| Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi |
3. наг̇г̇аваг̇г̇о
3. Naggavaggo
1. наг̇г̇асигкаабад̣̇аван̣н̣анаа
1. Naggasikkhāpadavaṇṇanā
наг̇г̇аваг̇г̇асса батамз наг̇г̇аад̇и анивад̇т̇аа ваа абааруд̇аа ваа. зван̃хи нахааяанд̇ияаа саб̣б̣аббаяог̇зсу д̣̇уггадам̣, нахаанабарияосаанз баажид̇д̇ияам̣.
Naggavaggassa paṭhame naggāti anivatthā vā apārutā vā. Evañhi nahāyantiyā sabbappayogesu dukkaṭaṃ, nahānapariyosāne pācittiyaṃ.
саавад̇т̇ияам̣ самб̣ахулаа бхигкунияо аараб̣бха звам̣ нахаанавад̇т̇усмим̣ бан̃н̃ад̇д̇ам̣, уд̣̇агасаадигажийварз ажчиннз ваа надтз ваа, ‘‘махаг̇гхам̣ ид̣̇ам̣ д̣̇исваа жорааби харзяяу’’нд̇и зваруубаасу аабад̣̇аасу ваа нахааяанд̇ияаа, уммад̇д̇игаад̣̇ийнан̃жа анаабад̇д̇и. наг̇г̇ад̇аа, анун̃н̃аад̇агааран̣аабхааво, нахаанабарияосаананд̇и имаанзд̇т̇а д̇ийн̣и ан̇г̇аани. самудтаанаад̣̇ийни зл̣агаломасад̣̇исаанийд̇и.
Sāvatthiyaṃ sambahulā bhikkhuniyo ārabbha evaṃ nahānavatthusmiṃ paññattaṃ, udakasāṭikacīvare acchinne vā naṭṭhe vā, ‘‘mahagghaṃ idaṃ disvā corāpi hareyyu’’nti evarūpāsu āpadāsu vā nahāyantiyā, ummattikādīnañca anāpatti. Naggatā, anuññātakāraṇābhāvo, nahānapariyosānanti imānettha tīṇi aṅgāni. Samuṭṭhānādīni eḷakalomasadisānīti.
наг̇г̇асигкаабад̣̇аван̣н̣анаа нидтид̇аа.
Naggasikkhāpadavaṇṇanā niṭṭhitā.
2. уд̣̇агасаадигасигкаабад̣̇аван̣н̣анаа
2. Udakasāṭikasikkhāpadavaṇṇanā
д̣̇уд̇ияз саавад̇т̇ияам̣ чаб̣б̣аг̇г̇ияаа бхигкунияо аараб̣бха аббамаан̣игааяо уд̣̇агасаадигааяо д̇хааран̣авад̇т̇усмим̣ бан̃н̃ад̇д̇ам̣, сзсамзд̇т̇а саб̣б̣ам̣ рад̇анаваг̇г̇з нисийд̣̇анасигкаабад̣̇з вуд̇д̇анаязнзва взд̣̇ид̇аб̣б̣анд̇и.
Dutiye sāvatthiyaṃ chabbaggiyā bhikkhuniyo ārabbha appamāṇikāyo udakasāṭikāyo dhāraṇavatthusmiṃ paññattaṃ, sesamettha sabbaṃ ratanavagge nisīdanasikkhāpade vuttanayeneva veditabbanti.
уд̣̇агасаадигасигкаабад̣̇аван̣н̣анаа нидтид̇аа.
Udakasāṭikasikkhāpadavaṇṇanā niṭṭhitā.
