| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
2. නඛසිඛසුත්‌තං
2. Nakhasikhasuttaṃ
224. සාවත්‌ථියං විහරති. අථ ඛො භගවා පරිත්‌තං නඛසිඛායං පංසුං ආරොපෙත්‌වා භික්‌ඛූ ආමන්‌තෙසි – ‘‘තං කිං මඤ්‌ඤථ භික්‌ඛවෙ, කතමං නු ඛො බහුතරං, යො වායං 1 මයා පරිත්‌තො නඛසිඛායං පංසු ආරොපිතො අයං වා 2 මහාපථවී’’ති? ‘‘එතදෙව, භන්‌තෙ, බහුතරං යදිදං මහාපථවී. අප්‌පමත්‌තකොයං භගවතා පරිත්‌තො නඛසිඛායං පංසු ආරොපිතො. සඞ්‌ඛම්‌පි න උපෙති උපනිධිම්‌පි න උපෙති කලභාගම්‌පි න උපෙති මහාපථවිං උපනිධාය භගවතා පරිත්‌තො නඛසිඛායං පංසු ආරොපිතො’’ති. ‘‘එවමෙව ඛො, භික්‌ඛවෙ, අප්‌පකා තෙ සත්‌තා යෙ මනුස්‌සෙසු පච්‌චාජායන්‌ති; අථ ඛො එතෙයෙව බහුතරා සත්‌තා යෙ අඤ්‌ඤත්‍ර මනුස්‌සෙහි පච්‌චාජායන්‌ති. තස්‌මාතිහ, භික්‌ඛවෙ, එවං සික්‌ඛිතබ්‌බං – ‘අප්‌පමත්‌තා විහරිස්‌සාමා’ති. එවඤ්‌හි වො, භික්‌ඛවෙ, සික්‌ඛිතබ්‌බ’’න්‌ති. දුතියං.
224. Sāvatthiyaṃ viharati. Atha kho bhagavā parittaṃ nakhasikhāyaṃ paṃsuṃ āropetvā bhikkhū āmantesi – ‘‘taṃ kiṃ maññatha bhikkhave, katamaṃ nu kho bahutaraṃ, yo vāyaṃ 3 mayā paritto nakhasikhāyaṃ paṃsu āropito ayaṃ vā 4 mahāpathavī’’ti? ‘‘Etadeva, bhante, bahutaraṃ yadidaṃ mahāpathavī. Appamattakoyaṃ bhagavatā paritto nakhasikhāyaṃ paṃsu āropito. Saṅkhampi na upeti upanidhimpi na upeti kalabhāgampi na upeti mahāpathaviṃ upanidhāya bhagavatā paritto nakhasikhāyaṃ paṃsu āropito’’ti. ‘‘Evameva kho, bhikkhave, appakā te sattā ye manussesu paccājāyanti; atha kho eteyeva bahutarā sattā ye aññatra manussehi paccājāyanti. Tasmātiha, bhikkhave, evaṃ sikkhitabbaṃ – ‘appamattā viharissāmā’ti. Evañhi vo, bhikkhave, sikkhitabba’’nti. Dutiyaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2. නඛසිඛසුත්‌තවණ්‌ණනා • 2. Nakhasikhasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2. නඛසිඛසුත්‌තවණ්‌ණනා • 2. Nakhasikhasuttavaṇṇanā
