| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౬. నజీరతిసుత్తవణ్ణనా
6. Najīratisuttavaṇṇanā
౭౬. ఛట్ఠే నామగోత్తం న జీరతీతి అతీతబుద్ధానం యావజ్జదివసా నామగోత్తం కథియతి, తస్మా న జీరతీతి వుచ్చతి. పోరాణా పన ‘‘అద్ధానే గచ్ఛన్తే న పఞ్ఞాయిస్సతి, జీరణసభావో పన న హోతియేవా’’తి వదన్తి. ఆలస్యన్తి ఆలసియం, యేన ఠితట్ఠానే ఠితోవ, నిసిన్నట్ఠానే నిసిన్నోవ హోతి, తేలేపి ఉత్తరన్తే ఠితిం న కరోతి. పమాదోతి నిద్దాయ వా కిలేసవసేన వా పమాదో. అనుట్ఠానన్తి కమ్మసమయే కమ్మకరణవీరియాభావో. అసంయమోతి సీలసఞ్ఞమాభావో విస్సట్ఠాచారతా. నిద్దాతి సోప్పబహులతా. తాయ గచ్ఛన్తోపి ఠితోపి నిసిన్నోపి నిద్దాయతి, పగేవ నిపన్నో. తన్దీతి అతిచ్ఛాతాదివసేన ఆగన్తుకాలసియం. తే ఛిద్దేతి తాని ఛ ఛిద్దాని వివరాని. సబ్బసోతి సబ్బాకారేన. తన్తి నిపాతమత్తం. వివజ్జయేతి వజ్జేయ్య జహేయ్య. ఛట్ఠం.
76. Chaṭṭhe nāmagottaṃ na jīratīti atītabuddhānaṃ yāvajjadivasā nāmagottaṃ kathiyati, tasmā na jīratīti vuccati. Porāṇā pana ‘‘addhāne gacchante na paññāyissati, jīraṇasabhāvo pana na hotiyevā’’ti vadanti. Ālasyanti ālasiyaṃ, yena ṭhitaṭṭhāne ṭhitova, nisinnaṭṭhāne nisinnova hoti, telepi uttarante ṭhitiṃ na karoti. Pamādoti niddāya vā kilesavasena vā pamādo. Anuṭṭhānanti kammasamaye kammakaraṇavīriyābhāvo. Asaṃyamoti sīlasaññamābhāvo vissaṭṭhācāratā. Niddāti soppabahulatā. Tāya gacchantopi ṭhitopi nisinnopi niddāyati, pageva nipanno. Tandīti aticchātādivasena āgantukālasiyaṃ. Te chiddeti tāni cha chiddāni vivarāni. Sabbasoti sabbākārena. Tanti nipātamattaṃ. Vivajjayeti vajjeyya jaheyya. Chaṭṭhaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౬. నజీరతిసుత్తం • 6. Najīratisuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౬. నజీరతిసుత్తవణ్ణనా • 6. Najīratisuttavaṇṇanā
