маяам̣, аавусо аананд̣̇а, лабхзяяаама бхаг̇авад̇о саммукаа д̇хаммим̣ гат̇ам̣ саванааяаа’’д̇и яаажим̣су. т̇зро д̇з бхигкуу аад̣̇ааяа д̇ад̇т̇а г̇анд̇ваа ‘‘д̇змаасам̣ згавихаарино д̇ат̇ааг̇ад̇асса санд̇игам̣ зд̇д̇агзхи бхигкуухи сад̣̇д̇хим̣ убасан̇гаманам̣ аяуд̇д̇а’’нд̇и жинд̇зд̇ваа д̇з бхигкуу б̣ахи табзд̇ваа згагова сад̇т̇аарам̣ убасан̇гами. баалилзяяаго д̇ам̣ д̣̇исваа д̣̇ан̣д̣амаад̣̇ааяа багканд̣̇и. д̇ам̣ сад̇т̇аа ологзд̇ваа ‘‘абзхи, абзхи, баалилзяяага, маа ваараяи, б̣уд̣̇д̇хубадтааго зсо’’д̇и ааха. со д̇ад̇т̇зва д̣̇ан̣д̣ам̣ чад̣д̣зд̇ваа бад̇д̇ажийварабадиг̇г̇ахан̣ам̣ аабужчи. т̇зро наад̣̇ааси. нааг̇о ‘‘сажз уг̇г̇ахид̇авад̇д̇о бхависсад̇и, сад̇т̇у нисийд̣̇анабаасаан̣апалагз ад̇д̇ано баригкаарам̣ на табзссад̇ий’’д̇и жинд̇зси. т̇зро бад̇д̇ажийварам̣ бхуумияам̣ табзси. вад̇д̇асамбаннаа хи г̇аруунам̣ аасанз ваа саяанз ваа ад̇д̇ано баригкаарам̣ на табзнд̇и.
Tathāgatassa tattha hatthināgena upaṭṭhiyamānassa vasanabhāvo sakalajambudīpe pākaṭo ahosi. Sāvatthinagarato ‘‘anāthapiṇḍiko visākhā mahāupāsikā’’ti evamādīni mahākulāni ānandattherassa sāsanaṃ pahiṇiṃsu ‘‘satthāraṃ no, bhante, dassethā’’ti. Disāvāsinopi pañcasatā bhikkhū vuṭṭhavassā ānandattheraṃ upasaṅkamitvā ‘‘cirassutā no, āvuso ānanda, bhagavato sammukhā dhammī kathā, sādhu mayaṃ, āvuso ānanda, labheyyāma bhagavato sammukhā dhammiṃ kathaṃ savanāyā’’ti yāciṃsu. Thero te bhikkhū ādāya tattha gantvā ‘‘temāsaṃ ekavihārino tathāgatassa santikaṃ ettakehi bhikkhūhi saddhiṃ upasaṅkamanaṃ ayutta’’nti cintetvā te bhikkhū bahi ṭhapetvā ekakova satthāraṃ upasaṅkami. Pālileyyako taṃ disvā daṇḍamādāya pakkhandi. Taṃ satthā oloketvā ‘‘apehi, apehi, pālileyyaka, mā vārayi, buddhupaṭṭhāko eso’’ti āha. So tattheva daṇḍaṃ chaḍḍetvā pattacīvarapaṭiggahaṇaṃ āpucchi. Thero nādāsi. Nāgo ‘‘sace uggahitavatto bhavissati, satthu nisīdanapāsāṇaphalake attano parikkhāraṃ na ṭhapessatī’’ti cintesi. Thero pattacīvaraṃ bhūmiyaṃ ṭhapesi. Vattasampannā hi garūnaṃ āsane vā sayane vā attano parikkhāraṃ na ṭhapenti.