3. жийварасиб̣б̣анасигкаабад̣̇аван̣н̣анаа
3. Cīvarasibbanasikkhāpadavaṇṇanā
д̇ад̇ияз висиб̣б̣зд̇ваад̇и д̣̇уссиб̣б̣ид̇ам̣ бунасиб̣б̣анад̇т̇ааяа висиб̣б̣зд̇ваа. ананд̇арааяигинийд̇и д̣̇асасу анд̇арааязсу згзгасмимби асад̇и. ан̃н̃ад̇ра жад̇уухабан̃жаахаад̇и висиб̣б̣ид̇ад̣̇ивасад̇о бан̃жа д̣̇ивасз ад̇иггаамзд̇ваа ‘‘нзва сиб̣б̣иссаами , на сиб̣б̣аабанааяа уссуггам̣ гариссаамий’’д̇и д̇хурам̣ нигкид̇д̇амад̇д̇з баажид̇д̇ияам̣.
Tatiye visibbetvāti dussibbitaṃ punasibbanatthāya visibbetvā. Anantarāyikinīti dasasu antarāyesu ekekasmimpi asati. Aññatra catūhapañcāhāti visibbitadivasato pañca divase atikkāmetvā ‘‘neva sibbissāmi , na sibbāpanāya ussukkaṃ karissāmī’’ti dhuraṃ nikkhittamatte pācittiyaṃ.
саавад̇т̇ияам̣ т̇уллананд̣̇ам̣ аараб̣бха жийварам̣ висиб̣б̣зд̇ваа на сиб̣б̣анавад̇т̇усмим̣ бан̃н̃ад̇д̇ам̣, д̇игабаажид̇д̇ияам̣, анубасамбаннааяа д̇игад̣̇уггадам̣, д̇ат̇аа убхиннамби ан̃н̃асмим̣ баригкаарз. яаа бана анд̇арааяигиний ваа ход̇и, бариязсид̇ваа ваа гин̃жи на лабхад̇и, гаронд̇ий ваа бан̃жаахам̣ ад̇иггаамзд̇и, д̇ассаа жа, г̇илаанааяа жа, аабад̣̇аасу жа, уммад̇д̇игаад̣̇ийнан̃жа анаабад̇д̇и. ниваасанабаарубанубаг̇ажийварад̇аа, убасамбаннааяа санд̇агад̇аа, сиб̣б̣анад̇т̇ааяа висиб̣б̣анам̣ ваа висиб̣б̣аабанам̣ ваа, ан̃н̃ад̇ра анун̃н̃аад̇агааран̣аа бан̃жаахаад̇иггамо, д̇хуранигкзбод̇и имаанзд̇т̇а бан̃жа ан̇г̇аани. самудтаанаад̣̇ийни саманубхаасанасад̣̇исаанийд̇и.
Sāvatthiyaṃ thullanandaṃ ārabbha cīvaraṃ visibbetvā na sibbanavatthusmiṃ paññattaṃ, tikapācittiyaṃ, anupasampannāya tikadukkaṭaṃ, tathā ubhinnampi aññasmiṃ parikkhāre. Yā pana antarāyikinī vā hoti, pariyesitvā vā kiñci na labhati, karontī vā pañcāhaṃ atikkāmeti, tassā ca, gilānāya ca, āpadāsu ca, ummattikādīnañca anāpatti. Nivāsanapārupanupagacīvaratā, upasampannāya santakatā, sibbanatthāya visibbanaṃ vā visibbāpanaṃ vā, aññatra anuññātakāraṇā pañcāhātikkamo, dhuranikkhepoti imānettha pañca aṅgāni. Samuṭṭhānādīni samanubhāsanasadisānīti.
жийварасиб̣б̣анасигкаабад̣̇аван̣н̣анаа нидтид̇аа.
Cīvarasibbanasikkhāpadavaṇṇanā niṭṭhitā.
