| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[49] 9. нагкад̇д̇аж̇аад̇агаван̣н̣анаа
[49] 9. Nakkhattajātakavaṇṇanā
нагкад̇д̇ам̣ бад̇имаанзнд̇анд̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ ааж̇ийвагам̣ аараб̣бха гат̇зси. саавад̇т̇ияам̣ гирзгам̣ гулад̇хийд̇арам̣ ж̇анабад̣̇з зго гулабуд̇д̇о ад̇д̇ано буд̇д̇асса ваарзд̇ваа ‘‘асугад̣̇ивасз наама г̇ан̣хиссаамий’’д̇и д̣̇ивасам̣ табзд̇ваа д̇асмим̣ д̣̇ивасз самбад̇д̇з ад̇д̇ано гулуубагам̣ ааж̇ийвагам̣ бужчи ‘‘бханд̇з, аж̇ж̇а маяам̣ згам̣ ман̇г̇алам̣ гариссаама, собханам̣ ну ко нагкад̇д̇а’’нд̇и. со ‘‘аяам̣ мам̣ батамам̣ абужчид̇ваава д̣̇ивасам̣ табзд̇ваа ид̣̇аани бадибужчад̇и, ход̇у, сигкаабзссаами на’’нд̇и гуж̇жхид̇ваа ‘‘аж̇ж̇а асобханам̣ нагкад̇д̇ам̣, маа аж̇ж̇а ман̇г̇алам̣ гарид̇т̇а, сажз гариссат̇а, махаавинаасо бхависсад̇ий’’д̇и ааха. д̇асмим̣ гулз мануссаа д̇асса сад̣̇д̣̇ахид̇ваа д̇ам̣ д̣̇ивасам̣ на г̇ажчим̣су. наг̇араваасино саб̣б̣ам̣ ман̇г̇алагирияам̣ гад̇ваа д̇зсам̣ анааг̇аманам̣ д̣̇исваа ‘‘д̇зхи аж̇ж̇а д̣̇ивасо табид̇о, но жа ко ааг̇ад̇аа, амхаагамби б̣аху ваяагаммам̣ гад̇ам̣, гим̣ но д̇зхи, амхаагам̣ д̇хийд̇арам̣ ан̃н̃асса д̣̇ассаамаа’’д̇и яат̇аагад̇знзва ман̇г̇алзна д̇хийд̇арам̣ ан̃н̃асса гуласса ад̣̇ам̣су.
Nakkhattaṃpatimānentanti idaṃ satthā jetavane viharanto aññataraṃ ājīvakaṃ ārabbha kathesi. Sāvatthiyaṃ kirekaṃ kuladhītaraṃ janapade eko kulaputto attano puttassa vāretvā ‘‘asukadivase nāma gaṇhissāmī’’ti divasaṃ ṭhapetvā tasmiṃ divase sampatte attano kulūpakaṃ ājīvakaṃ pucchi ‘‘bhante, ajja mayaṃ ekaṃ maṅgalaṃ karissāma, sobhanaṃ nu kho nakkhatta’’nti. So ‘‘ayaṃ maṃ paṭhamaṃ apucchitvāva divasaṃ ṭhapetvā idāni paṭipucchati, hotu, sikkhāpessāmi na’’nti kujjhitvā ‘‘ajja asobhanaṃ nakkhattaṃ, mā ajja maṅgalaṃ karittha, sace karissatha, mahāvināso bhavissatī’’ti āha. Tasmiṃ kule manussā tassa saddahitvā taṃ divasaṃ na gacchiṃsu. Nagaravāsino sabbaṃ maṅgalakiriyaṃ katvā tesaṃ anāgamanaṃ disvā ‘‘tehi ajja divaso ṭhapito, no ca kho āgatā, amhākampi bahu vayakammaṃ kataṃ, kiṃ no tehi, amhākaṃ dhītaraṃ aññassa dassāmā’’ti yathākateneva maṅgalena dhītaraṃ aññassa kulassa adaṃsu.
