| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
10. நாகி³தஸுத்தவண்ணனா
10. Nāgitasuttavaṇṇanā
30. த³ஸமே உச்சாஸத்³த³மஹாஸத்³தா³தி உத்³த⁴ங் உக்³க³தத்தா உச்சோ பத்த²டோ மஹந்தோ வினிப்³பி⁴ஜ்ஜித்வா க³ஹேதுங் அஸக்குணெய்யோ ஸத்³தோ³ ஏதேஸந்தி உச்சாஸத்³த³மஹாஸத்³தா³. வசீகோ⁴ஸோபி ஹி ப³ஹூஹி ஏகஜ்ஜ²ங் பவத்திதோ அத்த²தோ ஸத்³த³தோ ச து³ரவபோ³தோ⁴ கேவலங் மஹானிக்³கோ⁴ஸோ ஏவ ஹுத்வா ஸோதபத²மாக³ச்ச²தி. மச்ச²விலோபேதி மச்சா²னங் விலும்பித்வா விய க³ஹணே, மச்சா²னங் வா விலும்பனே. கேவட்டானஞ்ஹி மச்ச²பச்சி²ட²பிதட்டா²னே மஹாஜனோ ஸன்னிபதித்வா ‘‘இத⁴ அஞ்ஞங் ஏகங் மச்ச²ங் தே³ஹி, ஏகங் மச்ச²பா²லங் தே³ஹீ’’தி, ‘‘ஏதஸ்ஸ தே மஹா தி³ன்னோ, மய்ஹங் கு²த்³த³கோ’’தி ஏவங் உச்சாஸத்³த³ங் மஹாஸத்³த³ங் கரொந்தி. மச்ச²க்³க³ஹணத்த²ங் ஜாலே பக்கி²த்தேபி தஸ்மிங் டா²னே கேவட்டா சேவ அஞ்ஞே ச ‘‘பவிட்டோ² க³ஹிதோ’’தி மஹாஸத்³த³ங் கரொந்தி. தங் ஸந்தா⁴யேதங் வுத்தங். அஸுசிஸுக²ந்தி காயாஸுசிஸன்னிஸ்ஸிதத்தா கிலேஸாஸுசிஸன்னிஸ்ஸிதத்தா ச அஸுசிஸன்னிஸ்ஸிதஸுக²ங். நெக்க²ம்மஸுக²ஸ்ஸாதி காமதோ நிக்க²மந்தஸ்ஸ ஸுக²ஸ்ஸ. பவிவேகஸுக²ஸ்ஸாதி க³ணஸங்க³ணிகதோ கிலேஸஸங்க³ணிகதோ ச விக³தஸ்ஸ ஸுக²ஸ்ஸ. உபஸமஸுக²ஸ்ஸாதி ராகா³தி³வூபஸமாவஹஸ்ஸ ஸுக²ஸ்ஸ. ஸம்போ³த⁴ஸுக²ந்தி மக்³க³ஸங்கா²தஸ்ஸ ஸம்போ³த⁴ஸ்ஸ நிட்ட²ப்பத்தத்தா²ய ஸுக²ங். ஸேஸங் ஸுவிஞ்ஞெய்யமேவ.
30. Dasame uccāsaddamahāsaddāti uddhaṃ uggatattā ucco patthaṭo mahanto vinibbhijjitvā gahetuṃ asakkuṇeyyo saddo etesanti uccāsaddamahāsaddā. Vacīghosopi hi bahūhi ekajjhaṃ pavattito atthato saddato ca duravabodho kevalaṃ mahānigghoso eva hutvā sotapathamāgacchati. Macchavilopeti macchānaṃ vilumpitvā viya gahaṇe, macchānaṃ vā vilumpane. Kevaṭṭānañhi macchapacchiṭhapitaṭṭhāne mahājano sannipatitvā ‘‘idha aññaṃ ekaṃ macchaṃ dehi, ekaṃ macchaphālaṃ dehī’’ti, ‘‘etassa te mahā dinno, mayhaṃ khuddako’’ti evaṃ uccāsaddaṃ mahāsaddaṃ karonti. Macchaggahaṇatthaṃ jāle pakkhittepi tasmiṃ ṭhāne kevaṭṭā ceva aññe ca ‘‘paviṭṭho gahito’’ti mahāsaddaṃ karonti. Taṃ sandhāyetaṃ vuttaṃ. Asucisukhanti kāyāsucisannissitattā kilesāsucisannissitattā ca asucisannissitasukhaṃ. Nekkhammasukhassāti kāmato nikkhamantassa sukhassa. Pavivekasukhassāti gaṇasaṅgaṇikato kilesasaṅgaṇikato ca vigatassa sukhassa. Upasamasukhassāti rāgādivūpasamāvahassa sukhassa. Sambodhasukhanti maggasaṅkhātassa sambodhassa niṭṭhappattatthāya sukhaṃ. Sesaṃ suviññeyyameva.
நாகி³தஸுத்தவண்ணனா நிட்டி²தா.
Nāgitasuttavaṇṇanā niṭṭhitā.
பஞ்சங்கி³கவக்³க³வண்ணனா நிட்டி²தா.
Pañcaṅgikavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. நாகி³தஸுத்தங் • 10. Nāgitasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 10. நாகி³தஸுத்தவண்ணனா • 10. Nāgitasuttavaṇṇanā