т̇зро сад̇т̇аарам̣ ванд̣̇ид̇ваа згаманд̇ам̣ нисийд̣̇и. сад̇т̇аа ‘‘згагова ааг̇ад̇осий’’д̇и бужчид̇ваа бан̃жахи бхигкусад̇зхи ааг̇ад̇абхаавам̣ суд̇ваа ‘‘гахам̣ бана д̇з’’д̇и бужчид̇ваа ‘‘д̇умхаагам̣ жид̇д̇ам̣ аж̇аананд̇о б̣ахи табзд̇ваа ааг̇ад̇омхий’’д̇и вуд̇д̇з ‘‘баггосаахи нз’’д̇и ааха. т̇зро д̇ат̇аа агааси. сад̇т̇аа д̇зхи бхигкуухи сад̣̇д̇хим̣ бадисант̇аарам̣ гад̇ваа д̇зхи бхигкуухи, ‘‘бханд̇з, бхаг̇аваа б̣уд̣̇д̇хасукумаало жзва кад̇д̇ияасукумаало жа, д̇умхзхи д̇змаасам̣ згагзхи д̇идтанд̇зхи нисийд̣̇анд̇зхи жа д̣̇уггарам̣ гад̇ам̣, вад̇д̇абадивад̇д̇агаарагоби мукод̣̇агаад̣̇ид̣̇ааяагоби наахоси ман̃н̃з’’д̇и вуд̇д̇з, ‘‘бхигкавз, баалилзяяагахад̇т̇инаа мама саб̣б̣агижжаани гад̇аани. зваруубан̃хи сахааяам̣ лабханд̇зна згагова васид̇ум̣ яуд̇д̇ам̣, алабханд̇асса згажааригабхаавова сзяяо’’д̇и вад̇ваа нааг̇аваг̇г̇з имаа г̇аат̇аа абхааси –
Thero satthāraṃ vanditvā ekamantaṃ nisīdi. Satthā ‘‘ekakova āgatosī’’ti pucchitvā pañcahi bhikkhusatehi āgatabhāvaṃ sutvā ‘‘kahaṃ pana te’’ti pucchitvā ‘‘tumhākaṃ cittaṃ ajānanto bahi ṭhapetvā āgatomhī’’ti vutte ‘‘pakkosāhi ne’’ti āha. Thero tathā akāsi. Satthā tehi bhikkhūhi saddhiṃ paṭisanthāraṃ katvā tehi bhikkhūhi, ‘‘bhante, bhagavā buddhasukhumālo ceva khattiyasukhumālo ca, tumhehi temāsaṃ ekakehi tiṭṭhantehi nisīdantehi ca dukkaraṃ kataṃ, vattapaṭivattakārakopi mukhodakādidāyakopi nāhosi maññe’’ti vutte, ‘‘bhikkhave, pālileyyakahatthinā mama sabbakiccāni katāni. Evarūpañhi sahāyaṃ labhantena ekakova vasituṃ yuttaṃ, alabhantassa ekacārikabhāvova seyyo’’ti vatvā nāgavagge imā gāthā abhāsi –
328.
328.
‘‘сажз лабхзт̇а нибагам̣ сахааяам̣,
‘‘Sace labhetha nipakaṃ sahāyaṃ,
сад̣̇д̇хим̣жарам̣ саад̇хувихаари д̇хийрам̣;
Saddhiṃcaraṃ sādhuvihāri dhīraṃ;
абхибхуяяа саб̣б̣аани бариссаяаани,
Abhibhuyya sabbāni parissayāni,
жарзяяа д̇знад̇д̇амано сад̇иймаа.
Careyya tenattamano satīmā.
329.
329.
‘‘но жз лабхзт̇а нибагам̣ сахааяам̣,
‘‘No ce labhetha nipakaṃ sahāyaṃ,
сад̣̇д̇хим̣жарам̣ саад̇хувихаари д̇хийрам̣;
Saddhiṃcaraṃ sādhuvihāri dhīraṃ;
рааж̇аава радтам̣ виж̇ид̇ам̣ бахааяа,
Rājāva raṭṭhaṃ vijitaṃ pahāya,
зго жарз маад̇ан̇г̇аран̃н̃зва нааг̇о.
Eko care mātaṅgaraññeva nāgo.
330.
330.
‘‘згасса жарид̇ам̣ сзяяо,
‘‘Ekassa caritaṃ seyyo,
над̇т̇и б̣аалз сахааяад̇аа;
Natthi bāle sahāyatā;
зго жарз на жа баабаани гаяираа,
Eko care na ca pāpāni kayirā,
аббоссугго маад̇ан̇г̇аран̃н̃зва нааг̇о’’д̇и.
Appossukko mātaṅgaraññeva nāgo’’ti.
