| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. нааг̇ид̇асуд̇д̇аван̣н̣анаа
10. Nāgitasuttavaṇṇanā
30. д̣̇асамз ужжаасад̣̇д̣̇амахаасад̣̇д̣̇аад̇и уд̣̇д̇хам̣ уг̇г̇ад̇ад̇д̇аа ужжо бад̇т̇адо маханд̇о виниб̣бхиж̇ж̇ид̇ваа г̇ахзд̇ум̣ асаггун̣зяяо сад̣̇д̣̇о зд̇зсанд̇и ужжаасад̣̇д̣̇амахаасад̣̇д̣̇аа. важийгхособи хи б̣ахуухи згаж̇жхам̣ бавад̇д̇ид̇о ад̇т̇ад̇о сад̣̇д̣̇ад̇о жа д̣̇ураваб̣од̇хо гзвалам̣ махааниг̇гхосо зва худ̇ваа сод̇абат̇амааг̇ажчад̇и. мажчавилобзд̇и мажчаанам̣ вилумбид̇ваа вияа г̇ахан̣з, мажчаанам̣ ваа вилумбанз. гзваддаанан̃хи мажчабажчитабид̇адтаанз махааж̇ано саннибад̇ид̇ваа ‘‘ид̇ха ан̃н̃ам̣ згам̣ мажчам̣ д̣̇зхи, згам̣ мажчапаалам̣ д̣̇зхий’’д̇и, ‘‘зд̇асса д̇з махаа д̣̇инно, маяхам̣ куд̣̇д̣̇аго’’д̇и звам̣ ужжаасад̣̇д̣̇ам̣ махаасад̣̇д̣̇ам̣ гаронд̇и. мажчаг̇г̇ахан̣ад̇т̇ам̣ ж̇аалз багкид̇д̇зби д̇асмим̣ таанз гзваддаа жзва ан̃н̃з жа ‘‘бавидто г̇ахид̇о’’д̇и махаасад̣̇д̣̇ам̣ гаронд̇и. д̇ам̣ санд̇хааязд̇ам̣ вуд̇д̇ам̣. асужисуканд̇и гааяаасужисанниссид̇ад̇д̇аа гилзсаасужисанниссид̇ад̇д̇аа жа асужисанниссид̇асукам̣. нзгкаммасукассаад̇и гаамад̇о нигкаманд̇асса сукасса. бавивзгасукассаад̇и г̇ан̣асан̇г̇ан̣игад̇о гилзсасан̇г̇ан̣игад̇о жа виг̇ад̇асса сукасса. убасамасукассаад̇и рааг̇аад̣̇ивуубасамаавахасса сукасса. самб̣од̇хасуканд̇и маг̇г̇асан̇каад̇асса самб̣од̇хасса нидтаббад̇д̇ад̇т̇ааяа сукам̣. сзсам̣ сувин̃н̃зяяамзва.
30. Dasame uccāsaddamahāsaddāti uddhaṃ uggatattā ucco patthaṭo mahanto vinibbhijjitvā gahetuṃ asakkuṇeyyo saddo etesanti uccāsaddamahāsaddā. Vacīghosopi hi bahūhi ekajjhaṃ pavattito atthato saddato ca duravabodho kevalaṃ mahānigghoso eva hutvā sotapathamāgacchati. Macchavilopeti macchānaṃ vilumpitvā viya gahaṇe, macchānaṃ vā vilumpane. Kevaṭṭānañhi macchapacchiṭhapitaṭṭhāne mahājano sannipatitvā ‘‘idha aññaṃ ekaṃ macchaṃ dehi, ekaṃ macchaphālaṃ dehī’’ti, ‘‘etassa te mahā dinno, mayhaṃ khuddako’’ti evaṃ uccāsaddaṃ mahāsaddaṃ karonti. Macchaggahaṇatthaṃ jāle pakkhittepi tasmiṃ ṭhāne kevaṭṭā ceva aññe ca ‘‘paviṭṭho gahito’’ti mahāsaddaṃ karonti. Taṃ sandhāyetaṃ vuttaṃ. Asucisukhanti kāyāsucisannissitattā kilesāsucisannissitattā ca asucisannissitasukhaṃ. Nekkhammasukhassāti kāmato nikkhamantassa sukhassa. Pavivekasukhassāti gaṇasaṅgaṇikato kilesasaṅgaṇikato ca vigatassa sukhassa. Upasamasukhassāti rāgādivūpasamāvahassa sukhassa. Sambodhasukhanti maggasaṅkhātassa sambodhassa niṭṭhappattatthāya sukhaṃ. Sesaṃ suviññeyyameva.
нааг̇ид̇асуд̇д̇аван̣н̣анаа нидтид̇аа.
Nāgitasuttavaṇṇanā niṭṭhitā.
бан̃жан̇г̇игаваг̇г̇аван̣н̣анаа нидтид̇аа.
Pañcaṅgikavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. нааг̇ид̇асуд̇д̇ам̣ • 10. Nāgitasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. нааг̇ид̇асуд̇д̇аван̣н̣анаа • 10. Nāgitasuttavaṇṇanā