ид̇арз бунад̣̇ивасз ааг̇анд̇ваа ‘‘д̣̇зт̇а но д̣̇аарига’’нд̇и аахам̣су. ат̇а нз саавад̇т̇иваасино ‘‘ж̇анабад̣̇аваасино наама д̇умхз г̇ахабад̇игаа баабамануссаа д̣̇ивасам̣ табзд̇ваа аван̃н̃ааяа на ааг̇ад̇аа, ааг̇ад̇амаг̇г̇знзва бадиг̇ажчат̇а , амхзхи ан̃н̃зсам̣ д̣̇ааригаа д̣̇иннаа’’д̇и барибхаасим̣су. д̇з д̇зхи сад̣̇д̇хим̣ галахам̣ гад̇ваа д̣̇ааригам̣ алабхид̇ваа яат̇ааг̇ад̇амаг̇г̇знзва г̇ад̇аа. д̇знаби ааж̇ийвагзна д̇зсам̣ мануссаанам̣ ман̇г̇аланд̇арааяасса гад̇абхааво бхигкуунам̣ анд̇арз баагадо ж̇аад̇о. д̇з бхигкуу д̇хаммасабхааяам̣ саннибад̇ид̇аа ‘‘аавусо, ааж̇ийвагзна гуласса ман̇г̇аланд̇арааяо гад̇о’’д̇и гат̇аяамаанаа нисийд̣̇им̣су. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчи. д̇з ‘‘имааяа наамаа’’д̇и гат̇аяим̣су. ‘‘на, бхигкавз, ид̣̇аанзва ааж̇ийваго д̇асса гуласса ман̇г̇аланд̇арааяам̣ гарод̇и, буб̣б̣зби зса д̇зсам̣ гуж̇жхид̇ваа ман̇г̇аланд̇арааяам̣ агаасиязваа’’д̇и вад̇ваа ад̇ийд̇ам̣ аахари.
Itare punadivase āgantvā ‘‘detha no dārika’’nti āhaṃsu. Atha ne sāvatthivāsino ‘‘janapadavāsino nāma tumhe gahapatikā pāpamanussā divasaṃ ṭhapetvā avaññāya na āgatā, āgatamaggeneva paṭigacchatha , amhehi aññesaṃ dārikā dinnā’’ti paribhāsiṃsu. Te tehi saddhiṃ kalahaṃ katvā dārikaṃ alabhitvā yathāgatamaggeneva gatā. Tenapi ājīvakena tesaṃ manussānaṃ maṅgalantarāyassa katabhāvo bhikkhūnaṃ antare pākaṭo jāto. Te bhikkhū dhammasabhāyaṃ sannipatitā ‘‘āvuso, ājīvakena kulassa maṅgalantarāyo kato’’ti kathayamānā nisīdiṃsu. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchi. Te ‘‘imāya nāmā’’ti kathayiṃsu. ‘‘Na, bhikkhave, idāneva ājīvako tassa kulassa maṅgalantarāyaṃ karoti, pubbepi esa tesaṃ kujjhitvā maṅgalantarāyaṃ akāsiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з наг̇араваасино ж̇анабад̣̇аваасийнам̣ д̇хийд̇арам̣ ваарзд̇ваа д̣̇ивасам̣ табзд̇ваа ад̇д̇ано гулуубагам̣ ааж̇ийвагам̣ бужчим̣су ‘‘бханд̇з, аж̇ж̇а амхаагам̣ згаа ман̇г̇алагирияаа, собханам̣ ну ко нагкад̇д̇а’’нд̇и. со ‘‘имз ад̇д̇ано ружияаа д̣̇ивасам̣ табзд̇ваа ид̣̇аани мам̣ бужчанд̇ий’’д̇и гуж̇жхид̇ваа ‘‘аж̇ж̇а нзсам̣ ман̇г̇аланд̇арааяам̣ гариссаамий’’д̇и жинд̇зд̇ваа ‘‘аж̇ж̇а асобханам̣ нагкад̇д̇ам̣, сажз гарот̇а, махаавинаасам̣ баабун̣иссат̇аа’’д̇и ааха. д̇з д̇асса сад̣̇д̣̇ахид̇ваа на г̇амим̣су. ж̇анабад̣̇аваасино д̇зсам̣ анааг̇аманам̣ н̃ад̇ваа ‘‘д̇з аж̇ж̇а д̣̇ивасам̣ табзд̇вааби на ааг̇ад̇аа, гим̣ но д̇зхи, ан̃н̃зсам̣ д̇хийд̇арам̣ д̣̇ассаамаа’’д̇и ан̃н̃зсам̣ д̇хийд̇арам̣ ад̣̇ам̣су. наг̇араваасино бунад̣̇ивасз ааг̇анд̇ваа д̣̇ааригам̣ яаажим̣су. ж̇анабад̣̇аваасино ‘‘д̇умхз наг̇араваасино наама чиннахиригаа г̇ахабад̇игаа, д̣̇ивасам̣ табзд̇ваа д̣̇ааригам̣ на г̇ан̣хид̇т̇а, маяам̣ д̇умхаагам̣ анааг̇аманабхаавзна ан̃н̃зсам̣ ад̣̇амхаа’’д̇и. маяам̣ ааж̇ийвагам̣ бадибужчид̇ваа ‘‘‘нагкад̇д̇ам̣ на собхана’нд̇и нааг̇ад̇аа, д̣̇зт̇а но д̣̇аарига’’нд̇и. ‘‘амхзхи д̇умхаагам̣ анааг̇аманабхаавзна ан̃н̃зсам̣ д̣̇иннаа, ид̣̇аани д̣̇иннад̣̇ааригам̣ гат̇ам̣ буна аанзссаамаа’’д̇и.
Atīte bārāṇasiyaṃ brahmadatte rajjaṃ kārente nagaravāsino janapadavāsīnaṃ dhītaraṃ vāretvā divasaṃ ṭhapetvā attano kulūpakaṃ ājīvakaṃ pucchiṃsu ‘‘bhante, ajja amhākaṃ ekā maṅgalakiriyā, sobhanaṃ nu kho nakkhatta’’nti. So ‘‘ime attano ruciyā divasaṃ ṭhapetvā idāni maṃ pucchantī’’ti kujjhitvā ‘‘ajja nesaṃ maṅgalantarāyaṃ karissāmī’’ti cintetvā ‘‘ajja asobhanaṃ nakkhattaṃ, sace karotha, mahāvināsaṃ pāpuṇissathā’’ti āha. Te tassa saddahitvā na gamiṃsu. Janapadavāsino tesaṃ anāgamanaṃ ñatvā ‘‘te ajja divasaṃ ṭhapetvāpi na āgatā, kiṃ no tehi, aññesaṃ dhītaraṃ dassāmā’’ti aññesaṃ dhītaraṃ adaṃsu. Nagaravāsino punadivase āgantvā dārikaṃ yāciṃsu. Janapadavāsino ‘‘tumhe nagaravāsino nāma chinnahirikā gahapatikā, divasaṃ ṭhapetvā dārikaṃ na gaṇhittha, mayaṃ tumhākaṃ anāgamanabhāvena aññesaṃ adamhā’’ti. Mayaṃ ājīvakaṃ paṭipucchitvā ‘‘‘nakkhattaṃ na sobhana’nti nāgatā, detha no dārika’’nti. ‘‘Amhehi tumhākaṃ anāgamanabhāvena aññesaṃ dinnā, idāni dinnadārikaṃ kathaṃ puna ānessāmā’’ti.
звам̣ д̇зсу ан̃н̃аман̃н̃ам̣ галахам̣ гаронд̇зсу зго наг̇араваасий бан̣д̣ид̇абурисо згзна гаммзна ж̇анабад̣̇ам̣ г̇ад̇о д̇зсам̣ наг̇араваасийнам̣ ‘‘маяам̣ ааж̇ийвагам̣ бужчид̇ваа нагкад̇д̇асса асобханабхаавзна нааг̇ад̇аа’’д̇и гат̇знд̇аанам̣ суд̇ваа ‘‘нагкад̇д̇зна го ад̇т̇о, нану д̣̇ааригааяа лад̣̇д̇хабхаавова нагкад̇д̇а’’нд̇и вад̇ваа имам̣ г̇аат̇амааха –
Evaṃ tesu aññamaññaṃ kalahaṃ karontesu eko nagaravāsī paṇḍitapuriso ekena kammena janapadaṃ gato tesaṃ nagaravāsīnaṃ ‘‘mayaṃ ājīvakaṃ pucchitvā nakkhattassa asobhanabhāvena nāgatā’’ti kathentānaṃ sutvā ‘‘nakkhattena ko attho, nanu dārikāya laddhabhāvova nakkhatta’’nti vatvā imaṃ gāthamāha –
49.