д̇ад̇т̇а нибаганд̇и нзбаггабан̃н̃ааяа саманнааг̇ад̇ам̣. саад̇хувихаари д̇хийранд̇и бхад̣̇д̣̇агавихаарим̣ бан̣д̣ид̇ам̣. бариссаяаанийд̇и д̇аад̣̇исам̣ мзд̇д̇аавихаарим̣ сахааяам̣ лабханд̇о сийхаб̣яаг̇гхаад̣̇аяо баагадабариссаяз жа рааг̇абхаяад̣̇осабхаяамохабхаяаад̣̇аяо бадижчаннабариссаяз жаад̇и саб̣б̣зва бариссаяз абхибхавид̇ваа д̇зна сад̣̇д̇хим̣ ад̇д̇амано убадтид̇асад̇ий худ̇ваа жарзяяа, вихарзяяаад̇и ад̇т̇о.
Tattha nipakanti nepakkapaññāya samannāgataṃ. Sādhuvihāri dhīranti bhaddakavihāriṃ paṇḍitaṃ. Parissayānīti tādisaṃ mettāvihāriṃ sahāyaṃ labhanto sīhabyagghādayo pākaṭaparissaye ca rāgabhayadosabhayamohabhayādayo paṭicchannaparissaye cāti sabbeva parissaye abhibhavitvā tena saddhiṃ attamano upaṭṭhitasatī hutvā careyya, vihareyyāti attho.
рааж̇аава радтанд̇и радтам̣ хид̇ваа г̇ад̇о махааж̇анагарааж̇аа вияа. ид̣̇ам̣ вуд̇д̇ам̣ ход̇и – яат̇аа виж̇ид̇абхуумибад̣̇зсо рааж̇аа ‘‘ид̣̇ам̣ раж̇ж̇ам̣ наама маханд̇ам̣ бамаад̣̇адтаанам̣, гим̣ мз раж̇ж̇зна гаарид̇знаа’’д̇и виж̇ид̇ам̣ радтам̣ бахааяа згагова махааран̃н̃ам̣ бависид̇ваа д̇аабасабаб̣б̣аж̇ж̇ам̣ баб̣б̣аж̇ид̇ваа жад̇уусу ирияаабат̇зсу згагова жарад̇и, звам̣ згагова жарзяяаад̇и. маад̇ан̇г̇аран̃н̃зва нааг̇од̇и яат̇аа жа ‘‘ахам̣ ко аагин̣н̣о вихараами хад̇т̇ийхи хад̇т̇инийхи хад̇т̇игал̣абхзхи хад̇т̇ижчаабзхи, чиннаг̇г̇аани жзва д̇ин̣аани каад̣̇аами, обхаг̇г̇обхаг̇г̇ан̃жа мз саакаабхан̇г̇ам̣ каад̣̇анд̇и, аавилаани жа баанийяаани биваами, ог̇аахаа жа мз уд̇д̇ин̣н̣асса хад̇т̇инияо гааяам̣ убанигхам̣санд̇ияо г̇ажчанд̇и, яам̣нуунаахам̣ згагова г̇ан̣амхаа вуубагадто вихарзяяа’’нд̇и (махаава. 467; уд̣̇аа. 35) звам̣ бадисан̃жигкид̇ваа г̇аманад̇о маад̇ан̇г̇од̇и лад̣̇д̇ханаамо имасмим̣ аран̃н̃з аяам̣ хад̇т̇инааг̇о яуут̇ам̣ бахааяа саб̣б̣ирияаабат̇зсу згагова сукам̣ жарад̇и, звамби згова жарзяяаад̇и ад̇т̇о.
Rājāva raṭṭhanti raṭṭhaṃ hitvā gato mahājanakarājā viya. Idaṃ vuttaṃ hoti – yathā vijitabhūmipadeso rājā ‘‘idaṃ rajjaṃ nāma mahantaṃ pamādaṭṭhānaṃ, kiṃ me rajjena kāritenā’’ti vijitaṃ raṭṭhaṃ pahāya ekakova mahāraññaṃ pavisitvā tāpasapabbajjaṃ pabbajitvā catūsu iriyāpathesu ekakova carati, evaṃ ekakova careyyāti. Mātaṅgaraññeva nāgoti yathā ca ‘‘ahaṃ kho ākiṇṇo viharāmi hatthīhi hatthinīhi hatthikaḷabhehi hatthicchāpehi, chinnaggāni ceva tiṇāni khādāmi, obhaggobhaggañca me sākhābhaṅgaṃ khādanti, āvilāni ca pānīyāni pivāmi, ogāhā ca me uttiṇṇassa hatthiniyo kāyaṃ upanighaṃsantiyo gacchanti, yaṃnūnāhaṃ ekakova gaṇamhā vūpakaṭṭho vihareyya’’nti (mahāva. 467; udā. 35) evaṃ paṭisañcikkhitvā gamanato mātaṅgoti laddhanāmo imasmiṃ araññe ayaṃ hatthināgo yūthaṃ pahāya sabbiriyāpathesu ekakova sukhaṃ carati, evampi ekova careyyāti attho.
згассаад̇и баб̣б̣аж̇ид̇асса хи баб̣б̣аж̇ид̇агаалад̇о бадтааяа згийбхааваабхирад̇асса згагассзва жарид̇ам̣ сзяяо. над̇т̇и б̣аалз сахааяад̇аад̇и жуул̣асийлам̣ маж̇жхимасийлам̣ махаасийлам̣ д̣̇аса гат̇аавад̇т̇ууни д̇зраса д̇худ̇ан̇г̇аг̇ун̣аани вибассанаан̃аан̣ам̣ жад̇д̇ааро маг̇г̇аа жад̇д̇аари палаани д̇иссо виж̇ж̇аа ча абхин̃н̃аа амад̇амахааниб̣б̣аананд̇и аяан̃хи сахааяад̇аа наама. саа б̣аалз ниссааяа ад̇хиг̇анд̇ум̣ на саггаад̇и над̇т̇и б̣аалз сахааяад̇аа. згод̇и иминаа гааран̣зна саб̣б̣ирияаабат̇зсу згагова жарзяяа, аббамад̇д̇агааниби на жа баабаани гаяираа. яат̇аа со аббоссугго нираалаяо имасмим̣ аран̃н̃з маад̇ан̇г̇анааг̇о ижчид̇ижчид̇адтаанз сукам̣ жарад̇и, звам̣ згагова худ̇ваа жарзяяа, аббамад̇д̇агааниби на жа баабаани гарзяяаад̇и ад̇т̇о. д̇асмаа д̇умхзхи бад̇ируубам̣ сахааяам̣ алабханд̇зхи згажаарийхзва бхавид̇аб̣б̣анд̇и имамад̇т̇ам̣ д̣̇ассзнд̇о сад̇т̇аа д̇зсам̣ бхигкуунам̣ имам̣ д̇хаммад̣̇зсанам̣ д̣̇зсзси.
Ekassāti pabbajitassa hi pabbajitakālato paṭṭhāya ekībhāvābhiratassa ekakasseva caritaṃ seyyo. Natthi bāle sahāyatāti cūḷasīlaṃ majjhimasīlaṃ mahāsīlaṃ dasa kathāvatthūni terasa dhutaṅgaguṇāni vipassanāñāṇaṃ cattāro maggā cattāri phalāni tisso vijjā cha abhiññā amatamahānibbānanti ayañhi sahāyatā nāma. Sā bāle nissāya adhigantuṃ na sakkāti natthi bāle sahāyatā. Ekoti iminā kāraṇena sabbiriyāpathesu ekakova careyya, appamattakānipi na ca pāpāni kayirā. Yathā so appossukko nirālayo imasmiṃ araññe mātaṅganāgo icchiticchitaṭṭhāne sukhaṃ carati, evaṃ ekakova hutvā careyya, appamattakānipi na ca pāpāni kareyyāti attho. Tasmā tumhehi patirūpaṃ sahāyaṃ alabhantehi ekacārīheva bhavitabbanti imamatthaṃ dassento satthā tesaṃ bhikkhūnaṃ imaṃ dhammadesanaṃ desesi.
д̣̇зсанаавасаанз бан̃жасад̇ааби д̇з бхигкуу арахад̇д̇з бад̇идтахим̣сууд̇и.
Desanāvasāne pañcasatāpi te bhikkhū arahatte patiṭṭhahiṃsūti.
самб̣ахулабхигкувад̇т̇у сад̇д̇амам̣.
Sambahulabhikkhuvatthu sattamaṃ.
8. мааравад̇т̇у
8. Māravatthu
ад̇т̇амхийд̇и имам̣ д̇хаммад̣̇зсанам̣ сад̇т̇аа химаванд̇абад̣̇зсз аран̃н̃агудигааяам̣ вихаранд̇о маарам̣ аараб̣бха гат̇зси.