4. сан̇гхаадижаарасигкаабад̣̇аван̣н̣анаа
4. Saṅghāṭicārasikkhāpadavaṇṇanā
жад̇уд̇т̇з бан̃жа ахаани бан̃жаахам̣, бан̃жаахамзва бан̃жаахигам̣. сан̇гхаадийнам̣ жааро сан̇гхаадижааро, барибхог̇авасзна ваа од̇аабанавасзна ваа сан̇гхадид̇адтзна ‘сан̇гхаадий’д̇и лад̣̇д̇ханаамам̣ д̇ижийварам̣, уд̣̇агасаадигаа, сам̣гажжигаад̇и имзсам̣ бан̃жаннам̣ жийвараанам̣ баривад̇д̇ананд̇и ад̇т̇о. ад̇иггаамзяяа баажид̇д̇ияанд̇и чадтз арун̣уг̇г̇аманз згасмим̣ жийварз вуд̇д̇анаязна абаривад̇д̇ид̇з згаа аабад̇д̇и, бан̃жасу бан̃жа.
Catutthe pañca ahāni pañcāhaṃ, pañcāhameva pañcāhikaṃ. Saṅghāṭīnaṃ cāro saṅghāṭicāro, paribhogavasena vā otāpanavasena vā saṅghaṭitaṭṭhena ‘saṅghāṭī’ti laddhanāmaṃ ticīvaraṃ, udakasāṭikā, saṃkaccikāti imesaṃ pañcannaṃ cīvarānaṃ parivattananti attho. Atikkāmeyya pācittiyanti chaṭṭhe aruṇuggamane ekasmiṃ cīvare vuttanayena aparivattite ekā āpatti, pañcasu pañca.
саавад̇т̇ияам̣ самб̣ахулаа бхигкунияо аараб̣бха жийварам̣ нигкибид̇ваа санд̇аруд̇д̇арзна ж̇анабад̣̇ажааригам̣ баггаманавад̇т̇усмим̣ бан̃н̃ад̇д̇ам̣, д̇игабаажид̇д̇ияам̣, бан̃жаахаанад̇игганд̇з д̣̇вигад̣̇уггадам̣. д̇асмим̣ бана анад̇игганд̇асан̃н̃ааяа, бан̃жамам̣ д̣̇ивасам̣ бан̃жа жийвараани ниваасзнд̇ияаа ваа баарубанд̇ияаа ваа од̇аабзнд̇ияаа ваа, г̇илаанааяа, ‘‘ид̣̇ам̣ мз жийварам̣ махаг̇гхам̣ ийд̣̇исз жорабхаяз на саггаа д̇хаарзд̇у’’нд̇и зваруубаасу аабад̣̇аасу, уммад̇д̇игаад̣̇ийнан̃жа анаабад̇д̇и. бан̃жаннам̣ жийвараанам̣ ан̃н̃ад̇арад̇аа, бан̃жаахаад̇иггамо, анун̃н̃аад̇агааран̣аабхааво, абаривад̇д̇ананд̇и имаанзд̇т̇а жад̇д̇аари ан̇г̇аани. самудтаанаад̣̇ийни гат̇инасад̣̇исаанийд̇и.
Sāvatthiyaṃ sambahulā bhikkhuniyo ārabbha cīvaraṃ nikkhipitvā santaruttarena janapadacārikaṃ pakkamanavatthusmiṃ paññattaṃ, tikapācittiyaṃ, pañcāhānatikkante dvikadukkaṭaṃ. Tasmiṃ pana anatikkantasaññāya, pañcamaṃ divasaṃ pañca cīvarāni nivāsentiyā vā pārupantiyā vā otāpentiyā vā, gilānāya, ‘‘idaṃ me cīvaraṃ mahagghaṃ īdise corabhaye na sakkā dhāretu’’nti evarūpāsu āpadāsu, ummattikādīnañca anāpatti. Pañcannaṃ cīvarānaṃ aññataratā, pañcāhātikkamo, anuññātakāraṇābhāvo, aparivattananti imānettha cattāri aṅgāni. Samuṭṭhānādīni kathinasadisānīti.
сан̇гхаадижаарасигкаабад̣̇аван̣н̣анаа нидтид̇аа.
Saṅghāṭicārasikkhāpadavaṇṇanā niṭṭhitā.
