| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
6. нааг̇ид̇ад̇т̇зраг̇аат̇ааван̣н̣анаа
6. Nāgitattheragāthāvaṇṇanā
ид̇о б̣ахид̣̇д̇хаа бут̇уан̃н̃аваад̣̇инанд̇и ааяасмад̇о нааг̇ид̇ад̇т̇зрасса г̇аат̇аа. гаа уббад̇д̇и? аяам̣ гира бад̣̇умуд̇д̇арасса бхаг̇авад̇о гаалз наарад̣̇о наама б̣раахман̣о худ̇ваа згад̣̇ивасам̣ маал̣агз нисинно бхаг̇аванд̇ам̣ бхигкусан̇гхзна бурагкад̇ам̣ г̇ажчанд̇ам̣ д̣̇исваа басаннамаанасо д̇ийхи г̇аат̇аахи абхид̇т̇ави. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа абараабарам̣ бун̃н̃аани гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з габилавад̇т̇унаг̇арз сагяарааж̇агулз ниб̣б̣ад̇д̇и, нааг̇ид̇од̇исса наамам̣ ахоси. со бхаг̇авад̇и габилавад̇т̇усмим̣ вихаранд̇з мад̇хубин̣д̣игасуд̇д̇ам̣ (ма. ни. 1.199 аад̣̇аяо) суд̇ваа бадилад̣̇д̇хасад̣̇д̇хо баб̣б̣аж̇ид̇ваа вибассанам̣ вад̣дхзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.14.47-54) –
Itobahiddhā puthuaññavādinanti āyasmato nāgitattherassa gāthā. Kā uppatti? Ayaṃ kira padumuttarassa bhagavato kāle nārado nāma brāhmaṇo hutvā ekadivasaṃ māḷake nisinno bhagavantaṃ bhikkhusaṅghena purakkhataṃ gacchantaṃ disvā pasannamānaso tīhi gāthāhi abhitthavi. So tena puññakammena devaloke nibbattitvā aparāparaṃ puññāni katvā devamanussesu saṃsaranto imasmiṃ buddhuppāde kapilavatthunagare sakyarājakule nibbatti, nāgitotissa nāmaṃ ahosi. So bhagavati kapilavatthusmiṃ viharante madhupiṇḍikasuttaṃ (ma. ni. 1.199 ādayo) sutvā paṭiladdhasaddho pabbajitvā vipassanaṃ vaḍḍhetvā arahattaṃ pāpuṇi. Tena vuttaṃ apadāne (apa. thera 1.14.47-54) –
‘‘висааламаал̣з аасийно, ад̣̇д̣̇асам̣ логанааяагам̣;
‘‘Visālamāḷe āsīno, addasaṃ lokanāyakaṃ;
кийн̣аасавам̣ б̣алаббад̇д̇ам̣, бхигкусан̇гхабурагкад̇ам̣.
Khīṇāsavaṃ balappattaṃ, bhikkhusaṅghapurakkhataṃ.
‘‘сад̇асахассаа д̇звиж̇ж̇аа, чал̣абхин̃н̃аа махид̣̇д̇хигаа;
‘‘Satasahassā tevijjā, chaḷabhiññā mahiddhikā;
бариваарзнд̇и самб̣уд̣̇д̇хам̣, го д̣̇исваа наббасийд̣̇ад̇и.
Parivārenti sambuddhaṃ, ko disvā nappasīdati.
‘‘н̃аан̣з убанид̇хаа яасса, на виж̇ж̇ад̇и сад̣̇звагз;
‘‘Ñāṇe upanidhā yassa, na vijjati sadevake;
ананд̇ан̃аан̣ам̣ самб̣уд̣̇д̇хам̣, го д̣̇исваа наббасийд̣̇ад̇и.
Anantañāṇaṃ sambuddhaṃ, ko disvā nappasīdati.
‘‘д̇хаммагааяан̃жа д̣̇ийбзнд̇ам̣, гзвалам̣ рад̇анаагарам̣;
‘‘Dhammakāyañca dīpentaṃ, kevalaṃ ratanākaraṃ;
вигаббзд̇ум̣ на саггонд̇и, го д̣̇исваа наббасийд̣̇ад̇и.
Vikappetuṃ na sakkonti, ko disvā nappasīdati.