Atthamhīti imaṃ dhammadesanaṃ satthā himavantapadese araññakuṭikāyaṃ viharanto māraṃ ārabbha kathesi.
д̇асмим̣ гира гаалз рааж̇аано мануссз бийл̣зд̇ваа раж̇ж̇ам̣ гаарзнд̇и. ат̇а бхаг̇аваа ад̇хаммигарааж̇уунам̣ раж̇ж̇з д̣̇ан̣д̣агаран̣абийл̣ид̇з мануссз д̣̇исваа гаарун̃н̃зна звам̣ жинд̇зси – ‘‘саггаа ну ко раж̇ж̇ам̣ гаарзд̇ум̣ аханам̣ агхаад̇аяам̣, аж̇инам̣ аж̇аабаяам̣, асожам̣ асожаабаяам̣ д̇хаммзнаа’’д̇и, мааро баабимаа д̇ам̣ бхаг̇авад̇о баривид̇аггам̣ н̃ад̇ваа ‘‘саман̣о г̇од̇амо ‘саггаа ну ко раж̇ж̇ам̣ гаарзд̇у’нд̇и жинд̇зси, ид̣̇аани раж̇ж̇ам̣ гаарзд̇угаамо бхависсад̇и, раж̇ж̇ан̃жа наамзд̇ам̣ бамаад̣̇адтаанам̣, д̇ам̣ гаарзнд̇з саггаа огаасам̣ лабхид̇ум̣, г̇ажчаами уссаахамасса ж̇анзссаамий’’д̇и жинд̇зд̇ваа сад̇т̇аарам̣ убасан̇гамид̇ваа ааха – ‘‘гаарзд̇у, бханд̇з, бхаг̇аваа раж̇ж̇ам̣, гаарзд̇у суг̇ад̇о раж̇ж̇ам̣ аханам̣ агхаад̇аяам̣, аж̇инам̣ аж̇аабаяам̣, асожам̣ асожаабаяам̣ д̇хаммзнаа’’д̇и. ат̇а нам̣ сад̇т̇аа ‘‘гим̣ бана мз д̇вам̣, баабима, бассаси, яам̣ мам̣ д̇вам̣ звам̣ вад̣̇зсий’’д̇и вад̇ваа ‘‘бхаг̇авад̇аа ко, бханд̇з, жад̇д̇ааро ид̣̇д̇хибаад̣̇аа субхаавид̇аа. ааган̇камаано хи бхаг̇аваа химаванд̇ам̣ баб̣б̣ад̇арааж̇ам̣ ‘суван̣н̣а’нд̇и ад̇химужжзяяа, д̇ан̃жа суван̣н̣амзва асса, ахамби ко д̇ханзна д̇ханагаран̣ийяам̣ гариссаами, д̇умхз д̇хаммзна раж̇ж̇ам̣ гаарзссат̇аа’’д̇и д̇зна вуд̇д̇з –
Tasmiṃ kira kāle rājāno manusse pīḷetvā rajjaṃ kārenti. Atha bhagavā adhammikarājūnaṃ rajje daṇḍakaraṇapīḷite manusse disvā kāruññena evaṃ cintesi – ‘‘sakkā nu kho rajjaṃ kāretuṃ ahanaṃ aghātayaṃ, ajinaṃ ajāpayaṃ, asocaṃ asocāpayaṃ dhammenā’’ti, māro pāpimā taṃ bhagavato parivitakkaṃ ñatvā ‘‘samaṇo gotamo ‘sakkā nu kho rajjaṃ kāretu’nti cintesi, idāni rajjaṃ kāretukāmo bhavissati, rajjañca nāmetaṃ pamādaṭṭhānaṃ, taṃ kārente sakkā okāsaṃ labhituṃ, gacchāmi ussāhamassa janessāmī’’ti cintetvā satthāraṃ upasaṅkamitvā āha – ‘‘kāretu, bhante, bhagavā rajjaṃ, kāretu sugato rajjaṃ ahanaṃ aghātayaṃ, ajinaṃ ajāpayaṃ, asocaṃ asocāpayaṃ dhammenā’’ti. Atha naṃ satthā ‘‘kiṃ pana me tvaṃ, pāpima, passasi, yaṃ maṃ tvaṃ evaṃ vadesī’’ti vatvā ‘‘bhagavatā kho, bhante, cattāro iddhipādā subhāvitā. Ākaṅkhamāno hi bhagavā himavantaṃ pabbatarājaṃ ‘suvaṇṇa’nti adhimucceyya, tañca suvaṇṇameva assa, ahampi kho dhanena dhanakaraṇīyaṃ karissāmi, tumhe dhammena rajjaṃ kāressathā’’ti tena vutte –
‘‘баб̣б̣ад̇асса суван̣н̣асса, ж̇аад̇аруубасса гзвало;
‘‘Pabbatassa suvaṇṇassa, jātarūpassa kevalo;
д̣̇вид̇д̇аава нааламзгасса, ид̇и вид̣̇ваа саман̃жарз.
