| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੦. ਨਾਗਿਤਸੁਤ੍ਤવਣ੍ਣਨਾ
10. Nāgitasuttavaṇṇanā
੩੦. ਦਸਮੇ ਉਦ੍ਧਂ ਉਗ੍ਗਤਤ੍ਤਾ ਉਚ੍ਚੋ, ਰਾਸਿਭਾવੇਨ ਚ ਮਹਾ ਸਦ੍ਦੋ ਏਤੇਸਨ੍ਤਿ ਉਚ੍ਚਾਸਦ੍ਦਮਹਾਸਦ੍ਦਾ। ਤੇਸੁ ਹਿ ਉਗ੍ਗਤੁਗ੍ਗਤੇਸੁ ਖਤ੍ਤਿਯਮਹਾਸਾਲ-ਬ੍ਰਾਹ੍ਮਣਮਹਾਸਾਲਾਦੀਸੁ ਮਹਾਸਕ੍ਕਾਰਂ ਗਹੇਤ੍વਾ ਆਗਤੇਸੁ ‘‘ਅਸੁਕਸ੍ਸ ਓਕਾਸਂ ਦੇਥ, ਅਸੁਕਸ੍ਸ ਓਕਾਸਂ ਦੇਥਾ’’ਤਿ વੁਤ੍ਤੇ ‘‘ਮਯਂ ਪਠਮਤਰਂ ਆਗਤਾ, ਮਯ੍ਹਂ ਪਠਮਤਰਂ ਆਗਤਾ, ਨਤ੍ਥਿ ਓਕਾਸੋ’’ਤਿ ਏવਂ ਅਞ੍ਞਮਞ੍ਞਂ ਕਥੇਨ੍ਤਾਨਂ ਸਦ੍ਦੋ ਉਚ੍ਚੋ ਚੇવ ਮਹਾ ਚ ਅਹੋਸਿ। ਕੇવਟ੍ਟਾ ਮਞ੍ਞੇ ਮਚ੍ਛવਿਲੋਪੇਤਿ ਕੇવਟ੍ਟਾ વਿਯ ਮਚ੍ਛવਿਲੋਪੇ। ਤੇਸਞ੍ਹਿ ਮਚ੍ਛਪਚ੍ਛਿਂ ਗਹੇਤ੍વਾ ਆਗਤਾਨਂ વਿਕ੍ਕਿਣਨਟ੍ਠਾਨੇ ‘‘ਮਯ੍ਹਂ ਦੇਥ ਮਯ੍ਹਂ ਦੇਥਾ’’ਤਿ વਦਤੋ ਮਹਾਜਨਸ੍ਸ ਏવਰੂਪੋ ਸਦ੍ਦੋ ਹੋਤਿ। ਮੀਲ਼੍ਹਸੁਖਨ੍ਤਿ ਅਸੁਚਿਸੁਖਂ। ਮਿਦ੍ਧਸੁਖਨ੍ਤਿ ਨਿਦ੍ਦਾਸੁਖਂ। ਲਾਭਸਕ੍ਕਾਰਸਿਲੋਕਸੁਖਨ੍ਤਿ ਲਾਭਸਕ੍ਕਾਰਞ੍ਚੇવ વਣ੍ਣਭਣਨਞ੍ਚ ਨਿਸ੍ਸਾਯ ਉਪ੍ਪਨ੍ਨਸੁਖਂ।
30. Dasame uddhaṃ uggatattā ucco, rāsibhāvena ca mahā saddo etesanti uccāsaddamahāsaddā. Tesu hi uggatuggatesu khattiyamahāsāla-brāhmaṇamahāsālādīsu mahāsakkāraṃ gahetvā āgatesu ‘‘asukassa okāsaṃ detha, asukassa okāsaṃ dethā’’ti vutte ‘‘mayaṃ paṭhamataraṃ āgatā, mayhaṃ paṭhamataraṃ āgatā, natthi okāso’’ti evaṃ aññamaññaṃ kathentānaṃ saddo ucco ceva mahā ca ahosi. Kevaṭṭā maññe macchavilopeti kevaṭṭā viya macchavilope. Tesañhi macchapacchiṃ gahetvā āgatānaṃ vikkiṇanaṭṭhāne ‘‘mayhaṃ detha mayhaṃ dethā’’ti vadato mahājanassa evarūpo saddo hoti. Mīḷhasukhanti asucisukhaṃ. Middhasukhanti niddāsukhaṃ. Lābhasakkārasilokasukhanti lābhasakkārañceva vaṇṇabhaṇanañca nissāya uppannasukhaṃ.
