| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੬. ਨਜੀਰਤਿਸੁਤ੍ਤવਣ੍ਣਨਾ
6. Najīratisuttavaṇṇanā
੭੬. ਨਾਮਗੋਤ੍ਤਨ੍ਤਿ ਤਿਸ੍ਸੋ ਕਸ੍ਸਪੋ ਗੋਤਮੋਤਿ ਏવਰੂਪਂ ਨਾਮਞ੍ਚ ਗੋਤ੍ਤਞ੍ਚ। ਨਿਦਸ੍ਸਨਮਤ੍ਤਮੇਤਂ, ਤਸ੍ਮਾ ਸਬ੍ਬਸ੍ਸ ਪਞ੍ਞਤ੍ਤਿਯਾ ਲਕ੍ਖਣવਚਨਨ੍ਤਿ ਦਟ੍ਠਬ੍ਬਂ। ਨ ਜੀਰਤੀਤਿ ਅਸਭਾવਧਮ੍ਮਤ੍ਤਾ ਉਪ੍ਪਾਦવਯਾਭਾવਤੋ ਜਰਂ ਨ ਪਾਪੁਣਾਤਿ। ਤੇਨਾਹ ‘‘ਜੀਰਣਸਭਾવੋ ਨ ਹੋਤੀ’’ਤਿ। ਯਸ੍ਮਾ ਸਮਞ੍ਞਾਭਾવਤੋ ਕਾਲਨ੍ਤਰੇਪਿ ਤਂ ਸਮਞ੍ਞਾਯਤੇવ, ਤਸ੍ਮਾ ‘‘ਅਤੀਤਬੁਦ੍ਧਾਨਂ…ਪੇ॰… ਨ ਜੀਰਤੀਤਿ વੁਚ੍ਚਤੀ’’ਤਿ ਆਹ।
76.Nāmagottanti tisso kassapo gotamoti evarūpaṃ nāmañca gottañca. Nidassanamattametaṃ, tasmā sabbassa paññattiyā lakkhaṇavacananti daṭṭhabbaṃ. Na jīratīti asabhāvadhammattā uppādavayābhāvato jaraṃ na pāpuṇāti. Tenāha ‘‘jīraṇasabhāvo na hotī’’ti. Yasmā samaññābhāvato kālantarepi taṃ samaññāyateva, tasmā ‘‘atītabuddhānaṃ…pe… na jīratīti vuccatī’’ti āha.
ਆਲਸਿਯਨ੍ਤਿ ਅਲਸਭਾવੋ ਦਲ਼੍ਹਕੋਸਜ੍ਜਂ। ਤੇਨਾਹ ‘‘ਯੇਨਾ’’ਤਿਆਦਿ। ਠਿਤਿਨ੍ਤਿ ਬ੍ਯਾਪਾਰਂ। ਨਿਦ੍ਦਾવਸੇਨ ਪਮਜ੍ਜਨਂ ਕਤ੍ਤਬ੍ਬਸ੍ਸ ਅਕਰਣਂ। ਕਿਲੇਸવਸੇਨ ਪਮਜ੍ਜਨਂ ਅਕਤ੍ਤਬ੍ਬਸ੍ਸ ਕਰਣਮ੍ਪਿ। ਕਮ੍ਮਸਮਯੇਤਿ ਕਮ੍ਮਂ ਕਾਤੁਂ ਯੁਤ੍ਤਕਾਲੇ। ਕਮ੍ਮਕਰਣવੀਰਿਯਾਭਾવੋਤਿ ਤਂਕਮ੍ਮਕਿਰਿਯਸਮੁਟ੍ਠਾਪਕવੀਰਿਯਾਭਾવੋ। ਸੋ ਪਨ ਅਤ੍ਥਤੋ વੀਰਿਯਪਟਿਪਕ੍ਖੋ ਅਕੁਸਲਚਿਤ੍ਤੁਪ੍ਪਾਦੋ, ਨ વੀਰਿਯਸ੍ਸ ਅਭਾવਮਤ੍ਤਂ। ਸੀਲਸਞ੍ਞਮਾਭਾવੋ ਦੁਸ੍ਸੀਲ੍ਯਂ। વਿਸ੍ਸਟ੍ਠਾਚਾਰਤਾ ਨਾਮ ਅਨਾਚਾਰੋ। ਸੋਪ੍ਪਬਹੁਲਤਾਤਿ ਨਿਦ੍ਦਾਲੁਤਾ । ਯਤੋ ਗਹਣਹਤ੍ਥੋਪਿ ਨ ਕਿਲਾਸੁਪਿ ਪੁਰਿਸੋ ਨਿਦ੍ਦਾਯ ਅਭਿਭੁਯ੍ਯਤਿ। ਤੇਨਾਹ ‘‘ਤਾਯਾ’’ਤਿਆਦਿ। ਅਤਿਚ੍ਛਾਤਾਦੀਨੀਤਿ ਆਦਿ-ਸਦ੍ਦੇਨ ਅਭਿਭੁਯ੍ਯਤਾਦਿਂ ਸਙ੍ਗਣ੍ਹਾਤਿ। ਆਗਨ੍ਤੁਕਾਲਸਿਯਂ ਨ ਪੁਬ੍ਬੇ વੁਤ੍ਤਆਲਸ੍ਯਂ વਿਯ ਪਕਤਿਸਿਦ੍ਧਂ। ‘‘ਤੇ ਛਿਦ੍ਦੇ’’ਤਿ ਪਾਲ਼ਿਯਂ ਲਿਙ੍ਗવਿਪਲ੍ਲਾਸੇਨ વੁਤ੍ਤਨ੍ਤਿ ਆਹ ‘‘ਤਾਨਿ ਛ ਛਿਦ੍ਦਾਨੀ’’ਤਿ। ਕੁਸਲਚਿਤ੍ਤਪ੍ਪવਤ੍ਤਿਯਾ ਅਨੋਕਾਸਭਾવਤੋ ਛਿਦ੍ਦਾਨਿ। ਤੇਨਾਹ ਭਗવਾ – ‘‘ਯਤ੍ਥ વਿਤ੍ਤਂ ਨ ਤਿਟ੍ਠਤੀ’’ਤਿ। ਸਬ੍ਬਾਕਾਰੇਨ ਲੇਸਮਤ੍ਤਂ ਅਸੇਸੇਤ੍વਾਤਿ ਅਧਿਪ੍ਪਾਯੋ।
Ālasiyanti alasabhāvo daḷhakosajjaṃ. Tenāha ‘‘yenā’’tiādi. Ṭhitinti byāpāraṃ. Niddāvasena pamajjanaṃ kattabbassa akaraṇaṃ. Kilesavasena pamajjanaṃ akattabbassa karaṇampi. Kammasamayeti kammaṃ kātuṃ yuttakāle. Kammakaraṇavīriyābhāvoti taṃkammakiriyasamuṭṭhāpakavīriyābhāvo. So pana atthato vīriyapaṭipakkho akusalacittuppādo, na vīriyassa abhāvamattaṃ. Sīlasaññamābhāvo dussīlyaṃ. Vissaṭṭhācāratā nāma anācāro. Soppabahulatāti niddālutā . Yato gahaṇahatthopi na kilāsupi puriso niddāya abhibhuyyati. Tenāha ‘‘tāyā’’tiādi. Aticchātādīnīti ādi-saddena abhibhuyyatādiṃ saṅgaṇhāti. Āgantukālasiyaṃ na pubbe vuttaālasyaṃ viya pakatisiddhaṃ. ‘‘Te chidde’’ti pāḷiyaṃ liṅgavipallāsena vuttanti āha ‘‘tāni cha chiddānī’’ti. Kusalacittappavattiyā anokāsabhāvato chiddāni. Tenāha bhagavā – ‘‘yattha vittaṃ na tiṭṭhatī’’ti. Sabbākārena lesamattaṃ asesetvāti adhippāyo.
ਨਜੀਰਤਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Najīratisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਨਜੀਰਤਿਸੁਤ੍ਤਂ • 6. Najīratisuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੬. ਨਜੀਰਤਿਸੁਤ੍ਤવਣ੍ਣਨਾ • 6. Najīratisuttavaṇṇanā