Dvittāva nālamekassa, iti vidvā samañcare.
‘‘яо д̣̇угкамад̣̇агки яад̇онид̣̇аанам̣,
‘‘Yo dukkhamadakkhi yatonidānaṃ,
гаамзсу со ж̇анд̇у гат̇ам̣ намзяяа;
Kāmesu so jantu kathaṃ nameyya;
убад̇хим̣ вид̣̇ид̇ваа сан̇г̇од̇и логз,
Upadhiṃ viditvā saṅgoti loke,
д̇ассзва ж̇анд̇у винаяааяа сигкз’’д̇и. (сам̣. ни. 1.156) –
Tasseva jantu vinayāya sikkhe’’ti. (saṃ. ni. 1.156) –
имаахи г̇аат̇аахи сам̣взж̇зд̇ваа ‘‘ан̃н̃о зва ко, баабима, д̇ава оваад̣̇о, ан̃н̃о мама, д̇аяаа сад̣̇д̇хим̣ д̇хаммасам̣санд̣̇анаа наама над̇т̇и, ахан̃хи звам̣ овад̣̇аамий’’д̇и вад̇ваа имаа г̇аат̇аа абхааси –
Imāhi gāthāhi saṃvejetvā ‘‘añño eva kho, pāpima, tava ovādo, añño mama, tayā saddhiṃ dhammasaṃsandanā nāma natthi, ahañhi evaṃ ovadāmī’’ti vatvā imā gāthā abhāsi –
331.
331.
‘‘ад̇т̇амхи ж̇аад̇амхи сукаа сахааяаа,
‘‘Atthamhi jātamhi sukhā sahāyā,
д̇удтий сукаа яаа ид̇арийд̇арзна;
Tuṭṭhī sukhā yā itarītarena;
бун̃н̃ам̣ сукам̣ ж̇ийвид̇асан̇каяамхи,
Puññaṃ sukhaṃ jīvitasaṅkhayamhi,
саб̣б̣асса д̣̇угкасса сукам̣ бахаанам̣.
Sabbassa dukkhassa sukhaṃ pahānaṃ.
332.
332.
‘‘сукаа мад̇д̇зяяад̇аа логз,
‘‘Sukhā matteyyatā loke,
ат̇о бзд̇д̇зяяад̇аа сукаа;
Atho petteyyatā sukhā;
сукаа сааман̃н̃ад̇аа логз,
Sukhā sāmaññatā loke,
ат̇о б̣рахман̃н̃ад̇аа сукаа.
Atho brahmaññatā sukhā.
333.
333.
‘‘сукам̣ яаава ж̇араасийлам̣, сукаа сад̣̇д̇хаа бад̇идтид̇аа;
‘‘Sukhaṃ yāva jarāsīlaṃ, sukhā saddhā patiṭṭhitā;
суко бан̃н̃ааяа бадилаабхо, баабаанам̣ агаран̣ам̣ сука’’нд̇и.
Sukho paññāya paṭilābho, pāpānaṃ akaraṇaṃ sukha’’nti.
