| Library / Tipiṭaka / তিপিটক • Tipiṭaka / পরিৰারপাল়ি • Parivārapāḷi |
৩. নহানৰগ্গো
3. Nahānavaggo
২৩৩. নগ্গা নহাযন্তী দ্ৰে আপত্তিযো আপজ্জতি। নহাযতি, পযোগে দুক্কটং; নহানপরিযোসানে আপত্তি পাচিত্তিযস্স।
233. Naggā nahāyantī dve āpattiyo āpajjati. Nahāyati, payoge dukkaṭaṃ; nahānapariyosāne āpatti pācittiyassa.
পমাণাতিক্কন্তং উদকসাটিকং কারাপেন্তী দ্ৰে আপত্তিযো আপজ্জতি। কারাপেতি, পযোগে দুক্কটং; কারাপিতে, আপত্তি পাচিত্তিযস্স।
Pamāṇātikkantaṃ udakasāṭikaṃ kārāpentī dve āpattiyo āpajjati. Kārāpeti, payoge dukkaṭaṃ; kārāpite, āpatti pācittiyassa.
ভিক্খুনিযা চীৰরং ৰিসিব্বেত্ৰা ৰা ৰিসিব্বাপেত্ৰা ৰা নেৰ সিব্বেন্তী ন সিব্বাপনায উস্সুক্কং করোন্তী একং আপত্তিং আপজ্জতি। পাচিত্তিযং।
Bhikkhuniyā cīvaraṃ visibbetvā vā visibbāpetvā vā neva sibbentī na sibbāpanāya ussukkaṃ karontī ekaṃ āpattiṃ āpajjati. Pācittiyaṃ.
পঞ্চাহিকং সঙ্ঘাটিচারং অতিক্কামেন্তী একং আপত্তিং আপজ্জতি। পাচিত্তিযং। চীৰরসঙ্কমনীযং ধারেন্তী দ্ৰে আপত্তিযো আপজ্জতি। ধারেতি, পযোগে দুক্কটং; ধারিতে, আপত্তি পাচিত্তিযস্স।
Pañcāhikaṃ saṅghāṭicāraṃ atikkāmentī ekaṃ āpattiṃ āpajjati. Pācittiyaṃ. Cīvarasaṅkamanīyaṃ dhārentī dve āpattiyo āpajjati. Dhāreti, payoge dukkaṭaṃ; dhārite, āpatti pācittiyassa.
গণস্স চীৰরলাভং অন্তরাযং করোন্তী দ্ৰে আপত্তিযো আপজ্জতি। করোতি, পযোগে দুক্কটং; কতে, আপত্তি পাচিত্তিযস্স।
Gaṇassa cīvaralābhaṃ antarāyaṃ karontī dve āpattiyo āpajjati. Karoti, payoge dukkaṭaṃ; kate, āpatti pācittiyassa.
ধম্মিকং চীৰরৰিভঙ্গং পটিবাহন্তী দ্ৰে আপত্তিযো আপজ্জতি। পটিবাহতি, পযোগে দুক্কটং; পটিবাহিতে, আপত্তি পাচিত্তিযস্স।
Dhammikaṃ cīvaravibhaṅgaṃ paṭibāhantī dve āpattiyo āpajjati. Paṭibāhati, payoge dukkaṭaṃ; paṭibāhite, āpatti pācittiyassa.
অগারিকস্স ৰা পরিব্বাজকস্স ৰা পরিব্বাজিকায ৰা সমণচীৰরং দেন্তী দ্ৰে আপত্তিযো আপজ্জতি। দেতি, পযোগে দুক্কটং; দিন্নে, আপত্তি পাচিত্তিযস্স।
Agārikassa vā paribbājakassa vā paribbājikāya vā samaṇacīvaraṃ dentī dve āpattiyo āpajjati. Deti, payoge dukkaṭaṃ; dinne, āpatti pācittiyassa.
দুব্বলচীৰরপচ্চাসা চীৰরকালসমযং অতিক্কামেন্তী দ্ৰে আপত্তিযো আপজ্জতি। অতিক্কামেতি, পযোগে দুক্কটং; অতিক্কামিতে, আপত্তি পাচিত্তিযস্স।
Dubbalacīvarapaccāsā cīvarakālasamayaṃ atikkāmentī dve āpattiyo āpajjati. Atikkāmeti, payoge dukkaṭaṃ; atikkāmite, āpatti pācittiyassa.
ধম্মিকং কথিনুদ্ধারং পটিবাহন্তী দ্ৰে আপত্তিযো আপজ্জতি। পটিবাহতি, পযোগে দুক্কটং; পটিবাহিতে, আপত্তি পাচিত্তিযস্স।
Dhammikaṃ kathinuddhāraṃ paṭibāhantī dve āpattiyo āpajjati. Paṭibāhati, payoge dukkaṭaṃ; paṭibāhite, āpatti pācittiyassa.
নহানৰগ্গো ততিযো।
Nahānavaggo tatiyo.
