| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[165] 5. нагулаж̇аад̇агаван̣н̣анаа
[165] 5. Nakulajātakavaṇṇanā
сад̣̇д̇хим̣ гад̇ваа амид̇д̇знаад̇и ид̣̇ам̣ сад̇т̇аа ж̇зд̇аванз вихаранд̇о сзн̣ибхан̣д̣анам̣ аараб̣бха гат̇зси. вад̇т̇у хздтаа ураг̇аж̇аад̇агз (ж̇аа. 1.2.7-8) гат̇ид̇асад̣̇исамзва. ид̇хааби сад̇т̇аа ‘‘на, бхигкавз, имз д̣̇вз махаамад̇д̇аа ид̣̇аанзва маяаа самаг̇г̇аа гад̇аа, буб̣б̣збаахам̣ имз самаг̇г̇з агаасим̣язваа’’д̇и вад̇ваа ад̇ийд̇ам̣ аахари.
Saddhiṃ katvā amittenāti idaṃ satthā jetavane viharanto seṇibhaṇḍanaṃ ārabbha kathesi. Vatthu heṭṭhā uragajātake (jā. 1.2.7-8) kathitasadisameva. Idhāpi satthā ‘‘na, bhikkhave, ime dve mahāmattā idāneva mayā samaggā katā, pubbepāhaṃ ime samagge akāsiṃyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о згасмим̣ г̇аамагз б̣раахман̣агулз ниб̣б̣ад̇д̇ид̇ваа ваяаббад̇д̇о д̇аггасилааяам̣ саб̣б̣асиббаани уг̇г̇ахзд̇ваа гхарааваасам̣ бахааяа исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа ун̃чаажарияааяа ванамуулапалаахааро химаванд̇абад̣̇зсз ваасам̣ габбзси. д̇асса жан̇гаманагодияам̣ згасмим̣ ваммигз нагуло, д̇ассзва санд̇игз згасмим̣ ругкаб̣илз саббо жа ваасам̣ габбзси. д̇з убхоби ахинагулаа нижжагаалам̣ галахам̣ гаронд̇и. б̣од̇хисад̇д̇о д̇зсам̣ галахз аад̣̇ийнаван̃жа мзд̇д̇аабхааванааяа жа аанисам̣сам̣ гат̇зд̇ваа ‘‘галахам̣ наама агад̇ваа самаг̇г̇аваасам̣ васид̇ум̣ ваддад̇ий’’д̇и овад̣̇ид̇ваа убхоби д̇з самаг̇г̇з агааси. ат̇а саббасса б̣ахинигканд̇агаалз нагуло жан̇гаманагодияам̣ ваммигасса б̣илад̣̇ваарз сийсам̣ нийхарид̇ваа мукам̣ виварид̇ваа нибанно ассасанд̇о бассасанд̇о нид̣̇д̣̇ам̣ убаг̇ан̃чи. б̣од̇хисад̇д̇о д̇ам̣ д̇ат̇аа нид̣̇д̣̇ааяамаанам̣ д̣̇исваа ‘‘гим̣ ну ко д̇з ниссааяа бхаяам̣ уббанна’’нд̇и бужчанд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto ekasmiṃ gāmake brāhmaṇakule nibbattitvā vayappatto takkasilāyaṃ sabbasippāni uggahetvā gharāvāsaṃ pahāya isipabbajjaṃ pabbajitvā abhiññā ca samāpattiyo ca nibbattetvā uñchācariyāya vanamūlaphalāhāro himavantapadese vāsaṃ kappesi. Tassa caṅkamanakoṭiyaṃ ekasmiṃ vammike nakulo, tasseva santike ekasmiṃ rukkhabile sappo ca vāsaṃ kappesi. Te ubhopi ahinakulā niccakālaṃ kalahaṃ karonti. Bodhisatto tesaṃ kalahe ādīnavañca mettābhāvanāya ca ānisaṃsaṃ kathetvā ‘‘kalahaṃ nāma akatvā samaggavāsaṃ vasituṃ vaṭṭatī’’ti ovaditvā ubhopi te samagge akāsi. Atha sappassa bahinikkhantakāle nakulo caṅkamanakoṭiyaṃ vammikassa biladvāre sīsaṃ nīharitvā mukhaṃ vivaritvā nipanno assasanto passasanto niddaṃ upagañchi. Bodhisatto taṃ tathā niddāyamānaṃ disvā ‘‘kiṃ nu kho te nissāya bhayaṃ uppanna’’nti pucchanto paṭhamaṃ gāthamāha –
29.
29.
