| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
18. நக்³க³னித்³தே³ஸவண்ணனா
18. Nagganiddesavaṇṇanā
166. ‘‘ந த்வேவ நக்³கே³ன ஆக³ந்தப்³ப³ங், யோ ஆக³ச்செ²ய்ய, ஆபத்தி து³க்கடஸ்ஸா’’தி (பாரா॰ 517) வுத்தத்தா (சூளவ॰ 261;) ‘‘நக்³கோ³ மக்³க³ங் ந வஜே’’தி வுத்தங்.
166. ‘‘Na tveva naggena āgantabbaṃ, yo āgaccheyya, āpatti dukkaṭassā’’ti (pārā. 517) vuttattā (cūḷava. 261;) ‘‘naggo maggaṃ na vaje’’ti vuttaṃ.
167. படிச்சா²தி³ஸூதி ‘‘தேன கோ² பன ஸமயேன பி⁴க்கூ² ஜந்தாக⁴ரேபி உத³கேபி பரிகம்மங் காதுங் குக்குச்சாயந்தி. அனுஜானாமி, பி⁴க்க²வே, திஸ்ஸோ படிச்சா²தி³யோ ஜந்தாக⁴ரப்படிச்சா²தி³ங் உத³கப்படிச்சா²தி³ங் வத்த²ப்படிச்சா²தி³’’ந்தி ஏவங் வுத்தாஸு தீஸு படிச்சா²தீ³ஸூதி அத்தோ². து³வேதி ஏதாஸு தீஸு படிச்சா²தீ³ஸு உத³கஜந்தாக⁴ரப்படிச்சா²தி³யோ பரிகம்மே கப்பந்தீதி அதி⁴ப்பாயோ. வத்த²ச்சா²தீ³தி வத்த²ப்படிச்சா²தி³. ஸப்³ப³த்தா²தி கா²த³னீயஸாயனீயாதீ³ஸு ஸப்³ப³கம்மேஸு கப்பியாதி அத்தோ². நக்³க³வினிச்ச²யோ.
167.Paṭicchādisūti ‘‘tena kho pana samayena bhikkhū jantāgharepi udakepi parikammaṃ kātuṃ kukkuccāyanti. Anujānāmi, bhikkhave, tisso paṭicchādiyo jantāgharappaṭicchādiṃ udakappaṭicchādiṃ vatthappaṭicchādi’’nti evaṃ vuttāsu tīsu paṭicchādīsūti attho. Duveti etāsu tīsu paṭicchādīsu udakajantāgharappaṭicchādiyo parikamme kappantīti adhippāyo. Vatthacchādīti vatthappaṭicchādi. Sabbatthāti khādanīyasāyanīyādīsu sabbakammesu kappiyāti attho. Naggavinicchayo.
நக்³க³னித்³தே³ஸவண்ணனா நிட்டி²தா.
Nagganiddesavaṇṇanā niṭṭhitā.
