| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. абхисамаяасам̣яуд̇д̇ам̣
2. Abhisamayasaṃyuttaṃ
1. накасикаасуд̇д̇аван̣н̣анаа
1. Nakhasikhāsuttavaṇṇanā
74. сукумаад̇и д̇арун̣аа барид̇д̇аа гзсаг̇г̇амад̇д̇абхаавад̇о. яат̇аа гзсаа д̣̇ийгхасо д̣̇ван̇г̇уламад̇д̇ааяа саб̣б̣асмим̣ гаалз зд̇аббамаан̣аава, на д̇ажчинд̣̇анам̣, звам̣ накаг̇г̇ааби гзсаг̇г̇амад̇д̇аава, на д̇зсам̣ чинд̣̇анам̣ авад̣дханад̇о. барад̇од̇и ‘‘сахассимам̣ сад̇асахассима’’нд̇и вуд̇д̇адтаанз. абхисамзд̇ваад̇и бадивиж̇жхид̇ваа, д̇асмаа абхисамзд̇аавино бадивид̣̇д̇хасажжассаад̇и ад̇т̇о. гаамам̣ буримабад̣̇ам̣ д̣̇угкагканд̇хасса ад̇ийд̇абхаавам̣ убаад̣̇ааяаби вад̇д̇ум̣ яуд̇д̇ам̣. бурзд̇арам̣язва бана вуд̇д̇абхаавам̣ убаад̣̇ааяа вуд̇д̇анд̇и д̣̇ассзд̇ум̣ ‘‘буримам̣ д̣̇угкагканд̇ха’’нд̇иаад̣̇и вуд̇д̇ам̣. буримам̣ наама бажчимам̣ абзгкид̇ваа. буримабажчимад̇аа хи д̇ам̣ д̇ам̣ убаад̣̇ааяа вужжад̇ийд̇и ид̇хаад̇хиббзд̇ам̣ буримам̣ нийхарид̇ваа д̣̇ассзд̇ум̣ ‘‘гад̇амам̣ банаа’’д̇иаад̣̇и вуд̇д̇ам̣. ‘‘ад̇ийд̇амби баригкийн̣а’’нд̇и ид̇хаад̇хиббзд̇ам̣ баригкийн̣амзва вибхаавзд̇ум̣ ‘‘гад̇амам̣ бана баригкийн̣а’’нд̇иаад̣̇и вуд̇д̇ам̣. сод̇аабаннасса д̣̇угкагкаяо ид̇ха жод̣̇ид̇од̇и д̇ам̣ д̣̇ассзд̇ум̣ ‘‘батамамаг̇г̇асса абхаавид̇ад̇д̇аа уббаж̇ж̇зяяаа’’д̇и вад̇ваа ид̣̇аани д̇ам̣ саруубад̇о д̣̇ассзд̇ум̣ буна ‘‘гад̇ама’’нд̇иаад̣̇и вуд̇д̇ам̣. сад̇д̇асу ад̇д̇абхаавзсу яам̣ абааяз уббаж̇ж̇зяяа адтамам̣ бадисанд̇хим̣ аад̣̇им̣ гад̇ваа яад̇т̇а гад̇т̇ажи абааязсу жаад̇и яам̣ д̣̇угкам̣ уббаж̇ж̇зяяа, д̇ам̣ саб̣б̣ам̣ баригкийн̣анд̇и д̣̇адтаб̣б̣ам̣. ассаад̇и сод̇аабаннасса, яам̣ баримаан̣ам̣, д̇ад̇о уд̣̇д̇хан̃жа убабаад̇ам̣ ад̇т̇ийд̇и ад̇хиббааяо. махаа ад̇т̇о г̇ун̣о махад̇т̇о, со зд̇асса ад̇т̇ийд̇и махад̇т̇ияо га-гаарасса яа-гаарам̣ гад̇ваа. д̇знааха ‘‘махад̇о ад̇т̇асса нибпаад̣̇аго’’д̇и.
74.Sukhumāti taruṇā parittā kesaggamattabhāvato. Yathā kesā dīghaso dvaṅgulamattāya sabbasmiṃ kāle etappamāṇāva, na tacchindanaṃ, evaṃ nakhaggāpi kesaggamattāva, na tesaṃ chindanaṃ avaḍḍhanato. Paratoti ‘‘sahassimaṃ satasahassima’’nti vuttaṭṭhāne. Abhisametvāti paṭivijjhitvā, tasmā abhisametāvino paṭividdhasaccassāti attho. Kāmaṃ purimapadaṃ dukkhakkhandhassa atītabhāvaṃ upādāyapi vattuṃ yuttaṃ. Puretaraṃyeva pana vuttabhāvaṃ upādāya vuttanti dassetuṃ ‘‘purimaṃ dukkhakkhandha’’ntiādi vuttaṃ. Purimaṃ nāma pacchimaṃ apekkhitvā. Purimapacchimatā hi taṃ taṃ upādāya vuccatīti idhādhippetaṃ purimaṃ nīharitvā dassetuṃ ‘‘katamaṃ panā’’tiādi vuttaṃ. ‘‘Atītampi parikkhīṇa’’nti idhādhippetaṃ parikkhīṇameva vibhāvetuṃ ‘‘katamaṃ pana parikkhīṇa’’ntiādi vuttaṃ. Sotāpannassa dukkhakkhayo idha coditoti taṃ dassetuṃ ‘‘paṭhamamaggassa abhāvitattā uppajjeyyā’’ti vatvā idāni taṃ sarūpato dassetuṃ puna ‘‘katama’’ntiādi vuttaṃ. Sattasu attabhāvesu yaṃ apāye uppajjeyya aṭṭhamaṃ paṭisandhiṃ ādiṃ katvā yattha katthaci apāyesu cāti yaṃ dukkhaṃ uppajjeyya, taṃ sabbaṃ parikkhīṇanti daṭṭhabbaṃ. Assāti sotāpannassa, yaṃ parimāṇaṃ, tato uddhañca upapātaṃ atthīti adhippāyo. Mahā attho guṇo mahattho, so etassa atthīti mahatthiyo ka-kārassa ya-kāraṃ katvā. Tenāha ‘‘mahato atthassa nipphādako’’ti.
накасикаасуд̇д̇аван̣н̣анаа нидтид̇аа.
Nakhasikhāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. накасикаасуд̇д̇ам̣ • 1. Nakhasikhāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. накасикаасуд̇д̇аван̣н̣анаа • 1. Nakhasikhāsuttavaṇṇanā
