| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༧. ནཧཱནསིཀྑཱཔདཝཎྞནཱ
7. Nahānasikkhāpadavaṇṇanā
‘‘དིཡཌྜྷོ མཱསོ སེསོ གིམྷཱན’’ནྟི ‘‘ཝསྶཱནསྶ པཋམོ མཱསོ’’ཨིཙྩེཏེ ཨཌྜྷཏེཡྻམཱསཱ ཨུཎྷསམཡོ, པརིལཱ༹ཧསམཡོཏི གིམྷཱནཾ སེསོ དིཡཌྜྷོ མཱསོ ཨུཎྷསམཡོ, ཝསྶཱནསྶ པཋམོ མཱསོ པརིལཱ༹ཧསམཡོཏི ཨེཝཾ ཨེཏེ ཨཌྜྷཏེཡྻམཱསཱ ཀམེན ཨུཎྷསམཡོ, པརིལཱ༹ཧསམཡོ ནཱམ ཧོཏཱིཏི ཨཏྠོ ཏེནེཝ པདབྷཱཛནིཡཾ ‘‘ཨུཎྷསམཡོ ནཱམ དིཡཌྜྷོ མཱསོ སེསོ གིམྷཱན’’ནྟི, ‘‘པརིལཱ༹ཧསམཡོ ནཱམ ཝསྶཱནསྶ པཋམོ མཱསོ’’ཏི ཝུཏྟཾ། ཡདཱ ཝིནཱ ནཧཱནེན ན ཕཱསུ ཧོཏི, ཨཡཾ གིལཱནསམཡོ། པདབྷཱཛནིཡཾ (པཱཙི॰ ༣༦༤) པན གིལཱནེ ནིཙྪིཏེ གིལཱནཀཱལོ ནིཙྪིཏོཝ ཧོཏཱིཏི ‘‘ཡསྶ ཝིནཱ ནཧཱནེན ན ཕཱསུ ཧོཏི, ‘གིལཱནསམཡོ’ཏི ནཧཱཡིཏབྦ’’ནྟི ཝུཏྟཾ། པརིཝེཎསམྨཛྫནམཏྟམྤཱིཏི ཨནྟམསོ པརིཝེཎསམྨཛྫནམཏྟམྤི།
‘‘Diyaḍḍhomāso seso gimhāna’’nti ‘‘vassānassa paṭhamo māso’’iccete aḍḍhateyyamāsā uṇhasamayo, pariḷāhasamayoti gimhānaṃ seso diyaḍḍho māso uṇhasamayo, vassānassa paṭhamo māso pariḷāhasamayoti evaṃ ete aḍḍhateyyamāsā kamena uṇhasamayo, pariḷāhasamayo nāma hotīti attho teneva padabhājaniyaṃ ‘‘uṇhasamayo nāma diyaḍḍho māso seso gimhāna’’nti, ‘‘pariḷāhasamayo nāma vassānassa paṭhamo māso’’ti vuttaṃ. Yadā vinā nahānena na phāsu hoti, ayaṃ gilānasamayo. Padabhājaniyaṃ (pāci. 364) pana gilāne nicchite gilānakālo nicchitova hotīti ‘‘yassa vinā nahānena na phāsu hoti, ‘gilānasamayo’ti nahāyitabba’’nti vuttaṃ. Pariveṇasammajjanamattampīti antamaso pariveṇasammajjanamattampi.
ཝཱལུཀཾ ཨུཀྐིརིཏྭཱཏི སུཀྑཱཡ ནདིཡཱ ཝཱལིཀཾ ཨུཏྟིརིཏྭཱ། ཨཱཝཱཊེསུཔཱིཏི པི-སདྡེན ནདིཡཾ ཝཏྟབྦམེཝ ནཏྠཱིཏི དསྶེཏི། ཨཱཔདཱསཱུཏི བྷམརཱདཱིཧི ཨནུབནྡྷེསུ།
Vālukaṃ ukkiritvāti sukkhāya nadiyā vālikaṃ uttiritvā. Āvāṭesupīti pi-saddena nadiyaṃ vattabbameva natthīti dasseti. Āpadāsūti bhamarādīhi anubandhesu.
ནཧཱནསིཀྑཱཔདཝཎྞནཱ ནིཊྛིཏཱ།
Nahānasikkhāpadavaṇṇanā niṭṭhitā.
