| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
12. нааг̇ид̇асуд̇д̇аван̣н̣анаа
12. Nāgitasuttavaṇṇanā
42. д̣̇ваад̣̇асамз г̇ааманд̇авихааринд̇и г̇ааманд̇асзнаасанаваасим̣. самаахид̇ам̣ нисиннанд̇и д̇асмим̣ г̇ааманд̇асзнаасанз самаад̇хим̣ аббзд̇ваа нисиннам̣. ид̣̇ааниманд̇и ид̣̇аани имам̣. самаад̇химхаа жаавзссад̇ийд̇и самаад̇хид̇о удтаабзссад̇и. на ад̇д̇амано хомийд̇и на сагамано хоми. бажалааяамаананд̇и нид̣̇д̣̇ааяамаанам̣. згад̇д̇анд̇и згасабхаавам̣, згаг̇г̇ад̇аабхууд̇ам̣ аран̃н̃асан̃н̃ам̣язва жид̇д̇з гариссад̇ийд̇и ад̇т̇о. анурагкиссад̇ийд̇и ануг̇г̇ан̣хиссад̇и. авимуд̇д̇ам̣ ваа жид̇д̇ам̣ виможзссад̇ийд̇и ан̃н̃асмим̣ гаалз авимуд̇д̇ам̣ жид̇д̇ам̣ ид̣̇аани бан̃жахи вимуд̇д̇ийхи виможаяиссад̇и. рин̃жад̇ийд̇и важ̇ж̇зд̇и виссаж̇ж̇зд̇и. бадибан̣аамзд̇ваад̇и бануд̣̇ид̇ваа виссаж̇ж̇зд̇ваа. ужжаарабассаавагаммааяаад̇и ужжаарабассаавагаран̣ад̇т̇ааяа. иминаа зд̇д̇агзна таанзна сад̇т̇аараа аран̃н̃асзнаасанасса ван̣н̣о гат̇ид̇о. суд̇д̇асса бана батамагодтаасз яам̣ вад̇д̇аб̣б̣ам̣, д̇ам̣ хздтаа вуд̇д̇амзваад̇и.
42. Dvādasame gāmantavihārinti gāmantasenāsanavāsiṃ. Samāhitaṃ nisinnanti tasmiṃ gāmantasenāsane samādhiṃ appetvā nisinnaṃ. Idānimanti idāni imaṃ. Samādhimhā cāvessatīti samādhito uṭṭhāpessati. Na attamano homīti na sakamano homi. Pacalāyamānanti niddāyamānaṃ. Ekattanti ekasabhāvaṃ, ekaggatābhūtaṃ araññasaññaṃyeva citte karissatīti attho. Anurakkhissatīti anuggaṇhissati. Avimuttaṃ vā cittaṃ vimocessatīti aññasmiṃ kāle avimuttaṃ cittaṃ idāni pañcahi vimuttīhi vimocayissati. Riñcatīti vajjeti vissajjeti. Paṭipaṇāmetvāti panuditvā vissajjetvā. Uccārapassāvakammāyāti uccārapassāvakaraṇatthāya. Iminā ettakena ṭhānena satthārā araññasenāsanassa vaṇṇo kathito. Suttassa pana paṭhamakoṭṭhāse yaṃ vattabbaṃ, taṃ heṭṭhā vuttamevāti.
д̣̇звад̇ааваг̇г̇о жад̇уд̇т̇о.
Devatāvaggo catuttho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 12. нааг̇ид̇асуд̇д̇ам̣ • 12. Nāgitasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 12. нааг̇ид̇асуд̇д̇аван̣н̣анаа • 12. Nāgitasuttavaṇṇanā