5. жийварасан̇гаманийяасигкаабад̣̇аван̣н̣анаа
5. Cīvarasaṅkamanīyasikkhāpadavaṇṇanā
бан̃жамз жийварасан̇гаманийяанд̇и сан̇гамзд̇аб̣б̣ам̣ жийварам̣, ан̃н̃иссаа санд̇агам̣ анаабужчаа г̇ахид̇ам̣ буна бадид̣̇аад̇аб̣б̣ам̣ бан̃жаннам̣ ан̃н̃ад̇арам̣ жийваранд̇и ад̇т̇о. д̇хаарзяяаад̇и сажз д̇ам̣ ниваасзд̇и ваа баарубад̇и ваа баажид̇д̇ияам̣.
Pañcame cīvarasaṅkamanīyanti saṅkametabbaṃ cīvaraṃ, aññissā santakaṃ anāpucchā gahitaṃ puna paṭidātabbaṃ pañcannaṃ aññataraṃ cīvaranti attho. Dhāreyyāti sace taṃ nivāseti vā pārupati vā pācittiyaṃ.
саавад̇т̇ияам̣ ан̃н̃ад̇арам̣ бхигкуним̣ аараб̣бха бхигкунияаа жийварам̣ аад̣̇ааяа анаабужчаа баарубанавад̇т̇усмим̣ бан̃н̃ад̇д̇ам̣, д̇игабаажид̇д̇ияам̣, анубасамбаннааяа д̇игад̣̇уггадам̣. яаа бана д̇ааяа ваа д̣̇иннам̣, д̇ам̣ ваа аабужчаа, ажчиннанадтажийваригаа ваа худ̇ваа, ‘‘ид̣̇ам̣ мз жийварам̣ махаг̇гхам̣ ийд̣̇исз жорабхаяз на саггаа д̇хаарзд̇у’’нд̇и зваруубаасу аабад̣̇аасу ваа д̇хаарзд̇и, д̇ассаа, уммад̇д̇игаад̣̇ийнан̃жа анаабад̇д̇и. жийварасан̇гаманийяад̇аа, убасамбаннааяа санд̇агад̇аа, анун̃н̃аад̇агааран̣аабхааво, д̇хааран̣анд̇и имаанзд̇т̇а жад̇д̇аари ан̇г̇аани. самудтаанаад̣̇ийни батамагат̇инасад̣̇исаани, ид̣̇ам̣ бана гирияаагирияанд̇и.
Sāvatthiyaṃ aññataraṃ bhikkhuniṃ ārabbha bhikkhuniyā cīvaraṃ ādāya anāpucchā pārupanavatthusmiṃ paññattaṃ, tikapācittiyaṃ, anupasampannāya tikadukkaṭaṃ. Yā pana tāya vā dinnaṃ, taṃ vā āpucchā, acchinnanaṭṭhacīvarikā vā hutvā, ‘‘idaṃ me cīvaraṃ mahagghaṃ īdise corabhaye na sakkā dhāretu’’nti evarūpāsu āpadāsu vā dhāreti, tassā, ummattikādīnañca anāpatti. Cīvarasaṅkamanīyatā, upasampannāya santakatā, anuññātakāraṇābhāvo, dhāraṇanti imānettha cattāri aṅgāni. Samuṭṭhānādīni paṭhamakathinasadisāni, idaṃ pana kiriyākiriyanti.
жийварасан̇гаманийяасигкаабад̣̇аван̣н̣анаа нидтид̇аа.
Cīvarasaṅkamanīyasikkhāpadavaṇṇanā niṭṭhitā.
6. г̇ан̣ажийварасигкаабад̣̇аван̣н̣анаа
6. Gaṇacīvarasikkhāpadavaṇṇanā
чадтз г̇ан̣ассаад̇и бхигкунисан̇гхасса. жийваралаабханд̇и вигаббанубаг̇амби бажчимам̣ лабхид̇аб̣б̣ам̣ жийварам̣. анд̇арааяам̣ гарзяяаад̇и яат̇аа д̇з д̣̇аад̇угаамаа на д̣̇знд̇и, звам̣ бараггамзяяа. баажид̇д̇ияанд̇и сажз д̇ассаа важанзна д̇з на д̣̇знд̇и, бхигкунияаа баажид̇д̇ияам̣.
