| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
12. நாகி³தஸுத்தவண்ணனா
12. Nāgitasuttavaṇṇanā
42. த்³வாத³ஸமே கா³மந்தவிஹாரிந்தி கா³மந்தஸேனாஸனவாஸிங். ஸமாஹிதங் நிஸின்னந்தி தஸ்மிங் கா³மந்தஸேனாஸனே ஸமாதி⁴ங் அப்பெத்வா நிஸின்னங். இதா³னிமந்தி இதா³னி இமங். ஸமாதி⁴ம்ஹா சாவெஸ்ஸதீதி ஸமாதி⁴தோ உட்டா²பெஸ்ஸதி. ந அத்தமனோ ஹோமீதி ந ஸகமனோ ஹோமி. பசலாயமானந்தி நித்³தா³யமானங். ஏகத்தந்தி ஏகஸபா⁴வங், ஏகக்³க³தாபூ⁴தங் அரஞ்ஞஸஞ்ஞங்யேவ சித்தே கரிஸ்ஸதீதி அத்தோ². அனுரக்கி²ஸ்ஸதீதி அனுக்³க³ண்ஹிஸ்ஸதி. அவிமுத்தங் வா சித்தங் விமோசெஸ்ஸதீதி அஞ்ஞஸ்மிங் காலே அவிமுத்தங் சித்தங் இதா³னி பஞ்சஹி விமுத்தீஹி விமோசயிஸ்ஸதி. ரிஞ்சதீதி வஜ்ஜேதி விஸ்ஸஜ்ஜேதி. படிபணாமெத்வாதி பனுதி³த்வா விஸ்ஸஜ்ஜெத்வா. உச்சாரபஸ்ஸாவகம்மாயாதி உச்சாரபஸ்ஸாவகரணத்தா²ய. இமினா எத்தகேன டா²னேன ஸத்தா²ரா அரஞ்ஞஸேனாஸனஸ்ஸ வண்ணோ கதி²தோ. ஸுத்தஸ்ஸ பன பட²மகொட்டா²ஸே யங் வத்தப்³ப³ங், தங் ஹெட்டா² வுத்தமேவாதி.
42. Dvādasame gāmantavihārinti gāmantasenāsanavāsiṃ. Samāhitaṃ nisinnanti tasmiṃ gāmantasenāsane samādhiṃ appetvā nisinnaṃ. Idānimanti idāni imaṃ. Samādhimhā cāvessatīti samādhito uṭṭhāpessati. Na attamano homīti na sakamano homi. Pacalāyamānanti niddāyamānaṃ. Ekattanti ekasabhāvaṃ, ekaggatābhūtaṃ araññasaññaṃyeva citte karissatīti attho. Anurakkhissatīti anuggaṇhissati. Avimuttaṃ vā cittaṃ vimocessatīti aññasmiṃ kāle avimuttaṃ cittaṃ idāni pañcahi vimuttīhi vimocayissati. Riñcatīti vajjeti vissajjeti. Paṭipaṇāmetvāti panuditvā vissajjetvā. Uccārapassāvakammāyāti uccārapassāvakaraṇatthāya. Iminā ettakena ṭhānena satthārā araññasenāsanassa vaṇṇo kathito. Suttassa pana paṭhamakoṭṭhāse yaṃ vattabbaṃ, taṃ heṭṭhā vuttamevāti.
தே³வதாவக்³கோ³ சதுத்தோ².
Devatāvaggo catuttho.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 12. நாகி³தஸுத்தங் • 12. Nāgitasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 12. நாகி³தஸுத்தவண்ணனா • 12. Nāgitasuttavaṇṇanā
