| Library / Tipiṭaka / ติปิฎก • Tipiṭaka / สารตฺถทีปนี-ฎีกา • Sāratthadīpanī-ṭīkā |
๓. นคฺควคฺควณฺณนา
3. Naggavaggavaṇṇanā
๘๘๓-๘๘๗. นคฺควคฺคสฺส ปฐมทุติยานิ อุตฺตานตฺถาเนวฯ
883-887. Naggavaggassa paṭhamadutiyāni uttānatthāneva.
๘๙๓. ตติเย วิสิเพฺพตฺวาติ ทุสฺสิพฺพิตํ ปุน สิพฺพนตฺถาย วิสิเพฺพตฺวา วิชเฎตฺวาฯ อญฺญตฺร จตูหปญฺจาหาติ วิสิพฺพิตทิวสโต ปญฺจ ทิวเส อติกฺกมิตฺวาฯ นิวาสนปาวุรณูปคจีวรตา, อุปสมฺปนฺนาย สนฺตกตา, สิพฺพนตฺถาย วิสิพฺพนํ วา วิสิพฺพาปนํ วา, อญฺญตฺร อนุญฺญาตการณา ปญฺจาหาติกฺกโม, ธุรนิเกฺขโปติ อิมานิ ปเนตฺถ ปญฺจ องฺคานิฯ
893. Tatiye visibbetvāti dussibbitaṃ puna sibbanatthāya visibbetvā vijaṭetvā. Aññatra catūhapañcāhāti visibbitadivasato pañca divase atikkamitvā. Nivāsanapāvuraṇūpagacīvaratā, upasampannāya santakatā, sibbanatthāya visibbanaṃ vā visibbāpanaṃ vā, aññatra anuññātakāraṇā pañcāhātikkamo, dhuranikkhepoti imāni panettha pañca aṅgāni.
๘๙๘. จตุเตฺถ ปญฺจนฺนํ จีวรานนฺติ ติจีวรํ อุทกสาฎิกา สงฺกจฺจิกาติ อิเมสํ ปญฺจนฺนํ จีวรานํฯ ปญฺจนฺนํ จีวรานํ อญฺญตรตา, ปญฺจาหาติกฺกโม, อนุญฺญาตการณาภาโว, อปริวตฺตนนฺติ อิมานิ ปเนตฺถ จตฺตาริ องฺคานิฯ
898. Catutthe pañcannaṃ cīvarānanti ticīvaraṃ udakasāṭikā saṅkaccikāti imesaṃ pañcannaṃ cīvarānaṃ. Pañcannaṃ cīvarānaṃ aññataratā, pañcāhātikkamo, anuññātakāraṇābhāvo, aparivattananti imāni panettha cattāri aṅgāni.
๙๐๒. ปญฺจมํ อุตฺตานตฺถเมวฯ
902. Pañcamaṃ uttānatthameva.
๙๐๗. ฉเฎฺฐ จีวรลาภนฺติ ลภิตพฺพจีวรํฯ วิกปฺปนุปคปจฺฉิมตา, สงฺฆสฺส ปริณตภาโว, วินา อานิสํสทสฺสเนน อนฺตรายกรณนฺติ อิมานิ ปเนตฺถ ตีณิ องฺคานิฯ
907. Chaṭṭhe cīvaralābhanti labhitabbacīvaraṃ. Vikappanupagapacchimatā, saṅghassa pariṇatabhāvo, vinā ānisaṃsadassanena antarāyakaraṇanti imāni panettha tīṇi aṅgāni.