‘‘санд̇хим̣ гад̇ваа амид̇д̇зна, ан̣д̣аж̇зна ж̇алааб̣уж̇а;
‘‘Sandhiṃ katvā amittena, aṇḍajena jalābuja;
виварияа д̣̇аатам̣ сзси, гуд̇о д̇з бхаяамааг̇ад̇а’’нд̇и.
Vivariya dāṭhaṃ sesi, kuto te bhayamāgata’’nti.
д̇ад̇т̇а санд̇хим̣ гад̇ваад̇и мид̇д̇абхаавам̣ гарид̇ваа. ан̣д̣аж̇знаад̇и ан̣д̣агосз ниб̣б̣ад̇д̇зна нааг̇зна. ж̇алааб̣уж̇аад̇и нагулам̣ аалабад̇и. со хи ж̇алааб̣умхи ж̇аад̇ад̇д̇аа ‘‘ж̇алааб̣уж̇о’’д̇и вужжад̇и. виварияаад̇и виварид̇ваа.
Tattha sandhiṃ katvāti mittabhāvaṃ karitvā. Aṇḍajenāti aṇḍakose nibbattena nāgena. Jalābujāti nakulaṃ ālapati. So hi jalābumhi jātattā ‘‘jalābujo’’ti vuccati. Vivariyāti vivaritvā.
звам̣ б̣од̇хисад̇д̇зна вуд̇д̇о нагуло ‘‘аяяа, бажжаамид̇д̇о наама на аваж̇аанид̇аб̣б̣о аасан̇гид̇аб̣б̣оязваа’’д̇и вад̇ваа д̣̇уд̇ияам̣ г̇аат̇амааха –
Evaṃ bodhisattena vutto nakulo ‘‘ayya, paccāmitto nāma na avajānitabbo āsaṅkitabboyevā’’ti vatvā dutiyaṃ gāthamāha –
30.
30.
‘‘сан̇гзт̇зва амид̇д̇асмим̣, мид̇д̇асмимби на виссасз;
‘‘Saṅketheva amittasmiṃ, mittasmimpi na vissase;
абхаяаа бхаяамуббаннам̣, аби муулаани ганд̇ад̇ий’’д̇и.
Abhayā bhayamuppannaṃ, api mūlāni kantatī’’ti.
д̇ад̇т̇а абхаяаа бхаяамуббаннанд̇и на ид̇о д̇з бхаяамуббаннанд̇и абхаяо, го со? мид̇д̇о. яан̃хи мид̇д̇асмимби виссаасз сад̇и д̇ад̇о бхаяам̣ уббаж̇ж̇ад̇и, д̇ам̣ муулааниби ганд̇ад̇и, мид̇д̇асса саб̣б̣аранд̇хаанам̣ вид̣̇ид̇ад̇д̇аа муулагхажжааяа сам̣вад̇д̇ад̇ийд̇и ад̇т̇о.
Tattha abhayā bhayamuppannanti na ito te bhayamuppannanti abhayo, ko so? Mitto. Yañhi mittasmimpi vissāse sati tato bhayaṃ uppajjati, taṃ mūlānipi kantati, mittassa sabbarandhānaṃ viditattā mūlaghaccāya saṃvattatīti attho.
ат̇а нам̣ б̣од̇хисад̇д̇о ‘‘маа бхааяи, яат̇аа саббо д̇аяи на д̣̇уб̣бхад̇и, звамахам̣ гариссаами, д̇вам̣ ид̇о бадтааяа д̇асмим̣ аасан̇гам̣ маа гарий’’д̇и овад̣̇ид̇ваа жад̇д̇ааро б̣рахмавихаарз бхаавзд̇ваа б̣рахмалогабарааяан̣о ахоси. д̇зби яат̇аагаммам̣ г̇ад̇аа.
Atha naṃ bodhisatto ‘‘mā bhāyi, yathā sappo tayi na dubbhati, evamahaṃ karissāmi, tvaṃ ito paṭṭhāya tasmiṃ āsaṅkaṃ mā karī’’ti ovaditvā cattāro brahmavihāre bhāvetvā brahmalokaparāyaṇo ahosi. Tepi yathākammaṃ gatā.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа саббо жа нагуло жа имз д̣̇вз махаамад̇д̇аа ахзсум̣, д̇аабасо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā sappo ca nakulo ca ime dve mahāmattā ahesuṃ, tāpaso pana ahameva ahosi’’nti.
нагулаж̇аад̇агаван̣н̣анаа бан̃жамаа.
Nakulajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 165. нагулаж̇аад̇агам̣ • 165. Nakulajātakaṃ