‘‘имаахи д̇ийхи г̇аат̇аахи, наарад̣̇овхаяаважчало;
‘‘Imāhi tīhi gāthāhi, nāradovhayavacchalo;
бад̣̇умуд̇д̇арам̣ т̇авид̇ваана, самб̣уд̣̇д̇хам̣ абарааж̇ид̇ам̣.
Padumuttaraṃ thavitvāna, sambuddhaṃ aparājitaṃ.
‘‘д̇зна жид̇д̇аббасаад̣̇зна, б̣уд̣̇д̇хасант̇аванзна жа;
‘‘Tena cittappasādena, buddhasanthavanena ca;
габбаанам̣ сад̇асахассам̣, д̣̇уг̇г̇ад̇им̣ нубабаж̇ж̇ахам̣.
Kappānaṃ satasahassaṃ, duggatiṃ nupapajjahaṃ.
‘‘ид̇о д̇им̣сагаббасад̇з, сумид̇д̇о наама кад̇д̇ияо;
‘‘Ito tiṃsakappasate, sumitto nāma khattiyo;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа сад̇т̇у авид̇ат̇ад̣̇зсанад̇ам̣ д̇хаммасса жа нияяаанигад̇ам̣ ниссааяа сан̃ж̇аад̇абийд̇исоманассо бийд̇ивзг̇аббависсадтам̣ уд̣̇аанам̣ уд̣̇аанзнд̇о –
Arahattaṃ pana patvā satthu avitathadesanataṃ dhammassa ca niyyānikataṃ nissāya sañjātapītisomanasso pītivegappavissaṭṭhaṃ udānaṃ udānento –
86.
86.
‘‘ид̇о б̣ахид̣̇д̇хаа бут̇уан̃н̃аваад̣̇инам̣, маг̇г̇о на ниб̣б̣аанаг̇амо яат̇аа аяам̣;
‘‘Ito bahiddhā puthuaññavādinaṃ, maggo na nibbānagamo yathā ayaṃ;
ид̇иссу сан̇гхам̣ бхаг̇аваанусаасад̇и, сад̇т̇аа саяам̣ баан̣ид̇алзва д̣̇ассаяа’’нд̇и. –
Itissu saṅghaṃ bhagavānusāsati, satthā sayaṃ pāṇitaleva dassaya’’nti. –
г̇аат̇ам̣ абхааси.
Gāthaṃ abhāsi.
д̇ад̇т̇а ид̇о б̣ахид̣̇д̇хаад̇и имасмаа б̣уд̣̇д̇хасаасанаа б̣аахирагз самаяз, д̇знааха ‘‘бут̇уан̃н̃аваад̣̇ина’’нд̇и, наанаад̇ид̇т̇ияаананд̇и ад̇т̇о. маг̇г̇о на ниб̣б̣аанаг̇амо яат̇аа аяанд̇и яат̇аа аяам̣ арияо адтан̇г̇иго маг̇г̇о згам̣сзна ниб̣б̣аанам̣ г̇ажчад̇ийд̇и ниб̣б̣аанаг̇амо, ниб̣б̣аанаг̇аамий, звам̣ ниб̣б̣аанаг̇амо маг̇г̇о д̇ид̇т̇ияасамаяз над̇т̇и асаммаасамб̣уд̣̇д̇хаббавзд̣̇ид̇ад̇д̇аа ан̃н̃ад̇ид̇т̇ияаваад̣̇асса. д̇знааха бхаг̇аваа –
Tattha ito bahiddhāti imasmā buddhasāsanā bāhirake samaye, tenāha ‘‘puthuaññavādina’’nti, nānātitthiyānanti attho. Maggo na nibbānagamo yathā ayanti yathā ayaṃ ariyo aṭṭhaṅgiko maggo ekaṃsena nibbānaṃ gacchatīti nibbānagamo, nibbānagāmī, evaṃ nibbānagamo maggo titthiyasamaye natthi asammāsambuddhappaveditattā aññatitthiyavādassa. Tenāha bhagavā –
‘‘ид̇хзва , бхигкавз, саман̣о, ид̇ха д̣̇уд̇ияо саман̣о, ид̇ха д̇ад̇ияо саман̣о, ид̇ха жад̇уд̇т̇о саман̣о, сун̃н̃аа бараббаваад̣̇аа саман̣збхи ан̃н̃зхий’’д̇и (д̣̇ий. ни. 2.214; ма. ни. 1.139; а. ни. 4.241).