๙๑๑. สตฺตมํ อุตฺตานตฺถเมวฯ
911. Sattamaṃ uttānatthameva.
๙๑๖. อฎฺฐเม กุมฺภถูณํ นาม กุมฺภสโทฺท, เตน จรนฺติ กีฬนฺติ, ตํ วา สิปฺปํ เอเตสนฺติ กุมฺภถูณิกาฯ เตนาห ‘‘ฆฎเกน กีฬนกา’’ติฯ ทีฆนิกายฎฺฐกถายํ (ที. นิ. อฎฺฐ. ๑.๑๓) ปน ‘‘กุมฺภถูณํ นาม จตุรสฺสอมฺพณกตาฬ’’นฺติ วุตฺตํฯ จตุรสฺสอมฺพณกตาฬํ นาม รุกฺขสารทนฺตาทีสุ เยน เกนจิ จตุรสฺสอมฺพณํ กตฺวา จตูสุ ปเสฺสสุ จเมฺมน โอนนฺธิตฺวา กตวาทิตภณฺฑํฯ พิมฺพิสกนฺติปิ ตเสฺสว เววจนํ, ตํ วาเทนฺติ, ตํ วา สิปฺปํ เอเตสนฺติ กุมฺภถูณิกาฯ เตนาห ‘‘พิมฺพิสกวาทกาติปิ วทนฺตี’’ติฯ สมณจีวรตา, ฐเปตฺวา สหธมฺมิเก มาตาปิตโร จ อเญฺญสํ ทานํ, อตาวกาลิกตาติ อิมานิ ปเนตฺถ ตีณิ องฺคานิฯ
916. Aṭṭhame kumbhathūṇaṃ nāma kumbhasaddo, tena caranti kīḷanti, taṃ vā sippaṃ etesanti kumbhathūṇikā. Tenāha ‘‘ghaṭakena kīḷanakā’’ti. Dīghanikāyaṭṭhakathāyaṃ (dī. ni. aṭṭha. 1.13) pana ‘‘kumbhathūṇaṃ nāma caturassaambaṇakatāḷa’’nti vuttaṃ. Caturassaambaṇakatāḷaṃ nāma rukkhasāradantādīsu yena kenaci caturassaambaṇaṃ katvā catūsu passesu cammena onandhitvā katavāditabhaṇḍaṃ. Bimbisakantipi tasseva vevacanaṃ, taṃ vādenti, taṃ vā sippaṃ etesanti kumbhathūṇikā. Tenāha ‘‘bimbisakavādakātipi vadantī’’ti. Samaṇacīvaratā, ṭhapetvā sahadhammike mātāpitaro ca aññesaṃ dānaṃ, atāvakālikatāti imāni panettha tīṇi aṅgāni.
๙๒๐. นวมํ อุตฺตานตฺถเมวฯ
920. Navamaṃ uttānatthameva.
๙๒๗. ทสเม ธมฺมิกํ กถินุทฺธารนฺติ สพฺพาสํ ภิกฺขุนีนํ อกาลจีวรํ ทาตุกาเมน อุปาสเกน ยตฺตโก อตฺถารมูลโก อานิสํโส, ตโต อธิกํ วา สมกํ วา ทตฺวา ยาจิตเกน สมเคฺคน ภิกฺขุนิสเงฺฆน ยํ กถินํ ญตฺติทุติเยน กเมฺมน อนฺตรา อุทฺธรียติ, ตสฺส โส อุทฺธาโร ธมฺมิโกติ วุจฺจติ, เอวรูปํ กถินุทฺธารนฺติ อโตฺถฯ เสสํ อุตฺตานตฺถเมวฯ
927. Dasame dhammikaṃ kathinuddhāranti sabbāsaṃ bhikkhunīnaṃ akālacīvaraṃ dātukāmena upāsakena yattako atthāramūlako ānisaṃso, tato adhikaṃ vā samakaṃ vā datvā yācitakena samaggena bhikkhunisaṅghena yaṃ kathinaṃ ñattidutiyena kammena antarā uddharīyati, tassa so uddhāro dhammikoti vuccati, evarūpaṃ kathinuddhāranti attho. Sesaṃ uttānatthameva.
นคฺควคฺควณฺณนา นิฎฺฐิตาฯ
Naggavaggavaṇṇanā niṭṭhitā.