Chaṭṭhe gaṇassāti bhikkhunisaṅghassa. Cīvaralābhanti vikappanupagampi pacchimaṃ labhitabbaṃ cīvaraṃ. Antarāyaṃ kareyyāti yathā te dātukāmā na denti, evaṃ parakkameyya. Pācittiyanti sace tassā vacanena te na denti, bhikkhuniyā pācittiyaṃ.
саавад̇т̇ияам̣ т̇уллананд̣̇ам̣ аараб̣бха г̇ан̣асса жийваралаабханд̇арааяагаран̣авад̇т̇усмим̣ бан̃н̃ад̇д̇ам̣, ан̃н̃асмим̣ баригкаарз д̣̇уггадам̣, самб̣ахулаанам̣ бана згабхигкунияаа ваа жийваралаабхзби д̣̇уггадамзва. ‘‘самаг̇гхагаалз д̣̇ассат̇аа’’д̇и звам̣ аанисам̣сам̣ д̣̇ассзд̇ваа ниваарзнд̇ияаа, уммад̇д̇игаад̣̇ийнан̃жа анаабад̇д̇и. вигаббанубаг̇абажчимад̇аа, сан̇гхасса барин̣ад̇абхааво, винаа аанисам̣сад̣̇ассанзна анд̇арааяагаран̣анд̇и имаанзд̇т̇а д̇ийн̣и ан̇г̇аани. самудтаанаад̣̇ийни ад̣̇иннаад̣̇аанасад̣̇исаанийд̇и.
Sāvatthiyaṃ thullanandaṃ ārabbha gaṇassa cīvaralābhantarāyakaraṇavatthusmiṃ paññattaṃ, aññasmiṃ parikkhāre dukkaṭaṃ, sambahulānaṃ pana ekabhikkhuniyā vā cīvaralābhepi dukkaṭameva. ‘‘Samagghakāle dassathā’’ti evaṃ ānisaṃsaṃ dassetvā nivārentiyā, ummattikādīnañca anāpatti. Vikappanupagapacchimatā, saṅghassa pariṇatabhāvo, vinā ānisaṃsadassanena antarāyakaraṇanti imānettha tīṇi aṅgāni. Samuṭṭhānādīni adinnādānasadisānīti.
г̇ан̣ажийварасигкаабад̣̇аван̣н̣анаа нидтид̇аа.
Gaṇacīvarasikkhāpadavaṇṇanā niṭṭhitā.
7. бадиб̣ааханасигкаабад̣̇аван̣н̣анаа
7. Paṭibāhanasikkhāpadavaṇṇanā
сад̇д̇амз д̇хаммигам̣ жийваравибхан̇г̇анд̇и самаг̇г̇зна сан̇гхзна саннибад̇ид̇ваа гарийяамаанам̣ жийваравибхан̇г̇а. бадиб̣аахзяяаад̇и бадисзд̇хзяяа, звам̣ бадисзд̇хзнд̇ияаа баажид̇д̇ияам̣.
Sattame dhammikaṃ cīvaravibhaṅganti samaggena saṅghena sannipatitvā karīyamānaṃ cīvaravibhaṅga. Paṭibāheyyāti paṭisedheyya, evaṃ paṭisedhentiyā pācittiyaṃ.