д̇ад̇т̇а ад̇т̇амхийд̇и баб̣б̣аж̇ид̇ассааби хи жийварагаран̣аад̣̇игз ваа ад̇хигаран̣авуубасамаад̣̇игз ваа г̇ихиноби гасигаммаад̣̇игз ваа б̣алавабагкасанниссид̇зхи абхибхаванаад̣̇игз ваа гижжз уббаннз яз д̇ам̣ гижжам̣ нибпаад̣̇зд̇ум̣ ваа вуубасамзд̇ум̣ ваа саггонд̇и, зваруубаа сукаа сахааяаад̇и ад̇т̇о. д̇удтий сукаад̇и яасмаа бана г̇ихиноби сагзна асанд̇удтаа санд̇хижчзд̣̇аад̣̇ийни аарабханд̇и, баб̣б̣аж̇ид̇ааби наанаббагаарам̣ анзсанам̣. ид̇и д̇з сукам̣ на винд̣̇анд̇иязва. д̇асмаа яаа ид̇арийд̇арзна барид̇д̇зна ваа вибулзна ваа ад̇д̇ано санд̇агзна санд̇удти, аяамзва сукаад̇и ад̇т̇о. бун̃н̃анд̇и маран̣агаалз бана яат̇ааж̇жхаасаязна бад̇т̇арид̇ваа гад̇абун̃н̃агаммамзва сукам̣. саб̣б̣ассаад̇и сагалассаби бана ваддад̣̇угкасса бахаанасан̇каад̇ам̣ арахад̇д̇амзва имасмим̣ логз сукам̣ наама.
Tattha atthamhīti pabbajitassāpi hi cīvarakaraṇādike vā adhikaraṇavūpasamādike vā gihinopi kasikammādike vā balavapakkhasannissitehi abhibhavanādike vā kicce uppanne ye taṃ kiccaṃ nipphādetuṃ vā vūpasametuṃ vā sakkonti, evarūpā sukhā sahāyāti attho. Tuṭṭhī sukhāti yasmā pana gihinopi sakena asantuṭṭhā sandhicchedādīni ārabhanti, pabbajitāpi nānappakāraṃ anesanaṃ. Iti te sukhaṃ na vindantiyeva. Tasmā yā itarītarena parittena vā vipulena vā attano santakena santuṭṭhi, ayameva sukhāti attho. Puññanti maraṇakāle pana yathājjhāsayena pattharitvā katapuññakammameva sukhaṃ. Sabbassāti sakalassapi pana vaṭṭadukkhassa pahānasaṅkhātaṃ arahattameva imasmiṃ loke sukhaṃ nāma.
мад̇д̇зяяад̇аад̇и маад̇ари саммаа бадибад̇д̇и. бзд̇д̇зяяад̇аад̇и бид̇ари саммаа бадибад̇д̇и. убхаязнаби маад̇аабид̇уунам̣ убадтаанамзва гат̇ид̇ам̣. маад̇аабид̇аро хи буд̇д̇аанам̣ анубадтаханабхаавам̣ н̃ад̇ваа ад̇д̇ано санд̇агам̣ бхуумияам̣ ваа нид̣̇аханд̇и, барзсам̣ ваа виссаж̇ж̇знд̇и, ‘‘маад̇аабид̇аро на убадтаханд̇ий’’д̇и нзсам̣ нинд̣̇ааби вад̣дхад̇и, гааяасса бхзд̣̇аа г̇уут̇анираязби ниб̣б̣ад̇д̇анд̇и. яз бана маад̇аабид̇аро саггажжам̣ убадтаханд̇и, д̇з д̇зсам̣ санд̇агам̣ д̇ханамби баабун̣анд̇и, басам̣самби лабханд̇и, гааяасса бхзд̣̇аа саг̇г̇з ниб̣б̣ад̇д̇анд̇и. д̇асмаа убхаяамбзд̇ам̣ суканд̇и вуд̇д̇ам̣. сааман̃н̃ад̇аад̇и баб̣б̣аж̇ид̇зсу саммаа бадибад̇д̇и. б̣рахман̃н̃ад̇аад̇и б̣аахид̇абаабзсу б̣уд̣̇д̇хабажжзгаб̣уд̣̇д̇хасаавагзсу саммаа бадибад̇д̇иязва. убхаязнаби д̇зсам̣ жад̇уухи бажжаязхи бадиж̇аг̇г̇анабхааво гат̇ид̇о, ид̣̇амби логз сукам̣ наама гат̇игам̣.
