| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. абхисамаяаваг̇г̇о
6. Abhisamayavaggo
1. накасикасуд̇д̇ам̣
1. Nakhasikhasuttaṃ
1121. ат̇а ко бхаг̇аваа барид̇д̇ам̣ накасикааяам̣ бам̣сум̣ ааробзд̇ваа бхигкуу ааманд̇зси – ‘‘д̇ам̣ гим̣ ман̃н̃ат̇а, бхигкавз, гад̇амам̣ ну ко б̣ахуд̇арам̣ – яо вааяам̣ маяаа барид̇д̇о накасикааяам̣ бам̣су ааробид̇о, аяам̣ ваа махаабат̇авий’’д̇и? ‘‘зд̇ад̣̇зва, бханд̇з, б̣ахуд̇арам̣ яад̣̇ид̣̇ам̣ – махаабат̇авий; аббамад̇д̇агааяам̣ бхаг̇авад̇аа барид̇д̇о накасикааяам̣ бам̣су ааробид̇о. сан̇камби на убзд̇и, убанид̇хамби на убзд̇и, галабхааг̇амби на убзд̇и махаабат̇авим̣ убанид̇хааяа бхаг̇авад̇аа барид̇д̇о накасикааяам̣ бам̣су ааробид̇о’’д̇и. ‘‘звамзва ко, бхигкавз, арияасаавагасса д̣̇идтисамбаннасса буг̇г̇аласса абхисамзд̇аавино зд̇ад̣̇зва б̣ахуд̇арам̣ д̣̇угкам̣ яад̣̇ид̣̇ам̣ баригкийн̣ам̣ барияаад̣̇иннам̣; аббамад̇д̇агам̣ авасидтам̣. сан̇камби на убзд̇и, убанид̇хамби на убзд̇и, галабхааг̇амби на убзд̇и буримам̣ д̣̇угкагканд̇хам̣ баригкийн̣ам̣ барияаад̣̇иннам̣ убанид̇хааяа яад̣̇ид̣̇ам̣ сад̇д̇агкад̇д̇убарамад̇аа; яо ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и’’.
1121. Atha kho bhagavā parittaṃ nakhasikhāyaṃ paṃsuṃ āropetvā bhikkhū āmantesi – ‘‘taṃ kiṃ maññatha, bhikkhave, katamaṃ nu kho bahutaraṃ – yo vāyaṃ mayā paritto nakhasikhāyaṃ paṃsu āropito, ayaṃ vā mahāpathavī’’ti? ‘‘Etadeva, bhante, bahutaraṃ yadidaṃ – mahāpathavī; appamattakāyaṃ bhagavatā paritto nakhasikhāyaṃ paṃsu āropito. Saṅkhampi na upeti, upanidhampi na upeti, kalabhāgampi na upeti mahāpathaviṃ upanidhāya bhagavatā paritto nakhasikhāyaṃ paṃsu āropito’’ti. ‘‘Evameva kho, bhikkhave, ariyasāvakassa diṭṭhisampannassa puggalassa abhisametāvino etadeva bahutaraṃ dukkhaṃ yadidaṃ parikkhīṇaṃ pariyādinnaṃ; appamattakaṃ avasiṭṭhaṃ. Saṅkhampi na upeti, upanidhampi na upeti, kalabhāgampi na upeti purimaṃ dukkhakkhandhaṃ parikkhīṇaṃ pariyādinnaṃ upanidhāya yadidaṃ sattakkhattuparamatā; yo ‘idaṃ dukkha’nti yathābhūtaṃ pajānāti…pe… ‘ayaṃ dukkhanirodhagāminī paṭipadā’ti yathābhūtaṃ pajānāti’’.
‘‘д̇асмаад̇иха, бхигкавз, ‘ид̣̇ам̣ д̣̇угка’нд̇и яог̇о гаран̣ийяо…бз… ‘аяам̣ д̣̇угканирод̇хаг̇ааминий бадибад̣̇аа’д̇и яог̇о гаран̣ийяо’’д̇и. батамам̣.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Paṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. абхисамаяаваг̇г̇аван̣н̣анаа • 6. Abhisamayavaggavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. абхисамаяаваг̇г̇аван̣н̣анаа • 6. Abhisamayavaggavaṇṇanā