‘‘Idheva , bhikkhave, samaṇo, idha dutiyo samaṇo, idha tatiyo samaṇo, idha catuttho samaṇo, suññā parappavādā samaṇebhi aññehī’’ti (dī. ni. 2.214; ma. ni. 1.139; a. ni. 4.241).
ид̇ийд̇и звам̣. ассууд̇и нибаад̇амад̇д̇ам̣. сан̇гханд̇и бхигкусан̇гхам̣, уггадтанид̣̇д̣̇зсояам̣ яат̇аа ‘‘сад̇т̇аа д̣̇звамануссаана’’нд̇и. сан̇гханд̇и ваа самуухам̣, взнзяяаж̇ананд̇и ад̇хиббааяо. бхаг̇аваад̇и бхааг̇яаванд̇ад̇аад̣̇ийхи гааран̣зхи бхаг̇аваа, аяамзд̇т̇а сан̇кзбо. вид̇т̇ааро бана барамад̇т̇ад̣̇ийбанияам̣ ид̇ивуд̇д̇агаван̣н̣анааяам̣ вуд̇д̇анаязна взд̣̇ид̇аб̣б̣о. сад̇т̇аад̇и д̣̇идтад̇хаммигасамбарааяигабарамад̇т̇зхи яат̇аарахам̣ анусаасад̇ийд̇и сад̇т̇аа. саяанд̇и саяамзва. аяан̃хзд̇т̇а ад̇т̇о – ‘‘сийлаад̣̇игканд̇хад̇д̇аяасан̇г̇ахо саммаад̣̇идтиаад̣̇ийнам̣ адтаннам̣ ан̇г̇аанам̣ васзна адтан̇г̇иго ниб̣б̣аанаг̇аамий арияамаг̇г̇о яат̇аа мама саасанз ад̇т̇и, звам̣ б̣аахирагасамаяз маг̇г̇о наама над̇т̇ий’’д̇и сийханаад̣̇ам̣ над̣̇анд̇о амхаагам̣ сад̇т̇аа бхаг̇аваа саяамзва саяамбхуун̃аан̣зна н̃аад̇ам̣, саяамзва ваа махаагарун̣аасан̃жод̣̇ид̇о худ̇ваа ад̇д̇ано д̣̇зсанаавилаасасамбад̇д̇ияаа хад̇т̇ад̇алз аамалагам̣ вияа д̣̇ассзнд̇о бхигкусан̇гхам̣ взнзяяаж̇анад̇ам̣ анусаасад̇и овад̣̇ад̇ийд̇и.
Itīti evaṃ. Assūti nipātamattaṃ. Saṅghanti bhikkhusaṅghaṃ, ukkaṭṭhaniddesoyaṃ yathā ‘‘satthā devamanussāna’’nti. Saṅghanti vā samūhaṃ, veneyyajananti adhippāyo. Bhagavāti bhāgyavantatādīhi kāraṇehi bhagavā, ayamettha saṅkhepo. Vitthāro pana paramatthadīpaniyaṃ itivuttakavaṇṇanāyaṃ vuttanayena veditabbo. Satthāti diṭṭhadhammikasamparāyikaparamatthehi yathārahaṃ anusāsatīti satthā. Sayanti sayameva. Ayañhettha attho – ‘‘sīlādikkhandhattayasaṅgaho sammādiṭṭhiādīnaṃ aṭṭhannaṃ aṅgānaṃ vasena aṭṭhaṅgiko nibbānagāmī ariyamaggo yathā mama sāsane atthi, evaṃ bāhirakasamaye maggo nāma natthī’’ti sīhanādaṃ nadanto amhākaṃ satthā bhagavā sayameva sayambhūñāṇena ñātaṃ, sayameva vā mahākaruṇāsañcodito hutvā attano desanāvilāsasampattiyā hatthatale āmalakaṃ viya dassento bhikkhusaṅghaṃ veneyyajanataṃ anusāsati ovadatīti.
нааг̇ид̇ад̇т̇зраг̇аат̇ааван̣н̣анаа нидтид̇аа.
Nāgitattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 6. нааг̇ид̇ад̇т̇зраг̇аат̇аа • 6. Nāgitattheragāthā
