| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
7. நஹானஸிக்கா²பத³வண்ணனா
7. Nahānasikkhāpadavaṇṇanā
‘‘தி³யட்³டோ⁴ மாஸோ ஸேஸோ கி³ம்ஹான’’ந்தி ‘‘வஸ்ஸானஸ்ஸ பட²மோ மாஸோ’’இச்சேதே அட்³ட⁴தெய்யமாஸா உண்ஹஸமயோ, பரிளாஹஸமயோதி கி³ம்ஹானங் ஸேஸோ தி³யட்³டோ⁴ மாஸோ உண்ஹஸமயோ, வஸ்ஸானஸ்ஸ பட²மோ மாஸோ பரிளாஹஸமயோதி ஏவங் ஏதே அட்³ட⁴தெய்யமாஸா கமேன உண்ஹஸமயோ, பரிளாஹஸமயோ நாம ஹோதீதி அத்தோ² தேனேவ பத³பா⁴ஜனியங் ‘‘உண்ஹஸமயோ நாம தி³யட்³டோ⁴ மாஸோ ஸேஸோ கி³ம்ஹான’’ந்தி, ‘‘பரிளாஹஸமயோ நாம வஸ்ஸானஸ்ஸ பட²மோ மாஸோ’’தி வுத்தங். யதா³ வினா நஹானேன ந பா²ஸு ஹோதி, அயங் கி³லானஸமயோ. பத³பா⁴ஜனியங் (பாசி॰ 364) பன கி³லானே நிச்சி²தே கி³லானகாலோ நிச்சி²தோவ ஹோதீதி ‘‘யஸ்ஸ வினா நஹானேன ந பா²ஸு ஹோதி, ‘கி³லானஸமயோ’தி நஹாயிதப்³ப³’’ந்தி வுத்தங். பரிவேணஸம்மஜ்ஜனமத்தம்பீதி அந்தமஸோ பரிவேணஸம்மஜ்ஜனமத்தம்பி.
‘‘Diyaḍḍhomāso seso gimhāna’’nti ‘‘vassānassa paṭhamo māso’’iccete aḍḍhateyyamāsā uṇhasamayo, pariḷāhasamayoti gimhānaṃ seso diyaḍḍho māso uṇhasamayo, vassānassa paṭhamo māso pariḷāhasamayoti evaṃ ete aḍḍhateyyamāsā kamena uṇhasamayo, pariḷāhasamayo nāma hotīti attho teneva padabhājaniyaṃ ‘‘uṇhasamayo nāma diyaḍḍho māso seso gimhāna’’nti, ‘‘pariḷāhasamayo nāma vassānassa paṭhamo māso’’ti vuttaṃ. Yadā vinā nahānena na phāsu hoti, ayaṃ gilānasamayo. Padabhājaniyaṃ (pāci. 364) pana gilāne nicchite gilānakālo nicchitova hotīti ‘‘yassa vinā nahānena na phāsu hoti, ‘gilānasamayo’ti nahāyitabba’’nti vuttaṃ. Pariveṇasammajjanamattampīti antamaso pariveṇasammajjanamattampi.
வாலுகங் உக்கிரித்வாதி ஸுக்கா²ய நதி³யா வாலிகங் உத்திரித்வா. ஆவாடேஸுபீதி பி-ஸத்³தே³ன நதி³யங் வத்தப்³ப³மேவ நத்தீ²தி த³ஸ்ஸேதி. ஆபதா³ஸூதி ப⁴மராதீ³ஹி அனுப³ந்தே⁴ஸு.
Vālukaṃ ukkiritvāti sukkhāya nadiyā vālikaṃ uttiritvā. Āvāṭesupīti pi-saddena nadiyaṃ vattabbameva natthīti dasseti. Āpadāsūti bhamarādīhi anubandhesu.
நஹானஸிக்கா²பத³வண்ணனா நிட்டி²தா.
Nahānasikkhāpadavaṇṇanā niṭṭhitā.