ਤਂਨਿਨ੍ਨਾવ ਗਮਿਸ੍ਸਨ੍ਤੀਤਿ ਤਂ ਤਦੇવ ਭਗવਤੋ ਗਤਟ੍ਠਾਨਂ ਗਮਿਸ੍ਸਨ੍ਤਿ, ਅਨੁਬਨ੍ਧਿਸ੍ਸਨ੍ਤਿਯੇવਾਤਿ વੁਤ੍ਤਂ ਹੋਤਿ। ਤਥਾ ਹਿ, ਭਨ੍ਤੇ, ਭਗવਤੋ ਸੀਲਪਞ੍ਞਾਣਨ੍ਤਿ ਯਸ੍ਮਾ ਤਥਾવਿਧਂ ਤੁਮ੍ਹਾਕਂ ਸੀਲਞ੍ਚ ਞਾਣਞ੍ਚਾਤਿ ਅਤ੍ਥੋ। ਮਾ ਚ ਮਯਾ ਯਸੋਤਿ ਮਯਾ ਸਦ੍ਧਿਂ ਯਸੋਪਿ ਮਾ ਸਮਾਗਚ੍ਛਤੁ। ਪਿਯਾਨਨ੍ਤਿ ਪਿਯਜਨਾਨਂ। ਏਸੋ ਤਸ੍ਸ ਨਿਸ੍ਸਨ੍ਦੋਤਿ ਏਸਾ ਪਿਯਭਾવਸ੍ਸ ਨਿਪ੍ਫਤ੍ਤਿ। ਅਸੁਭਨਿਮਿਤ੍ਤਾਨੁਯੋਗਨ੍ਤਿ ਅਸੁਭਕਮ੍ਮਟ੍ਠਾਨਾਨੁਯੋਗਂ। ਸੁਭਨਿਮਿਤ੍ਤੇਤਿ ਰਾਗਟ੍ਠਾਨਿਯੇ ਇਟ੍ਠਾਰਮ੍ਮਣੇ। ਏਸੋ ਤਸ੍ਸ ਨਿਸ੍ਸਨ੍ਦੋਤਿ ਏਸਾ ਤਸ੍ਸ ਅਸੁਭਨਿਮਿਤ੍ਤਾਨੁਯੋਗਸ੍ਸ ਨਿਪ੍ਫਤ੍ਤਿ। ਏવਮਿਮਸ੍ਮਿਂ ਸੁਤ੍ਤੇ ਇਮੇਸੁ ਪਞ੍ਚਸੁ ਠਾਨੇਸੁ વਿਪਸ੍ਸਨਾવ ਕਥਿਤਾਤਿ।
Taṃninnāvagamissantīti taṃ tadeva bhagavato gataṭṭhānaṃ gamissanti, anubandhissantiyevāti vuttaṃ hoti. Tathā hi, bhante, bhagavato sīlapaññāṇanti yasmā tathāvidhaṃ tumhākaṃ sīlañca ñāṇañcāti attho. Mā ca mayā yasoti mayā saddhiṃ yasopi mā samāgacchatu. Piyānanti piyajanānaṃ. Eso tassa nissandoti esā piyabhāvassa nipphatti. Asubhanimittānuyoganti asubhakammaṭṭhānānuyogaṃ. Subhanimitteti rāgaṭṭhāniye iṭṭhārammaṇe. Eso tassa nissandoti esā tassa asubhanimittānuyogassa nipphatti. Evamimasmiṃ sutte imesu pañcasu ṭhānesu vipassanāva kathitāti.
ਪਞ੍ਚਙ੍ਗਿਕવਗ੍ਗੋ ਤਤਿਯੋ।
Pañcaṅgikavaggo tatiyo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਨਾਗਿਤਸੁਤ੍ਤਂ • 10. Nāgitasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੦. ਨਾਗਿਤਸੁਤ੍ਤવਣ੍ਣਨਾ • 10. Nāgitasuttavaṇṇanā
