| Library / Tipiṭaka / තිපිටක • Tipiṭaka / මිලින්‌දපඤ්‌හපාළි • Milindapañhapāḷi |
5. නකුලඞ්‌ගපඤ්‌හො
5. Nakulaṅgapañho
5. ‘‘භන්‌තෙ නාගසෙන, ‘නකුලස්‌ස එකං අඞ්‌ගං ගහෙතබ්‌බ’න්‌ති යං වදෙසි, කතමං තං එකං අඞ්‌ගං ගහෙතබ්‌බ’’න්‌ති? ‘‘යථා, මහාරාජ, නකුලො උරගමුපගච්‌ඡන්‌තො භෙසජ්‌ජෙන කායං පරිභාවෙත්‌වා උරගමුපගච්‌ඡති ගහෙතුං, එවමෙව ඛො, මහාරාජ, යොගිනා යොගාවචරෙන කොධාඝාතබහුලං කලහවිග්‌ගහවිවාදවිරොධාභිභූතං ලොකමුපගච්‌ඡන්‌තෙන මෙත්‌තාභෙසජ්‌ජෙන මානසං අනුලිම්‌පිතබ්‌බං. ඉදං, මහාරාජ, නකුලස්‌ස එකං අඞ්‌ගං ගහෙතබ්‌බං. භාසිතම්‌පෙතං, මහාරාජ, ථෙරෙන සාරිපුත්‌තෙන ධම්‌මසෙනාපතිනා –
5. ‘‘Bhante nāgasena, ‘nakulassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, nakulo uragamupagacchanto bhesajjena kāyaṃ paribhāvetvā uragamupagacchati gahetuṃ, evameva kho, mahārāja, yoginā yogāvacarena kodhāghātabahulaṃ kalahaviggahavivādavirodhābhibhūtaṃ lokamupagacchantena mettābhesajjena mānasaṃ anulimpitabbaṃ. Idaṃ, mahārāja, nakulassa ekaṃ aṅgaṃ gahetabbaṃ. Bhāsitampetaṃ, mahārāja, therena sāriputtena dhammasenāpatinā –
‘‘‘තස්‌මා සකං පරෙසම්‌පි, කාතබ්‌බා මෙත්‌තභාවනා;
‘‘‘Tasmā sakaṃ paresampi, kātabbā mettabhāvanā;
මෙත්‌තචිත්‌තෙන ඵරිතබ්‌බං, එතං බුද්‌ධාන සාසන’’’න්‌ති.
Mettacittena pharitabbaṃ, etaṃ buddhāna sāsana’’’nti.
නකුලඞ්‌ගපඤ්‌හො පඤ්‌චමො.
Nakulaṅgapañho pañcamo.
