| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
២. អភិសមយសំយុត្តំ
2. Abhisamayasaṃyuttaṃ
១. នខសិខាសុត្តវណ្ណនា
1. Nakhasikhāsuttavaṇṇanā
៧៤. អភិសមយសំយុត្តស្ស បឋមេ នខសិខាយន្តិ មំសដ្ឋានេន វិមុត្តេ នខគ្គេ។ នខសិខា ច នាម លោកិយានំ មហតីបិ ហោតិ, សត្ថុ បន រត្តុប្បលបត្តកោដិ វិយ សុខុមា។ កថំ បនេត្ថ បំសុ បតិដ្ឋិតោតិ? អធិដ្ឋានពលេន។ ភគវតា ហិ អត្ថំ ញាបេតុកាមេន អធិដ្ឋានពលេន តត្ថ បតិដ្ឋាបិតោ។ សតិមំ កលន្តិ មហាបថវិយា បំសុំ សតកោដ្ឋាសេ កត្វា តតោ ឯកកោដ្ឋាសំ។ បរតោបិ ឯសេវ នយោ។ អភិសមេតាវិនោតិ បញ្ញាយ អរិយសច្ចានិ អភិសមេត្វា ឋិតស្ស។ បុរិមំ ទុក្ខក្ខន្ធំ បរិក្ខីណំ បរិយាទិណ្ណំ ឧបនិធាយាតិ ឯតទេវ ពហុតរំ ទុក្ខំ, យទិទំ បរិក្ខីណន្តិ ឯវំ បឋមំ វុត្តំ ទុក្ខក្ខន្ធំ ឧបនិធាយ, ញាណេន តំ តស្ស សន្តិកេ ឋបេត្វា ឧបបរិក្ខិយមានេតិ អត្ថោ។ កតមំ បនេត្ថ បុរិមទុក្ខំ នាម? យំ បរិក្ខីណំ។ កតមំ បន បរិក្ខីណំ? យំ បឋមមគ្គស្ស អភាវិតត្តា ឧប្បជ្ជេយ្យ។ កតមំ បន ឧបនិធាយ? យំ សត្តសុ អត្តភាវេសុ អបាយេ អដ្ឋមញ្ច បដិសន្ធិំ អាទិំ កត្វា យត្ថ កត្ថចិ ឧប្បជ្ជេយ្យ, សព្ពំ តំ បរិក្ខីណន្តិ វេទិតព្ពំ។ សត្តក្ខត្តុន្តិ សត្ត វារេ, សត្តសុ អត្តភាវេសូតិ អត្ថោ។ បរមតាតិ ឥទមស្ស បរំ បមាណន្តិ ទស្សេតិ។ មហត្ថិយោតិ មហតោ អត្ថស្ស និប្ផាទកោ។ បឋមំ។
74. Abhisamayasaṃyuttassa paṭhame nakhasikhāyanti maṃsaṭṭhānena vimutte nakhagge. Nakhasikhā ca nāma lokiyānaṃ mahatīpi hoti, satthu pana rattuppalapattakoṭi viya sukhumā. Kathaṃ panettha paṃsu patiṭṭhitoti? Adhiṭṭhānabalena. Bhagavatā hi atthaṃ ñāpetukāmena adhiṭṭhānabalena tattha patiṭṭhāpito. Satimaṃ kalanti mahāpathaviyā paṃsuṃ satakoṭṭhāse katvā tato ekakoṭṭhāsaṃ. Paratopi eseva nayo. Abhisametāvinoti paññāya ariyasaccāni abhisametvā ṭhitassa. Purimaṃ dukkhakkhandhaṃ parikkhīṇaṃ pariyādiṇṇaṃ upanidhāyāti etadeva bahutaraṃ dukkhaṃ, yadidaṃ parikkhīṇanti evaṃ paṭhamaṃ vuttaṃ dukkhakkhandhaṃ upanidhāya, ñāṇena taṃ tassa santike ṭhapetvā upaparikkhiyamāneti attho. Katamaṃ panettha purimadukkhaṃ nāma? Yaṃ parikkhīṇaṃ. Katamaṃ pana parikkhīṇaṃ? Yaṃ paṭhamamaggassa abhāvitattā uppajjeyya. Katamaṃ pana upanidhāya? Yaṃ sattasu attabhāvesu apāye aṭṭhamañca paṭisandhiṃ ādiṃ katvā yattha katthaci uppajjeyya, sabbaṃ taṃ parikkhīṇanti veditabbaṃ. Sattakkhattunti satta vāre, sattasu attabhāvesūti attho. Paramatāti idamassa paraṃ pamāṇanti dasseti. Mahatthiyoti mahato atthassa nipphādako. Paṭhamaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១. នខសិខាសុត្តំ • 1. Nakhasikhāsuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១. នខសិខាសុត្តវណ្ណនា • 1. Nakhasikhāsuttavaṇṇanā
