| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. наж̇ийрад̇исуд̇д̇аван̣н̣анаа
6. Najīratisuttavaṇṇanā
76. наамаг̇од̇д̇анд̇и д̇иссо гассабо г̇од̇амод̇и зваруубам̣ нааман̃жа г̇од̇д̇ан̃жа. нид̣̇ассанамад̇д̇амзд̇ам̣, д̇асмаа саб̣б̣асса бан̃н̃ад̇д̇ияаа лагкан̣аважананд̇и д̣̇адтаб̣б̣ам̣. на ж̇ийрад̇ийд̇и асабхаавад̇хаммад̇д̇аа уббаад̣̇аваяаабхаавад̇о ж̇арам̣ на баабун̣аад̇и. д̇знааха ‘‘ж̇ийран̣асабхааво на ход̇ий’’д̇и. яасмаа саман̃н̃аабхаавад̇о гааланд̇арзби д̇ам̣ саман̃н̃ааяад̇зва, д̇асмаа ‘‘ад̇ийд̇аб̣уд̣̇д̇хаанам̣…бз… на ж̇ийрад̇ийд̇и вужжад̇ий’’д̇и ааха.
76.Nāmagottanti tisso kassapo gotamoti evarūpaṃ nāmañca gottañca. Nidassanamattametaṃ, tasmā sabbassa paññattiyā lakkhaṇavacananti daṭṭhabbaṃ. Na jīratīti asabhāvadhammattā uppādavayābhāvato jaraṃ na pāpuṇāti. Tenāha ‘‘jīraṇasabhāvo na hotī’’ti. Yasmā samaññābhāvato kālantarepi taṃ samaññāyateva, tasmā ‘‘atītabuddhānaṃ…pe… na jīratīti vuccatī’’ti āha.
ааласияанд̇и аласабхааво д̣̇ал̣хагосаж̇ж̇ам̣. д̇знааха ‘‘язнаа’’д̇иаад̣̇и. тид̇инд̇и б̣яаабаарам̣. нид̣̇д̣̇аавасзна бамаж̇ж̇анам̣ гад̇д̇аб̣б̣асса агаран̣ам̣. гилзсавасзна бамаж̇ж̇анам̣ агад̇д̇аб̣б̣асса гаран̣амби. гаммасамаязд̇и гаммам̣ гаад̇ум̣ яуд̇д̇агаалз. гаммагаран̣авийрияаабхаавод̇и д̇ам̣гаммагирияасамудтаабагавийрияаабхааво. со бана ад̇т̇ад̇о вийрияабадибагко агусалажид̇д̇уббаад̣̇о, на вийрияасса абхаавамад̇д̇ам̣. сийласан̃н̃амаабхааво д̣̇уссийляам̣. виссадтаажаарад̇аа наама анаажааро. соббаб̣ахулад̇аад̇и нид̣̇д̣̇аалуд̇аа . яад̇о г̇ахан̣ахад̇т̇оби на гилаасуби бурисо нид̣̇д̣̇ааяа абхибхуяяад̇и. д̇знааха ‘‘д̇ааяаа’’д̇иаад̣̇и. ад̇ижчаад̇аад̣̇ийнийд̇и аад̣̇и-сад̣̇д̣̇зна абхибхуяяад̇аад̣̇им̣ сан̇г̇ан̣хаад̇и. ааг̇анд̇угааласияам̣ на буб̣б̣з вуд̇д̇аааласяам̣ вияа багад̇исид̣̇д̇хам̣. ‘‘д̇з чид̣̇д̣̇з’’д̇и баал̣ияам̣ лин̇г̇авибаллаасзна вуд̇д̇анд̇и ааха ‘‘д̇аани ча чид̣̇д̣̇ааний’’д̇и. гусалажид̇д̇аббавад̇д̇ияаа аногаасабхаавад̇о чид̣̇д̣̇аани. д̇знааха бхаг̇аваа – ‘‘яад̇т̇а вид̇д̇ам̣ на д̇идтад̇ий’’д̇и. саб̣б̣аагаарзна лзсамад̇д̇ам̣ асзсзд̇ваад̇и ад̇хиббааяо.
Ālasiyanti alasabhāvo daḷhakosajjaṃ. Tenāha ‘‘yenā’’tiādi. Ṭhitinti byāpāraṃ. Niddāvasena pamajjanaṃ kattabbassa akaraṇaṃ. Kilesavasena pamajjanaṃ akattabbassa karaṇampi. Kammasamayeti kammaṃ kātuṃ yuttakāle. Kammakaraṇavīriyābhāvoti taṃkammakiriyasamuṭṭhāpakavīriyābhāvo. So pana atthato vīriyapaṭipakkho akusalacittuppādo, na vīriyassa abhāvamattaṃ. Sīlasaññamābhāvo dussīlyaṃ. Vissaṭṭhācāratā nāma anācāro. Soppabahulatāti niddālutā . Yato gahaṇahatthopi na kilāsupi puriso niddāya abhibhuyyati. Tenāha ‘‘tāyā’’tiādi. Aticchātādīnīti ādi-saddena abhibhuyyatādiṃ saṅgaṇhāti. Āgantukālasiyaṃ na pubbe vuttaālasyaṃ viya pakatisiddhaṃ. ‘‘Te chidde’’ti pāḷiyaṃ liṅgavipallāsena vuttanti āha ‘‘tāni cha chiddānī’’ti. Kusalacittappavattiyā anokāsabhāvato chiddāni. Tenāha bhagavā – ‘‘yattha vittaṃ na tiṭṭhatī’’ti. Sabbākārena lesamattaṃ asesetvāti adhippāyo.
наж̇ийрад̇исуд̇д̇аван̣н̣анаа нидтид̇аа.
Najīratisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. наж̇ийрад̇исуд̇д̇ам̣ • 6. Najīratisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. наж̇ийрад̇исуд̇д̇аван̣н̣анаа • 6. Najīratisuttavaṇṇanā
