| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੬. ਨਜੀਰਤਿਸੁਤ੍ਤવਣ੍ਣਨਾ
6. Najīratisuttavaṇṇanā
੭੬. ਛਟ੍ਠੇ ਨਾਮਗੋਤ੍ਤਂ ਨ ਜੀਰਤੀਤਿ ਅਤੀਤਬੁਦ੍ਧਾਨਂ ਯਾવਜ੍ਜਦਿવਸਾ ਨਾਮਗੋਤ੍ਤਂ ਕਥਿਯਤਿ, ਤਸ੍ਮਾ ਨ ਜੀਰਤੀਤਿ વੁਚ੍ਚਤਿ। ਪੋਰਾਣਾ ਪਨ ‘‘ਅਦ੍ਧਾਨੇ ਗਚ੍ਛਨ੍ਤੇ ਨ ਪਞ੍ਞਾਯਿਸ੍ਸਤਿ, ਜੀਰਣਸਭਾવੋ ਪਨ ਨ ਹੋਤਿਯੇવਾ’’ਤਿ વਦਨ੍ਤਿ। ਆਲਸ੍ਯਨ੍ਤਿ ਆਲਸਿਯਂ, ਯੇਨ ਠਿਤਟ੍ਠਾਨੇ ਠਿਤੋવ, ਨਿਸਿਨ੍ਨਟ੍ਠਾਨੇ ਨਿਸਿਨ੍ਨੋવ ਹੋਤਿ, ਤੇਲੇਪਿ ਉਤ੍ਤਰਨ੍ਤੇ ਠਿਤਿਂ ਨ ਕਰੋਤਿ। ਪਮਾਦੋਤਿ ਨਿਦ੍ਦਾਯ વਾ ਕਿਲੇਸવਸੇਨ વਾ ਪਮਾਦੋ। ਅਨੁਟ੍ਠਾਨਨ੍ਤਿ ਕਮ੍ਮਸਮਯੇ ਕਮ੍ਮਕਰਣવੀਰਿਯਾਭਾવੋ। ਅਸਂਯਮੋਤਿ ਸੀਲਸਞ੍ਞਮਾਭਾવੋ વਿਸ੍ਸਟ੍ਠਾਚਾਰਤਾ। ਨਿਦ੍ਦਾਤਿ ਸੋਪ੍ਪਬਹੁਲਤਾ। ਤਾਯ ਗਚ੍ਛਨ੍ਤੋਪਿ ਠਿਤੋਪਿ ਨਿਸਿਨ੍ਨੋਪਿ ਨਿਦ੍ਦਾਯਤਿ, ਪਗੇવ ਨਿਪਨ੍ਨੋ। ਤਨ੍ਦੀਤਿ ਅਤਿਚ੍ਛਾਤਾਦਿવਸੇਨ ਆਗਨ੍ਤੁਕਾਲਸਿਯਂ। ਤੇ ਛਿਦ੍ਦੇਤਿ ਤਾਨਿ ਛ ਛਿਦ੍ਦਾਨਿ વਿવਰਾਨਿ। ਸਬ੍ਬਸੋਤਿ ਸਬ੍ਬਾਕਾਰੇਨ। ਤਨ੍ਤਿ ਨਿਪਾਤਮਤ੍ਤਂ। વਿવਜ੍ਜਯੇਤਿ વਜ੍ਜੇਯ੍ਯ ਜਹੇਯ੍ਯ। ਛਟ੍ਠਂ।
76. Chaṭṭhe nāmagottaṃ na jīratīti atītabuddhānaṃ yāvajjadivasā nāmagottaṃ kathiyati, tasmā na jīratīti vuccati. Porāṇā pana ‘‘addhāne gacchante na paññāyissati, jīraṇasabhāvo pana na hotiyevā’’ti vadanti. Ālasyanti ālasiyaṃ, yena ṭhitaṭṭhāne ṭhitova, nisinnaṭṭhāne nisinnova hoti, telepi uttarante ṭhitiṃ na karoti. Pamādoti niddāya vā kilesavasena vā pamādo. Anuṭṭhānanti kammasamaye kammakaraṇavīriyābhāvo. Asaṃyamoti sīlasaññamābhāvo vissaṭṭhācāratā. Niddāti soppabahulatā. Tāya gacchantopi ṭhitopi nisinnopi niddāyati, pageva nipanno. Tandīti aticchātādivasena āgantukālasiyaṃ. Te chiddeti tāni cha chiddāni vivarāni. Sabbasoti sabbākārena. Tanti nipātamattaṃ. Vivajjayeti vajjeyya jaheyya. Chaṭṭhaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਨਜੀਰਤਿਸੁਤ੍ਤਂ • 6. Najīratisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੬. ਨਜੀਰਤਿਸੁਤ੍ਤવਣ੍ਣਨਾ • 6. Najīratisuttavaṇṇanā