49.
‘‘нагкад̇д̇ам̣ бад̇имаанзнд̇ам̣, ад̇т̇о б̣аалам̣ убажжаг̇аа;
‘‘Nakkhattaṃ patimānentaṃ, attho bālaṃ upaccagā;
ад̇т̇о ад̇т̇асса нагкад̇д̇ам̣, гим̣ гариссанд̇и д̇аарагаа’’д̇и.
Attho atthassa nakkhattaṃ, kiṃ karissanti tārakā’’ti.
д̇ад̇т̇а бад̇имаанзнд̇анд̇и ологзнд̇ам̣, ‘‘ид̣̇аани нагкад̇д̇ам̣ бхависсад̇и, ид̣̇аани нагкад̇д̇ам̣ бхависсад̇ий’’д̇и ааг̇амаяамаанам̣. ад̇т̇о б̣аалам̣ убажжаг̇аад̇и зд̇ам̣ наг̇араваасигам̣ б̣аалам̣ д̣̇ааригаабадилаабхасан̇каад̇о ад̇т̇о ад̇игганд̇о. ад̇т̇о ад̇т̇асса нагкад̇д̇анд̇и яам̣ ад̇т̇ам̣ бариязсанд̇о жарад̇и, со бадилад̣̇д̇хо ад̇т̇ова ад̇т̇асса нагкад̇д̇ам̣ наама. гим̣ гариссанд̇и д̇аарагаад̇и ид̇арз бана аагаасз д̇аарагаа гим̣ гариссанд̇и, гад̇арам̣ ад̇т̇ам̣ саад̇хзссанд̇ийд̇и ад̇т̇о. наг̇араваасино галахам̣ гад̇ваа д̣̇ааригам̣ алабхид̇ваава аг̇амам̣су.
Tattha patimānentanti olokentaṃ, ‘‘idāni nakkhattaṃ bhavissati, idāni nakkhattaṃ bhavissatī’’ti āgamayamānaṃ. Attho bālaṃ upaccagāti etaṃ nagaravāsikaṃ bālaṃ dārikāpaṭilābhasaṅkhāto attho atikkanto. Attho atthassa nakkhattanti yaṃ atthaṃ pariyesanto carati, so paṭiladdho atthova atthassa nakkhattaṃ nāma. Kiṃ karissanti tārakāti itare pana ākāse tārakā kiṃ karissanti, kataraṃ atthaṃ sādhessantīti attho. Nagaravāsino kalahaṃ katvā dārikaṃ alabhitvāva agamaṃsu.
сад̇т̇аа ‘‘на, бхигкавз, зса ааж̇ийваго ид̣̇аанзва гуласса ман̇г̇аланд̇арааяам̣ гарод̇и, буб̣б̣зби агаасиязваа’’д̇и имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа ааж̇ийваго зд̇арахи ааж̇ийвагова ахоси, д̇ааниби гулаани зд̇арахи гулааниязва, г̇аат̇ам̣ вад̇ваа тид̇о бан̣д̣ид̇абурисо бана ахамзва ахоси’’нд̇и.
Satthā ‘‘na, bhikkhave, esa ājīvako idāneva kulassa maṅgalantarāyaṃ karoti, pubbepi akāsiyevā’’ti imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā ājīvako etarahi ājīvakova ahosi, tānipi kulāni etarahi kulāniyeva, gāthaṃ vatvā ṭhito paṇḍitapuriso pana ahameva ahosi’’nti.
нагкад̇д̇аж̇аад̇агаван̣н̣анаа навамаа.
Nakkhattajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 49. нагкад̇д̇аж̇аад̇агам̣ • 49. Nakkhattajātakaṃ
