| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. нааг̇ид̇асуд̇д̇аван̣н̣анаа
10. Nāgitasuttavaṇṇanā
30. д̣̇асамз уд̣̇д̇хам̣ уг̇г̇ад̇ад̇д̇аа ужжо, раасибхаавзна жа махаа сад̣̇д̣̇о зд̇зсанд̇и ужжаасад̣̇д̣̇амахаасад̣̇д̣̇аа. д̇зсу хи уг̇г̇ад̇уг̇г̇ад̇зсу кад̇д̇ияамахаасаала-б̣раахман̣амахаасаалаад̣̇ийсу махаасаггаарам̣ г̇ахзд̇ваа ааг̇ад̇зсу ‘‘асугасса огаасам̣ д̣̇зт̇а, асугасса огаасам̣ д̣̇зт̇аа’’д̇и вуд̇д̇з ‘‘маяам̣ батамад̇арам̣ ааг̇ад̇аа, маяхам̣ батамад̇арам̣ ааг̇ад̇аа, над̇т̇и огаасо’’д̇и звам̣ ан̃н̃аман̃н̃ам̣ гат̇знд̇аанам̣ сад̣̇д̣̇о ужжо жзва махаа жа ахоси. гзваддаа ман̃н̃з мажчавилобзд̇и гзваддаа вияа мажчавилобз. д̇зсан̃хи мажчабажчим̣ г̇ахзд̇ваа ааг̇ад̇аанам̣ виггин̣анадтаанз ‘‘маяхам̣ д̣̇зт̇а маяхам̣ д̣̇зт̇аа’’д̇и вад̣̇ад̇о махааж̇анасса зваруубо сад̣̇д̣̇о ход̇и. мийл̣хасуканд̇и асужисукам̣. мид̣̇д̇хасуканд̇и нид̣̇д̣̇аасукам̣. лаабхасаггаарасилогасуканд̇и лаабхасаггааран̃жзва ван̣н̣абхан̣анан̃жа ниссааяа уббаннасукам̣.
30. Dasame uddhaṃ uggatattā ucco, rāsibhāvena ca mahā saddo etesanti uccāsaddamahāsaddā. Tesu hi uggatuggatesu khattiyamahāsāla-brāhmaṇamahāsālādīsu mahāsakkāraṃ gahetvā āgatesu ‘‘asukassa okāsaṃ detha, asukassa okāsaṃ dethā’’ti vutte ‘‘mayaṃ paṭhamataraṃ āgatā, mayhaṃ paṭhamataraṃ āgatā, natthi okāso’’ti evaṃ aññamaññaṃ kathentānaṃ saddo ucco ceva mahā ca ahosi. Kevaṭṭā maññe macchavilopeti kevaṭṭā viya macchavilope. Tesañhi macchapacchiṃ gahetvā āgatānaṃ vikkiṇanaṭṭhāne ‘‘mayhaṃ detha mayhaṃ dethā’’ti vadato mahājanassa evarūpo saddo hoti. Mīḷhasukhanti asucisukhaṃ. Middhasukhanti niddāsukhaṃ. Lābhasakkārasilokasukhanti lābhasakkārañceva vaṇṇabhaṇanañca nissāya uppannasukhaṃ.
д̇ам̣ниннаава г̇амиссанд̇ийд̇и д̇ам̣ д̇ад̣̇зва бхаг̇авад̇о г̇ад̇адтаанам̣ г̇амиссанд̇и, ануб̣анд̇хиссанд̇иязваад̇и вуд̇д̇ам̣ ход̇и. д̇ат̇аа хи, бханд̇з, бхаг̇авад̇о сийлабан̃н̃аан̣анд̇и яасмаа д̇ат̇аавид̇хам̣ д̇умхаагам̣ сийлан̃жа н̃аан̣ан̃жаад̇и ад̇т̇о. маа жа маяаа яасод̇и маяаа сад̣̇д̇хим̣ яасоби маа самааг̇ажчад̇у. бияаананд̇и бияаж̇анаанам̣. зсо д̇асса ниссанд̣̇од̇и зсаа бияабхаавасса нибпад̇д̇и. асубханимид̇д̇аануяог̇анд̇и асубхагаммадтаанаануяог̇ам̣. субханимид̇д̇зд̇и рааг̇адтаанияз идтаарамман̣з. зсо д̇асса ниссанд̣̇од̇и зсаа д̇асса асубханимид̇д̇аануяог̇асса нибпад̇д̇и. звамимасмим̣ суд̇д̇з имзсу бан̃жасу таанзсу вибассанаава гат̇ид̇аад̇и.
Taṃninnāvagamissantīti taṃ tadeva bhagavato gataṭṭhānaṃ gamissanti, anubandhissantiyevāti vuttaṃ hoti. Tathā hi, bhante, bhagavato sīlapaññāṇanti yasmā tathāvidhaṃ tumhākaṃ sīlañca ñāṇañcāti attho. Mā ca mayā yasoti mayā saddhiṃ yasopi mā samāgacchatu. Piyānanti piyajanānaṃ. Eso tassa nissandoti esā piyabhāvassa nipphatti. Asubhanimittānuyoganti asubhakammaṭṭhānānuyogaṃ. Subhanimitteti rāgaṭṭhāniye iṭṭhārammaṇe. Eso tassa nissandoti esā tassa asubhanimittānuyogassa nipphatti. Evamimasmiṃ sutte imesu pañcasu ṭhānesu vipassanāva kathitāti.
бан̃жан̇г̇игаваг̇г̇о д̇ад̇ияо.
Pañcaṅgikavaggo tatiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. нааг̇ид̇асуд̇д̇ам̣ • 10. Nāgitasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. нааг̇ид̇асуд̇д̇аван̣н̣анаа • 10. Nāgitasuttavaṇṇanā
