| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
226. நக்³கி³யபடிக்கே²பகதா²
226. Naggiyapaṭikkhepakathā
370. தேன கோ² பன ஸமயேன அஞ்ஞதரோ பி⁴க்கு² நக்³கோ³ ஹுத்வா யேன ப⁴க³வா தேனுபஸங்கமி, உபஸங்கமித்வா ப⁴க³வந்தங் ஏதத³வோச – ‘‘ப⁴க³வா, ப⁴ந்தே, அனேகபரியாயேன அப்பிச்ச²ஸ்ஸ ஸந்துட்ட²ஸ்ஸ ஸல்லேக²ஸ்ஸ து⁴தஸ்ஸ பாஸாதி³கஸ்ஸ அபசயஸ்ஸ வீரியாரம்ப⁴ஸ்ஸ வண்ணவாதீ³. இத³ங், ப⁴ந்தே, நக்³கி³யங் அனேகபரியாயேன அப்பிச்ச²தாய ஸந்துட்டி²தாய ஸல்லேகா²ய து⁴ததாய 1 பாஸாதி³கதாய அபசயாய வீரியாரம்பா⁴ய ஸங்வத்ததி. ஸாது⁴, ப⁴ந்தே, ப⁴க³வா பி⁴க்கூ²னங் நக்³கி³யங் அனுஜானாதூ’’தி. விக³ரஹி பு³த்³தோ⁴ ப⁴க³வா – ‘‘அனநுச்ச²விகங், மோக⁴புரிஸ, அனநுலோமிகங் அப்பதிரூபங் அஸ்ஸாமணகங் அகப்பியங் அகரணீயங். கத²ஞ்ஹி நாம த்வங், மோக⁴புரிஸ, நக்³கி³யங் தித்தி²யஸமாதா³னங் ஸமாதி³யிஸ்ஸஸி. நேதங், மோக⁴புரிஸ, அப்பஸன்னானங் வா பஸாதா³ய…பே॰…’’ விக³ரஹித்வா த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘ந, பி⁴க்க²வே, நக்³கி³யங் தித்தி²யஸமாதா³னங் ஸமாதி³யிதப்³ப³ங். யோ ஸமாதி³யெய்ய, ஆபத்தி து²ல்லச்சயஸ்ஸா’’தி.
370. Tena kho pana samayena aññataro bhikkhu naggo hutvā yena bhagavā tenupasaṅkami, upasaṅkamitvā bhagavantaṃ etadavoca – ‘‘bhagavā, bhante, anekapariyāyena appicchassa santuṭṭhassa sallekhassa dhutassa pāsādikassa apacayassa vīriyārambhassa vaṇṇavādī. Idaṃ, bhante, naggiyaṃ anekapariyāyena appicchatāya santuṭṭhitāya sallekhāya dhutatāya 2 pāsādikatāya apacayāya vīriyārambhāya saṃvattati. Sādhu, bhante, bhagavā bhikkhūnaṃ naggiyaṃ anujānātū’’ti. Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa, naggiyaṃ titthiyasamādānaṃ samādiyissasi. Netaṃ, moghapurisa, appasannānaṃ vā pasādāya…pe…’’ vigarahitvā dhammiṃ kathaṃ katvā bhikkhū āmantesi – ‘‘na, bhikkhave, naggiyaṃ titthiyasamādānaṃ samādiyitabbaṃ. Yo samādiyeyya, āpatti thullaccayassā’’ti.
நக்³கி³யபடிக்கே²பகதா² நிட்டி²தா.
Naggiyapaṭikkhepakathā niṭṭhitā.
Footnotes:
