| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๖. นชีรติสุตฺตวณฺณนา
6. Najīratisuttavaṇṇanā
๗๖. ฉเฎฺฐ นามโคตฺตํ น ชีรตีติ อตีตพุทฺธานํ ยาวชฺชทิวสา นามโคตฺตํ กถิยติ, ตสฺมา น ชีรตีติ วุจฺจติฯ โปราณา ปน ‘‘อทฺธาเน คจฺฉเนฺต น ปญฺญายิสฺสติ, ชีรณสภาโว ปน น โหติเยวา’’ติ วทนฺติฯ อาลสฺยนฺติ อาลสิยํ, เยน ฐิตฎฺฐาเน ฐิโตว, นิสินฺนฎฺฐาเน นิสิโนฺนว โหติ, เตเลปิ อุตฺตรเนฺต ฐิติํ น กโรติฯ ปมาโทติ นิทฺทาย วา กิเลสวเสน วา ปมาโทฯ อนุฎฺฐานนฺติ กมฺมสมเย กมฺมกรณวีริยาภาโวฯ อสํยโมติ สีลสญฺญมาภาโว วิสฺสฎฺฐาจารตาฯ นิทฺทาติ โสปฺปพหุลตาฯ ตาย คจฺฉโนฺตปิ ฐิโตปิ นิสิโนฺนปิ นิทฺทายติ, ปเคว นิปโนฺนฯ ตนฺทีติ อติจฺฉาตาทิวเสน อาคนฺตุกาลสิยํฯ เต ฉิเทฺทติ ตานิ ฉ ฉิทฺทานิ วิวรานิฯ สพฺพโสติ สพฺพากาเรนฯ ตนฺติ นิปาตมตฺตํฯ วิวชฺชเยติ วเชฺชยฺย ชเหยฺยฯ ฉฎฺฐํฯ
76. Chaṭṭhe nāmagottaṃ na jīratīti atītabuddhānaṃ yāvajjadivasā nāmagottaṃ kathiyati, tasmā na jīratīti vuccati. Porāṇā pana ‘‘addhāne gacchante na paññāyissati, jīraṇasabhāvo pana na hotiyevā’’ti vadanti. Ālasyanti ālasiyaṃ, yena ṭhitaṭṭhāne ṭhitova, nisinnaṭṭhāne nisinnova hoti, telepi uttarante ṭhitiṃ na karoti. Pamādoti niddāya vā kilesavasena vā pamādo. Anuṭṭhānanti kammasamaye kammakaraṇavīriyābhāvo. Asaṃyamoti sīlasaññamābhāvo vissaṭṭhācāratā. Niddāti soppabahulatā. Tāya gacchantopi ṭhitopi nisinnopi niddāyati, pageva nipanno. Tandīti aticchātādivasena āgantukālasiyaṃ. Te chiddeti tāni cha chiddāni vivarāni. Sabbasoti sabbākārena. Tanti nipātamattaṃ. Vivajjayeti vajjeyya jaheyya. Chaṭṭhaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๖. นชีรติสุตฺตํ • 6. Najīratisuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๖. นชีรติสุตฺตวณฺณนา • 6. Najīratisuttavaṇṇanā
