| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. абхисамаяасам̣яуд̇д̇ам̣
2. Abhisamayasaṃyuttaṃ
1. накасикаасуд̇д̇аван̣н̣анаа
1. Nakhasikhāsuttavaṇṇanā
74. абхисамаяасам̣яуд̇д̇асса батамз накасикааяанд̇и мам̣садтаанзна вимуд̇д̇з накаг̇г̇з. накасикаа жа наама логияаанам̣ махад̇ийби ход̇и, сад̇т̇у бана рад̇д̇уббалабад̇д̇агоди вияа сукумаа. гат̇ам̣ банзд̇т̇а бам̣су бад̇идтид̇од̇и? ад̇хидтаанаб̣алзна. бхаг̇авад̇аа хи ад̇т̇ам̣ н̃аабзд̇угаамзна ад̇хидтаанаб̣алзна д̇ад̇т̇а бад̇идтаабид̇о. сад̇имам̣ галанд̇и махаабат̇авияаа бам̣сум̣ сад̇агодтаасз гад̇ваа д̇ад̇о згагодтаасам̣. барад̇оби зсзва наяо. абхисамзд̇аавинод̇и бан̃н̃ааяа арияасажжаани абхисамзд̇ваа тид̇асса. буримам̣ д̣̇угкагканд̇хам̣ баригкийн̣ам̣ барияаад̣̇ин̣н̣ам̣ убанид̇хааяаад̇и зд̇ад̣̇зва б̣ахуд̇арам̣ д̣̇угкам̣, яад̣̇ид̣̇ам̣ баригкийн̣анд̇и звам̣ батамам̣ вуд̇д̇ам̣ д̣̇угкагканд̇хам̣ убанид̇хааяа, н̃аан̣зна д̇ам̣ д̇асса санд̇игз табзд̇ваа убабаригкияамаанзд̇и ад̇т̇о. гад̇амам̣ банзд̇т̇а буримад̣̇угкам̣ наама? яам̣ баригкийн̣ам̣. гад̇амам̣ бана баригкийн̣ам̣? яам̣ батамамаг̇г̇асса абхаавид̇ад̇д̇аа уббаж̇ж̇зяяа. гад̇амам̣ бана убанид̇хааяа? яам̣ сад̇д̇асу ад̇д̇абхаавзсу абааяз адтаман̃жа бадисанд̇хим̣ аад̣̇им̣ гад̇ваа яад̇т̇а гад̇т̇ажи уббаж̇ж̇зяяа, саб̣б̣ам̣ д̇ам̣ баригкийн̣анд̇и взд̣̇ид̇аб̣б̣ам̣. сад̇д̇агкад̇д̇унд̇и сад̇д̇а ваарз, сад̇д̇асу ад̇д̇абхаавзсууд̇и ад̇т̇о. барамад̇аад̇и ид̣̇амасса барам̣ бамаан̣анд̇и д̣̇ассзд̇и. махад̇т̇ияод̇и махад̇о ад̇т̇асса нибпаад̣̇аго. батамам̣.
74. Abhisamayasaṃyuttassa paṭhame nakhasikhāyanti maṃsaṭṭhānena vimutte nakhagge. Nakhasikhā ca nāma lokiyānaṃ mahatīpi hoti, satthu pana rattuppalapattakoṭi viya sukhumā. Kathaṃ panettha paṃsu patiṭṭhitoti? Adhiṭṭhānabalena. Bhagavatā hi atthaṃ ñāpetukāmena adhiṭṭhānabalena tattha patiṭṭhāpito. Satimaṃ kalanti mahāpathaviyā paṃsuṃ satakoṭṭhāse katvā tato ekakoṭṭhāsaṃ. Paratopi eseva nayo. Abhisametāvinoti paññāya ariyasaccāni abhisametvā ṭhitassa. Purimaṃ dukkhakkhandhaṃ parikkhīṇaṃ pariyādiṇṇaṃ upanidhāyāti etadeva bahutaraṃ dukkhaṃ, yadidaṃ parikkhīṇanti evaṃ paṭhamaṃ vuttaṃ dukkhakkhandhaṃ upanidhāya, ñāṇena taṃ tassa santike ṭhapetvā upaparikkhiyamāneti attho. Katamaṃ panettha purimadukkhaṃ nāma? Yaṃ parikkhīṇaṃ. Katamaṃ pana parikkhīṇaṃ? Yaṃ paṭhamamaggassa abhāvitattā uppajjeyya. Katamaṃ pana upanidhāya? Yaṃ sattasu attabhāvesu apāye aṭṭhamañca paṭisandhiṃ ādiṃ katvā yattha katthaci uppajjeyya, sabbaṃ taṃ parikkhīṇanti veditabbaṃ. Sattakkhattunti satta vāre, sattasu attabhāvesūti attho. Paramatāti idamassa paraṃ pamāṇanti dasseti. Mahatthiyoti mahato atthassa nipphādako. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. накасикаасуд̇д̇ам̣ • 1. Nakhasikhāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. накасикаасуд̇д̇аван̣н̣анаа • 1. Nakhasikhāsuttavaṇṇanā
