| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
10. நாகி³தஸுத்தவண்ணனா
10. Nāgitasuttavaṇṇanā
30. த³ஸமே உத்³த⁴ங் உக்³க³தத்தா உச்சோ, ராஸிபா⁴வேன ச மஹா ஸத்³தோ³ ஏதேஸந்தி உச்சாஸத்³த³மஹாஸத்³தா³. தேஸு ஹி உக்³க³துக்³க³தேஸு க²த்தியமஹாஸால-ப்³ராஹ்மணமஹாஸாலாதீ³ஸு மஹாஸக்காரங் க³ஹெத்வா ஆக³தேஸு ‘‘அஸுகஸ்ஸ ஓகாஸங் தே³த², அஸுகஸ்ஸ ஓகாஸங் தே³தா²’’தி வுத்தே ‘‘மயங் பட²மதரங் ஆக³தா, மய்ஹங் பட²மதரங் ஆக³தா, நத்தி² ஓகாஸோ’’தி ஏவங் அஞ்ஞமஞ்ஞங் கதெ²ந்தானங் ஸத்³தோ³ உச்சோ சேவ மஹா ச அஹோஸி. கேவட்டா மஞ்ஞே மச்ச²விலோபேதி கேவட்டா விய மச்ச²விலோபே. தேஸஞ்ஹி மச்ச²பச்சி²ங் க³ஹெத்வா ஆக³தானங் விக்கிணனட்டா²னே ‘‘மய்ஹங் தே³த² மய்ஹங் தே³தா²’’தி வத³தோ மஹாஜனஸ்ஸ ஏவரூபோ ஸத்³தோ³ ஹோதி. மீள்ஹஸுக²ந்தி அஸுசிஸுக²ங். மித்³த⁴ஸுக²ந்தி நித்³தா³ஸுக²ங். லாப⁴ஸக்காரஸிலோகஸுக²ந்தி லாப⁴ஸக்காரஞ்சேவ வண்ணப⁴ணனஞ்ச நிஸ்ஸாய உப்பன்னஸுக²ங்.
30. Dasame uddhaṃ uggatattā ucco, rāsibhāvena ca mahā saddo etesanti uccāsaddamahāsaddā. Tesu hi uggatuggatesu khattiyamahāsāla-brāhmaṇamahāsālādīsu mahāsakkāraṃ gahetvā āgatesu ‘‘asukassa okāsaṃ detha, asukassa okāsaṃ dethā’’ti vutte ‘‘mayaṃ paṭhamataraṃ āgatā, mayhaṃ paṭhamataraṃ āgatā, natthi okāso’’ti evaṃ aññamaññaṃ kathentānaṃ saddo ucco ceva mahā ca ahosi. Kevaṭṭā maññe macchavilopeti kevaṭṭā viya macchavilope. Tesañhi macchapacchiṃ gahetvā āgatānaṃ vikkiṇanaṭṭhāne ‘‘mayhaṃ detha mayhaṃ dethā’’ti vadato mahājanassa evarūpo saddo hoti. Mīḷhasukhanti asucisukhaṃ. Middhasukhanti niddāsukhaṃ. Lābhasakkārasilokasukhanti lābhasakkārañceva vaṇṇabhaṇanañca nissāya uppannasukhaṃ.
தங்னின்னாவ க³மிஸ்ஸந்தீதி தங் ததே³வ ப⁴க³வதோ க³தட்டா²னங் க³மிஸ்ஸந்தி, அனுப³ந்தி⁴ஸ்ஸந்தியேவாதி வுத்தங் ஹோதி. ததா² ஹி, ப⁴ந்தே, ப⁴க³வதோ ஸீலபஞ்ஞாணந்தி யஸ்மா ததா²வித⁴ங் தும்ஹாகங் ஸீலஞ்ச ஞாணஞ்சாதி அத்தோ². மா ச மயா யஸோதி மயா ஸத்³தி⁴ங் யஸோபி மா ஸமாக³ச்ச²து. பியானந்தி பியஜனானங். ஏஸோ தஸ்ஸ நிஸ்ஸந்தோ³தி ஏஸா பியபா⁴வஸ்ஸ நிப்ப²த்தி. அஸுப⁴னிமித்தானுயோக³ந்தி அஸுப⁴கம்மட்டா²னானுயோக³ங். ஸுப⁴னிமித்தேதி ராக³ட்டா²னியே இட்டா²ரம்மணே. ஏஸோ தஸ்ஸ நிஸ்ஸந்தோ³தி ஏஸா தஸ்ஸ அஸுப⁴னிமித்தானுயோக³ஸ்ஸ நிப்ப²த்தி. ஏவமிமஸ்மிங் ஸுத்தே இமேஸு பஞ்சஸு டா²னேஸு விபஸ்ஸனாவ கதி²தாதி.
Taṃninnāvagamissantīti taṃ tadeva bhagavato gataṭṭhānaṃ gamissanti, anubandhissantiyevāti vuttaṃ hoti. Tathā hi, bhante, bhagavato sīlapaññāṇanti yasmā tathāvidhaṃ tumhākaṃ sīlañca ñāṇañcāti attho. Mā ca mayā yasoti mayā saddhiṃ yasopi mā samāgacchatu. Piyānanti piyajanānaṃ. Eso tassa nissandoti esā piyabhāvassa nipphatti. Asubhanimittānuyoganti asubhakammaṭṭhānānuyogaṃ. Subhanimitteti rāgaṭṭhāniye iṭṭhārammaṇe. Eso tassa nissandoti esā tassa asubhanimittānuyogassa nipphatti. Evamimasmiṃ sutte imesu pañcasu ṭhānesu vipassanāva kathitāti.
பஞ்சங்கி³கவக்³கோ³ ததியோ.
Pañcaṅgikavaggo tatiyo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. நாகி³தஸுத்தங் • 10. Nāgitasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 10. நாகி³தஸுத்தவண்ணனா • 10. Nāgitasuttavaṇṇanā