саавад̇т̇ияам̣ т̇уллананд̣̇ам̣ аараб̣бха д̇хаммигам̣ жийваравибхан̇г̇ам̣ бадиб̣ааханавад̇т̇усмим̣ бан̃н̃ад̇д̇ам̣, д̇хаммигз взмад̇игааяа, ад̇хаммигз д̇хаммигасан̃н̃ааяа жзва взмад̇игааяа жа д̣̇уггадам̣. убхаяад̇т̇а ад̇хаммигасан̃н̃ааяа, аанисам̣сам̣ д̣̇ассзд̇ваа бадиб̣ааханд̇ияаа, уммад̇д̇игаад̣̇ийнан̃жа анаабад̇д̇и. жийваравибхан̇г̇асса д̇хаммигад̇аа, д̇хаммигасан̃н̃ид̇аа, винаа аанисам̣сзна бадиб̣аахананд̇и имаанзд̇т̇а д̇ийн̣и ан̇г̇аани. самудтаанаад̣̇ийни ад̣̇иннаад̣̇аанасад̣̇исаанзваад̇и.
Sāvatthiyaṃ thullanandaṃ ārabbha dhammikaṃ cīvaravibhaṅgaṃ paṭibāhanavatthusmiṃ paññattaṃ, dhammike vematikāya, adhammike dhammikasaññāya ceva vematikāya ca dukkaṭaṃ. Ubhayattha adhammikasaññāya, ānisaṃsaṃ dassetvā paṭibāhantiyā, ummattikādīnañca anāpatti. Cīvaravibhaṅgassa dhammikatā, dhammikasaññitā, vinā ānisaṃsena paṭibāhananti imānettha tīṇi aṅgāni. Samuṭṭhānādīni adinnādānasadisānevāti.
бадиб̣ааханасигкаабад̣̇аван̣н̣анаа нидтид̇аа.
Paṭibāhanasikkhāpadavaṇṇanā niṭṭhitā.
8. жийварад̣̇аанасигкаабад̣̇аван̣н̣анаа
8. Cīvaradānasikkhāpadavaṇṇanā
адтамз саман̣ажийваранд̇и габбагад̇ам̣ ниваасанабаарубанубаг̇ам̣, зваруубам̣ табзд̇ваа бан̃жа сахад̇хаммигз маад̇аабид̇аро жа яасса гассажи г̇ахадтасса ваа баб̣б̣аж̇ид̇асса ваа барижжаж̇ид̇ваа д̣̇знд̇ияаа баажид̇д̇ияам̣.
Aṭṭhame samaṇacīvaranti kappakataṃ nivāsanapārupanupagaṃ, evarūpaṃ ṭhapetvā pañca sahadhammike mātāpitaro ca yassa kassaci gahaṭṭhassa vā pabbajitassa vā pariccajitvā dentiyā pācittiyaṃ.
саавад̇т̇ияам̣ т̇уллананд̣̇ам̣ аараб̣бха аг̇ааригасса саман̣ажийварад̣̇аанавад̇т̇усмим̣ бан̃н̃ад̇д̇ам̣, бхигкуно д̣̇уггадам̣. маад̇аабид̇уунам̣ барижжаж̇ид̇вааби, ан̃н̃зсам̣ д̇аавагаалигамзва д̣̇знд̇ияаа, уммад̇д̇игаад̣̇ийнан̃жа анаабад̇д̇и. саман̣ажийварад̇аа, табзд̇ваа сахад̇хаммигз жа маад̇аабид̇аро жа ан̃н̃зсам̣ д̣̇аанам̣, ад̇аавагаалигад̇аад̇и имаанзд̇т̇а д̇ийн̣и ан̇г̇аани. самудтаанаад̣̇ийни сан̃жарид̇д̇асад̣̇исаанийд̇и.
Sāvatthiyaṃ thullanandaṃ ārabbha agārikassa samaṇacīvaradānavatthusmiṃ paññattaṃ, bhikkhuno dukkaṭaṃ. Mātāpitūnaṃ pariccajitvāpi, aññesaṃ tāvakālikameva dentiyā, ummattikādīnañca anāpatti. Samaṇacīvaratā, ṭhapetvā sahadhammike ca mātāpitaro ca aññesaṃ dānaṃ, atāvakālikatāti imānettha tīṇi aṅgāni. Samuṭṭhānādīni sañcarittasadisānīti.
жийварад̣̇аанасигкаабад̣̇аван̣н̣анаа нидтид̇аа.
Cīvaradānasikkhāpadavaṇṇanā niṭṭhitā.
9. гаалаад̇иггаманасигкаабад̣̇аван̣н̣анаа
9. Kālaatikkamanasikkhāpadavaṇṇanā
навамз д̣̇уб̣б̣алажийварабажжаасааяаад̇и д̣̇уб̣б̣алааяа жийварабажжаасааяа, ‘‘сажз саггома д̣̇ассаамаа’’д̇и зд̇д̇агамад̇д̇ам̣ суд̇ваа уббаад̣̇ид̇ааяа аасааяаад̇и ад̇т̇о . жийварагааласамаяам̣ ад̇иггаамзяяаад̇и вассам̣вудтабхигкунийхи гаалажийварз бхааж̇ияамаанз ‘‘ааг̇амзяяаат̇а, аяяз, ад̇т̇и сан̇гхасса жийварабажжаасаа’’д̇и вад̇ваа д̇ам̣ жийваравибхан̇г̇ам̣ жийварагаалам̣ ад̇иггаамзяяа, д̇ассаа анад̇т̇ад̇з гат̇инз вассаанасса бажчимамаасам̣, ад̇т̇ад̇з гат̇инз гат̇инуб̣бхаарад̣̇ивасам̣ ад̇иггаамзнд̇ияаа баажид̇д̇ияам̣.
Navame dubbalacīvarapaccāsāyāti dubbalāya cīvarapaccāsāya, ‘‘sace sakkoma dassāmā’’ti ettakamattaṃ sutvā uppāditāya āsāyāti attho . Cīvarakālasamayaṃ atikkāmeyyāti vassaṃvuṭṭhabhikkhunīhi kālacīvare bhājiyamāne ‘‘āgameyyātha, ayye, atthi saṅghassa cīvarapaccāsā’’ti vatvā taṃ cīvaravibhaṅgaṃ cīvarakālaṃ atikkāmeyya, tassā anatthate kathine vassānassa pacchimamāsaṃ, atthate kathine kathinubbhāradivasaṃ atikkāmentiyā pācittiyaṃ.
саавад̇т̇ияам̣ т̇уллананд̣̇ам̣ аараб̣бха д̣̇уб̣б̣алажийварабажжаасааяа жийварагааласамаяам̣ ад̇иггаманавад̇т̇усмим̣ бан̃н̃ад̇д̇ам̣, д̣̇уб̣б̣алажийварз взмад̇игааяа, ад̣̇уб̣б̣алажийварз д̣̇уб̣б̣алажийварасан̃н̃ааяа жзва взмад̇игааяа жа д̣̇уггадам̣. убхаяад̇т̇а ад̣̇уб̣б̣алажийварасан̃н̃ааяа, гин̃жааби ‘на саггомаа’д̇и вад̣̇анд̇и, ‘‘ид̣̇аани бана д̇зсам̣ габбаасо ваа уббаж̇ж̇иссад̇и, сад̣̇д̇хо ваа бурисо ааг̇амиссад̇и, д̇асмим̣ ааг̇ад̇з ад̣̇д̇хаа д̣̇ассанд̇ий’’д̇и звам̣ аанисам̣сам̣ д̣̇ассзд̇ваа ниваарзнд̇ияаа, уммад̇д̇игаад̣̇ийнан̃жа анаабад̇д̇и. д̣̇уб̣б̣алажийварад̇аа, д̣̇уб̣б̣аласан̃н̃ид̇аа, винаа аанисам̣сзна нивааран̣анд̇и имаанзд̇т̇а д̇ийн̣и ан̇г̇аани. самудтаанаад̣̇ийни ад̣̇иннаад̣̇аанасад̣̇исаанийд̇и.