๙๓๒. ตุวฎฺฎวเคฺค สพฺพํ อุตฺตานเมวฯ
932. Tuvaṭṭavagge sabbaṃ uttānameva.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ภิกฺขุนีวิภงฺค • Bhikkhunīvibhaṅga
๑. ปฐมสิกฺขาปทํ • 1. Paṭhamasikkhāpadaṃ
๒. ทุติยสิกฺขาปทํ • 2. Dutiyasikkhāpadaṃ
๓. ตติยสิกฺขาปทํ • 3. Tatiyasikkhāpadaṃ
๔. จตุตฺถสิกฺขาปทํ • 4. Catutthasikkhāpadaṃ
๕. ปญฺจมสิกฺขาปทํ • 5. Pañcamasikkhāpadaṃ
๖. ฉฎฺฐสิกฺขาปทํ • 6. Chaṭṭhasikkhāpadaṃ
๗. สตฺตมสิกฺขาปทํ • 7. Sattamasikkhāpadaṃ
๘. อฎฺฐมสิกฺขาปทํ • 8. Aṭṭhamasikkhāpadaṃ
๙. นวมสิกฺขาปทํ • 9. Navamasikkhāpadaṃ
๑๐. ทสมสิกฺขาปทํ • 10. Dasamasikkhāpadaṃ
๑. ปฐมสิกฺขาปทํ • 1. Paṭhamasikkhāpadaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ภิกฺขุนีวิภงฺค-อฎฺฐกถา • Bhikkhunīvibhaṅga-aṭṭhakathā
๑. ปฐมสิกฺขาปทวณฺณนา • 1. Paṭhamasikkhāpadavaṇṇanā
๒. ทุติยสิกฺขาปทวณฺณนา • 2. Dutiyasikkhāpadavaṇṇanā
๓. ตติยสิกฺขาปทวณฺณนา • 3. Tatiyasikkhāpadavaṇṇanā
๔. จตุตฺถสิกฺขาปทวณฺณนา • 4. Catutthasikkhāpadavaṇṇanā
๗. สตฺตมสิกฺขาปทวณฺณนา • 7. Sattamasikkhāpadavaṇṇanā
๘. อฎฺฐมสิกฺขาปทวณฺณนา • 8. Aṭṭhamasikkhāpadavaṇṇanā
๑๐. ทสมสิกฺขาปทวณฺณนา • 10. Dasamasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā
๑-๒. ปฐมทุติยสิกฺขาปทวณฺณนา • 1-2. Paṭhamadutiyasikkhāpadavaṇṇanā
๔. จตุตฺถสิกฺขาปทวณฺณนา • 4. Catutthasikkhāpadavaṇṇanā
๕. ปญฺจมสิกฺขาปทวณฺณนา • 5. Pañcamasikkhāpadavaṇṇanā
๘. อฎฺฐมสิกฺขาปทวณฺณนา • 8. Aṭṭhamasikkhāpadavaṇṇanā
๙. นวมสิกฺขาปทวณฺณนา • 9. Navamasikkhāpadavaṇṇanā
๑๐. ทสมสิกฺขาปทวณฺณนา • 10. Dasamasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๑. ปฐมาทิสิกฺขาปทวณฺณนา • 1. Paṭhamādisikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi
๑. ปฐมสิกฺขาปท-อตฺถโยชนา • 1. Paṭhamasikkhāpada-atthayojanā
๒. ทุติยสิกฺขาปทํ • 2. Dutiyasikkhāpadaṃ
๓. ตติยสิกฺขาปทํ • 3. Tatiyasikkhāpadaṃ
๔. จตุตฺถสิกฺขาปทํ • 4. Catutthasikkhāpadaṃ
๗. สตฺตมสิกฺขาปทํ • 7. Sattamasikkhāpadaṃ
๘. อฎฺฐมสิกฺขาปทํ • 8. Aṭṭhamasikkhāpadaṃ
๑๐. ทสมสิกฺขาปทํ • 10. Dasamasikkhāpadaṃ
