| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. நக²ஸிக²ஸுத்தங்
2. Nakhasikhasuttaṃ
224. ஸாவத்தி²யங் விஹரதி. அத² கோ² ப⁴க³வா பரித்தங் நக²ஸிகா²யங் பங்ஸுங் ஆரோபெத்வா பி⁴க்கூ² ஆமந்தேஸி – ‘‘தங் கிங் மஞ்ஞத² பி⁴க்க²வே, கதமங் நு கோ² ப³ஹுதரங், யோ வாயங் 1 மயா பரித்தோ நக²ஸிகா²யங் பங்ஸு ஆரோபிதோ அயங் வா 2 மஹாபத²வீ’’தி? ‘‘ஏததே³வ, ப⁴ந்தே, ப³ஹுதரங் யதி³த³ங் மஹாபத²வீ. அப்பமத்தகோயங் ப⁴க³வதா பரித்தோ நக²ஸிகா²யங் பங்ஸு ஆரோபிதோ. ஸங்க²ம்பி ந உபேதி உபனிதி⁴ம்பி ந உபேதி கலபா⁴க³ம்பி ந உபேதி மஹாபத²விங் உபனிதா⁴ய ப⁴க³வதா பரித்தோ நக²ஸிகா²யங் பங்ஸு ஆரோபிதோ’’தி. ‘‘ஏவமேவ கோ², பி⁴க்க²வே, அப்பகா தே ஸத்தா யே மனுஸ்ஸேஸு பச்சாஜாயந்தி; அத² கோ² ஏதேயேவ ப³ஹுதரா ஸத்தா யே அஞ்ஞத்ர மனுஸ்ஸேஹி பச்சாஜாயந்தி. தஸ்மாதிஹ, பி⁴க்க²வே, ஏவங் ஸிக்கி²தப்³ப³ங் – ‘அப்பமத்தா விஹரிஸ்ஸாமா’தி. ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. து³தியங்.
224. Sāvatthiyaṃ viharati. Atha kho bhagavā parittaṃ nakhasikhāyaṃ paṃsuṃ āropetvā bhikkhū āmantesi – ‘‘taṃ kiṃ maññatha bhikkhave, katamaṃ nu kho bahutaraṃ, yo vāyaṃ 3 mayā paritto nakhasikhāyaṃ paṃsu āropito ayaṃ vā 4 mahāpathavī’’ti? ‘‘Etadeva, bhante, bahutaraṃ yadidaṃ mahāpathavī. Appamattakoyaṃ bhagavatā paritto nakhasikhāyaṃ paṃsu āropito. Saṅkhampi na upeti upanidhimpi na upeti kalabhāgampi na upeti mahāpathaviṃ upanidhāya bhagavatā paritto nakhasikhāyaṃ paṃsu āropito’’ti. ‘‘Evameva kho, bhikkhave, appakā te sattā ye manussesu paccājāyanti; atha kho eteyeva bahutarā sattā ye aññatra manussehi paccājāyanti. Tasmātiha, bhikkhave, evaṃ sikkhitabbaṃ – ‘appamattā viharissāmā’ti. Evañhi vo, bhikkhave, sikkhitabba’’nti. Dutiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. நக²ஸிக²ஸுத்தவண்ணனா • 2. Nakhasikhasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2. நக²ஸிக²ஸுத்தவண்ணனா • 2. Nakhasikhasuttavaṇṇanā