Sāvatthiyaṃ thullanandaṃ ārabbha dubbalacīvarapaccāsāya cīvarakālasamayaṃ atikkamanavatthusmiṃ paññattaṃ, dubbalacīvare vematikāya, adubbalacīvare dubbalacīvarasaññāya ceva vematikāya ca dukkaṭaṃ. Ubhayattha adubbalacīvarasaññāya, kiñcāpi ‘na sakkomā’ti vadanti, ‘‘idāni pana tesaṃ kappāso vā uppajjissati, saddho vā puriso āgamissati, tasmiṃ āgate addhā dassantī’’ti evaṃ ānisaṃsaṃ dassetvā nivārentiyā, ummattikādīnañca anāpatti. Dubbalacīvaratā, dubbalasaññitā, vinā ānisaṃsena nivāraṇanti imānettha tīṇi aṅgāni. Samuṭṭhānādīni adinnādānasadisānīti.
гаалаад̇иггаманасигкаабад̣̇аван̣н̣анаа нидтид̇аа.
Kālaatikkamanasikkhāpadavaṇṇanā niṭṭhitā.
10. гат̇инуд̣̇д̇хаарасигкаабад̣̇аван̣н̣анаа
10. Kathinuddhārasikkhāpadavaṇṇanā
д̣̇асамз д̇хаммигам̣ гат̇инуд̣̇д̇хааранд̇и саб̣б̣аасам̣ бхигкунийнам̣ агаалажийварам̣ д̣̇аад̇угаамзна убаасагзна яад̇д̇аго ад̇т̇аарамуулиго аанисам̣со, д̇ад̇о ад̇хигам̣ ваа самагам̣ ваа д̣̇ад̇ваа яаажид̇зна самаг̇г̇зна бхигкунисан̇гхзна яам̣ гат̇инам̣ н̃ад̇д̇ид̣̇уд̇ияагаммзна анд̇араа уд̣̇д̇харийяад̇и, д̇асса со уд̣̇д̇хааро ‘д̇хаммиго’д̇и вужжад̇и, зваруубам̣ гат̇инуд̣̇д̇хааранд̇и ад̇т̇о. бадиб̣аахзяяаад̇и ниваарзяяа, д̇асса зваруубам̣ гат̇инуд̣̇д̇хаарам̣ ниваарзнд̇ияаа баажид̇д̇ияам̣.
Dasame dhammikaṃ kathinuddhāranti sabbāsaṃ bhikkhunīnaṃ akālacīvaraṃ dātukāmena upāsakena yattako atthāramūliko ānisaṃso, tato adhikaṃ vā samakaṃ vā datvā yācitena samaggena bhikkhunisaṅghena yaṃ kathinaṃ ñattidutiyakammena antarā uddharīyati, tassa so uddhāro ‘dhammiko’ti vuccati, evarūpaṃ kathinuddhāranti attho. Paṭibāheyyāti nivāreyya, tassa evarūpaṃ kathinuddhāraṃ nivārentiyā pācittiyaṃ.
саавад̇т̇ияам̣ т̇уллананд̣̇ам̣ аараб̣бха гат̇инуд̣̇д̇хаарам̣ бадиб̣ааханавад̇т̇усмим̣ бан̃н̃ад̇д̇ам̣, сзсам̣ сад̇д̇амз вуд̇д̇анаязнзва взд̣̇ид̇аб̣б̣анд̇и.
Sāvatthiyaṃ thullanandaṃ ārabbha kathinuddhāraṃ paṭibāhanavatthusmiṃ paññattaṃ, sesaṃ sattame vuttanayeneva veditabbanti.
гат̇инуд̣̇д̇хаарасигкаабад̣̇аван̣н̣анаа нидтид̇аа.
Kathinuddhārasikkhāpadavaṇṇanā niṭṭhitā.
наг̇г̇аваг̇г̇о д̇ад̇ияо.
Naggavaggo tatiyo.