Matteyyatāti mātari sammā paṭipatti. Petteyyatāti pitari sammā paṭipatti. Ubhayenapi mātāpitūnaṃ upaṭṭhānameva kathitaṃ. Mātāpitaro hi puttānaṃ anupaṭṭhahanabhāvaṃ ñatvā attano santakaṃ bhūmiyaṃ vā nidahanti, paresaṃ vā vissajjenti, ‘‘mātāpitaro na upaṭṭhahantī’’ti nesaṃ nindāpi vaḍḍhati, kāyassa bhedā gūthanirayepi nibbattanti. Ye pana mātāpitaro sakkaccaṃ upaṭṭhahanti, te tesaṃ santakaṃ dhanampi pāpuṇanti, pasaṃsampi labhanti, kāyassa bhedā sagge nibbattanti. Tasmā ubhayampetaṃ sukhanti vuttaṃ. Sāmaññatāti pabbajitesu sammā paṭipatti. Brahmaññatāti bāhitapāpesu buddhapaccekabuddhasāvakesu sammā paṭipattiyeva. Ubhayenapi tesaṃ catūhi paccayehi paṭijagganabhāvo kathito, idampi loke sukhaṃ nāma kathikaṃ.
сийланд̇и ман̣игун̣д̣аларад̇д̇авад̇т̇аад̣̇аяо хи алан̇гаараа д̇асмим̣ д̇асмим̣ ваяз тид̇аанам̣язва собханд̇и. на д̣̇ахараанам̣ алан̇гааро махаллагагаалз, махаллагаанам̣ ваа алан̇гааро д̣̇ахарагаалз собхад̇и, ‘‘уммад̇д̇аго зса ман̃н̃з’’д̇и г̇арахуббаад̣̇анзна бана д̣̇осамзва ж̇анзд̇и. бан̃жасийлад̣̇асасийлаад̣̇ибхзд̣̇ам̣ бана сийлам̣ д̣̇ахарассааби махаллагассааби саб̣б̣аваязсу собхад̇иязва, ‘‘ахо вад̇ааяам̣ сийлаваа’’д̇и басам̣суббаад̣̇анзна соманассамзва аавахад̇и. д̇зна вуд̇д̇ам̣ – сукам̣ яаава ж̇араа сийланд̇и. сад̣̇д̇хаа бад̇идтид̇аад̇и логияалогуд̇д̇арад̇о д̣̇увид̇хааби сад̣̇д̇хаа нижжалаа худ̇ваа бад̇идтид̇аа. суко бан̃н̃ааяа бадилаабход̇и логияалогуд̇д̇арабан̃н̃ааяа бадилаабхо суко. баабаанам̣ агаран̣анд̇и сзд̇угхаад̇авасзна бана баабаанам̣ агаран̣ам̣ имасмим̣ логз суканд̇и ад̇т̇о.
Sīlanti maṇikuṇḍalarattavatthādayo hi alaṅkārā tasmiṃ tasmiṃ vaye ṭhitānaṃyeva sobhanti. Na daharānaṃ alaṅkāro mahallakakāle, mahallakānaṃ vā alaṅkāro daharakāle sobhati, ‘‘ummattako esa maññe’’ti garahuppādanena pana dosameva janeti. Pañcasīladasasīlādibhedaṃ pana sīlaṃ daharassāpi mahallakassāpi sabbavayesu sobhatiyeva, ‘‘aho vatāyaṃ sīlavā’’ti pasaṃsuppādanena somanassameva āvahati. Tena vuttaṃ – sukhaṃ yāva jarā sīlanti. Saddhā patiṭṭhitāti lokiyalokuttarato duvidhāpi saddhā niccalā hutvā patiṭṭhitā. Sukho paññāya paṭilābhoti lokiyalokuttarapaññāya paṭilābho sukho. Pāpānaṃakaraṇanti setughātavasena pana pāpānaṃ akaraṇaṃ imasmiṃ loke sukhanti attho.
д̣̇зсанаавасаанз б̣ахуунам̣ д̣̇звад̇аанам̣ д̇хаммаабхисамаяо ахосийд̇и.
Desanāvasāne bahūnaṃ devatānaṃ dhammābhisamayo ahosīti.
мааравад̇т̇у адтамам̣.
Māravatthu aṭṭhamaṃ.
нааг̇аваг̇г̇аван̣н̣анаа нидтид̇аа.
Nāgavaggavaṇṇanā niṭṭhitā.
д̇звийсад̇имо ваг̇г̇о.
Tevīsatimo vaggo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / д̇хаммабад̣̇абаал̣и • Dhammapadapāḷi / 23. нааг̇аваг̇г̇о • 23. Nāgavaggo
